ဆာ​လံ 74:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ အကျွန်ုပ်​တို့​၏​အမှတ်လက္ခဏာ​များ​ကို အကျွန်ုပ်​တို့​မ​မြင်​ရ​ပါ​။ ပရောဖက်​လည်း​မ​ရှိ​တော့​ပါ​။ မည်မျှ​အထိ ဤသို့​ဖြစ်​မည်​ကို​သိ​သော​သူ​လည်း အကျွန်ုပ်​တို့​ထဲတွင်​မ​ရှိ​ပါ​။

Common Language Bible

⁹ ကျွန်​တော်​မျိုး​တို့​၏​ဘာ​သာ​တ​ရား​ဆိုင်​ရာ အ​မှတ်​အ​သား​များ​အား​လုံး​ပင်​မ​ရှိ​တော့​ပါ။ ပ​ရော​ဖက်​များ​လည်း​မ​ရှိ​တော့​ပါ။ အ​ဘယ်​မျှ​ကြာ​အောင်​ဤ​သို့​ဖြစ်​နေ​မည်​ကို အ​ဘယ်​သူ​မျှ​မ​သိ​ပါ။

Garrad Bible

⁹ အ ကျွန်ုပ် တို့ အ မှတ် လ က္ခ ဏာ များ ကား၊ မျက် ကွယ် သည့် အ လျောက်၊ အ သိ ပ ညာ မ ပေါ် ဘဲ နေ သည် မှာ၊ မည် မျှ ကြာ မည် နည်း။ ပ ရော ဖက် တစ် ပါး မျှ မ ပေါ် မ ထွန်း ပါ။

Judson Bible

⁹ အ​ကျွန်ုပ်​တို့​သည် ကိုယ်​လ​က္ခ​ဏာ သက်​သေ​များ​ကို မ​မြင်​ရ​ပါ။ ပ​ရော​ဖက်​သည် တစ်​ဖန်​မ​ပေါ်​မ​ရှိ​ပါ။ အ​ကျွန်ုပ်​တို့​တွင် ကာ​လ​အ​ပိုင်း​အ​ခြား​ကို သိ​သော​သူ​မ​ရှိ​ပါ။

ဆာ​လံ 74:9 ပူးပေါင်းရင်းမြစ်များ

ထွက်​မြောက် 12:13

သွေး​သည် သင်​တို့​နေ​သော​အိမ်​များ​၌ သင်​တို့​အတွက် အမှတ်လက္ခဏာ​ဖြစ်​လိမ့်မည်​။ ငါ​သည် ထို​သွေး​ကို​မြင်​သောအခါ သင်​တို့​ကို​ကျော်သွား​မည်​။ အီဂျစ်​ပြည်​ကို ငါ​ဒဏ်ခတ်​သောအခါ ဖျက်ဆီး​ခြင်း​ဘေးဒဏ်​သည် သင်​တို့​အပေါ်​သို့ သက်ရောက်​မည်​မ​ဟုတ်​။

မြည်​တမ်း​စ​ကား 2:9

မြို့​တံခါး​တို့​သည် မြေကြီး​ထဲသို့​နစ်ဝင်​သွား​ကြ​ပြီ​။ ကန့်လန့်ကျင်​တို့​ကို ကျိုးပဲ့​ပျက်စီး​စေ​တော်မူ​ပြီ​။ ရှင်ဘုရင်​နှင့်​မှူးမတ်​တို့​သည် လူမျိုးခြား​တို့​တွင် နေ​ရ​လေ​ပြီ​။ ပညတ်တရား​လည်း​မ​ရှိ​တော့​ပြီ​။ ပရောဖက်​တို့​သည်​လည်း ထာဝရဘုရား​ထံ​တော်​မှ ဗျာဒိတ်နိမိတ်​ကို​မ​ရ​ကြ​တော့​ပြီ​။

ယေ​ဇ​ကျေ​လ 20:12

ငါ​ထာဝရဘုရား​သည် သူ​တို့​ကို​သန့်ရှင်း​စေ​သော​ဘုရား​ဖြစ်ကြောင်း သူ​တို့​သိရှိ​ရန် အမှတ်လက္ခဏာ​အဖြစ် ဥပုသ်နေ့​ကို သတ်မှတ်​ပေး​ခဲ့​၏​။

