ဆာ​လံ 17:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ အို ထာဝရဘုရား​၊ ထ​တော်မူ​ပါ​။ သူ့​ကို​ထိပ်တိုက်ရင်ဆိုင်​၍ ညွတ်တွား​စေ​တော်မူ​ပါ​။ ကိုယ်တော်​၏​ဓား​ဖြင့် ဆိုးယုတ်​သော​သူ​၏​လက်​မှ အကျွန်ုပ်​၏​အသက်​ကို ကယ်တင်​တော်မူ​ပါ​။

Common Language Bible

¹³ အို ထာ​ဝ​ရ​ဘု​ရား၊ ကြွ​လာ​တော်​မူ​ပါ။ ကျွန်​တော်​မျိုး​၏​ရန်​သူ​များ​ကို​တွန်း​လှန် ဖြို​ခွင်း​တော်​မူ​ပါ။ ကိုယ်​တော်​ဋ္ဌား​တော်​ဖြင့်​သူ​ယုတ်​မာ​တို့​၏​လက်​မှ ကျွန်​တော်​မျိုး​အား​ကယ်​တော်​မူ​ပါ။

Garrad Bible

¹³ အို ထာ ဝ ရ ဘု ရား၊ ထ ပြီး လျှင်၊ ဆိုင် ပြိုင်၍ ဖြို လှဲ တော် မူ ပါ။ အ ကျွန်ုပ် အ သက် ကို၊ လူ ဆိုး တို့ လက် မှ ဓား တော် ဖြင့်လည်း ကောင်း၊

Judson Bible

¹³ အို​ထာ​ဝ​ရ​ဘု​ရား၊ ထ​တော်​မူ​ပါ။ သူ​တို့​ကို​ဆီး​တား၍ လှဲ​ချ​တော်​မူ​ပါ။ မ​တ​ရား​သော​သူ​တို့​လက်​မှ အ​ကျွန်ုပ်​အ​သက်​ကို ဓား​တော်​ဖြင့် ကယ်​လွှတ်​တော်​မူ​ပါ။

ဆာ​လံ 17:13 ပူးပေါင်းရင်းမြစ်များ

ဆာ​လံ 10:12

အို ထာဝရဘုရား​၊ ထ​တော်မူ​ပါ​။ အို ဘုရားသခင်​၊ လက်​တော်​ကို​မြှောက်​တော်မူ​ပါ​။ ဖိစီးနှိပ်စက်​ခြင်း​ခံရ​သော​သူ​တို့​ကို မေ့လျော့​တော်​မ​မူ​ပါ​နှင့်​။

ဆာ​လံ 119:126

အို ထာဝရဘုရား​၊ လူ​တို့​သည် ကိုယ်တော်​၏​တရားတော်​ကို ချိုးဖောက်​ကြ​သည်​ဖြစ်၍ ကိုယ်တော် စီရင်​တော်မူ​ချိန်​ရောက်​ပါ​ပြီ​။

ဆာ​လံ 22:20

အကျွန်ုပ်​၏​စိတ်ဝိညာဉ်​ကို ဓားဘေး​မှ​လည်းကောင်း​၊ အကျွန်ုပ်​၏​တစ်ခုတည်း​သော​အသက်​ကို ခွေး​၏​လက်​မှ​လည်းကောင်း ကယ်နုတ်​တော်မူ​ပါ​။

ဆာ​လံ 3:7

အို ထာဝရဘုရား​၊ ထ​တော်မူ​ပါ​။ အကျွန်ုပ်​၏​ဘုရားသခင်​၊ အကျွန်ုပ်​ကို​ကယ်တင်​တော်မူ​ပါ​။ အကယ်စင်စစ် ကိုယ်တော်​သည် အကျွန်ုပ်​ရန်သူ​ရှိသမျှ​တို့​၏​ပါး​ကို​ရိုက်​၍ ဆိုးယုတ်​သော​သူ​တို့​၏​သွား​ကို ချိုး​တော်မူ​၏​။

ဆာ​လံ 44:23

အို ဘုရားရှင်​၊ နိုး​တော်မူ​ပါ​။ အဘယ်ကြောင့် ကျိန်းစက်​နေ​တော်မူ​သနည်း​။ ထ​တော်မူ​ပါ​။ အကျွန်ုပ်​တို့​ကို အစဉ်​ငြင်းပယ်​တော်​မ​မူ​ပါ​နှင့်​။

ဆာ​လံ 44:26

ထ​တော်မူ​ပါ​။ အကျွန်ုပ်​တို့​ကို ကူညီမစ​တော်မူ​ပါ​။ ကိုယ်တော်​၏​မေတ္တာကရုဏာ​တော်​ကို​ထောက်၍ အကျွန်ုပ်​တို့​ကို ရွေးနုတ်ကယ်တင်​တော်မူ​ပါ​။

ဆာ​လံ 7:6

အို ထာဝရဘုရား​၊ အမျက်​တော်​နှင့်​ထ​တော်မူ​ပါ​။ အကျွန်ုပ်​ရန်သူ​တို့​၏​ဒေါသ​ကို​ဆန့်ကျင်​လျက် ရပ်​တော်မူ​ပါ​။ အကျွန်ုပ်​အတွက် နိုးကြွ​တော်မူ​ပါ​။ ကိုယ်တော်​သည် တရားစီရင်​ခြင်း​ကို​စီမံ​တော်မူ​ပြီ​။

