ဆာ​လံ 50:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ကိုယ်တော်​သည် မိမိ​၏​လူမျိုး​တော်​ကို စစ်ကြောစီရင်​ရန် အထက်​ကောင်းကင်​နှင့် ကမ္ဘာမြေကြီး​ကို​ဆင့်ခေါ်​လျက်

Common Language Bible

⁴ မိ​မိ​လူ​စု​တော်​အား​တ​ရား​စီ​ရင်​တော်​မူ သည်​ကို ကြည့်​ရှု​ကြ​ရန် ကိုယ်​တော်​သည်​သက်​သေ​များ​အ​ဖြစ် မိုး​ကောင်း​ကင်​နှင့်​ကမ္ဘာ​မြေ​ကြီး​ကို​ဆင့်​ခေါ် တော်​မူ​၏။

Garrad Bible

⁴ လူ မျိုး တော် ကို စီ ရင် ဆုံး ဖြတ် ခြင်း အ လို့ ငှာ၊ အ ထက် ကောင်း ကင် သို့ လည်း ကောင်း၊ မြေ ကြီး သို့ လည်း ကောင်း၊ ခေါ် လျက်၊

Judson Bible

⁴ မိ​မိ​လူ​တို့​ကို စစ်​ကြော​စီ​ရင်​ခြင်း​အ​လို​ငှာ အ​ထက်​ကောင်း​ကင်​ကို​လည်း​ကောင်း၊ မြေ​ကြီး​ကို​လည်း​ကောင်း ခေါ်​တော်​မူ​လျက်၊

ဆာ​လံ 50:4 ပူးပေါင်းရင်းမြစ်များ

ဆာ​လံ 50:6

ထိုအခါ ကောင်းကင်​သည် ကိုယ်တော်​၏​ဖြောင့်မတ်​ခြင်း​ကို​ပြောကြား​၏​။ အကြောင်းမူကား ဘုရားသခင်​ကိုယ်တော်တိုင်​သည် တရားစီရင်​သော​အရှင်​ဖြစ်​တော်မူ​၏​။(​စေလာ)

ဆာ​လံ 96:13

အကြောင်းမူကား ကိုယ်တော်​ကြွလာ​တော်မူ​၏​။ ကမ္ဘာမြေကြီး​ကို​တရားစီရင်​ရန် ကိုယ်တော်​ကြွလာ​တော်မူ​၏​။ ကိုယ်တော်​သည် ကမ္ဘာလောက​ကို ဖြောင့်မတ်​ခြင်း​ဖြင့်​လည်းကောင်း​၊ လူ​တို့​ကို မိမိ​၏​သစ္စာ​တော်​ဖြင့်​လည်းကောင်း တရားစီရင်​တော်မူ​လိမ့်မည်​။

ဆာ​လံ 98:9

အကြောင်းမူကား ကိုယ်တော်​သည် ကမ္ဘာမြေကြီး​ကို​တရားစီရင်​ရန် ကြွလာ​တော်မူ​၏​။ ကိုယ်တော်​သည် ကမ္ဘာလောက​ကို ဖြောင့်မတ်​ခြင်း​ဖြင့်​လည်းကောင်း​၊ လူ​တို့​ကို သမာသမတ်​ရှိ​ခြင်း​ဖြင့်​လည်းကောင်း တရားစီရင်​တော်မူ​လိမ့်မည်​။

ဟေ​ရှာ​ယ 1:2

အို ကောင်းကင်​၊ နားထောင်​လော့​။ အို မြေကြီး​၊ စူးစိုက်​နားထောင်​လော့​။ ထာဝရဘုရား​က “​ငါ​သည် သားသမီး​တို့​ကို ကျွေးမွေး​ပြုစု​ခဲ့​သော်လည်း သူ​တို့​သည် ငါ့​ကို​ဆန့်ကျင်ပုန်ကန်​ကြ​ပြီ​။

ယေ​ရ​မိ 2:9

ထို့ကြောင့် ငါ​သည် သင်​တို့​ကို စွဲချက်တင်​မည်​။ သင်​တို့​၏​သားမြေး​တို့​ကို​လည်း စွဲချက်တင်​မည်​”​ဟု မိန့်​တော်မူ​၏​။

တ​ရား​ဟော 30:19

ယနေ့ ငါ​သည် ကောင်းကင်​နှင့်​မြေကြီး​ကို​သက်သေ​ထား​၍ အသက်ရှင်​ခြင်း​နှင့်​သေ​ခြင်း​၊ ကောင်းချီးမင်္ဂလာ​နှင့်​ကျိန်ခြင်းအမင်္ဂလာ​ကို သင့်​ရှေ့​၌ ငါ​ချထား​၏​။ သို့ဖြစ်၍ သင်​နှင့်​သင်​၏​သားမြေး​တို့​အသက်ရှင်​မည့်​အကြောင်း အသက်ရှင်​ခြင်း​ကို​ရွေးချယ်​လော့​။

တ​ရား​ဟော 31:28

ဤ​စကား​များ​ကို သူ​တို့​ကြား​အောင် ငါ​ပြောကြား​နိုင်​မည့်​အကြောင်း​၊ ကောင်းကင်​နှင့်​မြေကြီး​ကို​တိုင်တည်​ပြီး သူ​တို့​ကို​ဆန့်ကျင်​သည့်​သက်သေ​ကို​ထူ​နိုင်​မည့်​အကြောင်း သင်​တို့​မျိုးနွယ်​များ​၏​သက်ကြီးဝါကြီး​များ​၊ သင်​တို့​၏​ကြီးကြပ်အုပ်ချုပ်သူ​များ အားလုံး​ကို ငါ့​ထံ၌ စုရုံး​စေ​လော့​။

တ​ရား​ဟော 32:1

မောရှေ​မြွက်ဆို​သည်​မှာ “​အို ကောင်းကင်​၊ စူးစိုက်​နားထောင်​လော့​။ ငါ​ပြော​မည်​။ အို မြေကြီး​၊ ငါ့​နှုတ်ထွက်​စကား​များ​ကို နားထောင်​လော့​။

တ​ရား​ဟော 4:26

ယနေ့ ငါ​သည် သင်​တို့​တစ်ဖက်​၌ ကောင်းကင်​နှင့်​မြေကြီး​ကို​သက်သေ​ထား​၍ တိုင်တည်​၏​။ သင်​တို့​သည် ဂျော်ဒန်​မြစ်​ကို​ကူးသွား​၍​သိမ်းပိုက်​မည့်​ပြည်​မှ မကြာမီ​လုံးလုံး​ဖျက်ဆီး​ခြင်း​ခံရ​မည်​။ ထို​ပြည်​၌ အသက်​ရှည်ရှည်​မ​နေ​ရ​၊ လုံးလုံး​ဖျက်ဆီး​ခြင်း​ခံရ​မည်​။

တ​ရား​ဟော 4:36

ကိုယ်တော်​သည် မိုးကောင်းကင်​မှ ပဲ့ပြင်​သော​စကားသံ​ကို သင်​တို့​အား ကြား​စေ​တော်မူ​၏​။ မြေကြီး​ပေါ်၌​လည်း သင်​တို့​အား မီးတောက်မီးလျှံ​ကြီး​ကို ပြ​တော်မူ​၍ ထို​မီး​ထဲ​မှ ကိုယ်တော်​၏​စကား​တော်​ကို သင်​တို့​ကြား​ရ​ကြ​၏​။