ဆာ​လံ 4:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ထာဝရဘုရား​သည် သန့်ရှင်း​သူ​ကို မိမိ​အတွက် သီးသန့်ခွဲ​ထား​တော်မူ​ကြောင်း သိမှတ်​ကြ​လော့​။ ထာဝရဘုရား​ကို ငါ​ခေါ်​သောအခါ ကိုယ်တော်​သည် နားညောင်း​တော်မူ​၏​။

Common Language Bible

³ ထာ​ဝ​ရ​ဘု​ရား​သည်​မိ​မိ​၏​အ​ဖို့​အ​လို့​ငှာ သူ​တော်​ကောင်း​အား​ရွေး​ချယ်​ထား​တော်​မူ​သည်​ကို သိ​မှတ်​ကြ​လော့။ ငါ​ခေါ်​သော​အ​ခါ​ကိုယ်​တော်​ကြား​တော်​မူ​၏။

Garrad Bible

³ ထာ ဝ ရ ဘု ရား သည်၊ ကြည် ညို သူ့ ကို ကိုယ် တော် အ ဖို့ သီး ခြား ထား တော် မူ ကြောင်း ကို သိ မှတ် ကြ လော့။ ငါ ခေါ် သော အ ခါ၊ ကိုယ် တော် ကြား နာ တော် မူ မည်။

Judson Bible

³ ထာ​ဝ​ရ​ဘု​ရား​သည် မိ​မိ​သန့်​ရှင်း​သူ​ကို ရွေး​ထား​တော်​မူ​သည်​ကို သိ​မှတ်​ကြ​လော့။ ငါ​ခေါ်၍ လျှောက်​သော​အ​ခါ၊ ထာ​ဝ​ရ​ဘု​ရား​သည် နား​ထောင်​တော်​မူ​လိမ့်​မည်။

ဆာ​လံ 4:3 ပူးပေါင်းရင်းမြစ်များ

ဆာ​လံ 31:23

ထာဝရဘုရား​၏​သန့်ရှင်း​သူ​အပေါင်း​တို့​၊ ထာဝရဘုရား​ကို ချစ်​ကြ​လော့​။ ထာဝရဘုရား​သည် သစ္စာစောင့်​သော​သူ​တို့​ကို ကာကွယ်​စောင့်ရှောက်​တော်မူ​၏​။ မာန်မာန​ဖြင့်​ပြုမူ​သော​သူ​တို့​ကို​မူကား မလျှော့မပေါ့​အပြစ်ပေး​တော်မူ​၏​။

ဆာ​လံ 34:15

ထာဝရဘုရား​၏​မျက်စိ​တော်​သည် ဖြောင့်မတ်​သော​သူ​တို့​ကို​ကြည့်ရှု​၍ ကိုယ်တော်​၏​နား​တော်​သည် သူ​တို့​၏​အော်ဟစ်သံ​ကို​နားထောင်​တော်မူ​၏​။

ဆာ​လံ 49:3

ငါ​၏​နှုတ်​သည် ဉာဏ်ပညာ​စကား​ကို​မြွက်ဆို​မည်​။ ငါ့​စိတ်နှလုံး​၏​စဉ်းစားဆင်ခြင်မှု​သည် ထိုးထွင်းဉာဏ်​ကို​ပေး​မည်​။

ဆာ​လံ 50:5

“​ယဇ်ပူဇော်​ခြင်း​အားဖြင့် ငါ​နှင့်​ပဋိညာဉ်​ဖွဲ့​ကြ​သည့် ငါ​၏​သန့်ရှင်း​သူ​တို့​ကို ငါ့​ထံသို့​စုဝေး​စေ​ကြ​လော့​”​ဟု မိန့်​တော်မူ​၏​။

ဆာ​လံ 56:9

သို့ဖြစ်၍ ကိုယ်တော်​ကို ငါ​ခေါ်​သော​နေ့​၌ ငါ​၏​ရန်သူ​တို့​သည် နောက်ပြန်ဆုတ်​ကြ​လိမ့်မည်​။ ဤ​အမှု​အားဖြင့် ဘုရားသခင်​သည် ငါ့​ဘက်​၌​ရှိ​တော်မူ​သည်​ကို ငါ​သိ​၏​။

ဆာ​လံ 6:8

အပြစ်ဒုစရိုက်​ပြု​သော​သူ​အပေါင်း​တို့​၊ ငါ့​ထံမှ​ထွက်သွား​ကြ​လော့​။ အကြောင်းမူကား ထာဝရဘုရား​သည် ငါ​၏​ငိုကြွေး​သံ​ကို​ကြား​တော်မူ​ပြီ​။

ဆာ​လံ 62:10

ဖိနှိပ်ချုပ်ချယ်မှု​ကို ယုံကြည်ကိုးစား​ခြင်း​မ​ပြု​ကြ​နှင့်​။ လုယက်မှု​အပေါ်​၌​လည်း အချည်းနှီး​မ​မျှော်လင့်​ကြ​နှင့်​။ ဥစ္စာပစ္စည်း​တိုးပွား​လျှင်လည်း ထို​အရာ​တို့​ကို စိတ်​စွဲလမ်း​ခြင်း​မ​ရှိ​ကြ​နှင့်​။

