ဆာ​လံ 141:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ အကျွန်ုပ်​အတွက် သူ​တို့​ထောင်​ထား​သော ကျော့ကွင်း​မှ​လည်းကောင်း​၊ အပြစ်ဒုစရိုက်​ပြု​သော​သူ​တို့​၏ ထောင်ချောက်​မှ​လည်းကောင်း အကျွန်ုပ်​ကို​စောင့်ရှောက်​တော်မူ​ပါ​။

Common Language Bible

⁹ ကျွန်​တော်​မျိုး​အ​တွက်​ထို​သူ​တို့​ထောင်​ထား​သော ထောင်​ချောက်​မှ​လည်းကောင်း၊ မ​ကောင်း​မှု​ပြု​သူ​တို့​၏​ကျော့​ကွင်း​မှ​လည်း​ကောင်း ကွယ်​ကာ​တော်​မူ​ပါ။

Garrad Bible

⁹ အ ကျွန်ုပ် ရှေ့၊ ထောင် ထား ကြ သော ကျော့ ကွင်း မှ လည်း ကောင်း၊ ဒု စ ရိုက် ကို ပြု ကျင့် သူ တို့ ညွှတ် ကွင်း များ မှ လည်း ကောင်း၊ ကင်း လွတ် စေ တော် မူ ပါ။

Judson Bible

⁹ အ​ကျွန်ုပ်​ဖို့ ထောင်​ထား​ကြ​သော ကျော့​ကွင်း​မှ​လည်း​ကောင်း၊ ဒု​စ​ရိုက်​ကို ပြု​သော​သူ​တို့၏ ညွှတ်​မှ​လည်း​ကောင်း၊ အ​ကျွန်ုပ်​ကို လွတ်​စေ​တော်​မူ​ပါ။

ဆာ​လံ 141:9 ပူးပေါင်းရင်းမြစ်များ

ဆာ​လံ 119:110

ဆိုးယုတ်​သော​သူ​တို့​သည် အကျွန်ုပ်​အတွက် ကျော့ကွင်း​ထောင်​ထား​ကြ​ပါ​၏​။ သို့သော် အကျွန်ုပ်​သည် ကိုယ်တော်​၏​ဥပဒေသ​များ​မှ လမ်းလွဲ​မ​သွား​ပါ​။

ဆာ​လံ 140:5

မောက်မာ​သော​သူ​တို့​သည် ကြိုး​များ​ဖြင့် အကျွန်ုပ်​အတွက်​ကျော့ကွင်း​ကို လျှို့ဝှက်​စွာ​ထောင်​ထား​ကြ​ပါ​၏​။ သူ​တို့​သည် လမ်း​ပေါ်တွင်​ပိုက်ကွန်​ကို​ဖြန့်​ထား​လျက် အကျွန်ုပ်​အတွက် ထောင်ချောက်​များ​ဆင်​ထား​ကြ​ပါ​၏​။(​စေလာ)

ဆာ​လံ 142:3

အကျွန်ုပ်​၏​အတွင်း​ဝိညာဉ်​ညှိုးငယ်​သောအခါ ကိုယ်တော်​သာလျှင် အကျွန်ုပ်​၏​လမ်း​ကို​သိ​တော်မူ​၏​။ လူ​တို့​သည် အကျွန်ုပ်​လျှောက်​သော​လမ်း​၌ အကျွန်ုပ်​အတွက်​ကျော့ကွင်း​ကို လျှို့ဝှက်​စွာ​ထောင်​ထား​ကြ​ပါ​၏​။

ဆာ​လံ 142:4

လက်ယာ​ဘက်​သို့​ကြည့်​၍ သိမြင်​တော်မူ​ပါ​။ အကျွန်ုပ်​ကို​အသိအမှတ်​ပြု​သူ တစ်စုံတစ်ဦး​မျှ​မ​ရှိ​ပါ​။ အကျွန်ုပ်​ထွက်ပြေးစရာ​လမ်း​လည်း​မ​ရှိ​ပါ​။ အကျွန်ုပ်​၏​စိတ်ဝိညာဉ်​ကို ဂရုစိုက်​သူ​လည်း​မ​ရှိ​ပါ​။

ဆာ​လံ 38:12

အကျွန်ုပ်​အသက်​ကို​ရန်ရှာ​သော​သူ​တို့​သည် အကျွန်ုပ်​ကို​ထောင်ဖမ်း​ကြ​ပါ​၏​။ အကျွန်ုပ်​ဒုက္ခ​ရောက်​ရန်​ရှာကြံ​သော​သူ​တို့​သည် ပျက်စီး​ခြင်း​အကြောင်း​များ​ပြောဆို​၍ လိမ်လည်လှည့်ဖြားမှု​များ​ကို တစ်နေ့လုံး​ကြံစည်​ကြ​ပါ​၏​။

ဆာ​လံ 57:7

အို ဘုရားသခင်​၊ အကျွန်ုပ်​၏​စိတ်နှလုံး​သည် တည်ကြည်​ပါ​၏​။ အကျွန်ုပ်​၏​စိတ်နှလုံး​သည် တည်ကြည်​ပါ​၏​။ အကျွန်ုပ်​သည် သီချင်းဆို​၍ သီဆိုချီးမွမ်း​ပါ​မည်​။

ဆာ​လံ 64:3

သူ​တို့​သည် မိမိ​တို့​လျှာ​ကို ဓား​ကဲ့သို့​ထက်​စေ​ပြီး မိမိ​တို့​၏​ခါးသီး​သော​စကား​များ​ကို မြား​ကဲ့သို့​ချိန်ရွယ်​လျက်

သုတ္တံကျမ်း။ 13:14

ပညာရှိ​သော​သူ​၏​သွန်သင်ချက်​သည် အသက်​စမ်းရေတွင်း​ဖြစ်၍ သေ​ခြင်း​၏​ထောင်ချောက်​များ​မှ​ဖယ်ခွာ​စေ​တတ်​၏​။

ယေ​ရ​မိ 18:22

ဓားပြ​တို့​သည် သူ​တို့​ကို ရုတ်တရက်​ဝင်ရောက်​တိုက်ခိုက်​သဖြင့် သူ​တို့​၏​အိမ်သား​များ အော်ဟစ်​ကြ​ရ​ပါစေ​။ အကြောင်းမူကား သူ​တို့​သည် အကျွန်ုပ်​ကို​ဖမ်းဆီး​ရန် တွင်း​ကို​တူး​ကြ​ပါ​ပြီ​။ ကျော့ကွင်း​ကို​ထောင်​ထား​ကြ​ပါ​ပြီ​။

လုကာ 20:20

ထို့ကြောင့် သူ​တို့​သည် ကိုယ်တော်​ကို​စောင့်ကြည့်​လျက် နှုတ်​တော်​ထွက်​စကား​တွင် အပြစ်​ရှာ​၍ ကိုယ်တော်​ကို ဘုရင်ခံ​၏​အုပ်ချုပ်​မှု​အာဏာ​အောက်သို့ အပ်နှံ​နိုင်​ရန် ဖြောင့်မတ်​သူ​အဖြစ် ဟန်ဆောင်​သော​သူလျှို​များ​ကို စေလွှတ်​ကြ​၏။