ဆာ​လံ 44:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ကိုယ်တော်​သာလျှင် အကျွန်ုပ်​တို့​ကို ရန်သူ​တို့​လက်​မှ​ကယ်တင်​တော်မူ​၏​။ အကျွန်ုပ်​တို့​အား မုန်း​သော​သူ​တို့​ကို​လည်း အရှက်ကွဲ​စေ​တော်မူ​၏​။

Common Language Bible

⁷ သို့​ရာ​တွင်​ကိုယ်​တော်​ရှင်​သည်​ကျွန်​တော်​မျိုး တို့​အား ရန်​သူ​များ​လက်​မှ​ကယ်​တော်​မူ​၍ ကျွန်​တော်​မျိုး​တို့​ကို​မုန်း​သူ​တို့​အား နှိမ်​နင်း​တော်​မူ​ခဲ့​ပါ​၏။

Garrad Bible

⁷ ကိုယ် တော် သာ လျှင်၊ အ ကျွန်ုပ် တို့ ကို ရန် သူ တို့ လက် မှ ကယ် လွှတ် လျက်၊ မုန်း ထား သူ တို့ ကို အ ရှက် ကွဲ စေ တော် မူ ပါ၏။

Judson Bible

⁷ ကိုယ်​တော်​သာ​လျှင် အ​ကျွန်ုပ်​တို့​ကို ရန်​သူ​လက်​မှ ကယ်​လွှတ်​တော်​မူ၏။ အ​ကျွန်ုပ်​တို့​အား မုန်း​သော သူ​များ​ကို​လည်း အ​ရှက်​ကွဲ​စေ​တော်​မူ၏။

ဆာ​လံ 44:7 ပူးပေါင်းရင်းမြစ်များ

၂ ရာ 7:10

ငါ့​လူမျိုး​တော်​အစ္စရေး​တို့​အဖို့ နေထိုင်စရာ​ကို ငါ​ပြင်ဆင်​ပေး​မည်​။ သူ​တို့​နေရာ​၌ သူ​တို့​ကို အတည်တကျ​နေထိုင်​စေ​မည်​။ နောက်တစ်ဖန် အနှောင့်အယှက်​ခံရ​တော့​မည်​မ​ဟုတ်​။ ရှေးယခင်​က​ကဲ့သို့ မတရား​သော​သူ​တို့​၏​နှိပ်စက်​ခြင်း​ကို ခံရ​တော့​မည်​မ​ဟုတ်​။

ဆာ​လံ 132:18

ငါ​သည် သူ​၏​ရန်သူ​တို့​အား အရှက်ကွဲ​ခြင်း​ကို​ဝတ်ဆင်​စေ​မည်​။ သူ့​အပေါ်​၌​မူကား သူ​၏​ဘုန်းသရဖူ​သည် ပွင့်လန်း​တောက်ပ​လိမ့်မည်​”​ဟု မိန့်​တော်မူ​၏​။

ဆာ​လံ 136:24

ငါ​တို့​၏​ရန်သူ​များ​ထံမှ​လည်း ငါ​တို့​ကို​ကယ်နုတ်​တော်မူ​၏​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ဆာ​လံ 140:7

အကျွန်ုပ်​အတွက် ကယ်တင်​ခြင်း​အစွမ်းသတ္တိ​ဖြစ်​တော်မူ​သော အို ဘုရားရှင်​ထာဝရဘုရား​၊ စစ်တိုက်​ရ​သော​နေ့​တွင် ကိုယ်တော်​သည် အကျွန်ုပ်​၏​ဦးခေါင်း​ကို အုပ်မိုး​ကွယ်ကာ​ပေး​တော်မူ​၏​။

ဆာ​လံ 144:10

ကိုယ်တော်​သည် ရှင်ဘုရင်​တို့​အား အောင်ပွဲ​ကို​ပေး​တော်မူ​၏​။ ကိုယ်တော်​၏​အစေအပါး​ဒါဝိဒ်​ကို​လည်း ဆိုးဝါး​သော​ဓားဘေး​မှ​လွတ်မြောက်​စေ​တော်မူ​၏​။

ဆာ​လံ 40:14

အကျွန်ုပ်​အသက်​ကို​ဖျက်ဆီး​ရန် ရှာကြံ​သော​သူ​တို့​သည် အတူတကွ​အရှက်ကွဲ​၍ မျက်နှာပျက်​ကြ​ရ​ပါစေသော​။ အကျွန်ုပ်​ကို​ဒုက္ခရောက်​စေ​လို​သော​သူ​တို့​သည် နောက်​သို့​ပြန်ဆုတ်​၍ အသရေပျက်​ကြ​ရ​ပါစေသော​။

