ဆာ​လံ 68:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ဘုရားသခင်​ထံသို့ သီချင်းဆို​ကြ​လော့​။ ကိုယ်တော်​၏​နာမ​တော်​ကို သီဆိုချီးမွမ်း​ကြ​လော့​။ မိုးတိမ်​များ​ကို​စီး​တော်မူ​သော​အရှင်​ကို ချီးကျူး​ထောမနာ​ပြု​ကြ​လော့​။ ကိုယ်တော်​၏​နာမ​တော်​ကား ထာဝရဘုရား​ပေတည်း​။ ကိုယ်တော်​၏​ရှေ့​တော်​၌ ရွှင်မြူး​ကြ​လော့​။

Common Language Bible

⁴ ဘု​ရား​သ​ခင်​အား​သီ​ချင်း​ဆို​ကြ​လော့။ ကိုယ်​တော်​၏​နာ​မ​တော်​အား​ထော​မ​နာ သီ​ချင်း​ဆို​ကြ​လော့။ မိုး​တိမ်​ကို​စီး​တော်​မူ​သော​အ​ရှင်​၏​အ​တွက် လမ်း​ခ​ရီး​ကို​ပြင်​ဆင်​ကြ​လော့။ ထို​အ​ရှင်​၏​နာ​မ​တော်​ကား​ထာ​ဝ​ရ​ဘု​ရား ဖြစ်​သ​တည်း။ ကိုယ်​တော်​၏​ရှေ့​တော်​တွင်​ဝမ်း​မြောက်​ကြ​လော့။

Garrad Bible

⁴ ဘု ရား သ ခင် အား သီ ဆို ခြင်း၊ နာ မ တော် အား ကျူး ဧ ခြင်း၊ သဲ က န္တာ ရ တစ် လျှောက် စီး ကြွ တော် မူ သော အ ရှင့် ရှေ့ လမ်း ပို့ ခြင်း ပြု လျက်၊ မျက် မှောက် တော် ၌ ဂုဏ် ရောက် ကြ လော့။ ထို အ ရှင့် နာ မ တော် ကား၊ ယာ ဟ ပေ တည်း။

Judson Bible

⁴ ဘု​ရား​သ​ခင်​အား သီ​ချင်း​ဆို​ကြ​လော့။ နာ​မ​တော်​ကို ထော​မ​နာ​သီ​ချင်း ဆို​ကြ​လော့။ သဲ​က​န္တာ​ရ​တစ်​လျောက်​စီး၍ ကြွ​တော်​မူ​သော​အ​ရှင်​ဖို့ လမ်း​ကို​ပြင်​ကြ​လော့။ ထို​အ​ရှင်၏​နာ​မ​တော်​ကား၊ ထာ​ဝ​ရ​ဘု​ရား​တည်း။ ရှေ့​တော်၌ ရွှင်​လန်း​ကြ​လော့။

ဆာ​လံ 68:4 ပူးပေါင်းရင်းမြစ်များ

ဆာ​လံ 104:3

ကိုယ်တော်​သည် မိမိ​အထက်ခန်း​တို့​၏​ရက်မ​များ​ကို ရေ​ပေါ်တွင်​တည်​ထား​ပြီး တိမ်တိုက်​များ​ကို မြင်းရထား​အဖြစ်​စီး​လျက် လေ​၏​တောင်ပံ​များ​ဖြင့် သွားလာ​တော်မူ​၏​။

ဆာ​လံ 16:11

ကိုယ်တော်​သည် အကျွန်ုပ်​အား အသက်ရှင်​ခြင်း​လမ်း​ကို​သိ​စေ​၍ ရှေ့​တော်​၌ အကျွန်ုပ်​ကို ဝမ်းမြောက်​ခြင်း​ဖြင့် ပြည့်စုံကြွယ်ဝ​စေ​တော်မူ​လိမ့်မည်​။ နှစ်လို​ဖွယ်​ကောင်း​သော​အရာ​သည် ကိုယ်တော်​၏​လက်ယာ​ဘက်​၌ အစဉ်​ရှိ​ပါ​၏​။

