ဆာ​လံ 8:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သူ့​အား ကိုယ်တော်​၏​လက်​တော်​ဖြင့် ပြုလုပ်​သော​အရာ​များ​ကို​အုပ်စိုး​စေ​၍ အရာ​ခပ်သိမ်း​တို့​ကို​သူ​၏​ခြေ​အောက်​၌ ချထား​တော်မူ​ပြီ​။

Common Language Bible

⁶ သူ့​အား​ကိုယ်​တော်​ဖန်​ဆင်း​တော်​မူ​သော​အ​ရာ ရှိ​သ​မျှ​တို့​ကို​အုပ်​စိုး​ခွင့်​ပေး​တော်​မူ​၏။

Garrad Bible

^6-8 လက် တော် ဖြစ် ဟူ သ မျှ ပေါ် တွင်၊ အုပ် စိုး ခွင့် ပြု လျက်၊ သိုး နွား ရှိ သ မျှ ပြင်၊ သား ယဉ် သား ရဲ မှ စ၍၊ လေ သ တ္တ ဝါ၊ ရေ သ တ္တ ဝါ၊ ရေ လမ်း သွား လာ သ မျှ သော တိ ရ စ္ဆာန် တို့ နှင့် အ ရာ ခပ် သိမ်း ကို၊ သူ့ ခြေ အောက် ချ ထား တော် မူ ပါ ပြီ။

Judson Bible

⁶ ဖန်​ဆင်း​တော်​မူ​သော အ​ရာ​များ​ကို​အုပ်​စိုး​စေ၍၊ သိုး​နွား​အ​စ​ရှိ​သော မြေ​တိ​ရ​စ္ဆာန် မိုး​ကောင်း​ကင်​ငှက်၊

ဆာ​လံ 8:6 ပူးပေါင်းရင်းမြစ်များ

ကမ္ဘာ​ဦး 1:26

တစ်ဖန် ဘုရားသခင်​က “​ငါ​တို့​၏​ပုံသဏ္ဌာန်​အတိုင်း ငါ​တို့​နှင့်​တစ်ပုံစံတည်း​တူ​သော​လူ​ကို ဖန်ဆင်း​ကြ​စို့​။ သူ​တို့​သည် ပင်လယ်​ငါး​တို့​ကို​လည်းကောင်း​၊ မိုးကောင်းကင်​ငှက်​တို့​ကို​လည်းကောင်း​၊ ယဉ်ပါးသောတိရစ္ဆာန်​တို့​ကို​လည်းကောင်း​၊ ကမ္ဘာမြေ​တစ်ခွင်လုံး​ကို​လည်းကောင်း​၊ မြေ​ပေါ်မှာ​တွားသွား​သော တွားသွားတိရစ္ဆာန်​အပေါင်း​တို့​ကို​လည်းကောင်း အုပ်စိုး​ကြ​စေ​”​ဟု မိန့်​တော်မူ​၏​။

ကမ္ဘာ​ဦး 1:28

ထို့နောက် ဘုရားသခင်​သည် သူ​တို့​ကို​ကောင်းချီးပေး​တော်မူ​၏​။ ဘုရားသခင်​က “​များစွာ​မွေးဖွား​၍ တိုးပွား​ကြ​လော့​။ မြေကြီး​ကို​ပြည့်​စေ​၍ ၎င်း​ကို​နိုင်နင်း​ကြ​လော့​။ ပင်လယ်​ငါး​တို့​ကို​လည်းကောင်း​၊ မိုးကောင်းကင်​ငှက်​တို့​ကို​လည်းကောင်း​၊ မြေကြီး​ပေါ်မှာ လှုပ်ရှားသွားလာ​တတ်​သော သက်ရှိသတ္တဝါ​အပေါင်း​တို့​ကို​လည်းကောင်း အုပ်စိုး​ကြ​လော့​”​ဟု သူ​တို့​အား မိန့်​တော်မူ​၏​။

