ဆာ​လံ 60:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ကိုယ်တော်​သည် မြေကြီး​ကို တုန်ခါ​စေ​၍ ၎င်း​ကို​ကွဲအက်​စေ​ခဲ့​ပါ​၏​။ ထို​ကွဲအက်ရာ​တို့​ကို ပြုပြင်​တော်မူ​ပါ​။ အကြောင်းမူကား ၎င်း​သည် တုန်လှုပ်​လျက်​ရှိ​ပါ​၏​။

Common Language Bible

² ကိုယ်​တော်​ရှင်​သည်​ပြည်​တော်​ကို​သိမ့်​သိမ့်​တုန် စေ​၍ ကွဲ​အက်​စေ​တော်​မူ​ပါ​ပြီ။ ပြည်​တော်​သည်​ပြို​ကွဲ​လျက်​ရှိ​သ​ဖြင့် ကွဲ​အက်​ရာ​များ​ကို​ပြု​ပြင်​တော်​မူ​ပါ။

Garrad Bible

² ပြည် တော် ကို လှုပ် ရှား ခွဲ စိတ် တော် မူ လေ ပြီ။ သိမ့် သိမ့် တုန် လျက် နေ သော အက် ကွဲ ရာ များ ကို ပြု စု တော် မူ ပါ။

Judson Bible

² မြေ​ကြီး​ကို လှုပ်၍ ခွဲ​တော်​မူ​ပြီ။ ကွဲ​အက်​ရာ​တို့​ကို တစ်​ဖန် စေ့​စပ်​စေ​တော်​မူ​ပါ။ တုန်​လှုပ်​လျက် ရှိ​ပါ​သေး၏။

ဆာ​လံ 60:2 ပူးပေါင်းရင်းမြစ်များ

၂ ရာ 22:8

ထိုအခါ ကိုယ်တော်​သည် အမျက်ထွက်​တော်မူ​သောကြောင့် မြေကြီး​သည် ယိမ်းထိုး​လှုပ်ခါ​၏​။ မိုးကောင်းကင်​အုတ်မြစ်​သည်​လည်း ယိမ်းထိုး​ခါယမ်း​၏​။

၂ ရာ 8:1

ထို့နောက်တွင် ဒါဝိဒ်​မင်းကြီး​သည် ဖိလိတ္တိ​လူမျိုး​တို့​ကို တိုက်ခိုက်​နှိမ်နင်း​ပြီး ဖိလိတ္တိ​လူမျိုး​တို့​လက်​မှ မေသေဂမ္မာ​မြို့​ကို သိမ်းယူ​လိုက်​၏​။

၁ ရာ​ချုပ် 18:12

ဇေရုယာ​၏​သား​အဘိရှဲ​သည်​လည်း ဧဒုံ​လူမျိုး တစ်သောင်းရှစ်ထောင်​ကို ဆား​ချိုင့်ဝှမ်း​တွင် သုတ်သင်​နိုင်​ခဲ့​ပြီး

၁ ရာ​ချုပ် 18:3

ဇောဘ​ဟာမတ်​ဘုရင်​ဟာဒဒေဇာ​မင်းကြီး​သည် ယူဖရေးတီး​မြစ်​တစ်လျှောက်​ကို ပြန်လည်​သိမ်းပိုက်​ရန် စစ်ချီ​လာ​သောအခါ ဒါဝိဒ်​မင်းကြီး​သည် သူ့​ကို​တိုက်ခိုက်​ပြီး

၁ ရာ​ချုပ် 18:5

ဒါဝိဒ်​မင်းကြီး​သည် ဇောဘ​ဘုရင်​ဟာဒဒေဇာ​မင်းကြီး​ကို စစ်ကူ​လာ​သော ဒမတ်စကပ်​မြို့သား ဆီးရီးယား​လူမျိုး​တို့​ထဲမှ ဆီးရီးယား​လူမျိုး နှစ်သောင်းနှစ်ထောင်​ကို သုတ်သင်​ပစ်​ပြီး

