ဆာ​လံ 62:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ဖိနှိပ်ချုပ်ချယ်မှု​ကို ယုံကြည်ကိုးစား​ခြင်း​မ​ပြု​ကြ​နှင့်​။ လုယက်မှု​အပေါ်​၌​လည်း အချည်းနှီး​မ​မျှော်လင့်​ကြ​နှင့်​။ ဥစ္စာပစ္စည်း​တိုးပွား​လျှင်လည်း ထို​အရာ​တို့​ကို စိတ်​စွဲလမ်း​ခြင်း​မ​ရှိ​ကြ​နှင့်​။

Common Language Bible

¹⁰ အ​ကြမ်း​ဖက်​မှု​ကို​အား​မ​ကိုး​ကြ​နှင့်။ လု​ယက်​မှု​ဖြင့်​အ​ကျိုး​ခံ​စား​ရ​လိမ့်​မည်​ဟု မ​မျှော်​လင့်​ကြ​နှင့်။ သင်​တို့​၏​စည်း​စိမ်​ဥစ္စာ​များ​သည် တိုး​ပွား​လာ​စေ​ကာ​မူ​ယင်း​တို့​ကို​အား​မ​ကိုး ကြ​နှင့်။

Garrad Bible

¹⁰ အ ညှဉ်း အ ပန်း ၌ ကိုး စား ခြင်း အ လု အ ယက် ကြောင့် ဝင့် ဝါ ခြင်း မ ပြု ကြ နှင့်။ တိုး ပွား သည့် ပ စ္စည်း များ ကို မ စွဲ လမ်း ကြ လင့်။

Judson Bible

¹⁰ ညှဉ်း​ဆဲ​ခြင်း​ကို မ​ကိုး​စား​ကြ​နှင့်။ အ​နိုင်​အ​ထက်​လု​ယူ၍ မ​ဝါ​ကြွား​ကြ​နှင့်။ ဥ​စ္စာ​များ​ပြား​လျှင် စိတ်​စွဲ​လမ်း​ခြင်း မ​ရှိ​ကြ​နှင့်။

ဆာ​လံ 62:10 ပူးပေါင်းရင်းမြစ်များ

ယောဘဝတ္တု။ 20:19

အကြောင်းမူကား သူ​သည် ဆင်းရဲသား​တို့​ကို ညှဉ်းဆဲ​စွန့်ပစ်​ထား​ပြီး ကိုယ်တိုင်​မ​ဆောက်​သော​အိမ်​ကို​လည်း လုယူ​လေ​ပြီ​။

ယောဘဝတ္တု။ 20:29

ဤသည်ကား ဆိုးယုတ်​သော​သူ​အဖို့ ဘုရားသခင်​ထံမှ ဝေစု​ဖြစ်​၏​။ သူ့​အဖို့ ဘုရားသခင်​သတ်မှတ်​ထား​သော​အမွေ​လည်း ဖြစ်​၏​”​ဟု ဆို​လေ​၏​။

ဆာ​လံ 39:6

အကယ်စင်စစ် လူ​သည်​အရိပ်​ကဲ့သို့​သွားလာ​ပါ​၏​။ သူ​တို့​သည် အချည်းနှီး​သော​အရာ​ကြောင့်သာ မငြိမ်မသက်​ဖြစ်​တတ်​ကြ​ပါ​၏​။ လူ​သည် ဥစ္စာ​များ​စုဆောင်း​သော်လည်း ၎င်း​တို့​အား မည်သူ​ရ​မည်​ကို​မ​သိ​ပါ​။

ဆာ​လံ 4:3

ထာဝရဘုရား​သည် သန့်ရှင်း​သူ​ကို မိမိ​အတွက် သီးသန့်ခွဲ​ထား​တော်မူ​ကြောင်း သိမှတ်​ကြ​လော့​။ ထာဝရဘုရား​ကို ငါ​ခေါ်​သောအခါ ကိုယ်တော်​သည် နားညောင်း​တော်မူ​၏​။

ဆာ​လံ 49:6

ထို​သူ​တို့​သည် မိမိ​တို့​၏​ဥစ္စာပစ္စည်း​ကို​ကိုးစား​၍ မိမိ​တို့​၏​ဓနဥစ္စာ​ကြွယ်ဝမှု​၌ ဂုဏ်ယူဝါကြွား​ကြ​၏​။

