ဆာ​လံ 14:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ လူ​အပေါင်း​တို့​သည်​လမ်းလွဲ​ကြ​ပြီ​။ တညီတညွတ်တည်း​ဖောက်ပြန်ယိုယွင်း​ကြ​ပြီ​။ ကောင်း​သော​အမှု​ကို​ပြု​သော​သူ​မ​ရှိ​။ တစ်​ယောက်​မျှ​မ​ရှိ​။

Common Language Bible

³ သို့​ရာ​တွင်​လူ​အ​ပေါင်း​တို့​သည်​လမ်း​လွဲ ကြ​ကုန်​လေ​ပြီ။ သူ​တို့​အား​လုံး​ပင်​တ​ညီ​တ​ညွတ်​တည်း ဆိုး​ညစ်​ကြ​၏။ သူ​တို့​တွင်​အ​ကျင့်​ကောင်း​ကို​ပြု​ကျင့်​သူ​မ​ရှိ။ တစ်​ဦး​တစ်​ယောက်​မျှ​မ​ရှိ။

Garrad Bible

³ ခပ် သိမ်း တို့ လမ်း လွဲ၍ ညစ် ညမ်း လျက် ရှိ နေ ကြ ကုန် ပြီ။ အ ကောင်း ပြု ကျင့် သူ တစ် ဦး တစ် ယောက် မျှ မ ရှိ ချေ။

Judson Bible

³ လူ​အ​ပေါင်း​တို့​သည် လမ်း​လွဲ​ကြ​ပြီ။ တ​ညီ​တ​ညွတ်​တည်း ဆွေး​မြေ့​ယို​ယွင်း​ခြင်း​ရှိ​ကြ​၏။ ကောင်း​သော​အ​ကျင့်​ကို ကျင့်​သော​သူ​မ​ရှိ။ တစ်​ယောက်​မျှ​မ​ရှိ။

ဆာ​လံ 14:3 ပူးပေါင်းရင်းမြစ်များ

ကမ္ဘာ​ဦး 6:12

ဘုရားသခင်​သည် မြေကြီး​ကို​ကြည့်ရှု​သောအခါ ယိုယွင်းပျက်စီး​လျက်​ရှိ​သည်​ကို မြင်​တော်မူ​၏​။ အကြောင်းမူကား မြေကြီး​ပေါ်တွင် လူ​အပေါင်း​တို့​သည် အကျင့်စရိုက်​ယိုယွင်းပျက်စီး​လျက်​ရှိ​၏​။

ယောဘဝတ္တု။ 14:4

မစင်ကြယ်​သော​အရာ​ထဲမှ စင်ကြယ်​သော​အရာ​ကို အဘယ်သူ ပေါ်ထွက်​စေ​နိုင်​သနည်း​။ အဘယ်သူ​မျှ​မ​ရှိ​ပါ​။

ယောဘဝတ္တု။ 15:16

ထိုသို့ဆိုလျှင် ရေ​သောက်​သကဲ့သို့ မကောင်းမှု​ကို​ပြု​၍ စက်ဆုပ်ရွံရှာဖွယ်​ကောင်း​သော​သူ​၊ အကျင့်ပျက်ပြား​သော​သူ​တို့​မူကား အဘယ်သို့​ဆိုဖွယ်​ရာ​ရှိ​မည်နည်း​။

ဆာ​လံ 119:176

အကျွန်ုပ်​သည် ပျောက်​သော​သိုး​ကဲ့သို့​လမ်းလွဲ​ပါ​ပြီ​။ ကိုယ်တော်​၏​အစေအပါး​ကို ရှာ​တော်မူ​ပါ​။ အကြောင်းမူကား အကျွန်ုပ်​သည် ကိုယ်တော်​၏​ပညတ်တော်​တို့​ကို​မ​မေ့လျော့​ပါ​။

ဆာ​လံ 14:1

မိုက်မဲ​သော​သူ​က “​ဘုရားသခင်​မ​ရှိ​”​ဟု မိမိ​စိတ်နှလုံး​ထဲ၌ ဆို​တတ်​၏​။ ထိုသို့သော​သူ​တို့​သည် အကျင့်ပျက်ပြား​၍ စက်ဆုပ်ရွံရှာ​ဖွယ်​အမှု​ကို​ပြု​တတ်​ကြ​၏​။ ကောင်း​သော​အမှု​ကို​ပြု​သော​သူ​မ​ရှိ​။

