ဆာ​လံ 141:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ အပြစ်ဒုစရိုက်​ပြု​သော​သူ​တို့​နှင့်အတူ ဆိုးယုတ်​သော​အမှု​တို့​ကို​ပြု​စေရန် အကျွန်ုပ်​၏​စိတ်နှလုံး​ကို မကောင်းမှု​ဘက်​သို့​တိမ်းညွတ်​စေ​တော်​မ​မူ​ပါ​နှင့်​။ ထို​သူ​တို့​၏​စားကောင်းသောက်ဖွယ်​များ​ကို​လည်း အကျွန်ုပ်​မ​စား​ရ​ပါ​စေ​နှင့်​။

Common Language Bible

⁴ မ​ကောင်း​မှု​ကို​သော်​လည်း​ကောင်း၊ ဆိုး​ညစ်​သူ​တို့​နှင့်​အ​တူ ယုတ်​မာ​မှု​များ​ကို​သော်​လည်း​ကောင်း ပြု​ကျင့်​လို​သော​စိတ်​ဆန္ဒ​နှင့်​ကျွန်​တော်​မျိုး​အား ကင်း​ဝေး​စေ​တော်​မူ​ပါ။ ကျွန်​တော်​မျိုး​သည်​ထို​သူ​တို့​၏​စား​သောက်​ပွဲ များ​ကို အ​စဉ်​အ​မြဲ​ရှောင်​ရှား​နိုင်​ပါ​စေ​သော။

Garrad Bible

⁴ ဒု စ ရိုက် ကို ပြု သူ တို့ နှင့် အ တူ၊ ဆိုး သွမ်း မှု အ မျိုး မျိုး ၌ ကျင် လည် စေ ခြင်း ငှာ၊ မ ကောင်း သော အ ခြင်း အ ရာ သို့ စိတ် ငဲ့ ခြင်း၊ ထို သူ တို့ မြိန် ရှက် ရာ ကို သုံး ဆောင် ခွင့် ပေး တော် မ မူ ပါ နှင့်။

Judson Bible

⁴ ဒု​စ​ရိုက်​ကို ပြု​သော​သူ​တို့​နှင့်​အ​တူ အ​ကျွန်ုပ်​ပါ၍၊ မ​တ​ရား​သော​အ​မှု၊ ဒု​စ​ရိုက်​အ​မျိုး​မျိုး၌ ကျင်​လည်​စေ​ခြင်း​ငှာ၊ အ​ကျွန်ုပ်၏​စိတ်​နှ​လုံး​ကို မ​ကောင်း​သော​အ​မှု​အ​ရာ​သို့ သွေး​ဆောင်​တော်​မ​မူ​ပါ​နှင့်။ ထို​သူ​တို့၏​ခဲ​ဖွယ်​စား​ဖွယ်​တို့​ကို အ​ကျွန်ုပ်​မ​စား​ပါ​စေ​နှင့်။

ဆာ​လံ 141:4 ပူးပေါင်းရင်းမြစ်များ

ကမ္ဘာ​ဦး 27:14

ထို့ကြောင့် သူ​သည် ဆိတ်သငယ်​တို့​ကို သွားယူ​၍ မိခင်​ထံသို့ ယူ​လာ​၏​။ မိခင်​သည်​လည်း ဖခင်​ကြိုက်နှစ်သက်​သည့် အရသာ​ကောင်း​သော​ဟင်းလျာ​ကို​ချက်​လေ​၏​။

၃ ရာ 13:8

သို့သော် ဘုရားသခင်​၏​လူ​က ရှင်ဘုရင်​အား “​အကျွန်ုပ်​အား နန်းတော်​တစ်ဝက်​ပေး​လျှင်ပင် အကျွန်ုပ်​မ​လိုက်​နိုင်​ပါ​။ ဤ​အရပ်​၌ အစာ​ကို​လည်း မ​စား​၊ ရေ​ကို​လည်း မ​သောက်​ပါ​။