ကမ္ဘာ​ဦး 9:2

တောရိုင်းတိရစ္ဆာန်​ရှိသမျှ​၊ မိုးကောင်းကင်​ငှက်​ရှိသမျှ​၊ မြေ​ပေါ်မှာ​တွားသွား​သော​သတ္တဝါ​ရှိသမျှ​နှင့် ပင်လယ်​ငါး​ရှိသမျှ​တို့​သည် သင်​တို့​ကို ကြောက်ရွံ့​ထိတ်လန့်​ကြ​လိမ့်မည်​။ ထို​တိရစ္ဆာန်​တို့​ကို သင်​တို့​လက်​သို့ ငါ​အပ်​ပြီ​။

ဆာ​လံ 110:1

ထာဝရဘုရား​သည် ငါ​၏​သခင်​အား “​သင်​၏​ရန်သူ​တို့​ကို သင်​၏​ခြေတင်ခုံ​အောက်​၌ ငါ​ချထား​သည့်​တိုင်အောင် ငါ​၏​လက်ယာ​ဘက်​၌ ထိုင်​နေ​လော့​”​ဟု မိန့်​တော်မူ​၏​။

မဿဲ 28:18

ထိုအခါ ယေရှု​သည် သူ​တို့​ထံသို့​ချဉ်းကပ်​၍“ကောင်းကင်​နှင့်​မြေကြီး​ပေါ်၌ ရှိသမျှ​သော​အခွင့်​အာဏာ​တို့​ကို ငါ့​ထံ​ပေးအပ်​တော်မူ​ပြီ။

ဧ​ဖက် 1:22

အရာ​ခပ်သိမ်း​တို့​ကို​လည်း ခရစ်တော်​၏​ခြေ​တော်​အောက်၌ ချ​ထား​၍ ကိုယ်တော်​ကို အရာ​ခပ်သိမ်း​တို့​အပေါ် ဦးခေါင်း​ဖြစ်​စေ​ပြီး အသင်းတော်​အား​ပေး​တော်မူ​၏။

ဟေ​ဗြဲ 1:2

ဤ​နောက်ဆုံး​သော​နေ့ရက်​များ​တွင် ငါ​တို့​ကို သား​တော်​အားဖြင့် စကား​ပြော​တော်မူ​၏။ ဘုရားသခင်​သည် ထို​သား​တော်​အား အရာ​ခပ်သိမ်း​ကို အမွေ​ဆက်ခံ​သူ​အဖြစ်​ခန့်ထား​၍ လောကဓာတ်​တို့​ကို​လည်း သား​တော်​အားဖြင့် ဖန်ဆင်း​တော်မူ​၏။

ဟေ​ဗြဲ 2:8

အရာ​ခပ်သိမ်း​တို့​ကို သူ​၏​ခြေ​အောက်၌ ချ​ထား​တော်မူ​ပြီ”​ဟု ကျမ်း​တစ်​နေရာ​၌​သက်သေခံ​ထား​၏။ “အရာ​ခပ်သိမ်း​တို့​ကို သူ့​အောက်၌​ချ​ထား​တော်မူ​ပြီ”​ဟု ဆို​ရာ​တွင် သူ့​အောက်၌​မ​ချထား​ဘဲ ချန်ထား​တော်မူ​သည့်​အရာ​တစ်စုံတစ်ခု​မျှ​မ​ရှိ။ ယခု​မူကား အရာ​ခပ်သိမ်း​တို့​ကို သူ့​အောက်၌​ချ​ထား​လျက်​ရှိ​သည်​ကို ငါ​တို့​မ​မြင်​ရ​သေး။

၁ ပေ 3:22

ခရစ်တော်​သည် ကောင်းကင်​ဘုံ​သို့​ကြွ​တော်မူ​၍ ကောင်းကင်​တမန်​များ၊ အာဏာစက်​များ​နှင့် တန်ခိုး​တို့​ကို မိမိ​လက်အောက်​၌​ချ​ထား​လျက် ဘုရားသခင်​၏​လက်ယာ​တော်​ဘက်​၌​ရှိ​နေ​တော်မူ​၏။