ဆာ​လံ 150:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ တံပိုး​မှုတ်​လျက် ကိုယ်တော်​ကို​ချီးမွမ်း​ကြ​လော့​။ စောင်းပြား​နှင့်​စောင်းကောက်​ကို​တီး​လျက် ကိုယ်တော်​ကို ချီးမွမ်း​ကြ​လော့​။

Common Language Bible

³ တံ​ပိုး​ခ​ရာ​များ​ဖြင့်​ကိုယ်​တော်​အား ထော​မ​နာ​ပြု​ကြ​လော့။ စောင်း​ကြီး​စောင်း​ငယ်​များ​ဖြင့်​ကိုယ်​တော်​အား ထော​မ​နာ​ပြု​ကြ​လော့။

Garrad Bible

³ တံ ပိုး မှုတ် သံ ပြု လျက် ချီး မွမ်း ကြ လော့။ တ ယော နှင့် စောင်း တီး လျက် ချီး မွမ်း ကြ လော့။

Judson Bible

³ တံ​ပိုး​မှုတ်​လျက် ဘု​ရား​သ​ခင်​ကို ချီး​မွမ်း​ကြ​လော့။ တ​ယော​နှင့် စောင်း​ကို​တီး​လျက် ချီး​မွမ်း​ကြ​လော့။

ဆာ​လံ 150:3 ပူးပေါင်းရင်းမြစ်များ

၂ ရာ 6:15

ဒါဝိဒ်​မင်းကြီး​အပါအဝင် အစ္စရေး​အမျိုးအနွယ်​အပေါင်း​တို့​သည် ကြွေးကြော်သံ​၊ တံပိုးမှုတ်သံ​များ​နှင့်တကွ ထာဝရဘုရား​၏​သေတ္တာ​တော်​ကို သယ်ဆောင်​လာ​ကြ​၏​။

၂ ရာ 6:5

ဒါဝိဒ်​မင်းကြီး​နှင့် အစ္စရေး​အမျိုးအနွယ်​အပေါင်း​တို့​သည် စောင်းကောက်​၊ စောင်းပြား​၊ ပတ်သာ​၊ နှဲ​၊ လင်းကွင်း စသည့်​ထင်းရှူးသား​ဖြင့်​ပြုလုပ်​ထား​သော​တူရိယာ​အမျိုးမျိုး​တို့​ကို တီးမှုတ်​လျက် ထာဝရဘုရား​ရှေ့​တော်​တွင် ပျော်မြူး​ကြ​၏​။

၁ ရာ​ချုပ် 15:20

ဇာခရိ​၊ အဇေလ​၊ ရှေမိရာမုတ်​၊ ယေဟေလ​၊ ဥန္နိ​၊ ဧလျာဘ​၊ မာသေယ​၊ ဗေနာယ တို့​သည် အာလမုတ်​သံစဉ်​နှင့်အညီ စောင်းပြား​ကို တီး​ရ​၏​။

၁ ရာ​ချုပ် 15:24

ယဇ်ပုရောဟိတ် ရှေဗနိ​၊ ယောရှာဖတ်​၊ နာသနေလ​၊ အာမသဲ​၊ ဇာခရိ​၊ ဗေနာယ​၊ ဧလျေဇာ​တို့​သည် ဘုရားသခင်​၏​သေတ္တာ​တော်​ရှေ့​တွင် တံပိုးခရာ​မှုတ်​ကြ​ရ​၏​။ ဩဗဒေဒုံ​နှင့်​ယေဟိ​တို့​သည်​လည်း သေတ္တာ​တော်​တံခါး​ကို စောင့်ကြပ်​ရ​၏​။

၁ ရာ​ချုပ် 15:28

ဤသို့ဖြင့် အစ္စရေး​လူမျိုး​အပေါင်း​တို့​သည် ကြွေးကြော်​လျက်​၊ တံပိုးမှုတ်သံ​နှင့်အတူ တံပိုးခရာ​များ​၊ လင်းကွင်း​များ​၊ စောင်းကောက်​၊ စောင်းပြား​များ​ကို တီးမှုတ်​လျက် ထာဝရဘုရား​၏​ပဋိညာဉ်​သေတ္တာ​တော်​ကို သယ်ဆောင်​လာ​ကြ​၏​။

၁ ရာ​ချုပ် 16:42

ဟေမန်​နှင့်​ယေဒုသုန်​တို့​သည် တံပိုးခရာ​၊ လင်းကွင်း​တို့​မှစ၍ ဘုရားသခင်​ထံ သီဆိုချီးမွမ်း​ရန် တူရိယာ​များ​ကို တီးမှုတ်​ရ​၏​။ ယေဒုသုန်​၏​သား​များ​မှာ တံခါး​ကို စောင့်ကြပ်​ရ​၏​။

