ဆာ​လံ 49:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထို​သူ​တို့​က မိမိ​တို့​အိမ်​သည် အစဉ်အမြဲ​တည်​၍ မိမိ​တို့​နေထိုင်ရာအရပ်​သည် မျိုးဆက်​အစဉ်အဆက်​တည်​လိမ့်မည်​ဟု ထင်မှတ်​လျက် မြေကွက်​တို့​ကို မိမိ​တို့​အမည်​ဖြင့်​မှည့်ခေါ်​ကြ​၏​။

Common Language Bible

¹¹ အ​ခါ​တစ်​ပါး​က​သူ​တို့​သည်​မြေ​ပိုင်​ရှင်​များ ဖြစ်​ခဲ့​ဖူး​သော်​လည်း ယ​ခု​အ​ခါ​သင်္ချိုင်း​တွင်း​များ​သာ​လျှင် ထို​သူ​တို့​အ​ခါ​ခပ်​သိမ်း​နေ​ထိုင်​ရာ၊ ထာ​ဝ​ရ​နေ​အိမ်​များ​ဖြစ်​ပေ​သည်။

Garrad Bible

¹¹ လယ် ယာ များ ကို ကိုယ့် အ မည် ဖြင့် သ မုတ် ကြ လျက် ပင်၊ တည် မြဲ ရာ အိမ်၊ အ စဉ် အ ဆက် နေ ရာ တိုက် ကား၊ သင်္ချိုင်း ပေ တည်း။

Judson Bible

¹¹ မိ​မိ​တို့​အိမ်​သည် ထာ​ဝ​ရ​ဖြစ်​လိမ့်​မည်။ မိ​မိ​တို့​နေ​ရာ​လည်း လူ​မျိုး​အ​စဉ်​အ​ဆက် တည်​လိမ့်​မည်။ မိ​မိ​တို့​နာ​မ​သည် မြေ​ပေါ်​မှာ ကျော်​စော​လိမ့်​မည်​ဟု သူ​တို့​စိတ်​ထင်​ရှိ​ကြ၏။

ဆာ​လံ 49:11 ပူးပေါင်းရင်းမြစ်များ

ကမ္ဘာ​ဦး 4:17

ထို့နောက် ကာဣန​သည် မိမိ​မယား​နှင့်​ဆက်ဆံ​သဖြင့် မယား​သည် ကိုယ်ဝန်ဆောင်​၍ ဧနောက်​ကို​မွေးဖွား​လေ​၏​။ ကာဣန​သည် မြို့​ကို တည်​သောအခါ မိမိ​သား​၏​အမည်​ကို​အစွဲပြု​၍ ထို​မြို့​၏​အမည်​ကို ဧနောက်​မြို့ ဟု​ခေါ်​၏​။

၂ ရာ 18:18

အဗရှလုံ​အသက်ရှင်​စဉ်က “​ငါ့​နာမည် မပျောက်ပျက်​အောင် စောင့်ထိန်း​ပေး​မည့်​သား မ​ရှိ​”​ဟု ဆို​လျက် ကျောက်တုံး​ကို ယူ​၍ ရှင်ဘုရင်​ချိုင့်ဝှမ်း​တွင် မိမိ​နာမည်​ဖြင့်​သမုတ်​၍ ကျောက်တိုင်​စိုက်ထူ​ခဲ့​၏​။ ထို​ကျောက်တိုင်​ကို ယနေ့​တိုင် “​အဗရှလုံ​ကျောက်တိုင်​”​ဟု ခေါ်ဝေါ်​ကြ​၏​။

ဆာ​လံ 10:6

သူ​၏​စိတ်နှလုံး​ထဲ၌ “​ငါ​သည် တုန်လှုပ်​မည်​မ​ဟုတ်​။ မျိုးဆက်​အစဉ်အဆက် ဘေးအန္တရာယ်​နှင့် ကြုံတွေ့​ရ​မည်​မ​ဟုတ်​”​ဟု ဆို​တတ်​၏​။

ဆာ​လံ 39:7

သို့ဖြစ်၍ အို ဘုရားရှင်​၊ ယခု အကျွန်ုပ်​သည် မည်သည့်​အရာ​ကို​စောင့်မျှော်​ရ​ပါ​မည်နည်း​။ အကျွန်ုပ်​မျှော်မှန်း​သော​အရာ​သည် ကိုယ်တော်​၌​သာ​ရှိ​ပါ​၏​။

ဆာ​လံ 5:9

အကြောင်းမူကား သူ​တို့​၏​နှုတ်​တွင် တည်ကြည်မှု​မ​ရှိ​ပါ​။ သူ​တို့​စိတ်​ထဲ၌ ယုတ်မာစဉ်းလဲမှု​ရှိ​၍ သူ​တို့​၏​လည်ချောင်း​သည် ပွင့်​နေ​သော​သင်္ချိုင်းတွင်း​ဖြစ်​ပါ​၏​။ သူ​တို့​၏​လျှာ​သည် မြှောက်ပင့်​ပြောဆို​တတ်​ပါ​၏​။

