ဆာ​လံ 7:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ စိတ်နှလုံး​ဖြောင့်မှန်​သော​သူ​တို့​ကို ကယ်တင်​တော်မူ​သော​ဘုရားသခင်​သည် ငါ​၏​ဒိုင်းလွှား​ဖြစ်​တော်မူ​၏​။

Common Language Bible

¹⁰ ဘု​ရား​သ​ခင်​သည်​ငါ့​ကို​ကွယ်​ကာ​စောင့်​ရှောက်​တော်​မူ​သော​အ​ရှင်​ဖြစ်​တော်​မူ​၏။ ကိုယ်​တော်​သည်​မိ​မိ​စ​ကား​ကို​နား​ထောင်​သူ​တို့​အား​ကယ်​တော်​မူ​၏။

Garrad Bible

¹⁰ သ ဘော ဖြောင့် သူ တို့ ကို ကယ် တင် တော် မူ သော ဘု ရား သ ခင် သည်၊ ငါ့ ဒိုင်း လွှား သ ဖွယ် ဖြစ် တော် မူ ၏။

Judson Bible

¹⁰ သ​ဘော​ဖြောင့်​သော​သူ​တို့​ကို ကယ်​တင်​တတ်​သော ဘု​ရား​သ​ခင်​သည် ငါ၏​အ​ကွယ်​အ​ကာ ဖြစ်​တော်​မူ၏။

ဆာ​လံ 7:10 ပူးပေါင်းရင်းမြစ်များ

ကမ္ဘာ​ဦး 15:1

ဤ​အရာ​များ​ဖြစ်​ပြီးသည့်နောက် ထာဝရဘုရား​၏​နှုတ်ကပတ်တော်​သည် စိတ်အာရုံ​အားဖြင့် အာဗြံ​ထံသို့​ရောက်လာ​၍ “​အာဗြံ​၊ မ​ကြောက်​နှင့်​။ ငါ​သည် သင်​၏​ဒိုင်းလွှား​ဖြစ်​၏​။ သင်​ရရှိ​မည့်​ဆုလာဘ်​သည် အလွန်​ကြီးမား​၏​”​ဟု မိန့်​တော်မူ​၏​။

၁ ရာ​ချုပ် 28:9

ငါ့​သား​ရှောလမုန်​၊ သင့်​ခမည်းတော်​ကိုးကွယ်​သော​ဘုရားသခင်​နှင့် သိကျွမ်း​အောင်​ပြု​လော့​။ စိတ်နှလုံး​အကြွင်းမဲ့​၊ စိတ်ဆန္ဒ​ရှိသမျှ​နှင့် အစေခံ​လော့​။ ထာဝရဘုရား​သည် စိတ်နှလုံး​ရှိသမျှ​ကို စစ်ဆေး​၍ တွေးတော​ကြံစည်​သမျှ​တို့​ကို သိနားလည်​တော်မူ​၏​။ သင်​သည် ကိုယ်တော်​ကို​ရှာ​လျှင် အတွေ့ခံ​တော်မူ​မည်​။ ကိုယ်တော်​ကို စွန့်ပယ်​လျှင်​မူကား သင်​လည်း ထာဝစဉ်​အစွန့်ပယ်​ခံရ​မည်​။

၂ ရာ​ချုပ် 6:30

ကိုယ်တော်​သည် ကိန်းဝပ်​တော်မူ​ရာ​ကောင်းကင်ဘုံ​မှ နားညောင်း​တော်မူ​၍ ခွင့်လွှတ်​တော်မူ​ပါ​။ ကိုယ်တော်​သည် လူသား​အားလုံး​တို့​၏​စိတ်နှလုံး​အကြံအစည်​ကို သိ​တော်မူ​ပါ​၏​။ သူ​တို့​၏​စိတ်နှလုံး​အကြံအစည်​ကို သိ​တော်မူ​သည်​နှင့်အညီ သူ​တို့​၏​အကျင့်​အတိုင်း သူ​တို့​ကို ပြန်​ပေးဆပ်​စေ​တော်မူ​ပါ​။

ယောဘဝတ္တု။ 8:6

သင်​သာ သန့်ရှင်း​ဖြောင့်မတ်​မည်​ဆို​လျှင် ယခုပင် ကိုယ်တော်​သည် ထ​၍ သင်​၏​ဖြောင့်မတ်​ခြင်း​တည်​ရာ​ကို ပြန်ပေး​တော်မူ​မည်​။

ဆာ​လံ 112:2

သူ​၏​သားမြေးစဉ်ဆက်​တို့​သည် ကမ္ဘာမြေကြီး​ပေါ်တွင်​ခွန်အားကြီး​သော​သူ​ဖြစ်​ကြ​လိမ့်မည်​။ ဖြောင့်မှန်​သော​သူ​၏​မျိုးဆက်​သည် ကောင်းချီးမင်္ဂလာ​ကို​ခံစား​ရ​လိမ့်မည်​။

