ဆာ​လံ 59:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ အို အကျွန်ုပ်​၏​ဘုရားသခင်​၊ အကျွန်ုပ်​၏​ရန်သူ​တို့​လက်​မှ အကျွန်ုပ်​ကို​ကယ်နုတ်​တော်မူ​ပါ​။ အကျွန်ုပ်​တစ်ဖက်​၌​ထကြွ​သော​သူ​တို့​၏​ဘေး​မှ အကျွန်ုပ်​ကို​လုံခြုံ​စွာ​စောင့်ရှောက်​တော်မူ​ပါ​။

Common Language Bible

¹ ကျွန်​တော်​မျိုး​၏​ဘု​ရား၊ကျွန်​တော်​မျိုး​အား ရန်​သူ​တို့​၏​လက်​မှ​ကယ်​တော်​မူ​ပါ။ ကျွန်​တော်​မျိုး​အား​တိုက်​ခိုက်​သူ​တို့​၏​ဘေး​မှ ကွယ်​ကာ​စောင့်​ရှောက်​တော်​မူ​ပါ။

Garrad Bible

¹ အို အ ကျွန်ုပ် ၏ ဘု ရား သ ခင်၊ အ ကျွန်ုပ် ကို ရန် သူ တို့ လက် မှ လွတ် မြောက် စေ၍၊ တစ် ဘက်၌ ထ ကြွ သူ တို့ ထံ မှ ဆောင် တော် မူ ပါ။

Judson Bible

¹ အို အ​ကျွန်ုပ်၏​ဘု​ရား၊ ရန်​သူ​တို့​လက်​မှ အ​ကျွန်ုပ်​ကို ကယ်​နုတ်​တော်​မူ​ပါ။ အ​ကျွန်ုပ်​ကို ရန်​ဘက်​ပြု​သော​သူ​တို့၏​အ​ပေါ်​မှာ အ​ကျွန်ုပ်​ကို ချီး​မြှောက်​တော်​မူ​ပါ။

ဆာ​လံ 59:1 ပူးပေါင်းရင်းမြစ်များ

ဆာ​လံ 12:5

ထာဝရဘုရား​က “​အဖိနှိပ်​ခံရ​သော​သူ​တို့​ကြုံ​ရ​သည့်​ညှဉ်းဆဲ​ခြင်း​နှင့် နွမ်းပါး​သော​သူ​တို့​၏​ညည်းတွား​ခြင်း​ကြောင့် ယခုပင် ငါ​ထ​မည်​။ သူ​တို့​တမ်းတ​သော​လုံခြုံ​ရာ​အရပ်​၌ သူ​တို့​ကို​ငါ​ထား​မည်​”​ဟု မိန့်​တော်မူ​၏​။

ဆာ​လံ 143:12

အကျွန်ုပ်​သည် ကိုယ်တော်​၏​အစေအပါး ဖြစ်​သောကြောင့် ကိုယ်တော်​၏​မေတ္တာကရုဏာ​တော်​အားဖြင့် အကျွန်ုပ်​၏​ရန်သူ​တို့​ကို ဖယ်ရှားသုတ်သင်​တော်မူ​ပါ​။ အကျွန်ုပ်​၏​စိတ်ဝိညာဉ်​ကို ရန်ဖက်ပြု​သော​သူ​အားလုံး​ကို​လည်း ဖျက်ဆီး​တော်မူ​ပါ​။

ဆာ​လံ 143:9

အို ထာဝရဘုရား​၊ အကျွန်ုပ်​၏​ရန်သူ​တို့​လက်​မှ အကျွန်ုပ်​ကို​ကယ်နုတ်​တော်မူ​ပါ​။ အကျွန်ုပ်​သည် ကိုယ်တော်​၌​ခိုလှုံ​ပါ​၏​။

ဆာ​လံ 18:48

ငါ​၏​ရန်သူ​တို့​လက်​မှ ငါ့​ကို​လွတ်မြောက်​စေ​တော်မူ​၏​။ ကိုယ်တော်​သည် အကျွန်ုပ်​ကို​ဆန့်ကျင်​သော သူ​တို့​အပေါ် အကျွန်ုပ်​ကို​ချီးမြှောက်​တော်မူ​ပြီး ရက်စက်ကြမ်းကြုတ်​သော​သူ​တို့​၏​လက်​မှ အကျွန်ုပ်​ကို​ကယ်နုတ်​တော်မူ​၏​။

ဆာ​လံ 20:1

ဆင်းရဲဒုက္ခ​ရောက်​သော​ကာလ​၌ ထာဝရဘုရား​သည် သင့်​ကို​ထူး​တော်မူ​ပါစေသော​။ ယာကုပ်​၏​ဘုရားသခင်​နာမ​တော်​သည် သင့်​ကို​လုံခြုံ​စွာ​စောင့်ရှောက်​ပါစေသော​။

ဆာ​လံ 57:1

အို ဘုရားသခင်​၊ အကျွန်ုပ်​ကို​သနား​တော်မူ​ပါ​။ အကျွန်ုပ်​ကို​သနား​တော်မူ​ပါ​။ အကြောင်းမူကား အကျွန်ုပ်​၏​စိတ်ဝိညာဉ်​သည် ကိုယ်တော်​ကို​ခိုလှုံ​ပါ​၏​။ ပျက်စီး​ခြင်း​ဘေး​များ​ကျော်လွန်​သွား​သည်​အထိ ကိုယ်တော်​၏​အတောင်​တော်​အရိပ်​အောက်​၌ အကျွန်ုပ်​ခိုလှုံ​ပါ​မည်​။

ဆာ​လံ 58:1

အို အားကြီး​သော​သူ​တို့​၊ အကယ်စင်စစ် သင်​တို့​သည် ဖြောင့်မတ်​စွာ​ပြောဆို​ကြ​သလော​။ လူသား​တို့​ကို သမာသမတ်​ရှိ​စွာ တရားစီရင်​ကြ​သလော​။

ဆာ​လံ 71:4

အို အကျွန်ုပ်​၏​ဘုရားသခင်​၊ ဆိုးယုတ်​သော​သူ​တို့​၏​လက်​မှ​လည်းကောင်း​၊ မတရား​သော​သူ​နှင့်​ကြမ်းကြုတ်​သော​သူ​၏​လက်​ထဲမှ​လည်းကောင်း အကျွန်ုပ်​ကို​လွတ်မြောက်​စေ​တော်မူ​ပါ​။

ဆာ​လံ 91:14

“​သူ​သည် ငါ့​ကို​ချစ်​သောကြောင့် ငါ​သည် သူ့​ကို​ကယ်တင်​မည်​။ ငါ​၏​နာမ​ကို​သိ​သောကြောင့် သူ့​ကို လုံခြုံ​စွာ​စောင့်ရှောက်​မည်​။

ဟေ​ရှာ​ယ 33:16

ထို​သူ​သည် မြင့်ရာအရပ်​၌ နေ​ရ​လိမ့်မည်​။ ခိုင်ခံ့​သော​ကျောက်တောင်​၌ ခိုလှုံ​ရ​၍ သူ့​အား အစားအစာ​ပေး​ကြ​၏​။ သူ​၌ သောက်ရေ​မပြတ်​။