ထွက်​မြောက် 33:16

အကျွန်ုပ်​နှင့်​ကိုယ်တော်​၏​လူမျိုး​တော်​သည် ကိုယ်တော်​၏​ရှေ့​တော်​၌ မျက်နှာရ​ကြောင်း​ကို မည်သို့​သိ​ရ​ပါ​မည်နည်း​။ အကျွန်ုပ်​တို့​နှင့်အတူ ကိုယ်တော်​ကြွ​တော်မူ​သော​အားဖြင့်​သာ မ​ဟုတ်​လော​။ ဤသို့ဖြင့် အကျွန်ုပ်​နှင့်​ကိုယ်တော်​၏​လူမျိုး​တော်​သည် ကမ္ဘာမြေ​ပေါ်​ရှိ​လူ​အပေါင်း​တို့​နှင့် ကွဲပြားခြားနား​ပါ​မည်​”​ဟု ကိုယ်တော်​အား​လျှောက်​လေ​၏​။

ရှင်ယောဟန် 15:16

သင်​တို့​သည် ငါ့​ကို​ရွေးကောက်​ကြ​သည်​မ​ဟုတ်။ ငါ​သာလျှင် သင်​တို့​ကို​ရွေးကောက်​သဖြင့် သင်​တို့​သည်​သွား​လျက် အသီး​ကို​သီး​၍ သင်​တို့​၏​အသီး​တည်မြဲ​မည့်​အကြောင်း​နှင့် ငါ့​နာမ​၌ ခမည်းတော်​အား တောင်းလျှောက်​သမျှ​တို့​ကို သင်​တို့​အား ခမည်းတော်​ပေး​တော်မူ​မည့်​အကြောင်း သင်​တို့​ကို ငါ​ခန့်ထား​၏။

ဧ​ဖက် 2:10

အကြောင်းမူကား ငါ​တို့​သည် ကောင်း​သော​အမှု​များ​ကို​ပြု​ရန် ခရစ်တော်​ယေရှု​၌​ဖန်ဆင်း​ခြင်း​ခံရ​သော ဘုရားသခင်​၏​လက်ရာ​တော်​ဖြစ်​ကြ​၏။ ထို​ကောင်း​သော​အမှု​များ​၌ ငါ​တို့​အသက်ရှင်​လျှောက်လှမ်း​ကြ​ရန် ဘုရားသခင်​သည် ထို​အမှု​များ​ကို ကြိုတင်​ပြင်ဆင်​ထား​တော်မူ​၏။

၂ တိ 2:19

သို့ရာတွင် ဘုရားသခင်​၏​ခိုင်ခံ့​သော​အုတ်မြစ်​သည် တည်မြဲ​လျက်​ရှိ​၍ ထို​အုတ်မြစ်​ပေါ်၌ “ထာဝရ​ဘုရား​သည် မိမိ​လူ​တို့​ကို သိ​တော်မူ​၏”​ဟူ၍​လည်းကောင်း၊ “ထာဝရ​ဘုရား​၏​နာမ​တော်​ကို တိုင်တည်​ခေါ်ဆို​သော​သူ​တိုင်း မတရားမှု​မှ​ဖယ်ခွာ​ကြ​လော့”​ဟူ၍​လည်းကောင်း တံဆိပ်​ခတ်နှိပ်​ထား​၏။

တိ​တု 2:14

ခရစ်တော်​သည် ငါ​တို့​ကို ခပ်သိမ်း​သော​တရားမဲ့​ခြင်း​ထဲမှ ရွေးနုတ်​ကယ်တင်​ရန်​နှင့် ကောင်း​သော​အမှု​၌ စိတ်အား​ထက်သန်​သည့် မိမိ​ပိုင်​တော်မူ​သော​လူမျိုး​ကို မိမိ​အတွက်​စင်ကြယ်​စေ​ရန် ငါ​တို့​အတွက် မိမိကိုယ်ကို​စွန့်​တော်မူ​၏။

၁ ပေ 2:9

သင်​တို့​မူကား ရွေးကောက်​ခံရ​သော​အမျိုးအနွယ်၊ တော်ဝင်​ယဇ်ပုရောဟိတ်​မျိုး၊ သန့်ရှင်း​သော​တိုင်းသူပြည်သား၊ ပိုင်ဆိုင်​တော်မူ​သော​လူမျိုး​တော်​ဖြစ်​ကြ​၏။ ဤသည်ကား သင်​တို့​ကို အမှောင်​ထဲမှ မိမိ​၏​အံ့ဩဖွယ်​အလင်း​ထဲသို့ ခေါ်ယူ​တော်မူ​သော​အရှင်​၏​ကောင်းမြတ်​တော်မူ​ခြင်း​များ​ကို သင်​တို့​ဖော်ပြ​ကြ​မည့်​အကြောင်း​တည်း။

၂ ပေ 2:9

သို့ဖြစ်၍ ထာဝရ​ဘုရား​သည် ဘုရား​ဝတ်​၌​မွေ့လျော်​သော​သူ​တို့​ကို စုံစမ်း​နှောင့်ယှက်​ခြင်း​ထဲမှ ကယ်နုတ်​ရ​မည်​ကို​လည်းကောင်း၊ မ​ဖြောင့်မတ်​သော​သူ​တို့​ကို တရား​စီရင်​ရာ​နေ့ရက်​၌ အပြစ်ဒဏ်​ခံ​စေရန်​ထိန်းသိမ်း​ထား​ရ​မည်​ကို​လည်းကောင်း သိ​တော်မူ​၏။