ဆာ​လံ 32:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ဆိုးယုတ်​သော​သူ​တို့​သည် များစွာ​သော​ဒုက္ခဝေဒနာ​ကို​ခံစား​ကြ​ရ​၏​။ ထာဝရဘုရား​ကို​ယုံကြည်ကိုးစား​သော​သူ​မူကား မေတ္တာကရုဏာ​တော်​ဖြင့် ဝိုင်းရံ​ထား​ခြင်း​ကို​ခံရ​၏​။

Common Language Bible

¹⁰ သူ​ယုတ်​မာ​တို့​သည်​ဒုက္ခ​ရောက်​ကြ​ရ​လိမ့်​မည်။ သို့​ရာ​တွင်​ဘု​ရား​သ​ခင်​ကို​ကိုး​စား​သူ​တို့​မူ​ကား ခိုင်​မြဲ​သော​မေတ္တာ​တော်​ဖြင့်​ကွယ်​ကာ​ခြင်း​ကို ခံ​ရ​၏။

Garrad Bible

¹⁰ လူ ဆိုး သည်၊ ပူ ပန် ခြင်း များ တွေ့ ကြုံ ရ လိမ့် မည်။ ထာ ဝ ရ ဘု ရား၌ ကိုး စား သူ့ ကို ကား၊ က ရု ဏာ တော် ဝန်း ရံ လျက် ရှိ လိမ့် မည်။

Judson Bible

¹⁰ မ​တ​ရား​သော​သူ​သည် များ​စွာ​သော​ဒု​က္ခ​ကို​ခံ​ရ၏။ ထာ​ဝ​ရ​ဘု​ရား၌ ကိုး​စား​သော​သူ​ကို​ကား၊ က​ရု​ဏာ​တော်​သည် ဝန်း​ရံ​တတ်၏။

ဆာ​လံ 32:10 ပူးပေါင်းရင်းမြစ်များ

ဆာ​လံ 11:6

ကိုယ်တော်​သည် မီးခဲ​တို့​ကို ဆိုးယုတ်​သော​သူ​တို့​အပေါ် ရွာကျ​စေ​တော်မူ​လိမ့်မည်​။ မီး​၊ ကန့်​နှင့် ပူလောင်​သော​လေ​သည် သူ​တို့​ခွက်ဖလား​အတွက် ဝေစု​ဖြစ်​လိမ့်မည်​။

ဆာ​လံ 140:11

သူတစ်ပါး​ကို​အသရေပျက်​အောင် ပြောဆို​သော​သူ​တို့​သည် မြေကြီး​ပေါ်၌ တည်မြဲ​ခြင်း​မ​ရှိ​ကြ​ပါစေ​နှင့်​။ ဘေးအန္တရာယ်​သည် ရက်စက်ကြမ်းကြုတ်​သော​သူ​ကို လိုက်​၍ နှိမ်နင်း​ဖျက်ဆီး​ပါစေသော​။

ဆာ​လံ 146:5

ယာကုပ်​၏​ဘုရားသခင်​ကို မိမိ​၏​ကူညီမစ​သော​အရှင်​ဖြစ်စေ​သော​သူ​၊ မိမိ​၏​ဘုရားသခင်​ထာဝရဘုရား​ကို မျှော်လင့်​သော​သူ​သည် မင်္ဂလာ​ရှိ​၏​။

ဆာ​လံ 147:11

ထာဝရဘုရား​သည် မိမိ​ကို​ကြောက်ရွံ့​သော​သူ​များ​နှင့် မိမိ​၏​မေတ္တာကရုဏာ​တော်​ကို မျှော်လင့်ကိုးစား​သော​သူ​များ​ကို နှစ်သက်​တော်မူ​၏​။

ဆာ​လံ 16:4

အခြား​ဘုရား​များ​ကို ဆည်းကပ်​သော​သူ​တို့​သည် မိမိ​တို့​၏​ဝမ်းနည်းပူဆွေးမှု​ကို​တိုးပွား​စေ​ကြ​လိမ့်မည်​။ ငါ​သည် သူ​တို့​၏​သွန်းလောင်းရာပူဇော်သက္ကာ​နှင့်ဆိုင်သော​သွေး​ကို သွန်းလောင်း​မည်​မ​ဟုတ်​။ ထို​ဘုရား​တို့​၏​နာမ​ကို​လည်း ငါ့​နှုတ်​ဖြင့်​ရွတ်ဆို​မည်​မ​ဟုတ်​။