ဆာ​လံ 94:16

မည်သူ​သည် ဆိုးညစ်​သော​အမှု​ပြု​သော​သူ​တို့​ကို ဆန့်ကျင်​ပြီး ငါ့​အတွက်​ထ​မည်နည်း​။ မည်သူ​သည် အပြစ်ဒုစရိုက်​ပြု​သော​သူ​တို့​ကို ဆန့်ကျင်​ပြီး ငါ့​အတွက် ရပ်တည်​မည်နည်း​။

ဟေ​ရှာ​ယ 10:15

ပုဆိန်​သည် သူ့​ကို​ကိုင်​သော​သူ​ထက် မိမိကိုယ်မိမိ​အမွှမ်းတင်​မည်လော​။ လွှ​သည် သူ့​ကို​အသုံးပြု​သော​သူ​ထက် မိမိကိုယ်မိမိ​ချီးမြှောက်​မည်လော​။ ကြိမ်လုံး​က ကိုင်မြှောက်​သော​သူ​ကို ပြန်​၍​လွှဲယမ်း​သကဲ့သို့​၊ တောင်ဝှေး​က သစ်သား​မ​ဟုတ်​သော​လူ​ကို ပြန်​၍​ကိုင်မြှောက်​သကဲ့သို့ ဖြစ်​ပါ​သည်​တကား​။

ဟေ​ရှာ​ယ 10:5

အဆီးရီးယား​လူမျိုး​သည် အမင်္ဂလာ​ရှိ​၏​။ ထို​လူမျိုး​သည် ငါ့​အမျက်​တော်​ကြိမ်လုံး​ဖြစ်​၏​။ သူ​တို့​ကိုင်ဆောင်​သော​တုတ်​သည် ငါ​၏​အမျက်​ဖြစ်​၏​။

ဟေ​ရှာ​ယ 13:5

ထာဝရဘုရား​နှင့် အမျက်​တော်​လက်နက်​သည် မြေ​တစ်ပြင်လုံး​ကို​ဖျက်ဆီး​ရန် ကောင်းကင်​အစွန်း​၊ ဝေးလံ​သော​အရပ်​မှ လာ​ကြ​ပြီ​။

ဟေ​ရှာ​ယ 37:26

ဤ​အမှု​ကို ရှေးယခင်​ကပင် ငါ​ချမှတ်​ခဲ့​ကြောင်း သင်​မ​ကြား​ဖူး​သလော​။ သင်​သည် ခိုင်ခံ့​သော​မြို့​တို့​ကို အပျက်အစီး​ကျောက်ပုံ​ဖြစ်စေ​မည်​ကို ရှေးယခင်​ကပင် ငါ​စီမံ​ထား​၍ ယခု ငါ​ဖြစ်​စေ​ပြီ​။

ဟေ​ရှာ​ယ 51:9

အို ထာဝရဘုရား​၏​လက်ရုံး​တော်​၊ နိုးထ​တော်မူ​ပါ​။ နိုးထ​တော်မူ​ပါ​။ ခွန်အား​ကို​ဆင်ယင်​တော်မူ​ပါ​။ ရှေးကာလ​နေ့ရက်​များ​က​ကဲ့သို့​၊ ရှေးလွန်လေ​ပြီး​သော​မျိုးဆက်​တို့​ခေတ်​က​ကဲ့သို့ နိုးထ​တော်မူ​ပါ​။ ရာဟပ်​ကို​ခုတ်ဖြတ်​သော​သူ​၊ မြွေနဂါး​ကို​ထိုးဖောက်​သော​သူ​သည် ကိုယ်တော်​ပင်​မ​ဟုတ်​လော​။

ဟ​ဗက္ကုတ် 1:12

အို အကျွန်ုပ်​၏​သန့်ရှင်း​သော​ဘုရားသခင်​ထာဝရဘုရား​၊ ကိုယ်တော်​သည် ရှေးကာလ​ကပင် တည်ရှိ​တော်မူ​သည် မ​ဟုတ်​လော​။ အကျွန်ုပ်​တို့ သေ​ရ​မည်​မ​ဟုတ်​။ အို ထာဝရဘုရား​၊ ကိုယ်တော်​သည် ထို​သူ​တို့​ကို တရားစီရင်​ရန် ချမှတ်​တော်မူ​ပြီ​။ အို ကျောက်ဆောင်​၊ ကိုယ်တော်​သည် သူ​တို့​ကို ဆုံးမ​ရန် စီရင်​တော်မူ​ပြီ​။

တမန်တော်ဝတ္ထု 4:28

ကိုယ်တော်​၏​လက်​တော်​နှင့်​အကြံအစည်​တော်​တို့​အားဖြင့် ဖြစ်ပျက်​လာ​ရန်​ကြိုတင်​သတ်မှတ်​ထား​သမျှ​သော​အရာ​တို့​ကို ပြု​ခဲ့​ကြ​ပါ​ပြီ။