ဆာ​လံ 52:7

“​ဘုရားသခင်​ကို မိမိ​၏​မှီခို​ရာ​မ​ဖြစ်စေ​ဘဲ မိမိ​၏​ဓနဥစ္စာ​ကြွယ်ဝမှု​ကို​ယုံကြည်ကိုးစား​သော​သူ​ကို ကြည့်​ကြ​လော့​။ သူ​သည် မိမိ​၏​ယုတ်မာစဉ်းလဲမှု​အားဖြင့် အားကြီး​လာ​၏​”​ဟု ဆို​လျက် သူ့​ကို​ရယ်မော​ကြ​လိမ့်မည်​။

ဆာ​လံ 91:14

“​သူ​သည် ငါ့​ကို​ချစ်​သောကြောင့် ငါ​သည် သူ့​ကို​ကယ်တင်​မည်​။ ငါ​၏​နာမ​ကို​သိ​သောကြောင့် သူ့​ကို လုံခြုံ​စွာ​စောင့်ရှောက်​မည်​။

သုတ္တံကျမ်း။ 23:5

ထို​ချမ်းသာကြွယ်ဝမှု​ကို သင်​၏​မျက်စိ​ဖြင့် ဝေ့ကြည့်​လိုက်​သောအခါ ၎င်း​သည် ရှိ​တော့​မည်​မ​ဟုတ်​။ အကြောင်းမူကား ၎င်း​သည် ရုတ်တရက်​အတောင်​ပေါက်​၍ လင်းယုန်​ကဲ့သို့ ကောင်းကင်​သို့​ပျံသန်း​သွား​လိမ့်မည်​။

ဟေ​ရှာ​ယ 28:15

သင်​တို့​က “​ငါ​တို့​သည် သေ​ခြင်း​နှင့် ပဋိညာဉ်​ဖွဲ့​ကြ​ပြီ​။ မရဏာနိုင်ငံ​နှင့် သဘောတူညီမှု ပြု​ကြ​ပြီ​။ လွှမ်းမိုး​သော​ဘေးဆိုး​ဖြတ်သွား​သည့်အခါ ငါ​တို့​ထံ​လာ​မည်​မ​ဟုတ်​။ အကြောင်းမူကား ငါ​တို့​သည် လိမ်လည်မှု​ကို ငါ​တို့​၏​ခိုလှုံ​ရာ​ဖြစ်စေ​လျက် မုသား​ထဲ၌ ပုန်း​နေ​ကြ​ပြီ​”​ဟု ဆို​ကြ​၏​။

ဟေ​ရှာ​ယ 30:12

ထို့ကြောင့် အစ္စရေး​လူမျိုး​၏​သန့်ရှင်း​သော​အရှင်​က “​သင်​တို့​သည် ဤ​နှုတ်ကပတ်တော်​ကို​ပယ်​၍ ဖိနှိပ်ချုပ်ချယ်​သူ​၊ သွေဖည်လွဲမှား​သူ​တို့​ကို ကိုးစား​မှီဝဲ​ကြ​၏​။

ဟေ​ရှာ​ယ 40:15

လူမျိုး​တို့​ကို ရေပုံး​ထဲမှ​ရေတစ်စက်​ကဲ့သို့​၊ ချိန်ခွင်​ပေါ်မှ ဖုန်မှုန့်​ကဲ့သို့ ထင်မှတ်​၍ ကျွန်း​တို့​ကို မြူမှုန်​ကဲ့သို့ ကိုင်​တော်မူ​၏​။

ဟေ​ရှာ​ယ 40:17

လူမျိုး​အားလုံး​တို့​သည် ကိုယ်တော်​၏​ရှေ့​တော်​၌ ဘာမျှ​မ​ဟုတ်​။ ကိုယ်တော်​သည် သူ​တို့​ကို အနတ္တသက်သက်​၊ အချည်းနှီးသက်သက်​ထက် သာ၍​ငယ်​သည်​ဟု ထင်မှတ်​တော်မူ​၏​။

ဟေ​ရှာ​ယ 47:10

သင်​သည် မကောင်း​သော​အတတ်ပညာ​ကို ယုံကြည်ကိုးစား​၏​။ “​ငါ့​ကို မည်သူ​မျှ​မ​မြင်​”​ဟု​သင်​ဆို​၏​။ သင်​၏​ဉာဏ်ပညာ​၊ သင်​၏​အသိပညာ​သည် သင့်​ကို​လမ်းလွဲ​စေ​သဖြင့် သင်​က “​ငါ​တစ်ပါးတည်း ရှိ​၏​။ ငါ​မှတစ်ပါး အခြားသူ​မ​ရှိ​”​ဟု သင့်​စိတ်​ထဲ၌​ပြောဆို​၏​။

