ဆာ​လံ 62:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ငါ​၏​စိတ်ဝိညာဉ်​သည် ဘုရားသခင်​၌​သာ ငြိမ်သက်ချမ်းသာမှု​ကို​ခံစား​ရ​၏​။ ငါ့​ကို​ကယ်တင်​ခြင်း​အကြောင်း​သည် ကိုယ်တော့်​ထံမှ​လာ​၏​။

Common Language Bible

¹ ငါ့​ကို​ဘု​ရား​သ​ခင်​ကယ်​တင်​ရန်​ငါ​သည် စိတ်​ရှည်​စွာ စောင့်​မျှော်​လျက်​နေ​ပါ​၏။ ငါ​သည်​ကိုယ်​တော်​ကို​သာ​လျှင်​မှီ​ခို​ပါ​၏။

Garrad Bible

¹ ငါ့ အ သက် ဝိ ညာဉ် သည်၊ ဘု ရား သ ခင်၌ သာ ငြိမ် ဝပ် စွာ နေ ရ၏။ ကယ် တင် ရာ အ ကြောင်း သည်၊ အ ထံ တော် မှ ရောက် လာ၏။

Judson Bible

¹ အ​ကယ်​စင်​စစ် ငါ့​ဝိ​ညာဉ်​သည် ဘု​ရား​သ​ခင်​ရှေ့​မှာ ငြိမ်​ဝပ်​စွာ​နေ​တတ်၏။ ငါ့​ကို ကယ်​တင်​ခြင်း​အ​ကြောင်း​သည် အ​ထံ​တော်​က သက်​ရောက်​ရ၏။

ဆာ​လံ 62:1 ပူးပေါင်းရင်းမြစ်များ

၁ ရာ​ချုပ် 25:1

ဒါဝိဒ်​မင်းကြီး​နှင့် မင်းမှုထမ်း​အကြီးအကဲ​တို့​သည် အမှု​တော်​မြတ်​အတွက် စောင်းကောက်​၊ စောင်းပြား​၊ လင်းကွင်း တို့​ကို​တီးခတ်​၍ ပရောဖက်ပြု​နိုင်​ရန် အာသပ်​၊ ဟေမန်​၊ ယေဒုသုန်​တို့​၏​သား​များ​ထဲမှ​အချို့​ကို သီးသန့်​ခွဲထား​၏​။ ဤသို့​အမှု​တော်​ထမ်း​ရန် ခွဲထား​သူ​တို့​၏​အမည်​စာရင်း​မှာ

၁ ရာ​ချုပ် 25:3

ယေဒုသုန်​သားမြေး​တွင် ယေဒုသုန်​၏​သား ဂေဒလိ​၊ ဇေရိ​၊ ယေရှာယ​၊ ရှိမိ​၊ ဟာရှဘိ​၊ မတ္တိသိ ပေါင်း​ခြောက်​ယောက်​တို့​သည် ဖခင်​ယေဒုသုန်​၏​လက်​အောက်​တွင်​နေ​ရ​ကြ​၏​။ သူ​တို့​၏​ဖခင်​သည် စောင်း​တီး​၍ ထာဝရဘုရား​ကို ကျေးဇူးတင်​ချီးမွမ်း​ကာ ပရောဖက်ပြု​သော​သူ​ဖြစ်​၏​။

ဆာ​လံ 121:2

ငါ့​ကို​ကူညီမစ​ခြင်း​အကြောင်း​သည် ကောင်းကင်​နှင့်​မြေကြီး​ကို​ဖန်ဆင်း​တော်မူ​သော ထာဝရဘုရား​ထံ​တော်​မှ​လာ​၏​။

ဆာ​လံ 123:2

ကျွန်ယောက်ျား​တို့​သည် မိမိ​တို့​သခင်​၏​လက်​ကို မျှော်ကြည့်​သကဲ့သို့​လည်းကောင်း​၊ ကျွန်မိန်းမ​သည် မိမိ​သခင်မ​၏​လက်​ကို မျှော်ကြည့်​သကဲ့သို့​လည်းကောင်း​၊ အကျွန်ုပ်​တို့​သည် အကျွန်ုပ်​တို့​ကို သနား​တော်မူ​သည်​အထိ အကျွန်ုပ်​တို့​၏​ဘုရားသခင် ထာဝရဘုရား​ကို မျှော်ကြည့်​ကြ​ပါ​၏​။

