ဆာ​လံ 149:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ အကြောင်းမူကား ထာဝရဘုရား​သည် မိမိ​၏​လူမျိုး​တော်​ကို နှစ်သက်​တော်မူ​၏​။ ကိုယ်တော်​သည် စိတ်နှိမ့်ချ​သော​သူ​တို့​ကို ကယ်တင်​ခြင်း​နှင့်​တင့်တယ်​စေ​တော်မူ​၏​။

Common Language Bible

⁴ ထာ​ဝ​ရ​ဘု​ရား​သည်​မိ​မိ​၏​လူ​စု​တော်​အား နှစ်​သက်​တော်​မူ​၏။ နိမ့်​ကျ​သူ​တို့​အား​အောင်​ပွဲ​ခံ​စေ​ခြင်း​အား​ဖြင့် ချီး​မြှင့်​တော်​မူ​၏။

Garrad Bible

⁴ ထာ ဝ ရ ဘု ရား သည် လူ မျိုး တော် ကို နှစ် သက် ၍၊ သိမ် မွေ့ သူ တို့ ကို ကယ် တင် ခြင်း အား ဖြင့်၊ အ သ ရေ တင့် တယ် စေ တော် မူ လိမ့် မည်။

Judson Bible

⁴ အ​ကြောင်း​မူ​ကား၊ ထာ​ဝ​ရ​ဘု​ရား​သည် မိ​မိ​လူ​စု​ကို နှစ်​သက်​တော်​မူ၏။ စိတ်​နှိမ့်​ချ​သော​သူ​တို့​ကို ကယ်​တင်​ခြင်း​အား​ဖြင့် အ​သ​ရေ​တင့်​တယ်​စေ​တော်​မူ၏။

ဆာ​လံ 149:4 ပူးပေါင်းရင်းမြစ်များ

ဆာ​လံ 117:2

အကြောင်းမူကား ကိုယ်တော်​၏​မေတ္တာကရုဏာ​တော်​သည် ငါ​တို့​အပေါ်​၌ ကြီးမား​လှ​ပေ​၏​။ ထာဝရဘုရား​၏​သစ္စာ​တော်​သည်​လည်း အစဉ်အမြဲ​တည်​၏​။ ဟာလေလုယ​။

ဆာ​လံ 132:16

ထို​အရပ်​ရှိ ယဇ်ပုရောဟိတ်​တို့​ကို ကယ်တင်​ခြင်း​ဖြင့် ငါ​လွှမ်းခြုံ​မည်​။ ထို​အရပ်​မှ သန့်ရှင်း​သူ​တို့​သည် ရွှင်လန်း​စွာ​ကြွေးကြော်​လျက်​သီချင်းဆို​ကြ​လိမ့်မည်​။

ဆာ​လံ 147:11

ထာဝရဘုရား​သည် မိမိ​ကို​ကြောက်ရွံ့​သော​သူ​များ​နှင့် မိမိ​၏​မေတ္တာကရုဏာ​တော်​ကို မျှော်လင့်ကိုးစား​သော​သူ​များ​ကို နှစ်သက်​တော်မူ​၏​။

ဆာ​လံ 22:8

“​သူ​သည် ထာဝရဘုရား​ကို​ယုံကြည်ကိုးစား​ခဲ့​၏​။ ကိုယ်တော်​သည် သူ့​ကို​ကယ်တင်​ပါစေ​။ ကိုယ်တော်​သည် သူ့​ကို​နှစ်သက်​တော်မူ​သည်​ဖြစ်၍ သူ့​ကို​ကယ်နုတ်​ပါစေ​”​ဟု ဆို​ကြ​ပါ​၏​။

ဆာ​လံ 35:27

အကျွန်ုပ်​၏​ဖြောင့်မတ်​ခြင်း​ကို နှစ်သက်​သော​သူ​တို့​သည် ဝမ်းမြောက်​၍ ရွှင်လန်း​စွာ​ကြွေးကြော်​ကြ​ပါစေသော​။ “​မိမိ​အစေအပါး​၏​ကောင်းစား​ခြင်း​ကို နှစ်သက်​တော်မူ​သော​ထာဝရဘုရား​သည် ကြီးမြတ်​တော်မူ​၏​”​ဟု သူ​တို့​သည် အစဉ်မပြတ်​မြွက်ဆို​ကြ​ပါစေသော​။

ဆာ​လံ 90:17

အကျွန်ုပ်​၏​အရှင် ဘုရားသခင်​၏ ကျေးဇူးပြု​တော်မူ​ခြင်း​သည် အကျွန်ုပ်​တို့​အပေါ် သက်ရောက်​ပါစေသော​။ အကျွန်ုပ်​တို့​၏​လက်​ဖြင့်​ပြု​သော​အမှု​တို့​ကို အကျွန်ုပ်​တို့​အတွက် မြဲမြံ​စေ​တော်မူ​ပါ​။ ဟုတ်​ပါ​၏​။ အကျွန်ုပ်​တို့​၏​လက်​ဖြင့် ပြု​သော​အမှု​တို့​ကို မြဲမြံ​စေ​တော်မူ​ပါ​။

သုတ္တံကျမ်း။ 11:20

စိတ်နှလုံး​ကောက်ကျစ်​သော​သူ​တို့​ကို ထာဝရဘုရား​စက်ဆုပ်ရွံရှာ​တော်မူ​၏​။ ပြည့်ဝစုံလင်​သော​လမ်း​ကို လိုက်​သော​သူ​တို့​ကို​ကား ကိုယ်တော်​နှစ်သက်​တော်မူ​၏​။