ဆာ​လံ 2:12

သား​တော်​ကို​နမ်း​ကြ​လော့​။ သို့မဟုတ်လျှင် အမျက်​တော်​ထွက်​သဖြင့် သင်​တို့​သည် လမ်း​၌​ပျက်စီး​ကြ​ရ​လိမ့်မည်​။ အကြောင်းမူကား ကိုယ်တော်​၏​အမျက်​တော်​မီး​သည် တစ်ခဏချင်း​တွင်​တောက်လောင်​လိမ့်မည်​။ ကိုယ်တော်​ကို​ခိုလှုံ​သော​သူ​အပေါင်း​တို့​သည် မင်္ဂလာ​ရှိ​ကြ​၏​။

ဆာ​လံ 34:8

ထာဝရဘုရား​ကောင်းမြတ်​တော်မူ​ကြောင်း မြည်းစမ်း​၍​သိမြင်​ကြ​လော့​။ ကိုယ်တော်​ကို​ခိုလှုံ​သော​သူ​သည် မင်္ဂလာ​ရှိ​၏​။

ဆာ​လံ 40:4

မာနထောင်လွှား​သော​သူ​တို့​နှင့် လိမ်လည်မှု​နောက်သို့​လိုက်သွား​သော​သူ​တို့​ထံသို့ မ​လှည့်​ဘဲ ထာဝရဘုရား​ကို ကိုးစား​သော​သူ​သည် မင်္ဂလာ​ရှိ​၏​။

ဆာ​လံ 5:12

အို ထာဝရဘုရား​၊ ကိုယ်တော်​သည် ဖြောင့်မတ်​သော​သူ​ကို ကောင်းချီးပေး​၍ သူ့​ကို​ကျေးဇူး​တော်​ဖြင့် ဒိုင်းကာ​ကဲ့သို့ ဝန်းရံ​ကာကွယ်​ထား​တော်မူ​၏​။

ဆာ​လံ 84:12

ကောင်းကင်​ဗိုလ်ခြေ​အရှင်​ထာဝရဘုရား​၊ ကိုယ်တော်​ကို ယုံကြည်ကိုးစား​သော​သူ​သည် မင်္ဂလာ​ရှိ​ပါ​၏​။

သုတ္တံကျမ်း။ 13:21

ဒုက္ခ​သည် အပြစ်သား​တို့​၏​နောက်​သို့ လိုက်​တတ်​၏​။ ဖြောင့်မတ်​သော​သူ​တို့​မူကား ကောင်း​သော​ဆုလာဘ်​ကို​ရရှိ​လိမ့်မည်​။

သုတ္တံကျမ်း။ 16:20

နှုတ်ကပတ်တော်​ကို ဂရုပြု​သော​သူ​သည် ကောင်းကျိုးချမ်းသာ​ကို​ခံစား​ရ​လိမ့်မည်​။ ထာဝရဘုရား​ကို ယုံကြည်ကိုးစား​သော​သူ​သည်​လည်း မင်္ဂလာ​ရှိ​လိမ့်မည်​။

ဒေသနာကျမ်း။ 8:12

အပြစ်ပြု​သော​သူ​သည် မကောင်းမှု​ကို​အကြိမ်​တစ်ရာ​ပြု​လျက်ပင် အသက်ရှည်​သော်လည်း ဘုရားသခင်​ကို​ကြောက်ရွံ့​သော​သူ​တို့​သည် ကိုယ်တော်​၏​ရှေ့​တော်​၌ ကြောက်ရွံ့​ကြ​သောကြောင့် ကောင်းကျိုးချမ်းသာ​ကို​ခံစား​ရ​ကြောင်း ငါ​အမှန်​သိ​၏​။

ဟေ​ရှာ​ယ 3:11

ဆိုးယုတ်​သော​သူ​သည် အမင်္ဂလာ​ရှိ​၏​။ သူ​၌ ဆိုးညစ်​သော​အမှု သက်ရောက်​မည်​။ သူ​၏​လုပ်ဆောင်မှု​အတိုင်း သူ​၌​ဖြစ်​လိမ့်မည်​။

ဟေ​ရှာ​ယ 57:21

“​ဆိုးယုတ်​သော​သူ​တို့​၌ ငြိမ်သက်​ခြင်း​မ​ရှိ​”​ဟု ငါ​၏​ဘုရားသခင်​မိန့်​တော်မူ​၏​။

၁ တိ 6:10

အကြောင်းမူကား ငွေ​ကို​တပ်မက်​ခြင်း​သည် မကောင်းမှု​အလုံးစုံ​တို့​၏​အရင်းအမြစ်​ဖြစ်​၏။ လူ​အချို့​တို့​သည် ငွေ​ကို​အလွန်​တပ်မက်​သဖြင့် ယုံကြည်​ခြင်း​လမ်း​မှ လွဲချော်​သွား​၍ များစွာ​သော​ပူပန်​ခြင်း​ဝေဒနာ​ဖြင့် မိမိတို့ကိုယ်ကို ထိုးဖောက်​နာကျင်​စေ​ကြ​ပြီ။