ဆာ​လံ 53:5

သူ​တို့​သည် ကြောက်ရွံ့စရာ​မ​ရှိ​ဘဲ အလွန်​ကြောက်ရွံ့​ကြ​၏​။ အကြောင်းမူကား ဘုရားသခင်​သည် သင့်​တစ်ဖက်​၌ တပ်ချ​ထား​သော​သူ​တို့​၏​အရိုး​များ​ကို ပြန့်ကျဲ​စေ​တော်မူ​၏​။ ဘုရားသခင်​သည် သူ​တို့​ကို​စွန့်ပယ်​တော်မူ​သောကြောင့် သင်​သည် သူ​တို့​ကို​အရှက်ကွဲ​စေ​လိမ့်မည်​။

ဟော​ရှေ 1:7

ယုဒ​အမျိုးအနွယ်​ကို​မူကား ငါ​သနားစုံမက်​မည်​။ သူ​တို့​ကို လေး​၊ ဓား​၊ စစ်မက်​၊ မြင်း​၊ မြင်းစီးသူရဲ​တို့​ဖြင့် ကယ်တင်​မည်​မ​ဟုတ်​။ သူ​တို့​၏​ဘုရားသခင်​ထာဝရဘုရား​ကိုယ်တိုင် သူ​တို့​ကို​ကယ်တင်​မည်​”​ဟု မိန့်​တော်မူ​၏​။

ယော​ရှု 1:5

သင်​အသက်ရှင်​သမျှ​ကာလ​ပတ်လုံး သင့်​ရှေ့​၌ မည်သူ​မျှ​ခုခံရပ်တည်​နိုင်​မည်​မ​ဟုတ်​။ ငါ​သည် မောရှေ​နှင့်အတူ​ရှိ​သကဲ့သို့ သင်​နှင့်အတူ​ရှိ​မည်​။ သင့်​ကို​ငါ​ပစ်​ထား​မည်​မ​ဟုတ်​၊ စွန့်ပစ်​မည်​မ​ဟုတ်​။

ယော​ရှု 10:42

အစ္စရေး​လူမျိုး​၏​ဘုရားသခင်​ထာဝရဘုရား​သည် အစ္စရေး​လူမျိုး​အတွက် စစ်တိုက်​တော်မူ​သောကြောင့် ယောရှု​သည် ရှင်ဘုရင်​တို့​နှင့်တကွ သူ​တို့​၏​တိုင်းပြည်​များ​ကို တစ်ချီတည်း​သိမ်းပိုက်​အောင်မြင်​ခဲ့​လေ​၏​။

ယော​ရှု 11:6

ထိုအခါ ထာဝရဘုရား​က ယောရှု​အား “​သူ​တို့​ကို မ​ကြောက်​နှင့်​။ မနက်ဖြန် ယခုလို​အချိန်​တွင် ငါ​သည် သူ​တို့​အားလုံး​ကို အစ္စရေး​စစ်သည်​တို့​ရှေ့​တွင် အသတ်ခံရ​စေ​မည်​။ သင်​သည် မြင်း​များ​၏​တံကောက်ကြော​ကို ဖြတ်ပစ်​ရ​မည်​၊ စစ်ရထား​များ​ကို​လည်း မီး​ရှို့​ပစ်​ရ​မည်​”​ဟု မိန့်​တော်မူ​၏​။

သူ​ကြီး 2:18

ထာဝရဘုရား​သည် သူ​တို့​အဖို့ တရားသူကြီး​ကို ပေါ်ထွန်း​စေ​ပြီ​ဆိုလျှင် ထို​တရားသူကြီး​နှင့် ထာဝရဘုရား​အတူ​ရှိ​တော်မူ​၍ ထို​တရားသူကြီး​အသက်ရှင်​သမျှ​ကာလ​ပတ်လုံး သူ​တို့​ကို ရန်သူ့​လက်​မှ ကယ်တင်​ပေး​တော်မူ​၏​။ အကြောင်းမှာ သူ​တို့ ညှဉ်းဆဲ​ခံရ​ချိန်​၊ ဒုက္ခရောက်​ချိန်​တွင် ညည်းတွား​မြည်တမ်း​ကြ​သဖြင့် ထာဝရဘုရား​သည် သူ​တို့​ကို သနား​တော်မူ​၏​။

၁ ရာ 17:47

ထို့ပြင် ထာဝရဘုရား​သည် ဓား​၊ လှံ​အားဖြင့် ကယ်တင်​သည်​မ​ဟုတ်​ကြောင်း​ကို ဤ​လူထုကြီး သိ​ရ​လိမ့်မည်​။ စစ်မှု​သည် ထာဝရဘုရား​၏​အရေး​ဖြစ်၍ ကိုယ်တော်​သည် သင်​တို့​ကို ငါ​တို့​လက်​သို့ အပ်နှံ​တော်မူ​မည်​”​ဟု ဆို​၏​။