ဆာ​လံ 44:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ကိုယ်တော်​သည် အဘယ်ကြောင့် မျက်နှာ​လွှဲ​တော်မူ​ပါ​သနည်း​။ အကျွန်ုပ်​တို့​ခံစား​ရ​သော ဖိစီးနှိပ်စက်မှု​နှင့်​ညှဉ်းပန်း​မှု​ကို အဘယ်ကြောင့် မေ့လျော့​တော်မူ​ပါ​သနည်း​။

Common Language Bible

²⁴ ကိုယ်​တော်​ရှင်​သည်​အ​ဘယ်​ကြောင့် ကျွန်​တော်​မျိုး​တို့​အား​မျက်​နှာ​တော်​ကို လွှဲ​တော်​မူ​ပါ​သ​နည်း။ ကျွန်​တော်​မျိုး​တို့​၏​ဝေ​ဒ​နာ​နှင့်​ဆင်း​ရဲ​ဒုက္ခ​များ​ကို မေ့​တော်​မ​မူ​ပါ​နှင့်။

Garrad Bible

²⁴ အ ဘယ့် ကြောင့် မျက် နှာ တော် လွှဲ လျက်၊ အ ကျွန်ုပ် တို့ ခံ ရ သော ညှဉ်း ပန်း နှိပ် စက် ခြင်း ကို မေ့ လျော့ တော် မူ ပါ သ နည်း။

Judson Bible

²⁴ အ​ကျွန်ုပ်​တို့ ခံ​ရ​သော​နှိမ့်​ချ​ခြင်း​နှင့် ညှဉ်း​ဆဲ​ခြင်း​ကို မျက်​နှာ​တော်​လွှဲ၍ အ​ဘယ်​ကြောင့် မေ့​လျော့​တော်​မူ​သ​နည်း။

ဆာ​လံ 44:24 ပူးပေါင်းရင်းမြစ်များ

ယောဘဝတ္တု။ 13:24

အဘယ်ကြောင့် အကျွန်ုပ်​ထံမှ မျက်နှာလွှဲ​တော်မူ​၍ အကျွန်ုပ်​ကို ရန်သူ​ကဲ့သို့ ထင်မှတ်​တော်မူ​ပါ​သနည်း​။

ဆာ​လံ 10:1

အို ထာဝရဘုရား​၊ ကိုယ်တော်​သည် အဘယ်ကြောင့် အဝေး​၌​ရပ်​နေ​တော်မူ​သနည်း​။ ဘေးဒုက္ခ​ရောက်​ချိန်​၌ အဘယ်ကြောင့် ပုန်းကွယ်​၍​နေ​တော်မူ​သနည်း​။

ဆာ​လံ 10:11

သူ​က “​ဘုရားသခင် မေ့လျော့​တော်မူ​ပြီ​။ မျက်နှာ​တော်​လွှဲ​၍ မည်သည့်​အခါ​မျှ မြင်​တော်​မ​မူ​”​ဟု စိတ်နှလုံး​ထဲ၌​ပြောဆို​တတ်​၏​။

ဆာ​လံ 13:1

အို ထာဝရဘုရား​၊ မည်မျှ​ကြာ​ပါ​မည်နည်း​။ ကိုယ်တော်​သည် အကျွန်ုပ်​ကို အစဉ်​မေ့လျော့​တော်မူ​မည်လော​။ မျက်နှာ​တော်​ကို အကျွန်ုပ်​ထံမှ မည်မျှ​ကြာ​အောင် လွှဲ​၍​နေ​တော်မူ​မည်နည်း​။

ဆာ​လံ 35:23

အကျွန်ုပ်​၏​ဘုရားသခင်​၊ အကျွန်ုပ်​၏​အရှင်​၊ တရားမျှတမှု​ကို​အကျွန်ုပ်​ရရှိ​ရန်​နှင့် အကျွန်ုပ်​၏​အမှုကိစ္စ​အတွက် နိုးကြွ​၍​ထ​တော်မူ​ပါ​။

ဆာ​လံ 42:9

ငါ​၏​ကျောက်​ဖြစ်​တော်မူ​သော​ဘုရားသခင်​အား “​အကျွန်ုပ်​ကို အဘယ်ကြောင့် မေ့လျော့​တော်မူ​သနည်း​။ အကျွန်ုပ်​သည် အဘယ်ကြောင့် ရန်သူ​တို့​၏​ဖိနှိပ်မှု​ထဲ၌ ဝမ်းနည်း​ပူဆွေး​လျက်​သွားလာ​ရ​ပါ​သနည်း​”​ဟု ငါ​လျှောက်​၏​။

ဆာ​လံ 74:19

ကိုယ်တော့်​ချိုးငှက်​၏​အသက်​ကို သားရဲတိရစ္ဆာန်​အား ပေး​တော်​မ​မူ​ပါ​နှင့်​။ ကိုယ်တော်​၏​အဖိနှိပ်​ခံရ​သော​လူ​တို့​၏​အသက်​ကို အစဉ်​မေ့လျော့​တော်​မ​မူ​ပါ​နှင့်​။

ဆာ​လံ 74:23

ကိုယ်တော့်​ရန်သူ​တို့​၏​အသံ​တည်းဟူသော ကိုယ်တော်​တစ်ဖက်​၌​ထကြွ​သော​သူ​တို့​ထံမှ အစဉ်မပြတ်​ထွက်ပေါ်​လာ​သည့် အုတ်အုတ်ကျက်ကျက်​အသံ​ကို မေ့လျော့​တော်​မ​မူ​ပါ​နှင့်​။

ဟေ​ရှာ​ယ 51:9

အို ထာဝရဘုရား​၏​လက်ရုံး​တော်​၊ နိုးထ​တော်မူ​ပါ​။ နိုးထ​တော်မူ​ပါ​။ ခွန်အား​ကို​ဆင်ယင်​တော်မူ​ပါ​။ ရှေးကာလ​နေ့ရက်​များ​က​ကဲ့သို့​၊ ရှေးလွန်လေ​ပြီး​သော​မျိုးဆက်​တို့​ခေတ်​က​ကဲ့သို့ နိုးထ​တော်မူ​ပါ​။ ရာဟပ်​ကို​ခုတ်ဖြတ်​သော​သူ​၊ မြွေနဂါး​ကို​ထိုးဖောက်​သော​သူ​သည် ကိုယ်တော်​ပင်​မ​ဟုတ်​လော​။

တ​ရား​ဟော 32:20

‘​သူ​တို့​ကို ငါ​မျက်နှာ​လွှဲ​မည်​။ သူ​တို့​၏​နိဂုံး​သည် မည်သို့​ဖြစ်​မည်​ကို ငါ​စောင့်ကြည့်​မည်​။ သူ​တို့​သည် ဖောက်ပြန်​တတ်​သော​မျိုးဆက်​၊ သစ္စာ​မ​ရှိ​သော​သားသမီး​များ ဖြစ်​ကြ​၏​။