ဆာ​လံ 18:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ ငါ​မ​ပြိုင်​နိုင်​လောက်အောင် ခွန်အား​ကြီးမား​သော ငါ့​ရန်သူ​၏​လက်​မှ​လည်းကောင်း​၊ ငါ့​ကို​မုန်း​သော​သူ​တို့​၏​လက်​မှ​လည်းကောင်း ငါ့​ကို​ကယ်နုတ်​တော်မူ​၏​။

Common Language Bible

¹⁷ ကိုယ်​တော်​သည်​ငါ​ပြိုင်​၍​မ​ရ​နိုင်​သည့် အင်​အား​ကြီး​သော​ရန်​သူ​များ​၏​လက်​မှ လည်း​ကောင်း၊ ငါ့​ကို​မုန်း​သော​သူ​အ​ပေါင်း​တို့​လက်​မှ​လည်း​ကောင်း ငါ့​ကို​ကယ်​တော်​မူ​၏။

Garrad Bible

¹⁷ အား ကြီး သော ရန် သူ တို့ လက် မှလည်း ကောင်း၊ ငါ့ ထက် ခွန် အား ကြီး သော မုန်း ထား သူ တို့ လက် မှလည်း ကောင်း၊ ငါ့ ကို ကယ် လွှတ် တော် မူ၏။

Judson Bible

¹⁷ ငါ့​ကို​မုန်း​သော​သူ​တည်း​ဟူ​သော ငါ​ပြိုင်၍​မ​နိုင်​နိုင်​အောင် ခွန်​အား​ကြီး​သော​ရန်​သူ​တို့​လက်​မှ ငါ့​ကို​ကယ်​လွှတ်​တော်​မူ၏။

ဆာ​လံ 18:17 ပူးပေါင်းရင်းမြစ်များ

၂ ရာ 22:1

ရှောလု​မင်းကြီး​၏​လက်​မှ​လည်းကောင်း​၊ ရန်သူ​အပေါင်း​တို့​၏​လက်​မှ​လည်းကောင်း ဒါဝိဒ်​မင်းကြီး​အား ထာဝရဘုရား​ကယ်နုတ်​တော်မူ​သော​နေ့​တွင် ဒါဝိဒ်​မင်းကြီး​သည် ထာဝရဘုရား​ထံ ဤသို့ သီချင်း​စပ်ဆို​ခဲ့​၏​။

၂ ရာ 22:18

ငါ​မပြိုင်​နိုင်​လောက်အောင် ခွန်အား​ကြီးမား​သော ငါ့​ရန်သူ​၏​လက်​မှ​လည်းကောင်း​၊ ငါ့​ကို​မုန်း​သော​သူ​တို့​၏​လက်​မှ​လည်းကောင်း ငါ့​ကို​ကယ်နုတ်​တော်မူ​၏​။

ယောဘဝတ္တု။ 16:9

ငါ့​ကို အမျက်​တော်​ဖြင့် ဆွဲဆုတ်​၍ ညှဉ်းဆဲ​တော်မူ​၏​။ ငါ့​ကို အံကြိတ်ပြ​တော်မူ​၏​။ ငါ့​ရန်သူ​သည် ငါ့​ကို စိန်းစိန်းဝါးဝါး​ကြည့်​၏​။

ဆာ​လံ 118:7

ထာဝရဘုရား​သည် ငါ့​ကို​ကူညီမစ​သော​အရှင်​အဖြစ် ငါ့​ဘက်​၌​ရှိ​တော်မူ​သည်​ဖြစ်၍ ငါ့​ကို​မုန်း​သော​သူ​တို့​ကို အပေါ်စီး​မှ ငါ​ကြည့်မြင်​ရ​လိမ့်မည်​။

ဆာ​လံ 138:7

အကျွန်ုပ်​သည် ဆင်းရဲဒုက္ခ​ထဲ​၌ ကျင်လည်​ရ​သော်လည်း ကိုယ်တော်​သည် အကျွန်ုပ်​ကို​အသက်ရှင်​စေ​တော်မူ​မည်​။ ကိုယ်တော်​သည် အကျွန်ုပ်​ရန်သူ​တို့​၏​အမျက်ဒေါသ​အပေါ်​၌ မိမိ​၏​လက်​တော်​ကို​ဆန့်​၍ ကိုယ်တော်​၏​လက်ယာ​လက်​တော်​ဖြင့် အကျွန်ုပ်​ကို​ကယ်တင်​တော်မူ​မည်​။