ဆာ​လံ 25:5

ကိုယ်တော်​၏​သမ္မာတရား​ထဲ၌ အကျွန်ုပ်​ကို ဦးဆောင်​လမ်းပြ​၍ အကျွန်ုပ်​ကို သင်ကြား​ပေး​တော်မူ​ပါ​။ အကြောင်းမူကား ကိုယ်တော်​သည် အကျွန်ုပ်​ကို ကယ်တင်​တော်မူ​သော​ဘုရားသခင်​ဖြစ်​ပါ​၏​။ အကျွန်ုပ်​သည် ကိုယ်တော်​ကို တစ်နေ့လုံး​စောင့်မျှော်​ပါ​၏​။

ဆာ​လံ 27:14

ထာဝရဘုရား​ကို စောင့်မျှော်​လော့​။ အားယူ​၍ သင်​၏​စိတ်နှလုံး​ကို​ရဲရင့်​စေ​လော့​။ ထာဝရဘုရား​ကို စောင့်မျှော်​လော့​။

ဆာ​လံ 33:20

ငါ​တို့​၏​စိတ်ဝိညာဉ်​သည် ထာဝရဘုရား​ကို​စောင့်မျှော်​၏​။ ကိုယ်တော်​သည် ငါ​တို့​ကို​ကူညီမစ​သော​အရှင်​၊ ငါ​တို့​၏​ဒိုင်းလွှား​ဖြစ်​တော်မူ​၏​။

ဆာ​လံ 37:39

ဖြောင့်မတ်​သော​သူ​ကို​ကယ်တင်​ခြင်း​အကြောင်း​သည် ထာဝရဘုရား​ထံ​တော်​မှ​လာ​၏​။ ဆင်းရဲဒုက္ခ​ရောက်​သော​အချိန်​တွင် ကိုယ်တော်​သည် သူ​တို့​၏​မှီခို​ရာ​ဖြစ်​တော်မူ​၏​။

ဆာ​လံ 37:7

ထာဝရဘုရား​ရှေ့​တော်​၌ တိတ်ဆိတ်​စွာ​နေ​၍ ကိုယ်တော်​ကို​ငံ့လင့်​လော့​။ မိမိ​ပြု​သော​အမှု​၌ အောင်မြင်​သော​သူ​ကြောင့်​လည်းကောင်း​၊ ကောက်ကျစ်​သော​အကြံအစည်​များ​ကို ကြံစည်​သော​သူ​ကြောင့်​လည်းကောင်း စိတ်အနှောင့်အယှက်​မ​ဖြစ်​နှင့်​။

ဆာ​လံ 39:1

“​ငါ​သည် နှုတ်​ဖြင့်​မ​ပြစ်မှား​မိ​စေရန် ငါ​၏​အပြုအမူ​အကျင့်အကြံ​တို့​ကို​စောင့်ထိန်း​မည်​။ ငါ​၏​ရှေ့​၌​ဆိုးယုတ်​သော​သူ​တို့​ရှိ​နေစဉ် နှုတ်စွပ်​တပ်​၍ ငါ့​နှုတ်​ကို​စောင့်ထိန်း​မည်​”​ဟု ငါ​ဆို​ခဲ့​၏​။

ဆာ​လံ 40:1

ငါ​သည် ထာဝရဘုရား​ကို စေ့စေ့​စောင့်မျှော်​လျက်​နေ​၏​။ ကိုယ်တော်​သည် ငါ့​ဘက်​သို့​လှည့်​၍ ငါ​၏​အော်ဟစ်သံ​ကို ကြား​တော်မူ​၏​။

ဆာ​လံ 62:2

ကိုယ်တော်​သာလျှင် ငါ​၏​ကျောက်ဆောင်​၊ ငါ့​ကို​ကယ်တင်​သော​အရှင်​၊ ငါ​၏​ခိုကိုး​ရာ​ဖြစ်​တော်မူ​၏​။ ငါ​သည် လွန်စွာ​တုန်လှုပ်​လိမ့်မည်​မ​ဟုတ်​။

ဆာ​လံ 65:1

အို ဘုရားသခင်​၊ ချီးမွမ်း​ခြင်း​သည် ဇိအုန်​၌ ကိုယ်တော်​ကို စောင့်ကြို​နေ​ပါ​၏​။ ပြု​ထား​သော​ကတိသစ္စာ​ကို​လည်း ကိုယ်တော်​ထံ ပြည့်စုံ​စေ​ပါ​မည်​။