၃ ရာ 22:22

ထို​ဝိညာဉ်​က​လည်း ‘​အကျွန်ုပ်​သွား​၍ ပရောဖက်​အပေါင်း​တို့​၏​နှုတ်​၌ မုသား​မြွက်ဆို​သော​ဝိညာဉ်​ဖြစ်​မည်​’​ဟု လျှောက်တင်​၏​။ ထာဝရဘုရား​က​လည်း ‘​သင်​ဖြားယောင်း​နိုင်​လိမ့်မည်​။ အောင်​လည်း​အောင်မြင်​လိမ့်မည်​။ သွား​၍ ထိုသို့​ပြု​လော့​’​ဟု မိန့်​တော်မူ​၏​။

၃ ရာ 8:58

ဘိုးဘေး​တို့​အား မိန့်မှာ​ထား​ခဲ့​သည့် ပညတ်ချက်​များ​၊ ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ကို လိုက်နာစောင့်ထိန်း​၍ ကိုယ်တော်​၏​လမ်း​ရှိသမျှ​အတိုင်း လိုက်လျှောက်​နိုင်​မည့်​အကြောင်း အကျွန်ုပ်​တို့​၏​စိတ်နှလုံး​ကို ကိုယ်တော့်​ထံသို့ တိမ်းညွတ်​စေ​တော်မူ​ပါ​။

ဆာ​လံ 119:36

အကျွန်ုပ်​၏​စိတ်နှလုံး​ကို မတရား​သော​အကျိုး​စီးပွား​ဘက်​သို့​မ​ဟုတ်​ဘဲ ကိုယ်တော်​၏​သက်သေခံချက်​များ​ဘက်​သို့ တိမ်းညွတ်​စေ​တော်မူ​ပါ​။

ဆာ​လံ 28:3

မိမိ​တို့​၏​အိမ်နီးချင်း​များ​အား ငြိမ်းချမ်း​စွာ​ပြောဆို​တတ်​သော်လည်း မိမိ​တို့​စိတ်နှလုံး​၌ မကောင်းမှု​များ​ရှိ​ကြ​သည့် ဆိုးယုတ်​သော​သူ​များ​၊ အပြစ်ဒုစရိုက်​ပြု​သော​သူ​များ​နှင့်အတူ အကျွန်ုပ်​ကို​ဆွဲခေါ်​သွား​တော်​မ​မူ​ပါ​နှင့်​။

ဟေ​ရှာ​ယ 63:17

အို ထာဝရဘုရား​၊ ကိုယ်တော်​သည် ကျွန်ုပ်​တို့​ကို အဘယ်ကြောင့် လမ်း​တော်​မှ​လမ်းလွဲ​စေ​သနည်း​။ ကိုယ်တော်​ကို မ​ကြောက်ရွံ့​စေရန် ကျွန်ုပ်​တို့​၏​စိတ်​ကို အဘယ်ကြောင့် ခိုင်မာ​စေ​သနည်း​။ ကိုယ်တော်​၏​အစေအပါး​၊ ကိုယ်တော်​၏​အမွေ​တော်​လူမျိုးစု​အတွက် ပြန်လာ​တော်မူ​ပါ​။

တော​လည် 25:2

ထို​အမျိုးသမီး​တို့​သည် မိမိ​တို့​ဘုရား​များ​၏​ယဇ်ပူဇော်ပွဲ​များ​သို့ အစ္စရေး​အမျိုးသား​တို့​ကို ခေါ်သွား​၏​။ သူ​တို့​သည် စားသောက်​ကြ​၍ ထို​အမျိုးသမီး​တို့​၏​ဘုရား​များ​ကို​လည်း ရှိခိုးကိုးကွယ်​ကြ​၏​။

မဿဲ 6:13

ဖြားယောင်း​သွေးဆောင်​ရာ​သို့ မ​လိုက်​မ​ပါ​စေ​ဘဲ မကောင်း​သော​အမှုအရာ​မှ အကျွန်ုပ်​တို့​ကို ကယ်နုတ်​တော်မူ​ပါ။ [အကြောင်းမူကား နိုင်ငံ​တော်၊ တန်ခိုး​တော်​နှင့် ဘုန်း​အသရေ​တော်​သည် ကမ္ဘာ​အဆက်ဆက် ကိုယ်တော်​၌​ရှိ​ပါ​၏။ အာမင်။]

