ဆာ​လံ 61:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² အကျွန်ုပ်​သည် စိတ်နှလုံး​ညှိုးငယ်​သောအခါ ကိုယ်တော်​ကို ကမ္ဘာမြေကြီး​အစွန်း​မှ ခေါ်​ပါ​၏​။ အကျွန်ုပ်​ထက်​မြင့်မား​သော​ကျောက်ဆောင်​ပေါ်သို့ အကျွန်ုပ်​ကို​ပို့ဆောင်​တော်မူ​ပါ​။

Common Language Bible

² ကျွန်​တော်​မျိုး​သည်​အိမ်​နှင့်​ဝေး​ကွာ​လျက် စိတ်​ပျက်​အား​လျော့​လျက်​နေ​သ​ဖြင့် ကိုယ်​တော်​ရှင်​အား​ဟစ်​ခေါ်​ပါ​၏။ ကျွန်​တော်​မျိုး​အား​ဘေး​မဲ့​လုံ​ခြုံ​ရာ​သို့ ပို့​ဆောင်​တော်​မူ​ပါ။

Garrad Bible

² စိတ် ညှိုး ငယ် သော အ ခါ၊ မြေ ကြီး အ စွန်း အ ဖျား မှ၊ အ ကျွန်ုပ် အော် ဟစ် ပါ မည်။ တက်၍ မ ရောက် နိုင် သော ကျောက် တောင် တော် သို့ ပို့ တော် မူ ပါ။

Judson Bible

² စိတ်​နှ​လုံး​ညှိုး​ငယ်​လျက် မြေ​ကြီး​စွန်း​မှ ကိုယ်​တော်​ကို အ​ကျွန်ုပ်​အော်​ဟစ်​ပါ၏။ အ​ကျွန်ုပ်​အ​ထက်၌ မြင့်​သော​ကျောက်​သို့ အ​ကျွန်ုပ်​ကို ပို့​ဆောင်​တော်​မူ​ပါ။

ဆာ​လံ 61:2 ပူးပေါင်းရင်းမြစ်များ

ဆာ​လံ 142:3

အကျွန်ုပ်​၏​အတွင်း​ဝိညာဉ်​ညှိုးငယ်​သောအခါ ကိုယ်တော်​သာလျှင် အကျွန်ုပ်​၏​လမ်း​ကို​သိ​တော်မူ​၏​။ လူ​တို့​သည် အကျွန်ုပ်​လျှောက်​သော​လမ်း​၌ အကျွန်ုပ်​အတွက်​ကျော့ကွင်း​ကို လျှို့ဝှက်​စွာ​ထောင်​ထား​ကြ​ပါ​၏​။

ဆာ​လံ 143:4

သို့ဖြစ်၍ အကျွန်ုပ်​၏​ဝိညာဉ်​သည် အကျွန်ုပ်​အထဲ​၌ ညှိုးငယ်​လျက်​ရှိ​ပါ​၏​။ အကျွန်ုပ်​၏​စိတ်နှလုံး​သည် အကျွန်ုပ်​အထဲ​၌ တုန်လှုပ်ချောက်ချား​လျက်​ရှိ​ပါ​၏​။

ဆာ​လံ 17:1

အို ထာဝရဘုရား​၊ ဖြောင့်မတ်​သော​လျှောက်လဲချက်​ကို​နားညောင်း​၍ အကျွန်ုပ်​၏​ဟစ်ကြော်သံ​ကို အာရုံစိုက်​နားထောင်​တော်မူ​ပါ​။ လိမ်လည်လှည့်ဖြား​ခြင်း​မ​ရှိ​သော အကျွန်ုပ်​၏​နှုတ်​မှ​ဆုတောင်းချက်​ကို စူးစိုက်​နားထောင်​တော်မူ​ပါ​။

ဆာ​လံ 18:2

ထာဝရဘုရား​သည် ငါ​၏​ကျောက်​၊ ငါ​၏​ရဲတိုက်​၊ ငါ့​ကို​ကယ်တင်​တော်မူ​သော​အရှင်​၊ ငါ​၏​ဘုရား​၊ ငါ​ခိုလှုံ​ရာ​ကျောက်ဆောင်​၊ ငါ​၏​ဒိုင်းလွှား​၊ ငါ​၏​ကယ်တင်​ခြင်း​ဦးချို​နှင့် ငါ​ခိုကိုး​ရာ​ဖြစ်​တော်မူ​၏​။

ဆာ​လံ 18:46

ထာဝရဘုရား​သည် အသက်ရှင်​တော်မူ​၏​။ သို့ဖြစ်၍ ငါ​၏​ကျောက်ဆောင်​ကို ကောင်းချီးထောမနာ​ပြု​ကြ​လော့​။ ငါ့​ကို​ကယ်တင်​တော်မူ​သော​ဘုရားသခင်​ကို ချီးမြှောက်​ကြ​လော့​။

ဆာ​လံ 27:5

အကြောင်းမူကား ဒုက္ခ​ရောက်​သော​နေ့​၌ ကိုယ်တော်​သည် မိမိ​၏​ကိန်းအောင်း​ရာ​အရပ်​၌ ငါ့​ကို​ဝှက်​ထား​တော်မူ​လိမ့်မည်​။ ကိုယ်တော်​၏​တဲ​တော်​၌​ရှိ​သည့် ကွယ်ကာ​ရာ​အရပ်​၌ ငါ့​ကို​ဖုံးကွယ်​ထား​၍ ကျောက်ဆောင်​ပေါ်၌ ငါ့​ကို​ဆွဲတင်​တော်မူ​လိမ့်မည်​။