ဆာ​လံ 18:10

ကိုယ်တော်​သည် ခေရုဗိမ်​ကို​စီး​၍ ပျံသန်း​တော်မူ​၏​။ လေ​အတောင်ပံ​များ​အားဖြင့် ထိုးဆင်း​တော်မူ​၏​။

ဆာ​လံ 5:12

အို ထာဝရဘုရား​၊ ကိုယ်တော်​သည် ဖြောင့်မတ်​သော​သူ​ကို ကောင်းချီးပေး​၍ သူ့​ကို​ကျေးဇူး​တော်​ဖြင့် ဒိုင်းကာ​ကဲ့သို့ ဝန်းရံ​ကာကွယ်​ထား​တော်မူ​၏​။

ဆာ​လံ 66:2

နာမ​တော်​၏​ဘုန်းအသရေ​ကို သီဆိုချီးမွမ်း​ကြ​လော့​။ ကိုယ်တော်​အား ချီးမွမ်း​ခြင်း​ဘုန်းအသရေ​ကို ဆက်သ​ကြ​လော့​။

ဆာ​လံ 66:4

မြေကြီးသား​အပေါင်း​တို့​သည် ကိုယ်တော်​ကို​ရှိခိုးကိုးကွယ်​၍ သီဆိုချီးမွမ်း​ကြ​ပါ​လိမ့်မည်​။ သူ​တို့​သည် ကိုယ်တော်​၏​နာမ​တော်​ကို သီဆိုချီးမွမ်း​ကြ​ပါ​လိမ့်မည်​”​ဟု ဘုရားသခင်​အား လျှောက်​ကြ​လော့​။(​စေလာ)

ဆာ​လံ 67:4

လူမျိုး​တို့​သည် ဝမ်းမြောက်​၍ ရွှင်လန်း​စွာ​သီချင်းဆို​ကြ​ပါစေသော​။ အကြောင်းမူကား ကိုယ်တော်​သည် လူ​တို့​ကို မျှတစွာ​တရားစီရင်​၍ ကမ္ဘာမြေကြီး​ပေါ်ရှိ​လူမျိုး​တို့​ကို ဦးဆောင်​လမ်းပြ​တော်မူ​၏​။(​စေလာ)

ဆာ​လံ 68:33

ရှေးကာလ​ကပင်​တည်ရှိ​သည့် အမြင့်ဆုံးကောင်းကင်​ကို​စီး​တော်မူ​သော​အရှင်​ကို သီဆိုချီးမွမ်း​ကြ​လော့​။ ကိုယ်တော်​သည် မိမိ​အသံ​၊ တန်ခိုးကြီး​သော​အသံ​ကို လွှင့်​တော်မူ​၏​။

ဆာ​လံ 83:18

ထိုသို့ဖြင့် ထာဝရဘုရား​ဟူသော​နာမ​တော်​ရှိ​သည့် ကိုယ်တော်​တစ်ပါးတည်း​သာလျှင် ကမ္ဘာမြေ​တစ်ခွင်လုံး​၌ အမြင့်ဆုံး​သော​အရှင်​ဖြစ်ကြောင်း​ကို သူ​တို့​သိ​ကြ​ပါစေသော​။

ဆာ​လံ 97:11

အလင်း​သည် ဖြောင့်မတ်​သော​သူ​တို့​အပေါ်​၌​လည်းကောင်း​၊ ဝမ်းမြောက်​ခြင်း​သည် စိတ်နှလုံး​ဖြောင့်မှန်​သော သူ​တို့​အပေါ်​၌​လည်းကောင်း ဖြာကျ​လျက်​ရှိ​၏​။

ထွက်​မြောက် 3:14

ဘုရားသခင်​က မောရှေ​အား “​ငါ​သည် ငါ​ဖြစ်​၏​”​ဟု မိန့်​တော်မူ​၏​။ ထို့ပြင် ကိုယ်တော်​က “​သင်​သည် အစ္စရေး​အမျိုးသား​တို့​အား ‘​ငါ​ဖြစ်​၏​ဟု​ဆို​သော​သူ​က သင်​တို့​ထံသို့ ငါ့​ကို​စေလွှတ်​တော်မူ​သည်​’​ဟူ၍ ပြော​ရ​မည်​”​ဟု မိန့်​တော်မူ​၏​။