ဆာ​လံ 142:6

အကျွန်ုပ်​၏​ဟစ်ကြော်သံ​ကို အာရုံစိုက်​နားထောင်​တော်မူ​ပါ​။ အကြောင်းမူကား အကျွန်ုပ်​သည် အခြေအနေ​အလွန်​နိမ့်ပါး​လျက်​ရှိ​ပါ​၏​။ အကျွန်ုပ်​ကို လိုက်လံညှဉ်းဆဲ​သော​သူ​တို့​ထံမှ ကယ်နုတ်​တော်မူ​ပါ​။ အကြောင်းမူကား ထို​သူ​တို့​သည် အကျွန်ုပ်​ထက် အင်အားကြီးမား​ကြ​ပါ​၏​။

ဆာ​လံ 144:7

မြင့်သောအရပ်​မှ လက်​တော်​ကို​ဆန့်​တော်မူ​ပါ​။ များစွာ​သော​ရေ​ထဲမှ​လည်းကောင်း​၊ တိုင်းတစ်ပါးသား​တို့​၏​လက်​ထဲမှ​လည်းကောင်း အကျွန်ုပ်​ကို​ကယ်နုတ်​ပြီး လွတ်မြောက်​စေ​တော်မူ​ပါ​။

ဆာ​လံ 25:19

အကျွန်ုပ်​၏​ရန်သူ​တို့​သည် မည်မျှ​များပြား​ကြ​သည်​ကို​လည်းကောင်း​၊ အကျွန်ုပ်​ကို မည်မျှ​ရက်စက်ကြမ်းကြုတ်​သော မုန်းတီးမှု​ဖြင့် မုန်းတီး​ကြ​သည်​ကို​လည်းကောင်း ကြည့်ရှု​တော်မူ​ပါ​။

ဆာ​လံ 35:10

အကျွန်ုပ်​၏​အရိုး​ရှိသမျှ​တို့​က “​အို ထာဝရဘုရား​၊ မည်သူ​သည် ကိုယ်တော်​နှင့်​တူ​ပါ​သနည်း​။ ကိုယ်တော်​သည် အဖိနှိပ်​ခံရ​သော​သူ​ကို သူ့​ထက်​အားကြီး​သော​သူ​၏​လက်​မှ ကယ်နုတ်​တော်မူ​၏​။ အကယ်စင်စစ် အဖိနှိပ်​ခံရ​သော​သူ​နှင့် နွမ်းပါး​သော​သူ​ကို လုယူ​တတ်​သော​သူ​၏​လက်​မှ ကယ်နုတ်​တော်မူ​၏​”​ဟု လျှောက်​ကြ​လိမ့်မည်​။

ဆာ​လံ 38:19

အကျွန်ုပ်​၏​ရန်သူ​တို့​သည် သန်မာ​အားကြီး​ကြ​ပါ​၏​။ အကြောင်းမဲ့ အကျွန်ုပ်​ကို မုန်းတီး​သော​သူ​တို့​သည်​လည်း များစွာ​ရှိ​ပါ​၏​။

ဆာ​လံ 9:13

အို ထာဝရဘုရား​၊ အကျွန်ုပ်​ကို​သနား​တော်မူ​ပါ​။ သေ​ခြင်း​၏​တံခါးဝ​မှ အကျွန်ုပ်​ကို​ဆွဲတင်​တော်မူ​သော​အရှင်​၊ အကျွန်ုပ်​ကို​မုန်း​သော​သူ​တို့​ထံမှ အကျွန်ုပ်​ခံရ​သော​ဖိစီးနှိပ်စက်မှု​ကို​ကြည့်ရှု​တော်မူ​ပါ​။

လုကာ 19:14

သို့သော် သူ​၏​ပြည်သူ​ပြည်သား​တို့​သည် သူ့​ကို​မုန်း​သဖြင့် သူ့​နောက်မှ သံတမန်​ကို​စေလွှတ်​၍ ‘အကျွန်ုပ်​တို့​အပေါ် ဤ​သူ​အုပ်ချုပ်​မည်​ကို အကျွန်ုပ်​တို့​အလို​မ​ရှိ​ပါ’​ဟု လျှောက်​ထား​စေ​ကြ​၏။