ဟေ​ရှာ​ယ 59:4

တရားမျှတမှု​ကို​တောင်းလျှောက်​သော​သူ​မ​ရှိ​။ သစ္စာ​ဖြင့် တရားစီရင်​သော​သူ​မ​ရှိ​။ အချည်းနှီး​သော​အရာ​ကို​ယုံကြည်ကိုးစား​၍ မုသား​ကို​ပြောဆို​ကြ​၏​။ အခက်အခဲ​ပြဿနာ​ကို​ကိုယ်ဝန်ဆောင်​၍ အပြစ်ဒုစရိုက်​ကို​မွေးဖွား​၏​။

ဟေ​ရှာ​ယ 61:8

ငါ​ထာဝရဘုရား​သည် တရားမျှတမှု​ကို​နှစ်သက်​၏​။ မတရား​လုယက်မှု​ကို မုန်းတီး​၏​။ ငါ​သည် သစ္စာတရား​နှင့်အညီ သူ​တို့​အား အကျိုးအပြစ်​ကို​ပေး​မည်​။ သူ​တို့​နှင့်​ထာဝရ​ပဋိညာဉ်​ဖွဲ့​မည်​။

ယေ​ရ​မိ 13:25

ထာဝရဘုရား​က “​သင်​သည် ငါ့​ကို​မေ့လျော့​၍ အချည်းနှီး​သော​အရာ​ကို ယုံကြည်ကိုးစား​သောကြောင့် ဤသည်ကား သင့်​ကို ငါ​ခွဲဝေ​ပေး​သော ဝေစု​ဖြစ်​၏​။

ယေ​ရ​မိ 17:11

ခါငှက်​သည် မိမိ​မ​ဥ​သော​ဥ​ကို​ဝပ်​သကဲ့သို့ မတရား​သော​သူ​သည် ဓနဥစ္စာ​သိုမှီး​တတ်​၏​။ သို့သော်လည်း သူ​သည် သက်တမ်း​တစ်ဝက်​၌ပင် မိမိ​ဓနဥစ္စာ​ကို စွန့်ထား​ခဲ့​ရ​၍ အဆုံး​၌ မိုက်မဲ​သော​သူ​ဖြစ်သွား​လိမ့်မည်”​ဟု မိန့်​တော်မူ​၏​။

ရှင်မာကု 10:23

ထိုအခါ ယေရှု​သည် ပတ်ပတ်လည်​သို့​ကြည့်ရှု​လျက်“ငွေကြေး​ချမ်းသာ​သော​သူ​တို့​သည် ဘုရားသခင်​၏​နိုင်ငံ​တော်​သို့​ဝင်​ရန် ခဲယဉ်း​လှ​သည်​တကား”​ဟု တပည့်​တော်​တို့​အား မိန့်​တော်မူ​၏။

၁ တိ 6:10

အကြောင်းမူကား ငွေ​ကို​တပ်မက်​ခြင်း​သည် မကောင်းမှု​အလုံးစုံ​တို့​၏​အရင်းအမြစ်​ဖြစ်​၏။ လူ​အချို့​တို့​သည် ငွေ​ကို​အလွန်​တပ်မက်​သဖြင့် ယုံကြည်​ခြင်း​လမ်း​မှ လွဲချော်​သွား​၍ များစွာ​သော​ပူပန်​ခြင်း​ဝေဒနာ​ဖြင့် မိမိတို့ကိုယ်ကို ထိုးဖောက်​နာကျင်​စေ​ကြ​ပြီ။

၁ တိ 6:17

ဤ​လောက​၌ ချမ်းသာ​သော​သူ​တို့​သည် စိတ်နေမြင့်​ခြင်း၊ မ​မြဲ​သော​စည်းစိမ်​များ​အပေါ်၌ မျှော်လင့်​အားထား​ခြင်း​မ​ရှိ​ဘဲ ပျော်ရွှင်​မှု​အတွက် အလုံးစုံ​တို့​ကို ငါ​တို့​အား ကြွယ်ဝ​စွာ​ပေး​သနား​တော်မူ​သော ဘုရားသခင်​အပေါ်၌ မျှော်လင့်​အားထား​ကြ​ရန်​လည်းကောင်း၊