ဆာ​လံ 38:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ အကျွန်ုပ်​သည် ခေါင်း​ကို​ငုံ့​လျက်​၊ လုံးလုံး​ငိုက်စိုက်ချ​လျက်​၊ တစ်နေ့လုံး​ဝမ်းနည်း​ပူဆွေး​လျက် သွားလာ​ရ​ပါ​၏​။

Common Language Bible

⁶ ကျွန်​တော်​မျိုး​သည်​မ​ချိ​မ​ဆန့်​ဝေ​ဒ​နာ​ခံ​၍ နေ​ရ​ပါ​၏။ တစ်​နေ့​လုံး​ပင်​ပူ​ဆွေး​ငို​ယို​လျက်​နေ​ရ​ပါ​၏။

Garrad Bible

⁶ ငုံ့၍ ကုန်း လျက်၊ နေ့ ရှိ သ မျှ မှိုင် ကာ မှိုင် ကာ သွား လာ ရ ပါ၏။

Judson Bible

⁶ အ​ကျွန်ုပ်​သည် ပြင်း​ထန်​စွာ​ခံ​ရ၍၊ အ​လွန်​နှိမ့်​ချ​လျက်၊ ကြမ်း​တမ်း​သော​အ​ဝတ်​ကို ဝတ်​လျက် တစ်​နေ့​လုံး သွား​ရ​ပါ၏။

ဆာ​လံ 38:6 ပူးပေါင်းရင်းမြစ်များ

ယောဘဝတ္တု။ 30:28

ငါ​သည် နေရောင်​ကွယ်​ရာ အမှောင်​ထဲတွင် သွားလာ​ရ​၏​။ လူစုလူဝေး​ထဲတွင်​ရပ်​၍ အကူအညီ​အော်ဟစ်​တောင်းခံ​ရ​၏​။

ယောဘဝတ္တု။ 7:5

ငါ့​တစ်ကိုယ်လုံး​လည်း လောက်ကောင်​နှင့်​ရွှံ့ဖတ်​များ ကပ်​နေ​၏​။ ငါ့​အရေပြား​မှာ​လည်း ပြည်ဖု​တို့​ပေါက်ပြဲ​ယိုကျ​လျက်​ရှိ​၏​။

ဆာ​လံ 107:17

အချို့​တို့​သည် မိမိ​တို့​ကျူးလွန်​သော အပြစ်​၏​လမ်းစဉ်​ကြောင့် ဆိုးမိုက်​သော​သူ​ဖြစ်​ကြ​ပြီး မိမိ​တို့​၏​ဒုစရိုက်​များ​ကြောင့် ဒုက္ခဝေဒနာ​ခံစား​ကြ​ရ​၏​။

ဆာ​လံ 145:14

ထာဝရဘုရား​သည် လဲကျ​သော​သူ​ရှိသမျှ​တို့​ကို ထောက်မ​၍ ကိုင်းညွတ်​နိမ့်ကျ​နေ​သော​သူ​အပေါင်း​တို့​ကို ထူမ​တော်မူ​၏​။

ဆာ​လံ 31:10

အကြောင်းမူကား အကျွန်ုပ်​၏​အသက်တာ​သည် ဝမ်းနည်း​ခြင်း​ဖြင့်​လည်းကောင်း​၊ အကျွန်ုပ်​၏​နှစ်ကာလ​တို့​သည် ညည်းတွား​ခြင်း​ဖြင့်​လည်းကောင်း ကုန်လွန်​ခဲ့​ပါ​ပြီ​။ အကျွန်ုပ်​၏​ဒုစရိုက်​ကြောင့် အကျွန်ုပ်​၏​ခွန်အား​သည် ချည့်နဲ့​သွား​၍ အကျွန်ုပ်​၏​အရိုး​တို့​သည် အားလျော့​ကြ​ပါ​ပြီ​။

ဆာ​လံ 35:14

ငါ​သည် ငါ​၏​မိတ်ဆွေ​၊ ငါ​၏​ညီအစ်ကို​အတွက်​ကဲ့သို့ ကြေကွဲ​လျက် မိခင်​အတွက် ငိုကြွေးမြည်တမ်း​သကဲ့သို့ ခေါင်း​ငိုက်စိုက်ချ​၍ ဝမ်းနည်း​ပူဆွေး​ခဲ့​၏​။