ဆာ​လံ 40:2

ကိုယ်တော်​သည် ကြောက်မက်ဖွယ်​သေတွင်း​နှင့် ရွှံ့​နွံ​ထဲမှ အကျွန်ုပ်​ကို​ထုတ်ဆောင်​တော်မူ​ပြီးလျှင် အကျွန်ုပ်​၏​ခြေ​ကို ကျောက်​ပေါ်၌​ရပ်​စေ​၍ အကျွန်ုပ်​၏​ခြေလှမ်း​များ​ကို မြဲမြံ​စေ​တော်မူ​၏​။

ဆာ​လံ 42:6

အို အကျွန်ုပ်​၏​ဘုရားသခင်​၊ အကျွန်ုပ်​၏​စိတ်ဝိညာဉ်​သည် အကျွန်ုပ်​အထဲ​၌ ညှိုးငယ်​လျက်​ရှိ​ပါ​၏​။ ထို့ကြောင့် အကျွန်ုပ်​သည် ဂျော်ဒန်​မြစ်ဝှမ်း​နှင့် ဟေရမုန်​တောင်ရိုး​တို့​မှ​လည်းကောင်း​၊ မိဇရ​တောင်​မှ​လည်းကောင်း ကိုယ်တော်​ကို​အောက်မေ့​ပါ​၏​။

ဆာ​လံ 43:5

အို ငါ​၏​စိတ်ဝိညာဉ်​၊ သင်​သည် အဘယ်ကြောင့်​ညှိုးငယ်​သနည်း​။ ငါ့​အထဲ​၌ အဘယ်ကြောင့် မငြိမ်မသက်​ဖြစ်​သနည်း​။ ဘုရားသခင်​ကို​မျှော်လင့်ကိုးစား​လော့​။ ငါ​သည် ငါ့​ကို​ကယ်တင်​တော်မူ​သော​အရှင်​၊ ငါ​၏​ဘုရားသခင်​ကို ထပ်၍​ချီးမွမ်း​မည်​။

ဆာ​လံ 55:5

ကြောက်ရွံ့​ခြင်း​နှင့်​ထိတ်လန့်တုန်လှုပ်​ခြင်း​သည် အကျွန်ုပ်​အပေါ်​ကျရောက်​၍ ကြောက်ရွံ့စိတ်​သည်​လည်း အကျွန်ုပ်​ကို​လွှမ်းမိုး​လျက်​ရှိ​ပါ​၏​။

ဆာ​လံ 62:2

ကိုယ်တော်​သာလျှင် ငါ​၏​ကျောက်ဆောင်​၊ ငါ့​ကို​ကယ်တင်​သော​အရှင်​၊ ငါ​၏​ခိုကိုး​ရာ​ဖြစ်​တော်မူ​၏​။ ငါ​သည် လွန်စွာ​တုန်လှုပ်​လိမ့်မည်​မ​ဟုတ်​။

ဆာ​လံ 62:6

ကိုယ်တော်​သာလျှင် ငါ​၏​ကျောက်ဆောင်​၊ ငါ့​ကို​ကယ်တင်​သော​အရှင်​၊ ငါ​၏​ခိုကိုး​ရာ​ဖြစ်​တော်မူ​၏​။ ငါ​သည် တုန်လှုပ်​လိမ့်မည်​မ​ဟုတ်​။

ဆာ​လံ 77:3

ငါ​သည် ဘုရားသခင်​ကို​အောက်မေ့​၍ မငြိမ်မသက်​ဖြစ်​၏​။ ငါ​တွေးတောဆင်ခြင်​သောအခါ ငါ​၏​စိတ်ဝိညာဉ်​သည် ညှိုးငယ်​၏​။(​စေလာ)

ဟေ​ရှာ​ယ 32:2

သူ​တို့​သည် လေဘေး​မှ​ခိုလှုံ​ရာ​၊ မုန်တိုင်းဘေး​မှ​ကွယ်ကာ​ရာ​ကဲ့သို့​၊ ခြောက်သွေ့​သော​အရပ်​မှ စမ်းချောင်း​ကဲ့သို့​၊ ပူပြင်း​သော​အရပ်​မှ ကျောက်ဆောင်​ကြီး​၏​အရိပ်​ကဲ့သို့ ဖြစ်​ကြ​မည်​။

ဟေ​ရှာ​ယ 54:11

ထာဝရဘုရား​က “​မုန်တိုင်းဒဏ်​အလူးအလိမ့်​ခံရ​၍ နှစ်သိမ့်​ခြင်း​မ​ရ​သော အချင်း​အဖိနှိပ်​ခံရ​သူ​၊ ကြည့်ရှု​လော့​။ သင်​၏​တိုက်​ကို စိမ်းပြာရောင်​ကျောက်​ဖြင့်​တည်​၍ နီလာ​ဖြင့်​အုတ်မြစ်ချ​မည်​။

လုကာ 22:44

ကိုယ်တော်​သည် ပြင်းစွာ​သော​ဝေဒနာ​ကို​ခံစား​လျက် ပို၍​ပြင်းပြ​စွာ​ဆုတောင်း​တော်မူ​ရာ ကိုယ်တော်​၏​ချွေး​သည် မြေ​ပေါ်သို့​ကျ​သော​သွေး​စက်​သဖွယ်​ဖြစ်​လေ​၏။

တ​ရား​ဟော 4:29

သို့သော် ထို​အရပ်​၌ သင်​တို့​သည် သင်​တို့​၏​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့​ဖြင့်​ရှာ​လျှင် တွေ့​ရ​ကြ​လိမ့်မည်​။