ထွက်​မြောက် 6:3

ငါ​သည် အာဗြဟံ​၊ ဣဇက်​၊ ယာကုပ်​တို့​အား အနန္တတန်ခိုးရှင်​ဘုရားသခင်​အဖြစ် ထင်ရှားပြ​ခဲ့​သော်လည်း ထာဝရဘုရား​ဟူသော​ငါ​၏​နာမ​ကို သူ​တို့​မ​သိ​ခဲ့​ကြ​ပေ​။

ထွက်​မြောက် 6:8

ငါ​သည် အာဗြဟံ​၊ ဣဇက်​၊ ယာကုပ်​တို့​အား ပေး​မည်​ဟု ကျိန်ဆို​ခဲ့​သည့်​ပြည်​သို့ သင်​တို့​ကို​ပို့ဆောင်​မည်​။ ထို​ပြည်​ကို​လည်း သင်​တို့​အား ငါ​အပိုင်​ပေး​မည်​။ ငါ​သည် ထာဝရဘုရား​ဖြစ်​၏​’​ဟူ၍ ဆင့်ဆို​လော့​”​ဟု မိန့်​တော်မူ​၏​။

သုတ္တံကျမ်း။ 10:28

ဖြောင့်မတ်​သော​သူ​တို့​မျှော်မှန်း​သော​အရာ​သည် ဝမ်းမြောက်​ခြင်း​ဖြစ်​၏​။ ဆိုးယုတ်​သော​သူ​တို့​၏​မျှော်လင့်ချက်​မူကား ပျက်စီး​သွား​လိမ့်မည်​။

ဟေ​ရှာ​ယ 19:1

အီဂျစ်​ပြည်​နှင့်ဆိုင်သော​ဗျာဒိတ်​တော်​။ ကြည့်ရှု​လော့​။ ထာဝရဘုရား​သည် လျင်မြန်​သော​တိမ်တိုက်​ကို​စီး​၍ အီဂျစ်​ပြည်​သို့ ကြွလာ​တော်မူ​၏​။ အီဂျစ်​ပြည်​၏​ရုပ်တု​တို့​သည် ကိုယ်တော်​၏​ရှေ့​၌ လှုပ်ခါ​ကြ​၍ အီဂျစ်​ပြည်သား​တို့​သည် စိတ်ပျက်အားလျော့​ကြ​လိမ့်မည်​။

ဟေ​ရှာ​ယ 40:3

ကြွေးကြော်​သံ​တစ်​ခု​မှာ “​တောကန္တာရ​၌ ထာဝရဘုရား​ကြွ​တော်မူ​မည့်​လမ်း​ကို ပြင်ဆင်​ကြ​လော့​။ သဲကန္တာရ​၌ ငါ​တို့​၏​ဘုရားသခင်​ကြွ​တော်မူ​မည့် လမ်းမကြီး​ကို ဖြောင့်တန်း​စေ​ကြ​လော့​။

ဟေ​ရှာ​ယ 62:10

ဖြတ်သွား​ကြ​။ မြို့​တံခါး​ကို ဖြတ်သွား​ကြ​။ လူမျိုးတကာ​တို့​သွား​ရာ​လမ်း​ကို​ပြင်​ကြ​။ ဖို့​ကြ​။ လမ်းမကြီး​ကို​ဖို့​ကြ​။ ကျောက်ခဲ​ကို​ဖယ်​ကြ​။ လူမျိုးတကာ​တို့​အတွက် အချက်ပြအလံ​ကို​လွှင့်ထူ​ကြ​။

တ​ရား​ဟော 33:26

အို ယေရှုရုန်​၊ သင်​၏​ဘုရား​နှင့်​တူ​သော​ဘုရား​မ​ရှိ​။ ကိုယ်တော်​သည် သင့်​ကို​ကူညီမစ​ရန် မိုးကောင်းကင်​ကို​စီးနင်း​တော်မူ​၏​၊ မိမိ​အာနုဘော်​တော်​ဖြင့်​မိုးတိမ်​ကို စီးနင်း​တော်မူ​၏​။