၁ ကော 10:31

ထို့ကြောင့် သင်​တို့​သည် စား​သည်​ဖြစ်စေ၊ သောက်​သည်​ဖြစ်စေ၊ မည်သည့်​အမှု​ကို​ပြု​သည်​ဖြစ်စေ ခပ်သိမ်း​သော​အမှု​တို့​ကို ဘုရားသခင်​၏​ဘုန်း​တော်​အတွက် ပြု​ကြ​လော့။

၁ ကော 15:33

အယူ​မ​လွဲ​ကြ​နှင့်။ မကောင်း​သော​အပေါင်းအဖော်​တို့​သည် ကောင်း​သော​အကျင့်​စာရိတ္တ​ကို ပျက်စီး​စေ​ကြ​၏။

၂ ကော 6:17

“ထို့ကြောင့် ထို​သူ​တို့​အထဲမှ ထွက်​၍ သီးခြား​နေ​ကြ​လော့”​ဟု ထာဝရ​ဘုရား​မိန့်​တော်မူ​၏။ “ညစ်ညူး​သော​အရာ​ကို မ​တို့​မ​ထိ​နှင့်။ ထိုသို့​ပြု​လျှင် ငါ​သည် သင်​တို့​ကို​လက်ခံ​၍

တ​ရား​ဟော 2:30

သင်​တို့​၏​ဘုရားသခင်​ထာဝရဘုရား​သည် ဟေရှဘုန်​ဘုရင်​ရှိဟုန်​မင်းကြီး​၏​စိတ်​ကို မာကျော​စေ​တော်မူ​သောကြောင့် ငါ​တို့​ကို သူ့​ပြည်​ထဲမှ ဖြတ်သွား​ခွင့်​မ​ပြု​။ ထိုသို့ သူ​၏​စိတ်နှလုံး​ကို မာကျော​စေ​ခြင်း​သည် ယနေ့​မြင်​ရ​သည့်​အတိုင်း သူ့​ကို သင်​တို့​၏​လက်​သို့​အပ်​တော်မူ​ရန်​အတွက်​ဖြစ်​၏​။

တ​ရား​ဟော 29:4

သို့သော် ယနေ့​ထိတိုင် ထာဝရဘုရား​သည် သင်​တို့​အား နားလည်​နိုင်​သော​စိတ်​၊ မြင်​နိုင်​သော​မျက်စိ​၊ ကြား​နိုင်​သော​နား​တို့​ကို ပေး​တော်​မ​မူ​။

ယာ​ကုပ် 1:13

ဖြားယောင်း​သွေးဆောင်​ခြင်း​ကို​ခံရ​သည့်​အခါ “ဘုရားသခင်​သည် ငါ့​ကို​ဖြားယောင်း​သွေးဆောင်​သည်”​ဟု မည်သူမျှ မ​ပြော​နှင့်။ အကြောင်းမူကား မကောင်းမှု​သည် ဘုရားသခင်​ကို မ​သွေးဆောင်​နိုင်​ရာ။ ကိုယ်တော်​သည်​လည်း မည်သူ့​ကို​မျှ ဖြားယောင်း​သွေးဆောင်​တော်​မ​မူ။

ဗျာ​ဒိတ် 18:4

ထို့နောက် ကောင်းကင်​မှ​အခြား​သော​အသံ​က “ငါ့​လူမျိုး​တို့၊ သင်​တို့​သည် သူ​၏​အပြစ်​များ​၌ မ​ပါဝင်​စေရန်​လည်းကောင်း၊ သူ​ခံရ​မည့်​ဘေးဒဏ်​တစ်စုံတစ်ခု​ကို​မျှ မ​ခံရ​စေရန်​လည်းကောင်း သူ့​ထံမှ ထွက်လာ​ခဲ့​ကြ​လော့။