ဆာ​လံ 43:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ အို ဘုရားသခင်​၊ အကျွန်ုပ်​၌ အပြစ်​မ​ရှိ​ကြောင်း​စီရင်​တော်မူ​ပါ​။ ဘုရားတရားမဲ့​သော​လူမျိုး​ကို​ဆန့်ကျင်​လျက် အကျွန်ုပ်​၏​အမှုကိစ္စ​ကို ရင်ဆိုင်ဖြေရှင်း​ပေး​တော်မူ​ပါ​။ လိမ်လည်လှည့်ဖြား​၍ မတရားမှု​ပြု​သော​သူ​၏​လက်​မှ အကျွန်ုပ်​ကို​လွတ်မြောက်​စေ​တော်မူ​ပါ​။

Common Language Bible

¹ အို ဘု​ရား​သ​ခင်၊ ကျွန်​တော်​မျိုး​မှာ​အ​ပြစ်​မ​ရှိ​ကြောင်း ထုတ်​ဖော်​ကြေ​ညာ​တော်​မူ​ပါ။ ဘု​ရား​တ​ရား​ကင်း​မဲ့​သူ​တို့​ကို​ဆန့်​ကျင်​လျက် ကျွန်​တော်​မျိုး​ဘက်​မှ​ခု​ခံ​ကာ​ကွယ်​တော်​မူ​ပါ။ လိမ်​လည်​ဆိုး​ယုတ်​သူ​တို့​၏​လက်​မှ ကျွန်​တော်​မျိုး​အား​ကယ်​တော်​မူ​ပါ။

Garrad Bible

¹ အို ဘု ရား သ ခင်၊ ဘု ရား တ ရား မ ကြည် ညို သော လူ မျိုး နှင့် ဆန့် ကျင်၍၊ အ ကျွန်ုပ် အ မှု ကို လဲ လျှောက် လျက် ဆုံး ဖြတ် တော် မူ ပါ။ လိမ် လည်၍ မ တ ရား ပြု ကျင့် သူ တို့ လက် မှ ကယ် လွှတ် တော် မူ ပါ။

Judson Bible

¹ အို​ဘု​ရား​သ​ခင်၊ အ​ကျွန်ုပ်​အ​မှု၌ တ​ရား​ဆုံး​ဖြတ်​တော်​မူ​ပါ။ က​ရု​ဏာ​မ​ရှိ​သော လူ​မျိုး​တစ်​ဖက်​က​နေ၍ အ​ကျွန်ုပ်​အ​မှု​ကို စောင့်​တော်​မူ​ပါ။ သ​စ္စာ​မ​ရှိ၊ မ​တ​ရား​သော​သူ၏​လက်​မှ အ​ကျွန်ုပ်​ကို ကယ်​လွှတ်​တော်​မူ​ပါ။

ဆာ​လံ 43:1 ပူးပေါင်းရင်းမြစ်များ

၂ ရာ 15:31

တစ်စုံတစ်ယောက်​က ဒါဝိဒ်​မင်းကြီး​အား “​အဗရှလုံ​နှင့်အတူ ပူးပေါင်းကြံစည်​သူ​တို့​ထဲတွင် အဟိသောဖေလ​လည်း ပါ​သည်​”​ဟု ကြားပြော​၏​။ ထိုအခါ ဒါဝိဒ်​မင်းကြီး​က “​အို ထာဝရဘုရား​၊ အဟိသောဖေလ​၏​အကြံ​ကို မိုက်မဲ​သော​အကြံ​ဖြစ်​စေ​တော်မူ​ပါ​”​ဟု ဆုတောင်း​လေ​၏​။

၂ ရာ 16:20

အဗရှလုံ​က​လည်း အဟိသောဖေလ​အား “​ငါ​တို့ မည်သို့​ပြု​သင့်​သည်​ကို သင်​အကြံ​ပေး​ကြည့်​ပါ​”​ဟု ဆို​လျှင်

၂ ရာ 18:8

ဤ​စစ်ပွဲ​သည် တိုင်းနိုင်ငံ​အားလုံး​သို့ ကူးစက်​ပျံ့နှံ့​သွား​ပြီး ထို​နေ့​တွင် ဓားစာ​ဖြစ်​သွား​သော​လူ​ထက် တောစာတောင်စာ​ဖြစ်​သွား​သော​လူ​က ပို၍​များ​၏​။

