ဆာ​လံ 38:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ကိုယ်တော်​၏​အမျက်​တော်​ကြောင့် အကျွန်ုပ်​၏​ကိုယ်ခန္ဓာ​၌ အနာတရကင်း​သော​နေရာ​မ​ရှိ​ပါ​။ အကျွန်ုပ်​၏​အပြစ်​များ​ကြောင့် အကျွန်ုပ်​၏​အရိုး​တို့​သည် သန်စွမ်း​ခြင်း​မ​ရှိ​ပါ​။

Common Language Bible

³ ကိုယ်​တော်​၏​အ​မျက်​တော်​ကြောင့်​ကျွန်​တော်​မျိုး​သည် ဝေ​ဒ​နာ​ခံ​လျက်​နေ​ရ​ပါ​၏။ မိ​မိ​၏​အ​ပြစ်​များ​ကြောင့်​တစ်​ကိုယ်​လုံး ရော​ဂါ​စွဲ​လျက်​နေ​ပါ​၏။

Garrad Bible

³ အ မျက် တော် ကြောင့် အ ကျွန်ုပ် အ သား၌ စုံ လင် ခြင်း၊ ကိုယ့် အ ပြစ် ကြောင့် အ ရိုး များ၌ သက် သာ ခြင်း မ ရှိ ပါ။

Judson Bible

³ အ​မျက်​တော်​ထွက်​သော​ကြောင့်၊ အ​ကျွန်ုပ်​အ​သား​သည် ကျန်း​မာ​ခြင်း​မ​ရှိ​ပါ။ ဒု​စ​ရိုက်​အ​ပြစ်​ကြောင့် အ​ရိုး​များ​ထဲ​မှာ သက်​သာ​ခြင်း မ​ရှိ​ပါ။

ဆာ​လံ 38:3 ပူးပေါင်းရင်းမြစ်များ

၂ ရာ​ချုပ် 26:19

နံ့သာပေါင်း​မီးရှို့ပူဇော်​ရန်​လင်ပန်း​ကို ကိုင်​ထား​သော​ဩဇိ​မင်းကြီး​သည် အမျက်ထွက်​လေ​၏​။ ထိုသို့ ယဇ်ပုရောဟိတ်​တို့​ကို အမျက်ထွက်​နေစဉ် ထာဝရဘုရား​၏​အိမ်​တော်​အတွင်း နံ့သာပေါင်း​ယဇ်ပလ္လင်​အနီး ယဇ်ပုရောဟိတ်​တို့​ရှေ့​တွင်​ပင် သူ့​နဖူး​၌ အနာကြီးရောဂါ ရုတ်တရက်​ပေါ်လာ​လေ​၏​။

ယောဘဝတ္တု။ 6:4

အကယ်စင်စစ် အနန္တတန်ခိုးရှင်​ထံမှ မြား​တို့​သည် ငါ့​ကိုယ်​၌​စိုက်ဝင်​လျက်​ရှိ​၏​။ ငါ့​စိတ်ဝိညာဉ်​သည် ထို​မြား​တို့​၏​အဆိပ်ရည်​ကို သောက်သုံး​နေ​ရ​၏​။ ဘုရားသခင်​ထံမှ ကြောက်မက်ဖွယ်​ရာ​တို့​သည် ငါ့​ရှေ့​၌ တန်းစီ​လျက်​ရှိ​၏​။

ဆာ​လံ 102:3

အကြောင်းမူကား အကျွန်ုပ်​၏​နေ့ရက်​များ​သည် မီးခိုး​ကဲ့သို့​ကုန်လွန်​သွား​ကြ​ပြီး အကျွန်ုပ်​၏​အရိုး​များ​သည် မီးကျီးခဲ​များ​ကဲ့သို့ တောက်လောင်​ကြ​ပါ​၏​။

ဆာ​လံ 102:5

အကျွန်ုပ်​၏​ညည်းတွား​ခြင်း​အသံ​ကြောင့် အကျွန်ုပ်​သည် အရိုး​ပေါ်​အရေ​တင်​ဖြစ်​နေ​ပါ​၏​။

ဆာ​လံ 32:4

အကြောင်းမူကား ကိုယ်တော်​၏​လက်​တော်​သည် အကျွန်ုပ်​အပေါ်​၌ နေ့​ည​မပြတ်​လေးလံ​လျက်​ရှိ​ပါ​၏​။ အကျွန်ုပ်​၏​စိုပြည်လန်းဆန်းမှု​သည် နွေကာလ​၏​အပူရှိန်​၌​ကဲ့သို့ ကုန်ခန်း​ပါ​ပြီ​။(​စေလာ)

ဆာ​လံ 51:8

အကျွန်ုပ်​အား ရွှင်မြူး​ခြင်း​နှင့်​ဝမ်းမြောက်​ခြင်း​ကို ကြား​စေ​တော်မူ​ပါ​။ ကိုယ်တော်​ကြေမွ​စေ​သော​အရိုး​တို့​ကို​လည်း ရွှင်လန်း​စေ​တော်မူ​ပါ​။

ဆာ​လံ 6:2

အို ထာဝရဘုရား​၊ အကျွန်ုပ်​သည် အားအင်ချည့်နဲ့​နေ​သည်​ဖြစ်၍ အကျွန်ုပ်​ကို​သနား​တော်မူ​ပါ​။ အို ထာဝရဘုရား​၊ အကျွန်ုပ်​အရိုး​တို့​သည် ထိတ်လန့်​လျက်​ရှိ​ကြ​သည်​ဖြစ်၍ အကျွန်ုပ်​ကို​ကျန်းမာ​စေ​တော်မူ​ပါ​။