၂ ရာ​ချုပ် 7:14

ငါ့​နာမ​ဖြင့်​သမုတ်​သော​ငါ့​လူမျိုး​တော်​တို့​သည် မိမိ​တို့​၏​ဆိုးညစ်​သော​လမ်း​မှ​ပြန်လှည့်​ပြီး ကိုယ်​ကို​နှိမ့်ချ​လျက် ငါ့​မျက်နှာ​ကို​ရှာ​ပြီး ဆုတောင်း​လျှင် ကောင်းကင်ဘုံ​မှ ငါ​နားညောင်း​မည်​။ သူ​တို့​၏​အပြစ်​များ​ကို​လည်း ခွင့်လွှတ်​ပြီး သူ​တို့​ပြည်​ကို ချမ်းသာ​စေ​မည်​။

ယောဘဝတ္တု။ 5:18

အကြောင်းမူကား ထို​အရှင်​သည် နာကျင်​စေ​သော်လည်း အနာ​ကို ပတ်စည်း​ပေး​တော်မူ​၏​။ ဒဏ်ရာ​ရ​စေ​သော်လည်း ဒဏ်ရာ​ကို​ပျောက်ကင်း​စေ​တော်မူ​၏​။

ယောဘဝတ္တု။ 9:6

မြေကြီး​ကို သူ့​နေရာ​၌​လှုပ်ခတ်​စေ​သဖြင့် မြေကြီး​တိုင်လုံး​တို့​သည် တုန်လှုပ်​ကြ​၏​။

ဆာ​လံ 104:32

ကိုယ်တော်​သည် ကမ္ဘာမြေကြီး​ကို စေ့စေ့ကြည့်​တော်မူ​သောအခါ ၎င်း​သည် တုန်လှုပ်​၏​။ တောင်​များ​ကို​တို့ထိ​တော်မူ​သောအခါ ၎င်း​တို့​မှ မီးခိုး​ထွက်​ကြ​၏​။

ဆာ​လံ 114:7

အချင်း​မြေကြီး​၊ အရှင်​၏​ရှေ့​တော်​တည်းဟူသော ယာကုပ်​၏​ဘုရားသခင့်​ရှေ့​တော်​၌ တုန်လှုပ်​လျက်​နေ​လော့​။

ဆာ​လံ 18:7

ထိုအခါ ကိုယ်တော်​သည် အမျက်ထွက်​တော်မူ​သောကြောင့် မြေကြီး​သည် ယိမ်းထိုး​လှုပ်ခါ​၏​။ တောင်​များ​၏​အခြေအမြစ်​တို့​သည်​လည်း ယိမ်းထိုး​ခါယမ်း​ကြ​၏​။

ဆာ​လံ 89:40

ကိုယ်တော်​သည် သူ​၏​တံတိုင်း​ရှိသမျှ​တို့​ကို​ဖြိုဖျက်​၍ သူ​၏​ခံတပ်​များ​ကို ဖျက်ဆီး​တော်မူ​ပြီ​။

ထွက်​မြောက် 15:11

အို ထာဝရဘုရား​၊ ဘုရား​တို့​တွင် အဘယ်မည်သော​ဘုရား​သည် ကိုယ်တော်​နှင့်​တူ​ပါ​သနည်း​။ သန့်ရှင်း​ခြင်း​ကြောင့် ဘုန်းကြီး​တော်မူ​သော​၊ ဘုန်းအသရေ​ကြောင့် ကြောက်ရွံ့ဖွယ်​ဖြစ်​တော်မူ​သော​၊ အံ့ဖွယ်​သော​အမှု​ကို​ပြု​တော်မူ​သော ကိုယ်တော်​နှင့် အဘယ်သူ​တူ​ပါ​သနည်း​။

ဟေ​ရှာ​ယ 30:26

ထာဝရဘုရား​သည် မိမိ​လူမျိုး​တော်​၏​ဒဏ်ရာ​ကို ပတ်စည်း​ပေး​၍ မိမိ​ဒဏ်ခတ်​တော်မူ​သည့်​အနာ​ကို ပျောက်ကင်း​စေ​တော်မူ​သော​နေ့ရက်​၌ လ​၏​အလင်း​သည် နေ​၏​အလင်း​ကဲ့သို့​ဖြစ်​မည်​။ နေ​၏​အလင်း​သည် ခုနစ်ဆ​တိုး​၍ ခုနစ်​ရက်​အလင်း​ကဲ့သို့ လင်း​မည်​။

