ဆာ​လံ 49:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ငါ့​ကို​လိမ်လည်​လှည့်စား​သော​သူ​တို့​၏​ဒုစရိုက်​က ငါ့​ကို​ဝိုင်းရံ​၍ ငါ​ဒုက္ခ​ရောက်​သော​နေ့ရက်​များ​၌ ငါ​သည် အဘယ်ကြောင့် ကြောက်ရွံ့​ရ​မည်နည်း​။

Common Language Bible

⁵ ဆိုး​ယုတ်​သည့်​ရန်​သူ​တို့​သည်​ငါ့​အား ဝိုင်း​ရံ​ထား​သ​ဖြင့်​ငါ​သည်​ဘေး​သင့်​၍​နေ သော်​လည်း ကြောက်​လန့်​လိမ့်​မည်​မ​ဟုတ်။

Garrad Bible

^5-6 ကိုယ့် ကြွယ် ဝ ခြင်း ၌ ကိုး စား လျက်၊ ပ စ္စည်း များ ခြင်း ကြောင့် ဝါ ကြွား သူ၊ ငါ့ ကို ကြော့ လို သူ တို့ အ ဓ မ္မ မှု ဝိုင်း မိ သ ဖြင့်၊ ဒု က္ခ ခံ ရ သည့် ကာ လ၊ အ ဘယ့် ကြောင့် ကြောက် ရ အံ့ နည်း။

Judson Bible

⁵ ခဲ​ယဉ်း​ဆိုး​ယုတ်​သော​ကာ​လ၌ ငါ၏​အ​ရာ​တို့ကို လု​ယူ​ချင်​သော​သူ​တို့၏ ဒု​စ​ရိုက်​အ​မှု​သည် ငါ့​ကို​ဝိုင်း​သော်​လည်း၊ ငါ​သည် အ​ဘယ်​ကြောင့် ကြောက်​ရ​မည်​နည်း။

ဆာ​လံ 49:5 ပူးပေါင်းရင်းမြစ်များ

ကမ္ဘာ​ဦး 49:17

ဒန်​သည် လမ်း​ပေါ်​က​မြွေ​၊ လမ်း​ဘေးက​မြွေပွေး​ဖြစ်​လိမ့်မည်​။ သူ​သည် မြင်း​၏​ဖနောင့်​ကို​ပေါက်​သဖြင့် မြင်း​စီး​သော​သူ​သည် နောက်ပြန်​ပြုတ်ကျ​လိမ့်မည်​။

ဆာ​လံ 22:16

အမှန်စင်စစ် ခွေး​များ​သည် အကျွန်ုပ်​ကို​ဝိုင်း​ထား​ကြ​ပြီး ဆိုးညစ်​သော​အမှု​ကို​ပြု​သော​လူတစ်စု​သည် အကျွန်ုပ်​ကို​ဝိုင်းရံ​ထား​ကြ​ပါ​၏​။ သူ​တို့​သည် အကျွန်ုပ်​၏​ခြေ​နှင့်​အကျွန်ုပ်​၏​လက်​ကို ထိုးဖောက်​ကြ​ပါ​၏​။

ဆာ​လံ 23:4

အကယ်၍ သေ​ခြင်း​၏​အရိပ်​လွှမ်းမိုး​သော​ချိုင့်ဝှမ်း​၌ လျှောက်သွား​ရ​သော်လည်း အကျွန်ုပ်​သည် ဘေးအန္တရာယ်​ကို​မ​ကြောက်​ပါ​။ အကြောင်းမူကား ကိုယ်တော်​သည် အကျွန်ုပ်​နှင့်အတူ​ရှိ​တော်မူ​၏​။ ကိုယ်တော်​၏​လှံတံ​တော်​နှင့်​တောင်ဝှေး​တော်​သည် အကျွန်ုပ်​ကို​နှစ်သိမ့်ပေး​ပါ​၏​။

ဆာ​လံ 38:4

အကြောင်းမူကား အကျွန်ုပ်​၏​ဒုစရိုက်​များ​သည် အကျွန်ုပ်​၏​ဦးခေါင်း​ကို လွှမ်းမိုး​သည်​အထိ များပြား​၍ ဝန်ထုပ်ကြီး​ကဲ့သို့ အကျွန်ုပ်​အတွက် လေးလံ​လွန်း​ပါ​၏​။