ဆာ​လံ 140:5

မောက်မာ​သော​သူ​တို့​သည် ကြိုး​များ​ဖြင့် အကျွန်ုပ်​အတွက်​ကျော့ကွင်း​ကို လျှို့ဝှက်​စွာ​ထောင်​ထား​ကြ​ပါ​၏​။ သူ​တို့​သည် လမ်း​ပေါ်တွင်​ပိုက်ကွန်​ကို​ဖြန့်​ထား​လျက် အကျွန်ုပ်​အတွက် ထောင်ချောက်​များ​ဆင်​ထား​ကြ​ပါ​၏​။(​စေလာ)

ဆာ​လံ 26:1

အို ထာဝရဘုရား​၊ အကျွန်ုပ်​၌​အပြစ်​မ​ရှိ​ကြောင်း စီရင်​တော်မူ​ပါ​။ အကြောင်းမူကား အကျွန်ုပ်​သည် တည်ကြည်​စွာ​လျှောက်လှမ်း​၍ ယိမ်းယိုင်​ခြင်း​မ​ရှိ​ဘဲ ထာဝရဘုရား​ကို ယုံကြည်ကိုးစား​ပါ​၏​။

ဆာ​လံ 35:1

အို ထာဝရဘုရား​၊ အကျွန်ုပ်​ကို​ဆန့်ကျင်ဘက်​ပြု​သော​သူ​တို့​ကို ဆန့်ကျင်ဘက်​ပြု​တော်မူ​ပါ​။ အကျွန်ုပ်​ကို​တိုက်ခိုက်​သော​သူ​တို့​ကို တိုက်ခိုက်​တော်မူ​ပါ​။

ဆာ​လံ 35:24

အို အကျွန်ုပ်​၏​ဘုရားသခင် ထာဝရဘုရား​၊ ကိုယ်တော်​၏​ဖြောင့်မတ်​ခြင်း​နှင့်အညီ အကျွန်ုပ်​၌​အပြစ်​မ​ရှိ​ကြောင်း​စီရင်​တော်မူ​ပါ​။ သူ​တို့​သည် အကျွန်ုပ်​အကြောင်း​ကြောင့် ဝမ်းမြောက်​ရ​သော​အခွင့်​မ​ရ​ကြ​ပါစေ​နှင့်​။

ဆာ​လံ 5:6

လိမ်လည်​ပြောဆို​သော​သူ​တို့​ကို​ဖျက်ဆီး​တော်မူ​၏​။ ထာဝရဘုရား​သည် လူ​အသက်​ကို​သတ်​သော​သူ​နှင့် လိမ်လည်လှည့်ဖြား​သော​သူ​တို့​ကို စက်ဆုပ်ရွံရှာ​တော်မူ​၏​။

ဆာ​လံ 54:3

အကြောင်းမူကား သူစိမ်း​တို့​သည် အကျွန်ုပ်​ကို​ဆန့်ကျင်​လျက်​ထကြွ​ကြ​ပါ​၏​။ ကြမ်းကြုတ်​သော​သူ​တို့​သည်​လည်း အကျွန်ုပ်​အသက်​ကို​ရန်ရှာ​ကြ​ပါ​၏​။ သူ​တို့​သည် ဘုရားသခင်​ကို ဦးထိပ်ထား​ခြင်း​မ​ရှိ​ကြ​ပါ​။(​စေလာ)

ဆာ​လံ 7:7

လူမျိုး​တို့​၏​အစုအဝေး​သည် ကိုယ်တော်​ကို​ဝိုင်းရံ​ကြ​ပါစေ​။ ထို​သူ​တို့​အထက် မြင့်သောအရပ်​သို့ ပြန်ကြွ​တော်မူ​ပါ​။

ဆာ​လံ 7:8

ထာဝရဘုရား​သည် လူမျိုးတကာ​တို့​ကို စစ်ကြောစီရင်​တော်မူ​၏​။ အို ထာဝရဘုရား​၊ အကျွန်ုပ်​၏​ဖြောင့်မတ်​ခြင်း​၊ အကျွန်ုပ်​၏​တည်ကြည်​ခြင်း​နှင့်အညီ အကျွန်ုပ်​၌​အပြစ်​မ​ရှိ​ကြောင်း စီရင်​တော်မူ​ပါ​။

ဆာ​လံ 7:9

ဆိုးယုတ်​သော​သူ​တို့​၏​မကောင်းမှု​သည် ပပျောက်​သွား​ပါစေ​။ သို့သော် ဖြောင့်မတ်​သော​သူ​ကို​တည်မြဲ​စေ​တော်မူ​ပါ​။ ဖြောင့်မတ်​တော်မူ​သော​ဘုရားသခင်​သည် စိတ်နှလုံး​အတွင်းသဘော​ကို စစ်ဆေး​တော်မူ​၏​။

