ဆာ​လံ 55:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ကြောက်ရွံ့​ခြင်း​နှင့်​ထိတ်လန့်တုန်လှုပ်​ခြင်း​သည် အကျွန်ုပ်​အပေါ်​ကျရောက်​၍ ကြောက်ရွံ့စိတ်​သည်​လည်း အကျွန်ုပ်​ကို​လွှမ်းမိုး​လျက်​ရှိ​ပါ​၏​။

Common Language Bible

⁵ ကြောက်​လန့်​တုန်​လှုပ်​လျက်၊လွန်​စွာ​တုန်​လှုပ် ချောက်​ချား​လျက်​ရှိ​ပါ​၏။

Garrad Bible

⁵ ကြောက် ရွံ့ တုန် လှုပ် ခြင်း ဖြစ် လာ ၍၊ ရွံ ရှာ ဖွယ် ရာ လွှမ်း မိုး လျက် ရှိ ပါ ၏။

Judson Bible

⁵ ကြောက်​ရွံ့​တုန်​လှုပ်​ခြင်း​သို့​ရောက်၍ အ​လွန်​ထိတ်​လန့်​ခြင်း၌ မွန်း​လျက်​ရှိ​ရ​ပါ၏။

ဆာ​လံ 55:5 ပူးပေါင်းရင်းမြစ်များ

၂ ရာ 15:14

ဒါဝိဒ်​မင်းကြီး​က​လည်း ဂျေရုဆလင်​မြို့​ရှိ မိမိ​ထံ​ခစား​သော​မင်းမှုထမ်း​အပေါင်း​တို့​အား “​ထ​ကြ​။ ယခု ငါ​တို့ ထွက်ပြေး​ကြ​ရ​မည်​။ မ​ဟုတ်​လျှင် အဗရှလုံ​လက်​မှ လွတ်​မည်​မ​ဟုတ်​။ ငါ​တို့ အလျင်အမြန်​ထွက်သွား​ရ​မည်​။ မ​ဟုတ်​လျှင် သူ​သည် ငါ​တို့​ကို​လိုက်​မီ​၍ အန္တရာယ်​ပြု​လိမ့်မည်​။ မြို့သား​တို့​ကို​လည်း ဓား​နှင့်​သတ်​လိမ့်မည်​”​ဟု မိန့်ဆို​၏​။

ယောဘဝတ္တု။ 21:6

ငါ​ပြန်​တွေးမိ​တိုင်း ထိတ်လန့်​ပြီး အသား​များ​လည်း တဆတ်ဆတ်တုန်​ပါ​၏​။

ယောဘဝတ္တု။ 6:4

အကယ်စင်စစ် အနန္တတန်ခိုးရှင်​ထံမှ မြား​တို့​သည် ငါ့​ကိုယ်​၌​စိုက်ဝင်​လျက်​ရှိ​၏​။ ငါ့​စိတ်ဝိညာဉ်​သည် ထို​မြား​တို့​၏​အဆိပ်ရည်​ကို သောက်သုံး​နေ​ရ​၏​။ ဘုရားသခင်​ထံမှ ကြောက်မက်ဖွယ်​ရာ​တို့​သည် ငါ့​ရှေ့​၌ တန်းစီ​လျက်​ရှိ​၏​။

ဆာ​လံ 119:120

ကိုယ်တော်​ကို​ကြောက်ရွံ့​၍ အကျွန်ုပ်​အသား​သည် တဆတ်ဆတ်တုန်​နေ​ပါ​၏​။ ကိုယ်တော်​၏​စီရင်ထုံးဖွဲ့ချက်​တို့​ကို​လည်း အကျွန်ုပ်​ကြောက်ရွံ့​ပါ​၏​။

ဆာ​လံ 18:6

ဆင်းရဲဒုက္ခ​ရောက်​စဉ် ငါ​သည် ထာဝရဘုရား​ကို ခေါ်​ပါ​၏​။ ငါ​၏​ဘုရားသခင်​ကို အကူအညီ​အော်ဟစ်​တောင်းခံ​ပါ​၏​။ ကိုယ်တော်​သည် ငါ​၏​အသံ​ကို ဗိမာန်တော်​ထဲမှ ကြား​တော်မူ​ပါ​၏​။ ငါ​၏​အော်ဟစ်သံ​သည်​လည်း ကိုယ်တော်​၏​ရှေ့​တော်​၊ ကိုယ်တော်​၏​နား​တော်​သို့​ရောက်​ပါ​၏​။

ဆာ​လံ 42:6

အို အကျွန်ုပ်​၏​ဘုရားသခင်​၊ အကျွန်ုပ်​၏​စိတ်ဝိညာဉ်​သည် အကျွန်ုပ်​အထဲ​၌ ညှိုးငယ်​လျက်​ရှိ​ပါ​၏​။ ထို့ကြောင့် အကျွန်ုပ်​သည် ဂျော်ဒန်​မြစ်ဝှမ်း​နှင့် ဟေရမုန်​တောင်ရိုး​တို့​မှ​လည်းကောင်း​၊ မိဇရ​တောင်​မှ​လည်းကောင်း ကိုယ်တော်​ကို​အောက်မေ့​ပါ​၏​။

ဆာ​လံ 61:2

အကျွန်ုပ်​သည် စိတ်နှလုံး​ညှိုးငယ်​သောအခါ ကိုယ်တော်​ကို ကမ္ဘာမြေကြီး​အစွန်း​မှ ခေါ်​ပါ​၏​။ အကျွန်ုပ်​ထက်​မြင့်မား​သော​ကျောက်ဆောင်​ပေါ်သို့ အကျွန်ုပ်​ကို​ပို့ဆောင်​တော်မူ​ပါ​။

ဟေ​ရှာ​ယ 21:4

ငါ​သည် စိတ်​ချောက်ချား​၍ ကြောက်စိတ်​ကြောင့် တုန်လှုပ်​လျက်​ရှိ​၏​။ ငါ​နှစ်သက်​ခဲ့​သော​ညနေဆည်းဆာ​သည် ငါ့​အတွက် ကြောက်စရာ​ဖြစ်​လေ​၏​။

ယေ​ဇ​ကျေ​လ 7:18

လျှော်တေအဝတ်​ကို​ဝတ်​လျက် ခေါင်းတုံးတုံး​ကြ​ရ​လိမ့်မည်​။ ကြောက်ရွံ့စိတ်​တို့​ကြီးစိုး​လျက် အရှက်ကွဲ​ရ​လိမ့်မည်​။

လုကာ 22:44

ကိုယ်တော်​သည် ပြင်းစွာ​သော​ဝေဒနာ​ကို​ခံစား​လျက် ပို၍​ပြင်းပြ​စွာ​ဆုတောင်း​တော်မူ​ရာ ကိုယ်တော်​၏​ချွေး​သည် မြေ​ပေါ်သို့​ကျ​သော​သွေး​စက်​သဖွယ်​ဖြစ်​လေ​၏။