၁ ရာ​ချုပ် 25:1

ဒါဝိဒ်​မင်းကြီး​နှင့် မင်းမှုထမ်း​အကြီးအကဲ​တို့​သည် အမှု​တော်​မြတ်​အတွက် စောင်းကောက်​၊ စောင်းပြား​၊ လင်းကွင်း တို့​ကို​တီးခတ်​၍ ပရောဖက်ပြု​နိုင်​ရန် အာသပ်​၊ ဟေမန်​၊ ယေဒုသုန်​တို့​၏​သား​များ​ထဲမှ​အချို့​ကို သီးသန့်​ခွဲထား​၏​။ ဤသို့​အမှု​တော်​ထမ်း​ရန် ခွဲထား​သူ​တို့​၏​အမည်​စာရင်း​မှာ

၂ ရာ​ချုပ် 20:28

သူ​တို့​သည် စောင်းပြား​များ​၊ စောင်းကောက်​များ​၊ တံပိုးခရာ​များ တီးမှုတ်​ကြ​လျက် ဂျေရုဆလင်​မြို့​ရှိ ထာဝရဘုရား​၏​အိမ်​တော်​သို့ သွား​ကြ​လေ​၏​။

၂ ရာ​ချုပ် 5:13

တံပိုးမှုတ်​သူ​များ​နှင့် သီချင်းဆို​သူ​များ​သည် စည်းဝါးညီညီ​တစ်သံတည်း​ဖြင့် ထာဝရဘုရား​ထံ ဂုဏ်တော်​ချီးမွမ်း​သီဆို​ကြ​၏​။ တံပိုးသံ​၊ လင်းကွင်းသံ စသော​တူရိယာသံ​များ​နှင့်တကွ ထာဝရဘုရား​ထံ “​ကိုယ်တော်​ကောင်းမြတ်​တော်မူ​၏​။ မေတ္တာကရုဏာ​တော် အစဉ်အမြဲ​တည်​၏​”​ဟု အသံ​ကို​လွှင့်​၍ ချီးမွမ်းသီဆို​ကြ​သောအခါ ထာဝရဘုရား​၏​အိမ်​တော်​တစ်ခုလုံး မိုးတိမ်​များ​ဖုံးလွှမ်း​သွား​လေ​၏​။

ဆာ​လံ 108:2

စောင်းပြား​နှင့်​စောင်းကောက်​တို့​၊ နိုးထ​ကြ​လော့​။ အရုဏ်ဦး​ကို​လည်း ငါ​နိုးထ​စေ​မည်​။

ဆာ​လံ 149:3

သူ​တို့​သည် ကခုန်​လျက် ကိုယ်တော်​၏​နာမ​တော်​ကို ချီးမွမ်း​ကြ​ပါစေ​။ ပတ်သာ​နှင့်​စောင်း​ကို​တီး​၍ ကိုယ်တော်​ကို သီဆိုချီးမွမ်း​ကြ​ပါစေ​။

ဆာ​လံ 33:2

စောင်း​တီး​၍ ထာဝရဘုရား​ကို​ချီးမွမ်း​ကြ​လော့​။ ဆယ်​ကြိုး​တပ်​စောင်းပြား​တီး​၍ ကိုယ်တော်​ကို​သီဆိုချီးမွမ်း​ကြ​လော့​။

ဆာ​လံ 92:3

စောင်းကောက်​သံစဉ်​နှင့်အတူ စောင်းပြား​နှင့် ကြိုး​ဆယ်​ချောင်း​တပ်​တူရိယာ​ဖြင့် ထုတ်ဖော်​ပြောဆို​ခြင်း​သည်​လည်းကောင်း ကောင်းမြတ်​ပေ​၏​။

ဒံ​ယေ​လ 3:5

တံပိုး​၊ ပလွေ​၊ ဒုံမင်း​၊ စောင်းကောက်​၊ စောင်းပြား​၊ အိတ်ပလွေ​မှစ၍ တူရိယာ​အမျိုးမျိုး​တို့​တီးမှုတ်သံ​ကို သင်​တို့​ကြား​ရ​သောအခါ နေဗုခဒ်နေဇာ​မင်းကြီး​တည်​ထား​သော​ရွှေ​ရုပ်တု​ကို ပျပ်ဝပ်​ရှိခိုး​ကြ​ရ​မည်​။

တော​လည် 10:10

သင်​တို့​ဝမ်းမြောက်​ရာ​နေ့​ဖြစ်​သည့် သတ်မှတ်​ထား​သော​ပွဲတော်​များ​နေ့​၊ လဆန်းနေ့​တို့​၌ သင်​တို့​မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​သောအခါ တံပိုးခရာ​ကို​မှုတ်​ရ​မည်​။ သင်​တို့​၏​ဘုရားသခင်​ရှေ့​တော်​၌ သင်​တို့​အတွက် အောက်မေ့ဖွယ်​ရာ​ဖြစ်​မည်​။ ငါ​သည် သင်​တို့​၏​ဘုရားသခင်​ထာဝရဘုရား ဖြစ်​၏​”​ဟု မိန့်​တော်မူ​၏​။