ဆာ​လံ 71:4

အို အကျွန်ုပ်​၏​ဘုရားသခင်​၊ ဆိုးယုတ်​သော​သူ​တို့​၏​လက်​မှ​လည်းကောင်း​၊ မတရား​သော​သူ​နှင့်​ကြမ်းကြုတ်​သော​သူ​၏​လက်​ထဲမှ​လည်းကောင်း အကျွန်ုပ်​ကို​လွတ်မြောက်​စေ​တော်မူ​ပါ​။

ဆာ​လံ 75:7

တရားစီရင်​သော​အရှင်​ကား ဘုရားသခင်​ပေတည်း​။ ထို​အရှင်​သည် တစ်ဦး​ကို​နှိမ့်ချ​၍ တစ်ဦး​ကို​ချီးမြှောက်​တော်မူ​၏​။

သုတ္တံကျမ်း။ 22:23

အကြောင်းမူကား ထာဝရဘုရား​သည် သူ​တို့​၏​အမှုကိစ္စ​ကို ရင်ဆိုင်ဖြေရှင်း​ပေး​၍ သူ​တို့​ထံမှ​လုယူ​သော​သူ​တို့​၏​အသက်​ကို လုယူ​တော်မူ​လိမ့်မည်​။

သုတ္တံကျမ်း။ 23:11

သူ​တို့​ကို​ရွေးနုတ်​သော​အရှင်​သည် တန်ခိုးကြီး​တော်မူ​သောကြောင့် သင့်​ကို​ဆန့်ကျင်​လျက် သူ​တို့​၏​အမှုကိစ္စ​ကို ရင်ဆိုင်ဖြေရှင်း​ပေး​တော်မူ​လိမ့်မည်​။

မိက္ခာ 7:9

ငါ​သည် ထာဝရဘုရား​ကို​ပြစ်မှား​မိ​ပြီ​ဖြစ်၍ ငါ့​အမှု​ကို ဖြေရှင်း​ပေး​ပြီး ငါ့​ကို တရားသဖြင့် စီရင်​သည်​အထိ အမျက်​တော်​ကို ငါ​ခံရ​မည်​။ ထို့နောက် ကိုယ်တော်​သည် ငါ့​ကို အလင်း​ထဲသို့ ခေါ်ဆောင်​လာ​မည်​ဖြစ်၍ ကိုယ်တော်​၏​ဖြောင့်မတ်​ခြင်း​ကို ငါ​ဖူးမြင်​ရ​လိမ့်မည်​။

၁ ကော 4:4

အကြောင်းမူကား ငါ​သည် ကိုယ့်ကိုယ်ကိုယ်​စိတ်လုံ​၏။ သို့သော် ထိုသို့​ဖြစ်​သည့်​အတွက် ငါ​သည် ဖြောင့်မတ်​သည်​ဟု​အသိအမှတ်ပြု​ခြင်း​ခံရ​သည်​မ​ဟုတ်။ ငါ့​ကို​စစ်ဆေး​စီရင်​တော်မူ​သော​အရှင်​ကား သခင်​ဘုရား​ပေတည်း။

၁ ပေ 2:23

ပုတ်ခတ်​ပြောဆို​ခြင်း​ခံရ​သောအခါ ပြန်​၍​မ​တုံ့ပြန်၊ ဒုက္ခ​ဝေဒနာ​ခံစား​ရ​သောအခါ​၌​လည်း ခြိမ်းခြောက်​ခြင်း​ကို​မ​ပြု​ဘဲ ဖြောင့်မတ်​စွာ​တရား​စီရင်​တော်မူ​သော​အရှင်​ထံသို့ မိမိ​ကိုယ်​ကို​အပ်နှံ​တော်မူ​၏။

၁ ရာ 24:15

ယခုမှာ ထာဝရဘုရား​သည် အရှင်မင်းကြီး​နှင့် အကျွန်ုပ်​ကြား​တွင် တရားသူကြီး​အဖြစ် တရားစီရင်​တော်မူ​ပါစေသော​။ ကိုယ်တော်​သည် ကြည့်ရှု​၍ အကျွန်ုပ်​၏​အမှု​ကို ဖြေရှင်းပေး​တော်မူ​ပါစေသော​။ အရှင်မင်းကြီး​လက်​မှ​လည်း အကျွန်ုပ်​ကို ကယ်လွှတ်​တော်မူ​ပါစေသော​”​ဟု ဆို​လေ​၏​။