ဆာ​လံ 64:6

သူ​တို့​သည် မတရားမှု​များ​ကို​ကြံစည်​လျက် “​ငါ​တို့​သည် ပြည့်စုံ​သော​အကြံအစည်​ကို ကြံစည်​ကြ​ပြီ​”​ဟု ဆို​ကြ​၏​။ အကယ်စင်စစ် လူ​၏​အတွင်း​နှလုံးသား​သည် နက်​လှ​၏​။

ဒေသနာကျမ်း။ 2:14

ပညာရှိ​သော​သူ​၏​မျက်စိ​သည် သူ​၏​ဦးခေါင်း​ထဲ၌​ရှိ​၏​။ မိုက်မဲ​သော​သူ​မူကား အမှောင်​ထဲ၌​လျှောက်လှမ်း​တတ်​၏​။ သို့ရာတွင် တစ်ခုတည်း​သော​အဖြစ်​သည် သူ​တို့​အားလုံး​၌​ဖြစ်ပျက်​သည်​ကို ငါ​သိ​၏​။

ဒေသနာကျမ်း။ 2:21

အကြောင်းမူကား ဉာဏ်ပညာ​၊ အသိပညာ​နှင့် ကျွမ်းကျင်မှု​တို့​ဖြင့် ကြိုးပမ်းအားထုတ်​သော​သူ​ရှိ​သော်လည်း ထို​သူ​သည် မိမိ​၏​ဝေစု​ကို ကြိုးပမ်းအားထုတ်​မှု​မ​ရှိ​သော​သူ​အား ပေးအပ်​ရ​မည်​ဖြစ်​၏​။ ဤ​အရာ​သည်​လည်း အချည်းနှီး​ဖြစ်​ပြီး အလွန်​ငြီးငွေ့ဖွယ်​ကောင်း​သော​အမှု​ဖြစ်​၏​။

ယေ​ဇ​ကျေ​လ 38:10

ဘုရားရှင်​ထာဝရဘုရား​က ‘ထို​နေ့ရက်​တွင် သင့်​စိတ်​ထဲသို့ အတွေး​များ​ဝင်လာ​၍ မကောင်း​သော​အကြံအစည်​ကို ကြံစည်​လိမ့်မည်​။

လုကာ 11:39

သခင်​ဘုရား​က​လည်း“သင်​တို့​ဖာရိရှဲ​များ​သည် ခွက်​နှင့်​လင်ပန်း​တို့​၏​အပြင်​ဘက်​ကို စင်ကြယ်​စေ​ကြ​သော်လည်း သင်​တို့​အတွင်း​၌​ကား မတရား​လုယူ​ခြင်း​နှင့်​ဆိုးညစ်​ခြင်း​တို့​ဖြင့် ပြည့်နှက်​လျက်​ရှိ​၏။

တမန်တော်ဝတ္ထု 8:22

ထို့ကြောင့် သင်​၌​ရှိ​သော ဤ​မကောင်းမှု​အတွက် နောင်တရ​လျက် သခင်​ဘုရား​ထံ​ဆုတောင်း​လော့။ သို့ပြုလျှင် သင့်​စိတ်နှလုံး​၏​အကြံအစည်​အတွက် သင်​သည် ခွင့်လွှတ်​ခြင်း​ခံရ​ကောင်း​ခံရ​လိမ့်မည်။

တ​ရား​ဟော 3:14

မနာရှေ​အမျိုး ယာဣရ​သည် ဂေရှုရိ​လူမျိုး​နှင့်​မာခါသိ​လူမျိုး​တို့​၏​နယ်နိမိတ်​တိုင်အောင် အာဂေါဘ​နယ်မြေ​တစ်ဝန်းလုံး​ဖြစ်​သော ဗာရှန်​ပြည်​ကို​သိမ်းယူ​၍ မိမိ​၏​အမည်​ဖြင့် ဟာဝုတ်​ယာဣရ ဟု​ယနေ့​တိုင်အောင် မှည့်ခေါ်​လေ​၏​။​)

၁ ရာ 15:12

ရှမွေလ​သည် နံနက်​စောစောထ​၍ ရှောလု​မင်းကြီး​ကို သွား​တွေ့​၏​။ သို့သော် တစ်စုံတစ်ယောက်​က ရှမွေလ​အား “ရှောလု​မင်းကြီး​သည် ကရမေလ​မြို့​သို့​သွား​၍ မိမိ​အဖို့ ဂုဏ်ပြု​ကျောက်တိုင်​ကို​စိုက်ထူ​ပြီး လှည့်လည်​သွားလာ​ကာ ဂိလဂါလ​မြို့​ဘက်​သို့ ဆင်းသွား​ပြီ”​ဟု ကြားပြော​လေ​၏​။