ဆာ​လံ 77:1

ငါ​သည် ဘုရားသခင်​ထံသို့ အသံ​ကို​လွှင့်​၍ အော်ဟစ်​တောင်းလျှောက်​၏​။ ဘုရားသခင်​ထံသို့ အသံ​ကို​လွှင့်​သောအခါ ကိုယ်တော်​သည် ငါ့​ကို စူးစိုက်​နားထောင်​တော်မူ​၏​။

ဟေ​ရှာ​ယ 12:2

ကြည့်ရှု​လော့​။ ဘုရားသခင်​သည် ငါ့​ကို​ကယ်တင်​သော​အရှင် ဖြစ်​တော်မူ​၏​။ ငါ​သည် ကြောက်ရွံ့​ခြင်း​မ​ရှိ​ဘဲ ယုံကြည်ကိုးစား​မည်​။ အကြောင်းမူကား ထာဝရဘုရား​သည် ငါ​၏​ခွန်အား​၊ ငါ​၏​တေးသီချင်း​၊ ငါ့​ကို ကယ်တင်​သော​အရှင်​ဖြစ်​တော်မူ​၏​”​ဟု ဆို​လိမ့်မည်​။

ဟေ​ရှာ​ယ 30:18

ထို့ကြောင့် ထာဝရဘုရား​သည် သင်​တို့​ကို ကျေးဇူးပြု​တော်မူ​ရန် စောင့်မျှော်​နေ​၏​။ သင်​တို့​ကို ကရုဏာ​ပြ​တော်မူ​ရန် ထ​တော်မူ​၏​။ အကြောင်းမူကား ထာဝရဘုရား​သည် တရားမျှတ​သော​ဘုရားသခင် ဖြစ်​တော်မူ​၏​။ ကိုယ်တော်​ကို စောင့်မျှော်​သော​သူ​အပေါင်း​တို့​သည် မင်္ဂလာ​ရှိ​၏​။

ဟေ​ရှာ​ယ 40:31

ထာဝရဘုရား​ကို စောင့်မျှော်​သော​သူ​တို့​မူကား ခွန်အား​သစ်​နှင့်​ပြည့်​လိမ့်မည်​။ သူ​တို့​သည် လင်းယုန်​ကဲ့သို့ အတောင်ပံ​ဖြင့် အထက်​သို့​ပျံတက်​ကြ​လိမ့်မည်​။ ပြေး​သောအခါ မောပန်း​ကြ​မည်​မ​ဟုတ်​။ သွားလာ​သောအခါ​လည်း အားအင်​ကုန်ခန်း​ကြ​မည်​မ​ဟုတ်​။

ယေ​ရ​မိ 3:23

အကယ်စင်စစ် တောင်ကြီး​၊ တောင်ငယ်​များ​ပေါ်မှ ဆူညံ​သော​အသံ​သည် လှည့်ဖြား​ခြင်း​သာ​ဖြစ်​၏​။ အကယ်စင်စစ် အကျွန်ုပ်​တို့​၏​ဘုရားသခင်​ထာဝရဘုရား​သည် အစ္စရေး​လူမျိုး​ကို​ကယ်တင်​သော​အရှင် ဖြစ်​တော်မူ​၏​။

မြည်​တမ်း​စ​ကား 3:25

ထာဝရဘုရား​ကို စောင့်မျှော်​သော​သူ​၊ ထာဝရဘုရား​ကို ရှာ​သော​သူ​ကို ကိုယ်တော်​ကောင်းစား​စေ​တော်မူ​ပါ​၏​။

မြည်​တမ်း​စ​ကား 3:38

အမြင့်ဆုံး​သော​အရှင် နှုတ်မြွက်​သည့်​အတိုင်း အကောင်း​၊ အဆိုး ဖြစ်လာ​တတ်​သည်​မ​ဟုတ်​လော​။

ယာ​ကုပ် 5:7

သို့ဖြစ်၍ ညီအစ်ကို​တို့၊ သခင်​ဘုရား​ကြွလာ​တော်မူ​သည့်​တိုင်အောင် စိတ်ရှည်​သည်းခံ​ကြ​လော့။ ခြံသမား​သည် မြေ​မှ​အဖိုးတန်​သည့်​အသီးအနှံ​ကို မိုးဦး​နှင့်​မိုးနှောင်း​ရွာ​သည်​အထိ စိတ်ရှည်​စွာ​စောင့်​တတ်​၏။