ဆာ​လံ 42:5

အို ငါ​၏​စိတ်ဝိညာဉ်​၊ သင်​သည် အဘယ်ကြောင့်​ညှိုးငယ်​သနည်း​။ ငါ့​အထဲ​၌ အဘယ်ကြောင့်​မငြိမ်မသက်​ဖြစ်​သနည်း​။ ဘုရားသခင်​ကို မျှော်လင့်ကိုးစား​လော့​။ ငါ​သည် ကိုယ်တော်​၏​ကယ်တင်​ခြင်း​ကို ထပ်၍​ချီးမွမ်း​မည်​။

ဆာ​လံ 42:9

ငါ​၏​ကျောက်​ဖြစ်​တော်မူ​သော​ဘုရားသခင်​အား “​အကျွန်ုပ်​ကို အဘယ်ကြောင့် မေ့လျော့​တော်မူ​သနည်း​။ အကျွန်ုပ်​သည် အဘယ်ကြောင့် ရန်သူ​တို့​၏​ဖိနှိပ်မှု​ထဲ၌ ဝမ်းနည်း​ပူဆွေး​လျက်​သွားလာ​ရ​ပါ​သနည်း​”​ဟု ငါ​လျှောက်​၏​။

ဆာ​လံ 43:2

အကြောင်းမူကား ကိုယ်တော်​သည် အကျွန်ုပ်​၏​မှီခို​ရာ​ဘုရားသခင်​ဖြစ်​တော်မူ​၏​။ အဘယ်ကြောင့် အကျွန်ုပ်​ကို ငြင်းပယ်​တော်မူ​သနည်း​။ အကျွန်ုပ်​သည် အဘယ်ကြောင့် ရန်သူ​တို့​၏​ဖိနှိပ်မှု​ထဲ၌ ဝမ်းနည်း​ပူဆွေး​လျက်​သွားလာ​ရ​ပါ​သနည်း​။

ဆာ​လံ 57:6

သူ​တို့​သည် အကျွန်ုပ်​ခြေလှမ်း​မည့်​နေရာ​တွင် ပိုက်ကွန်​ကို ဖြန့်​ထား​ကြ​ပါ​၏​။ အကျွန်ုပ်​၏​စိတ်ဝိညာဉ်​သည် ကိုင်းညွတ်​နိမ့်ကျ​နေ​ပါ​၏​။ သူ​တို့​သည် အကျွန်ုပ်​သွား​မည့်​လမ်း​၌ ထောင်ချောက်​တွင်း​ကို တူး​ထား​ပြီး သူ​တို့​ကိုယ်တိုင် ထို​တွင်း​ထဲ​သို့ ကျ​ကြ​ပါ​၏​။(​စေလာ)

ဆာ​လံ 6:6

အကျွန်ုပ်​သည် ညည်းတွား​ရ​သဖြင့်​ပင်ပန်း​လှ​ပါ​၏​။ ညစဉ်ညတိုင်း အကျွန်ုပ်​၏​မျက်ရည်​များ​ဖြင့် အကျွန်ုပ်​၏​ညောင်စောင်း​သည် အိုင်ထွန်း​၍ အကျွန်ုပ်​၏​ခုတင်​သည် စိုရွှဲ​လျက်​ရှိ​ပါ​၏​။

ဆာ​လံ 88:9

ဖိစီးနှိပ်စက်မှု​ကြောင့် အကျွန်ုပ်​၏​မျက်စိ​သည် မှုန်ဝါး​နေ​ပါ​၏​။ အို ထာဝရဘုရား​၊ အကျွန်ုပ်​သည် ကိုယ်တော်​ကို နေ့စဉ်နေ့တိုင်း​ခေါ်​လျက် ကိုယ်တော့်​ထံ အကျွန်ုပ်​၏​လက်​ကို ဆန့်တန်း​နေ​ပါ​၏​။

ဟေ​ရှာ​ယ 38:14

ကြိုးကြာ​ကဲ့သို့​၊ ပျံလွှား​ကဲ့သို့ ငါ​အော်မြည်​ရ​၏​။ ချိုးငှက်​ကဲ့သို့ ငါ​ညည်းတွား​ရ​၏​။ အထက်ကောင်းကင်​သို့ မျှော်ကြည့်​ရ​သဖြင့် ငါ့​မျက်စိ​သည် အားနည်း​ပါ​ပြီ​။ အို ဘုရားရှင်​၊ အကျွန်ုပ်​သည် ဝေဒနာ​ခံစား​ရ​သဖြင့် အကျွန်ုပ်​ကို ကယ်မ​တော်မူ​ပါ​။