ဆာ​လံ 78:2

ငါ​သည် ပုံဥပမာ​များ​ဆောင်​လျက် ငါ့​နှုတ်​ကို​ဖွင့်​၍ ရှေးကာလ​မှ ပဟေဠိ​တို့​ကို ထုတ်ဖော်​ပြောဆို​မည်​။

သုတ္တံကျမ်း။ 24:10

သင်​သည် ဆင်းရဲဒုက္ခ​ရောက်​သော​ကာလ​၌ စိတ်အားလျော့​လျှင် သင်​၏​ခွန်အား​သည် နည်း​လိမ့်မည်​။

သုတ္တံကျမ်း။ 5:22

ဆိုးယုတ်​သော​သူ​သည် မိမိ​ဒုစရိုက်​များ​ဖြင့် ဖမ်းဆီး​ခြင်း​ခံရ​၍ မိမိ​အပြစ်​ကြိုး​များ​ဖြင့် ချည်နှောင်​ခြင်း​ခံရ​လိမ့်မည်​။

ဟော​ရှေ 7:2

သူ​တို့​ပြု​သော​မကောင်းမှု​အားလုံး​ကို ငါ​မှတ်ထား​ကြောင်း သူ​တို့​၏​စိတ်​ထဲ၌ မ​တွေးမိ​ကြ​။ ယခုမှာ သူ​တို့​ပြု​သော​အမှု​သည် သူ​တို့​ကို​ဝိုင်း​ထား​လေ​ပြီ​။ သူ​တို့​လုပ်​သမျှ​ကို ငါ​မြင်​လေ​ပြီ​။

အာ​မုတ် 5:13

ဤ​ကာလ​သည် ဆိုးညစ်​သော​ကာလ​ဖြစ်​သောကြောင့် ပညာသတိ​ရှိ​သူ​သည် နှုတ်ဆိတ်​နေ​လိမ့်မည်​။

တော​လည် 23:7

ထိုအခါ ဗာလမ်​က ပရောဖက်​ပြု​လျက် “​မောဘ​ဘုရင်​ဗာလက်​မင်းကြီး​သည် ငါ့​ကို အရှေ့​တောင်ရိုး အာရံ​ပြည်​မှ​ခေါ်လာ​၍ ‘​လာ​ပါ​လော့​။ ငါ့​အဖို့ ယာကုပ်​အမျိုး​ကို​ကျိန်ဆဲ​ပါ​လော့​။ လာ​ပါ​လော့​။ အစ္စရေး​လူမျိုး​ကို​ရှုတ်ချ​ပါ​လော့​’​ဟု ဆို​၏​။

တမန်တော်ဝတ္ထု 27:24

‘ပေါလု၊ မ​စိုးရိမ်​နှင့်။ သင်​သည် ဆီဇာ​ဧကရာဇ်​ရှေ့သို့​ရောက်​ရ​မည်။ ဘုရားသခင်​သည် သင်​နှင့်အတူ​ရွက်လွှင့်​နေ​သူ​အပေါင်း​တို့​ကို​လည်း သင့်​အား ပေးအပ်​တော်မူ​ပြီ’​ဟု မြွက်ဆို​ခဲ့​ပါ​သည်။

ဧ​ဖက် 5:16

နေ့ရက်​ကာလ​တို့​သည် ဆိုးညစ်​သောကြောင့် အချိန်အခါ​ကို ကောင်းစွာ​အသုံးချ​ကြ​လော့။

ဖိ​လိပ္ပိ 1:28

ထိုသို့​ကြောက်ရွံ့​ခြင်း​မ​ရှိ​ခြင်း​သည် သူ​တို့​အတွက် ပျက်စီး​ခြင်း​၏​လက္ခဏာ​ဖြစ်​၏။ သင်​တို့​အတွက်​မူကား ကယ်တင်​ခြင်း​၏​လက္ခဏာ​ဖြစ်ပြီး ၎င်း​သည် ဘုရားသခင်​ထံမှ​လာ​၏။

၁ ရာ 26:20

ယခုမှာ ထာဝရဘုရား​ရှေ့​တော်​နှင့်​ဝေး​ရာ​၌ အကျွန်ုပ်​ကို မ​သတ်​ပါ​နှင့်​။ အစ္စရေး​ဘုရင်​သည် တောင်​များ​ပေါ်တွင် ခါငှက်​ကို​လိုက်​သကဲ့သို့ ခွေးလှေး​တစ်​ကောင်​ကို ရှာ​ထွက်​လေ​ပြီ​”​ဟု ပြန်​အော်ပြော​၏​။