ဆာ​လံ 125:4

အို ထာဝရဘုရား​၊ သူတော်ကောင်း​နှင့် စိတ်နှလုံး​ဖြောင့်မှန်​သော​သူ​တို့​ကို ကောင်းစား​စေ​တော်မူ​ပါ​။

ဆာ​လံ 3:3

သို့သော် အို ထာဝရဘုရား​၊ ကိုယ်တော်​သည် အကျွန်ုပ်​ကို​ဝန်းရံ​ထား​သော​ဒိုင်းလွှား​၊ အကျွန်ုပ်​၏​ဘုန်းအသရေ​နှင့် အကျွန်ုပ်​၏​ဦးခေါင်း​ကို ချီးမြှောက်​သော​အရှင်​ဖြစ်​တော်မူ​၏​။

ဆာ​လံ 84:11

အကြောင်းမူကား ဘုရားသခင်​ထာဝရဘုရား​သည် နေ​လည်း​ဖြစ်​တော်မူ​၏​။ ဒိုင်းလွှား​လည်း​ဖြစ်​တော်မူ​၏​။ ထာဝရဘုရား​သည် ကျေးဇူး​တော်​နှင့်​ဘုန်းအသရေ​တော်​ကို ပေး​တော်မူ​၏​။ အပြစ်တင်စရာမရှိ​အောင် အသက်ရှင်​လျှောက်လှမ်း​သော​သူ​တို့​အား ကောင်းမြတ်​သော​အရာ​ကို မပေး​ဘဲ​နေ​တော်မူ​မည်​မ​ဟုတ်​။

ဆာ​လံ 89:18

အကြောင်းမူကား အကျွန်ုပ်​တို့​၏​ဒိုင်းလွှား​သည် ထာဝရဘုရား​၏​ပိုင်ဆိုင်​တော်မူ​ရာ​ဖြစ်​၏​။ အကျွန်ုပ်​တို့​၏​ရှင်ဘုရင်​သည်​လည်း အစ္စရေး​၏​သန့်ရှင်း​သော​အရှင်​၏ ပိုင်ဆိုင်​တော်မူ​ရာ​ဖြစ်​၏​။

သုတ္တံကျမ်း။ 11:20

စိတ်နှလုံး​ကောက်ကျစ်​သော​သူ​တို့​ကို ထာဝရဘုရား​စက်ဆုပ်ရွံရှာ​တော်မူ​၏​။ ပြည့်ဝစုံလင်​သော​လမ်း​ကို လိုက်​သော​သူ​တို့​ကို​ကား ကိုယ်တော်​နှစ်သက်​တော်မူ​၏​။

သုတ္တံကျမ်း။ 2:21

ဖြောင့်မှန်​သော​သူ​တို့​သည် ပြည်​တော်​၌​နေထိုင်​ရ​၍ အပြစ်တင်စရာမရှိ​သော​သူ​တို့​သည် ထို​ပြည်​၌​မြဲ​ကြ​လိမ့်မည်​။

သုတ္တံကျမ်း။ 28:18

အပြစ်တင်စရာမရှိ​အောင်​လျှောက်လှမ်း​သော​သူ​သည် ကယ်တင်​ခြင်း​ခံရ​လိမ့်မည်​။ ကွေ့ကောက်​သော​လမ်း​သို့​လိုက်​သော​သူ​မူကား ရုတ်တရက်​လဲကျ​လိမ့်မည်​။

ယေ​ရ​မိ 11:20

စိတ်နှလုံး​အတွင်းသဘော​ကို စစ်ဆေး​၍ ဖြောင့်မတ်​စွာ​တရားစီရင်​တော်မူ​သော ကောင်းကင်​ဗိုလ်ခြေ​အရှင်​ထာဝရဘုရား​၊ သူ​တို့​အား လက်တုံ့ပြန်​တော်မူ​သည်​ကို အကျွန်ုပ်​မြင်တွေ့​ပါရစေ​။ အကျွန်ုပ်​၏​အမှု​ကို ကိုယ်တော်​ထံ လျှောက်ထား​ပါ​ပြီ​။

ယေ​ရ​မိ 17:10

ငါ​ထာဝရဘုရား​သည် လူ​အသီးသီး​တို့​အား မိမိ​တို့​ပြုမူကျင့်ကြံ​သည့်​အတိုင်း​၊ မိမိ​တို့​လုပ်ဆောင်မှု​အသီးအပွင့်​အတိုင်း ပေးဆပ်​ရန် လူ​တို့​၏​စိတ်နှလုံး​ကို စစ်ကြော​တတ်​၏​။ အတွင်းသဘော​ကို စစ်ဆေး​တတ်​၏​။