ဆာ​လံ 27:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ တပ်​တစ်​တပ်​သည် ငါ့​တစ်ဖက်​၌​စခန်းချ​ထား​လျှင်လည်း ငါ့​စိတ်နှလုံး​သည်​ကြောက်​လိမ့်မည်​မ​ဟုတ်​။ ငါ့​ကို​တိုက်ခိုက်​သည့်​စစ်ပွဲ​ဖြစ်ပွား​လျှင်လည်း ထို​စစ်ပွဲ​တွင် ငါ​ရဲရင့်တည်ကြည်​လိမ့်မည်​။

Common Language Bible

³ စစ်​တပ်​တစ်​တပ်​လုံး​ပင်​ငါ့​ကို​ဝိုင်း​ရံ​ထား​စေ​ကာ​မူ ငါ​သည်​ကြောက်​လန့်​လိမ့်​မည်​မ​ဟုတ်။ အ​ကယ်​၍​ငါ​၏​ရန်​သူ​များ​က​ပင်​လျှင် ငါ့​ကို​တိုက်​ခိုက်​စေ​ကာ​မူ​ငါ​သည် ထာ​ဝ​ရ​ဘု​ရား​အား​ကိုး​စား​မည်။

Garrad Bible

³ ငါ့ တစ် ဘက်၌ ဗိုလ် ခြေ တပ် ချ သော် လည်း၊ ကြောက် ရွံ့ မည် မ ဟုတ်။ စစ် ရေး ဖြစ် ပွား လျက် ပင်၊ စိတ် ချ လျက် နေ မည်။

Judson Bible

³ ငါ့​တစ်​ဖက်၌ တပ်​ချ​ကြ​သော်​လည်း၊ ငါ့​နှ​လုံး​မ​ကြောက်​တတ်။ စစ်​ချီ၍​လာ​ကြ​သော်​လည်း၊ ထို​အ​မှု​တွင်​ပင် တည်​ကြည်​သော စိတ်​ရှိ​လိမ့်​မည်။

ဆာ​လံ 27:3 ပူးပေါင်းရင်းမြစ်များ

၂ ရာ​ချုပ် 20:15

“​အို ယောရှဖတ်​မင်းကြီး​နှင့် ယုဒ​ပြည်သူ​ဂျေရုဆလင်​မြို့သား​အပေါင်း​တို့​၊ နားထောင်​ကြ​ပါ​လော့​။ ထာဝရဘုရား​က သင်​တို့​အား ‘​ဤ​စစ်တပ်ကြီး​ကြောင့် သင်​တို့​မ​ကြောက်​ကြ​နှင့်​၊ စိတ်​မ​ပျက်​ကြ​နှင့်​။ စစ်မှု​သည် သင်​တို့​အရေး​မ​ဟုတ်​။ ဘုရားသခင်​၏​အရေး​သာ ဖြစ်​၏​။

ယောဘဝတ္တု။ 4:6

သင်​၏​ကြည်ညိုကိုင်းရှိုင်း​ခြင်း​သည် သင်​၏​ယုံကြည်အားထား​ရာ မ​ဟုတ်​လော​။ တည်ကြည်​စွာ ပြုမူကျင့်ကြံ​ခြင်း​သည် သင်​၏​မျှော်လင့်ရာ မ​ဟုတ်​လော​။

ဆာ​လံ 112:7

သူ​သည် သတင်း​ဆိုး​ကို​ကြောက်​ရ​လိမ့်မည်​မ​ဟုတ်​။ သူ​၏​စိတ်နှလုံး​သည် တည်ကြည်​လျက် ထာဝရဘုရား​ကို ယုံကြည်ကိုးစား​၏​။

ဆာ​လံ 3:6

ငါ့​ကို​ဆန့်ကျင်​လျက် ပတ်လည်​မှ​သောင်းချီ​ဝိုင်းရံ​ထား​သော​လူ​တို့​ကို ငါ​ကြောက်​မည်​မ​ဟုတ်​။

ဆာ​လံ 3:7

အို ထာဝရဘုရား​၊ ထ​တော်မူ​ပါ​။ အကျွန်ုပ်​၏​ဘုရားသခင်​၊ အကျွန်ုပ်​ကို​ကယ်တင်​တော်မူ​ပါ​။ အကယ်စင်စစ် ကိုယ်တော်​သည် အကျွန်ုပ်​ရန်သူ​ရှိသမျှ​တို့​၏​ပါး​ကို​ရိုက်​၍ ဆိုးယုတ်​သော​သူ​တို့​၏​သွား​ကို ချိုး​တော်မူ​၏​။

ဆာ​လံ 52:6

ထိုအခါ ဖြောင့်မတ်​သော​သူ​တို့​သည်​မြင်​၍ ကြောက်ရွံ့​ကြ​လိမ့်မည်​။ သူ​တို့​က

ဖိ​လိပ္ပိ 1:28

ထိုသို့​ကြောက်ရွံ့​ခြင်း​မ​ရှိ​ခြင်း​သည် သူ​တို့​အတွက် ပျက်စီး​ခြင်း​၏​လက္ခဏာ​ဖြစ်​၏။ သင်​တို့​အတွက်​မူကား ကယ်တင်​ခြင်း​၏​လက္ခဏာ​ဖြစ်ပြီး ၎င်း​သည် ဘုရားသခင်​ထံမှ​လာ​၏။

၁ ပေ 3:14

သို့သော် ဖြောင့်မတ်​ခြင်း​ကြောင့် ဒုက္ခ​ဝေဒနာ​ခံစား​ခဲ့​ရ​လျှင်​ပင် သင်​တို့​သည် မင်္ဂလာရှိ​ကြ​၏။ သူ​တို့​၏​ခြိမ်းခြောက်​မှု​ကြောင့် ကြောက်ရွံ့​ခြင်း​နှင့်​တုန်လှုပ်​ချောက်ချား​ခြင်း​မ​ရှိ​ဘဲ

ဗျာ​ဒိတ် 2:10

သင်​ခံစား​ရ​တော့မည့် ဒုက္ခ​ဝေဒနာ​များ​ကို မ​ကြောက်​နှင့်။ ကြည့်ရှု​လော့။ သင်​သည် စမ်းသပ်​စစ်ဆေး​ခြင်း​ကို​ခံရ​မည့်​အကြောင်း မာရ်နတ်​သည် သင်​တို့​အထဲမှ အချို့​တို့​ကို ထောင်​ထဲ၌​ထည့်​ထား​တော့မည်။ သင်​တို့​သည် ဆယ်​ရက်​ပတ်လုံး ဆင်းရဲ​ဒုက္ခ​ကို​ခံ​ကြ​ရ​လိမ့်မည်။ အသေခံ​ရ​သည့်​တိုင်အောင် သစ္စာ​စောင့်​လော့။ သို့ပြုလျှင် အသက်​သရဖူ​ကို သင့်​အား ငါ​ပေး​မည်။

၁ ရာ 19:8

စစ်ပွဲ​တစ်ဖန်​ဖြစ်လာ​ပြန်​သောအခါ ဒါဝိဒ်​သည် ဖိလိတ္တိ​လူမျိုး​တို့​ကို သွားရောက်​တိုက်ခိုက်​၏​။ ပြင်းထန်​စွာ​တိုက်ခိုက်​သတ်ဖြတ်​သဖြင့် ဖိလိတ္တိ​လူမျိုး​တို့ ထွက်ပြေး​ကြ​ရ​လေ​၏​။