ရှောလမုန်သီချင်း။ 1:11

“​သင့်​အဖို့ ငွေ​ပုတီးလုံး​စီချယ်​ထား​သော ရွှေ​တန်ဆာ​များ​ကို ငါ​တို့​ပြုလုပ်​ပေး​မည်​။​”

ဟေ​ရှာ​ယ 61:10

ငါ​သည် ထာဝရဘုရား​၌ အလွန်​ဝမ်းမြောက်​မည်​။ ငါ​၏​စိတ်ဝိညာဉ်​သည် ဘုရားသခင်​၌ ရွှင်လန်း​မည်​။ အကြောင်းမူကား သတို့သား​သည် ခေါင်းပေါင်း​ပေါင်း​ထား​သကဲ့သို့​၊ သတို့သမီး​သည် ရတနာ​များ​ဖြင့် ကိုယ်​ကို​တန်ဆာဆင်​ထား​သကဲ့သို့ ကိုယ်တော်​သည် ငါ့​ကို ကယ်တင်​ခြင်း​အဝတ်တန်ဆာ​ဆင်ယင်​ပေး​၍ ဖြောင့်မတ်​ခြင်း​ဝတ်ရုံ​လွှမ်းခြုံ​စေ​တော်မူ​ပြီ​။

ယေ​ရ​မိ 32:41

သူ​တို့​ကို ကောင်းစား​စေ​ရာ​၌ ငါ​နှစ်သက်အားရ​မည်​။ ငါ​သည် စိတ်စေတနာ​အပြည့်အဝ​၊ စိတ်ဝိညာဉ်​အကြွင်းမဲ့​ဖြင့် သူ​တို့​ကို ဤ​ပြည်​ထဲ၌ အခိုင်အမာ​နေရာချ​ထား​မည်’​ဟု မိန့်​တော်မူ​၏​။

ဇေဖနိ 3:17

သင်​၏​ဘုရားသခင် ထာဝရဘုရား​သည် သင့်​အလယ်​တွင်​ရှိ​၍ အားကြီး​သော​အရှင်​သည် သင့်​ကို ကယ်တင်​လိမ့်မည်​။ ကိုယ်တော်​သည် သင်​နှင့်အတူ ဝမ်းမြောက်​ရွှင်လန်း​လိမ့်မည်​။ ချစ်​သော​စိတ်​ဖြင့် ငြိမ်ဝပ်​စွာ​နေ​လိမ့်မည်​။ သင်​နှင့်အတူ ရွှင်လန်း​စွာ​သီချင်းဆို​လိမ့်မည်”​ဟု ဆို​လိမ့်မည်​။

ဟေ​ဗြဲ 12:10

အကြောင်းမူကား လူသား​ဖခင်​တို့​သည် ကောင်း​သည်​ဟု မိမိ​တို့​ထင်မြင်​သည့်​အတိုင်း ခဏ​သာ​ဆုံးမ​ပဲ့ပြင်​တတ်​ကြ​၏။ ဝိညာဉ်​ရေး​ဆိုင်ရာ​ဖခင်​မူကား သူ​၏​သန့်ရှင်း​ခြင်း​၌ ငါ​တို့​ပါဝင်​ခံစား​ရ​မည့်​အကြောင်း ငါ​တို့​အကျိုး​ကို​ထောက်၍ ဆုံးမ​ပဲ့ပြင်​တော်မူ​၏။

၁ ပေ 3:4

နူးညံ့​သိမ်မွေ့​၍ တည်ငြိမ်​သည့်​စိတ်သဘော​တည်းဟူသော ယိုယွင်း​ပျက်စီး​ခြင်း​နှင့်​ကင်း​သည့် စိတ်နှလုံး​နှင့်ဆိုင်သော အတွင်း​ဝိညာဉ်​လူ​၏​တန်ဆာဆင်​ခြင်း​ဖြစ်​စေ​ကြ​လော့။ ဤသည်ကား ဘုရားသခင်​ရှေ့​တော်​၌ အလွန်​အဖိုးထိုက်​သော​အရာ​ဖြစ်​၏။

၁ ပေ 5:5

ထိုနည်းတူ ငယ်ရွယ်​သော​သူ​တို့၊ အသင်းတော်​အကြီးအကဲ​များ​ကို နာခံ​ကြ​လော့။ သင်​တို့​အားလုံး တစ်ယောက်​အောက်​တစ်ယောက် နှိမ့်ချ​ခြင်း​တန်ဆာ​ကို ဆင်ယင်​ကြ​လော့။ အဘယ်ကြောင့်​ဆိုသော် ဘုရားသခင်​သည် မာန​ထောင်လွှား​သော​သူ​တို့​ကို ဆန့်ကျင်​၍ နှိမ့်ချ​သော​သူ​တို့​အား ကျေးဇူး​တော်​ကို​ခံစား​စေ​တော်မူ​၏။

ဗျာ​ဒိတ် 7:14

ငါ​က​လည်း “သခင်၊ ကိုယ်တော်​သိ​ပါ​၏”​ဟု ပြန်လျှောက်​လျှင် ထို​သူ​က “ဤ​သူ​တို့​သည် ကြီးစွာ​သော​ဆင်းရဲ​ဒုက္ခ​ထဲမှ ထွက်လာ​သော​သူ​များ​ဖြစ်​ကြ​၏။ သူ​တို့​သည် မိမိ​တို့​၏​ဝတ်လုံ​များ​ကို သိုးသငယ်​တော်​၏​သွေး​တော်​အားဖြင့် လျှော်ဖွပ်​လျက် ဖြူဖွေး​စေ​ကြ​၏။