ဟေ​ရှာ​ယ 5:25

ထာဝရဘုရား​သည် မိမိ​လူမျိုး​တော်​ကို အမျက်ထွက်​၍ သူ​တို့​အပေါ်​လက်​တော်​ကို​ဆန့်​လျက် ဒဏ်ခတ်​တော်မူ​မည်​။ တောင်​တို့​သည်​လှုပ်ခတ်​ကြ​လိမ့်မည်​။ သူ​တို့​အလောင်း​သည် လမ်းမ​အလယ်​၌ အမှိုက်သရိုက်​ကဲ့သို့​ဖြစ်​လိမ့်မည်​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။

ဟေ​ရှာ​ယ 7:8

အကြောင်းမူကား ဆီးရီးယား​ပြည်​၏​ဦးခေါင်း​သည် ဒမတ်စကပ်​မြို့​၊ ဒမတ်စကပ်​မြို့​၏​ဦးခေါင်း​သည် ရေဇိန်​မင်းကြီး​ဖြစ်​၏​။ ဧဖရိမ်​သည် ခြောက်ဆယ့်​ငါး​နှစ်​အတွင်း လူမျိုး​တစ်​မျိုး​အဖြစ်​မှ တစ်စစီပြိုကွဲ​သွား​ရ​လိမ့်မည်​ဟု မိန့်​တော်မူ​ပြီ​။

ယေ​ရ​မိ 10:10

ထာဝရဘုရား​မူကား စစ်မှန်​သော​ဘုရား​ဖြစ်​၏​။ ကိုယ်တော်​သည် အသက်ရှင်​တော်မူ​သော​ဘုရား​၊ ထာဝရ​ဘုရင်​ဖြစ်​တော်မူ​၏​။ ကိုယ်တော်​အမျက်ထွက်​တော်မူ​လျှင် မြေကြီး​တုန်ခါ​ပါ​၏​။ လူမျိုး​အပေါင်း​တို့​သည် အမျက်​တော်​ကို မ​ခံနိုင်​ကြ​ပါ​။

ယေ​ရ​မိ 14:17

ထို့ကြောင့် သင်​သည် သူ​တို့​အား ‘​ငါ့​လူမျိုး​သမီးပျို​သည် ကျိုးပဲ့ကြေမွ​သော​ဒဏ်ရာ​ရ​၍ ပြင်းထန်စွာ​ဝေဒနာ​ခံစား​ရ​သောကြောင့် ငါ​သည် အငို​မ​ရပ်​၊ နေ့နေ့​ညည​ငို​မည်​။

ယေ​ရ​မိ 30:17

ထာဝရဘုရား​က “​ထို​သူ​တို့​သည် သင့်​ကို ‘​အပယ်​ခံရ​သော​သူ​၊ မည်သူမျှ​ဂရု​မ​စိုက်​သော​ဇိအုန်​မြို့​’​ဟု ခေါ်​ကြ​သောကြောင့် ငါ​သည် သင့်​ကို ပြန်လည်​ကျန်းမာ​စေ​မည်​။ သင့်​အနာ​ကို ကုသ​ပေး​မည်​”​ဟု မိန့်​တော်မူ​၏​။

ယေ​ရ​မိ 4:24

ငါ​သည် တောင်ကြီး​တို့​ကို​ကြည့်​လိုက်​သော် ၎င်း​တို့​သည် တုန်ခါ​လျက်​၊ တောင်ငယ်​ရှိသမျှ​လည်း လှုပ်ယမ်း​လျက်​နေ​၏​။

ယေ​ရ​မိ 48:38

မောဘ​ပြည်​ရှိ ခေါင်မိုးပြင်​များ​၊ လမ်းမ​များ​မှစ၍ နေရာ​အနှံ့ မြည်တမ်း​ကြ​လိမ့်မည်​။ အကြောင်းမူကား မည်သူမျှ​အလို​မ​ရှိ​သော​အိုး​ကဲ့သို့ မောဘ​ပြည်​ကို ငါ​ခွဲပစ်​လိုက်​ပြီ​”​ဟု ထာဝရဘုရား​မိန့်​တော်မူ​၏​။

