ဆာ​လံ 60:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ကိုယ်တော်​သည် မိမိ​၏​လူမျိုး​တော်​ကို ကြမ်းတမ်း​မှု​များ​နှင့် ကြုံတွေ့​စေ​ခဲ့​ပါ​၏​။ ဒယီးဒယိုင်​ဖြစ်​စေ​သော​စပျစ်ဝိုင်​ကို အကျွန်ုပ်​တို့​အား​တိုက်​ခဲ့​ပါ​၏​။

Common Language Bible

³ ကိုယ်​တော်​ရှင်​သည်​မိ​မိ​၏​လူ​စု​တော်​အား အ​တိ​ဒုက္ခ​ရောက်​စေ​တော်​မူ​ပါ​ပြီ။ ကျွန်​တော်​မျိုး​တို့​အား​သေ​သောက်​ကူး သူ​များ​သ​ဖွယ်​ယိမ်း​ယိုင်​စေ​တော်​မူ​ပါ​ပြီ။

Garrad Bible

³ လူ မျိုး တော်၌ ကြမ်း တမ်း စွာ ခံ စား ရ ခြင်း၊ ယိမ်း ယိုင် စေ သော အ ရည် သောက် ရ ခြင်း ကို စီ ရင် လျက်၊

Judson Bible

³ ကိုယ်​တော်၏​လူ​တို့​ကို ခက်​ထန်​စွာ​စီ​ရင်၍၊ မှိုင်​တွေ​ခြင်း စ​ပျစ်​ရည်​ကို​တိုက်​တော်​မူ​ပြီ။

ဆာ​လံ 60:3 ပူးပေါင်းရင်းမြစ်များ

ဆာ​လံ 71:20

အကျွန်ုပ်​အား များစွာ​သော​ဆင်းရဲဒုက္ခ​နှင့် ဘေးအန္တရာယ်​တို့​ကို ကြုံတွေ့​စေ​တော်မူ​သော​ကိုယ်တော်​သည် အကျွန်ုပ်​ကို အသက်ရှင်​စေ​၍ မြေကြီး​၏​နက်ရှိုင်း​ရာ​အရပ်​ထဲမှ အကျွန်ုပ်​ကို ပြန်​တက်လာ​စေ​တော်မူ​လိမ့်မည်​။

ဟေ​ရှာ​ယ 51:22

သင်​၏​အရှင်သခင်​၊ မိမိ​လူမျိုး​တော်​ကို​ကာကွယ်​သော သင်​၏​ဘုရားသခင်​ထာဝရဘုရား​က “​ကြည့်ရှု​လော့​။ ဒယီးဒယိုင်​ဖြစ်စေ​သော​ဖလား​၊ ငါ့​အမျက်​တော်​ဖလား​ထဲမှ အနည်အဖတ်​ကို သင့်​လက်​မှ ငါ​သိမ်းယူ​ပြီ​။ သင်​သည် ထို​ဖလား​ကို နောက်တစ်ဖန်​မ​သောက်​ရ​။

ဟေ​ရှာ​ယ 51:17

ထာဝရဘုရား​၏​လက်​တော်​မှ အမျက်​တော်​ဖလား​ကို​သောက်​သော အသင်​ဂျေရုဆလင်​မြို့​၊ နိုး​လော့​။ နိုး​လော့​။ ထ​လော့​။ ဒယီးဒယိုင်​ဖြစ်စေ​သော​ဖလား​ထဲမှ​အနည်အဖတ်​ကို သင်​အကုန်အစင်​သောက်​ပြီ​။

ယေ​ရ​မိ 25:15

အစ္စရေး​လူမျိုး​၏​ဘုရားသခင်​ထာဝရဘုရား​က “​ငါ့​လက်​မှ ဤ​အမျက်​တော်​စပျစ်ဝိုင်​ခွက်​ကို​ယူ​၍ သင့်​အား ငါ​စေလွှတ်​သော​အရပ်​ရှိ လူမျိုး​အားလုံး​ကို တိုက်​လော့​။

ဆာ​လံ 75:8

အကြောင်းမူကား ထာဝရဘုရား​၏​လက်​တော်​၌​ခွက်ဖလား​ရှိ​၍ ၎င်း​ထဲတွင် သမအောင်​ရောစပ်​ထား​သည့် အမြှုပ်ထ​နေ​သော​စပျစ်ဝိုင်​ရှိ​၏​။ ကိုယ်တော်​သည် ထို​စပျစ်ဝိုင်​ကို​သွန်ချ​တော်မူ​၍ ကမ္ဘာမြေကြီး​ပေါ်ရှိ​ဆိုးယုတ်​သော​သူ​အပေါင်း​တို့​သည် ၎င်း​၏​အနည်​ကို​ပင် အကုန်အစင် သောက်​ကြ​ရ​လိမ့်မည်​။

ဗျာ​ဒိတ် 18:16

‘ပိတ်ချော၊ ခရမ်းရောင်​နှင့် နီမြန်း​သော​အဝတ်​တို့​ကို ဝတ်ဆင်​ထား​လျက် ရွှေ၊ ကျောက်မျက်​ရတနာ​နှင့် ပုလဲ​တို့​ဖြင့် တန်ဆာဆင်​ထား​သော​မြို့​ကြီး၊ သင်​သည် စိတ်​မချမ်းမြေ့​ဖွယ်၊ စိတ်​မချမ်းမြေ့​ဖွယ်​ဖြစ်​ပါ​သည်​တကား။