ယေ​ဇ​ကျေ​လ 7:26

ဘေးဒုက္ခ တစ်​ခု​ပြီး​တစ်​ခု ရောက်လာ​မည်​။ သတင်းစကား တစ်​ခု​ပြီး​တစ်​ခု ကြား​ရ​မည်​။ ပရောဖက်​တို့​ထံမှ ဗျာဒိတ်နိမိတ်​ကို မေးမြန်း​သော်လည်း ရ​မည်​မ​ဟုတ်​။ ယဇ်ပုရောဟိတ်​တို့​ထံမှ တရားတော်​၊ သက်ကြီးဝါကြီး​တို့​ထံမှ အကြံဉာဏ်​တို့​သည်​လည်း ပျောက်ဆုံး​လိမ့်မည်​။

အာ​မုတ် 8:11

ဘုရားရှင်​ထာဝရဘုရား​က “ကြည့်ရှု​လော့​။ ငါ​သည် ထို​ပြည်​၌ ငတ်မွတ်ခေါင်းပါး​ခြင်း​ဘေး​ကို ကျရောက်​စေ​မည့်​အချိန် ရောက်လာ​မည်​။ ထို​ဘေး​သည် အစာ​ငတ်​သော​ဘေး​၊ ရေ​ငတ်​သော​ဘေး မ​ဟုတ်​။ ထာဝရဘုရား​၏​နှုတ်ထွက်စကား​ကို မ​ကြား​ရ​သော ငတ်မွတ်​ခြင်း​ဘေး ဖြစ်​လိမ့်မည်​။

မိက္ခာ 3:6

ထို့ကြောင့် သင်​တို့​သည် ညအချိန်​၌ ဗျာဒိတ်နိမိတ်​ရ​တော့​မည်​မ​ဟုတ်​၊ မှောင်မိုက်ချိန်​၌ ဂမ္ဘီရအတတ်​ကို အသုံးပြု​နိုင်​တော့​မည်​မ​ဟုတ်​။ ပရောဖက်​တို့​အဖို့ နေဝင်​၍ နေ့​အချိန်​၌​ပင် မှောင်မိုက်​ဖုံးလွှမ်း​လိမ့်မည်​။

မိက္ခာ 3:7

သို့ဖြစ်၍ ဗျာဒိတ်ရသူ​တို့​သည် အရှက်ကွဲ​ရ​လိမ့်မည်​။ ဂမ္ဘီရအတတ်​ကို​သုံး​သော​သူ​တို့​သည် မျက်နှာပျက်​ရ​လိမ့်မည်​။ ဘုရားသခင်​သည် သူ​တို့​ကို​ထူး​တော်​မ​မူ​သောကြောင့် သူ​တို့​အားလုံး နှုတ်ပိတ်​နေ​ရ​လိမ့်မည်​။

ဟေ​ဗြဲ 2:4

ဘုရားသခင်​သည်​လည်း နိမိတ်​လက္ခဏာ​များ​နှင့်​အံ့ဩဖွယ်ရာ​များ​အားဖြင့်​လည်းကောင်း၊ တန်ခိုး​လက္ခဏာ​အမျိုးမျိုး​အားဖြင့်​လည်းကောင်း၊ မိမိ​အလို​တော်​နှင့်အညီ သန့်ရှင်း​သော​ဝိညာဉ်​တော်​ကို မျှဝေ​ပေး​တော်မူ​ခြင်း​အားဖြင့်​လည်းကောင်း သူ​တို့​နှင့်အတူ သက်သေခံ​တော်မူ​၏။

သူ​ကြီး 6:17

သူ​က​လည်း “​အကျွန်ုပ်​သည် ကိုယ်တော်​၏​ရှေ့​တော်​၌ မျက်နှာရ​မည်​ဆိုလျှင် အကျွန်ုပ်​နှင့်​စကားပြော​တော်မူ​သော​သူ​သည် ကိုယ်တော်​ဖြစ်ကြောင်း အမှတ်လက္ခဏာ​ပြ​တော်မူ​ပါ​။

၁ ရာ 3:1

သူငယ်​ရှမွေလ​သည် ဧလိ​ထံပါး​၌​နေ​၍ ထာဝရဘုရား​၏​အမှု​တော်​ကို ထမ်းဆောင်​လျက်​နေ​၏​။ ထို​နေ့ရက်​များ​တွင် ထာဝရဘုရား​၏​နှုတ်ကပတ်တော် ရောက်လာ​ခဲ​၏​။ ဗျာဒိတ်နိမိတ်​လည်း နည်းပါး​လှ​၏​။