မြည်​တမ်း​စ​ကား 2:13

အို ဂျေရုဆလင်​သမီး​၊ သင့်​ကို မည်သို့​ပြော​ရ​မည်နည်း​၊ မည်သည့်​အရာ​ဖြင့် နှိုင်းပြ​ရ​မည်နည်း​။ အို ဇိအုန်​သမီး​ပျို​၊ သင့်​ကို မည်သူ​နှင့်​ခိုင်းနှိုင်း​ပြီး နှစ်သိမ့်​ပေး​ရ​မည်နည်း​။ အကယ်စင်စစ် သင်​၏​ဒဏ်ရာ​သည် ပင်လယ်​ကဲ့သို့​နက်​၍ သင့်​ကို မည်သူ​ကုသ​ပေး​နိုင်​မည်နည်း​။

ယေ​ဇ​ကျေ​လ 34:16

ပျောက်​သော​သိုး​ကို ပြန်ရှာ​မည်​။ လမ်းလွဲ​သော​သိုး​ကို ပြန်ခေါ်​လာ​မည်​။ ဒဏ်ရာ​ရ​သော​သိုး​ကို ကျပ်စည်း​ပေး​မည်​။ အားနည်း​သော​သိုး​ကို အားရှိ​စေ​မည်​။ သို့သော် ဆူဖြိုး​သန်မာ​သော​သိုး​ကို​မူ ငါ​သုတ်သင်​ပစ်​မည်​။ ငါ​သည် သိုး​တို့​ကို တရားသဖြင့် ကျွေးမွေး​ထိန်းကျောင်း​မည်’​ဟု မိန့်​တော်မူ​၏​။

ဟော​ရှေ 6:1

လာ​ကြ​၊ ထာဝရဘုရား​ထံ ပြန်လှည့်​ကြ​စို့​။ ကိုယ်တော်​သည် ငါ​တို့​ကို အပိုင်းပိုင်း​ဆွဲဖဲ့​သော်လည်း ပြန်လည်​ကုသ​ပေး​တော်မူ​မည်​။ ဒဏ်ရာ​ရ​စေ​သော်လည်း အနာ​ကို​ပတ်စည်း​ပေး​တော်မူ​မည်​။

အာ​မုတ် 8:8

ထို​အကြောင်း​ကြောင့် ပြည်​သည် ထိတ်လန့်တုန်လှုပ်​၍ ပြည်သား​တို့​လည်း ငိုကြွေးမြည်တမ်း​ရ​မည် မ​ဟုတ်​လော​။ တစ်ပြည်လုံး​သည် နိုင်း​မြစ်​ကဲ့သို့ လှိုင်းထ​ပြီး အီဂျစ်​မြစ်ရေ​ကဲ့သို့ လှုပ်ခါ​၍ ပြန်​ဆုတ်သွား​လိမ့်မည် မ​ဟုတ်​လော​။

ဟ​ဗက္ကုတ် 3:10

တောင်​များ​သည် ကိုယ်တော်​ကို​မြင်​လျှင် တုန်လှုပ်​ကြ​ပါ​၏​။ မိုးသက်မုန်တိုင်း​လည်း တိုက်ခတ်​ပါ​၏​။ နက်ရှိုင်း​ရာ​အရပ်​သည် ဟုန်းသံ​ပေး​၍ မိမိ​လက်​များ​ကို​လည်း အထက်​သို့​မြှောက်​ပါ​၏​။

မဿဲ 27:51

ထိုအခါ ဗိမာန်​တော်​ကန့်လန့်ကာ​သည်​အထက်စွန်း​မှ အောက်စွန်း​တိုင်အောင် နှစ်​ခြမ်း​ကွဲ​သွား​လေ​၏။ မြေကြီး​သည်​လှုပ်​၍ ကျောက်​များ​သည် အက်ကွဲ​လေ​၏။