ဗျာ​ဒိတ် 16:19

မြို့​ကြီး​သည် သုံး​ပိုင်း​ကွဲ​သွား​၍ တိုင်းနိုင်ငံ​တို့​၏​မြို့​များ​သည်​လည်း ပြိုလဲ​ကြ​ကုန်​၏။ ဘုရားသခင်​သည် မိမိ​၏​အမျက်​တော်​နှင့်ဆိုင်သည့် ပြင်းစွာ​သော​ဒေါသ​စပျစ်​ဝိုင်​ခွက်​ကို​ပေး​ရန် ဘေဘီလုံ​မြို့​ကြီး​ကို​သတိရ​တော်မူ​၏။

ဟ​ဗက္ကုတ် 2:16

သင်​သည် ဂုဏ်သရေ​အစား အရှက်ကွဲ​ခြင်း​နှင့် ကြုံ​ရ​လိမ့်မည်​။ ထာဝရဘုရား​၏​လက်ယာ​လက်​တော်​ရှိ​ဖလား​တော်​သည် သင့်​ထံသို့​လှည့်လာ​ပြီ​ဖြစ်၍ ထို​ဖလား​တော်​ကို သောက်​ပြီး အရေဖျားမလှီး​ထား​သော​သင့်​အရှက် ပေါ်​လိမ့်မည်​။ သင့်​ဂုဏ်သရေ​သည် အရှက်ကွဲ​ခြင်း​နှင့် ဖုံးလွှမ်း​သွား​လိမ့်မည်​။

ဒံ​ယေ​လ 9:12

အကျွန်ုပ်​တို့​အပေါ် ဘေးဆိုး​ကြီး ကျရောက်​စေ​ခြင်း​ဖြင့် အကျွန်ုပ်​တို့​နှင့်တကွ အကျွန်ုပ်​တို့​ကို အုပ်စိုး​သော​အုပ်စိုးရှင်​တို့​အား ကိုယ်တော်​မိန့်​တော်မူ​ခဲ့​သည့်​စကား​တော်​ကို ပြည့်စုံ​စေ​တော်မူ​ပြီ​။ အကြောင်းမူကား ကောင်းကင်​တစ်ခွင်​အောက်​၌ တစ်ခါ​မျှ​မ​ဖြစ်​ဖူး​သော​အရာ​သည် ဂျေရုဆလင်​မြို့​တွင် ဖြစ်​လေ​ပြီ​။

မြည်​တမ်း​စ​ကား 4:21

ဥဇ​ပြည်​၌​နေထိုင်​သော ဧဒုံ​သမီးပျို​၊ ရွှင်မြူး​ထား​နှင့်​လော့​။ ဝမ်းမြောက်​ထား​နှင့်​လော့​။ ဖလား​တော်​သည် သင့်​ထံ​ကူးလာ​မည်​ဖြစ်၍ သင်​သည်​သောက်​၍ ယစ်မူး​သဖြင့် အဝတ်​အချည်းစည်း​ဖြစ်​ရ​လိမ့်မည်​။

နေ​ဟ​မိ 9:32

အကျွန်ုပ်​တို့​၏​ဘုရားသခင်​၊ ကိုယ်တော်​သည် ကြီးမြတ်​သော​၊ တန်ခိုး​နှင့်​ပြည့်စုံ​သော​၊ ကြောက်ရွံ့ရိုသေ​ဖွယ်​သော​၊ ပဋိညာဉ်​နှင့် မေတ္တာကရုဏာ​တော်​ကို​စောင့်ထိန်း​တော်မူ​သော​ဘုရား ဖြစ်​တော်မူ​ပါ​၏​။ အဆီးရီးယား​ဘုရင်​တို့​လက်ထက်​မှစ၍ ယနေ့​ထိ​တိုင် အကျွန်ုပ်​တို့​၏​ရှင်ဘုရင်​များ​၊ အကြီးအကဲ​များ​၊ ယဇ်ပုရောဟိတ်​များ​၊ ပရောဖက်​များ​၊ ဘိုးဘေး​များ​နှင့် ကိုယ်တော်​၏​လူမျိုး​တော်​အပေါင်း​တို့​ကြုံတွေ့​ခဲ့​ရ​သော​အခက်အခဲ​အလုံးစုံ​တို့​ကို ဘာမျှ​မ​ဟုတ်​ဟု မှတ်​တော်​မ​မူ​ပါ​နှင့်​။

ဆာ​လံ 80:4

အို ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား​၊ ကိုယ်တော်​၏​အမျက်​တော်​သည် ကိုယ်တော့်​လူမျိုး​တော်​၏​ဆုတောင်း​ခြင်း​အပေါ် မည်မျှ​ကြာ​အောင် တငွေ့ငွေ့​လောင်​တော်မူ​မည်နည်း​။

ဆာ​လံ 80:8

ကိုယ်တော်​သည် စပျစ်ပင်​တစ်​ပင်​ကို အီဂျစ်​ပြည်​မှ​ဆောင်ယူ​ခဲ့​၍ လူမျိုးခြား​တို့​ကို​နှင်ထုတ်​ပြီးလျှင် ၎င်း​ကို စိုက်ပျိုး​တော်မူ​၏​။

ဆာ​လံ 85:5

အကျွန်ုပ်​တို့​အပေါ် အစဉ်အမြဲ​အမျက်ထွက်​တော်မူ​မည်လော​။ ကိုယ်တော်​၏​အမျက်​တော်​ကို မျိုးဆက်​အစဉ်အဆက် ကြာရှည်​စေ​တော်မူ​မည်လော​။

ဆာ​လံ 89:39

ကိုယ်တော်​၏​အစေအပါး​နှင့်​ဖွဲ့​တော်မူ​သော ပဋိညာဉ်​ကို​ပယ်ဖျက်​၍ သူ​၏​ဘုန်းသရဖူ​ကို မြေ​တိုင်အောင်​ရှုတ်ချ​တော်မူ​ပြီ​။