ဆာ​လံ 143:2

ကိုယ်တော်​၏​အစေအပါး​နှင့်အတူ တရားစီရင်​ရာ​သို့ ဝင်​တော်​မ​မူ​ပါ​နှင့်​။ အကြောင်းမူကား အသက်ရှင်​သော​သူ​တစ်စုံတစ်ဦး​မျှ ကိုယ်တော်​၏​ရှေ့​တော်​၌ ဖြောင့်မတ်​သည်​ဟူ၍​မ​ရှိ​ပါ​။

ဆာ​လံ 38:5

အကျွန်ုပ်​၏​မိုက်မဲမှု​ကြောင့် အကျွန်ုပ်​၏​ဒဏ်ရာ​များ​သည် ပုပ်စော်နံ​၍ ရိရွဲ​ကြ​ပါ​၏​။

ဆာ​လံ 58:3

ဆိုးယုတ်​သော​သူ​တို့​သည် အမိ​ဝမ်း​ထဲကပင် ဖောက်ပြန်​သော​သဘော​ရှိ​ကြ​၏​။ သူ​တို့​သည် မွေးစ​ကပင် လမ်းလွဲ​၍ လိမ်လည်​ပြောဆို​တတ်​ကြ​၏​။

ထွက်​မြောက် 12:30

အီဂျစ်​ပြည်​၌ လူ​မ​သေ​သော​အိမ်​ဟူ၍​မ​ရှိ​သောကြောင့် ဖာရော​မင်းကြီး​မှစ၍ သူ​၏​အမှုထမ်း​အပေါင်း​တို့​နှင့် အီဂျစ်​လူမျိုး​အပေါင်း​တို့​သည် ညအချိန်​၌ ထ​၍ ပြင်းစွာ​အော်ဟစ်ငိုကြွေး​ကြ​၏​။

ထွက်​မြောက် 8:31

ထိုအခါ ထာဝရဘုရား​သည် မောရှေ​တောင်းလျှောက်​သည့်​အတိုင်း​ပြု​သဖြင့် ယင်ရဲ​များ​သည် ဖာရော​မင်းကြီး​မှစ၍ သူ​၏​အမှုထမ်း​များ​၊ သူ​၏​လူ​များ​ထံမှ တစ်​ကောင်​မျှ​မ​ကျန်​ထွက်သွား​လေ​၏​။

ဒေသနာကျမ်း။ 7:20

အမှန်စင်စစ် အပြစ်​မ​ပြု​ဘဲ ကောင်း​သော​အမှု​ကို​သာ​ပြု​သည့်​ဖြောင့်မတ်​သော​သူ​ဟူ၍ ကမ္ဘာမြေကြီး​ပေါ်၌​မ​ရှိ​။

ဒေသနာကျမ်း။ 7:29

ကြည့်ရှု​လော့​။ ငါ​တွေ့ရှိ​သည့် တစ်ခုတည်း​သော​အရာ​ကား ဘုရားသခင်​သည် လူ​ကို​ဖြောင့်မှန်​သော​သူ​အဖြစ် ဖန်ဆင်း​တော်မူ​သော်လည်း လူ​တို့​သည် များစွာ​သော​အကြောင်းအချက်​တို့​ကို​ရှာဖွေ​ကြ​သည်​ဟူ၍​ဖြစ်​၏​။

ဟေ​ရှာ​ယ 53:6

ငါ​တို့​ရှိသမျှ​သည် လမ်းလွဲ​သော​သိုး​ကဲ့သို့ ကိုယ့်​လမ်း​သို့ အသီးသီး​လိုက်သွား​ကြ​သည်​ဖြစ်၍ ထာဝရဘုရား​သည် ငါ​တို့​၏​အပြစ်​ရှိသမျှ​ကို သူ့​အပေါ်​ကျရောက်​စေ​တော်မူ​၏​။

ဟေ​ရှာ​ယ 64:6

အကျွန်ုပ်​တို့​အားလုံး​သည် မစင်ကြယ်​သော​သူ​ကဲ့သို့​ဖြစ်​ကြ​၏​။ အကျွန်ုပ်​တို့​၏​ဖြောင့်မတ်​သော​လုပ်ဆောင်မှု​ရှိသမျှ​သည်​လည်း ညစ်ပေ​သော​အဝတ်​နှင့်​တူ​ကြ​ပါ​၏​။ အကျွန်ုပ်​တို့​အားလုံး​သည် သစ်ရွက်​ကဲ့သို့​ညှိုးနွမ်း​၍ အကျွန်ုပ်​တို့​၏​ဒုစရိုက်​များ​သည်​လည်း လေ​ကဲ့သို့ အကျွန်ုပ်​တို့​ကို တိုက်ချ​၏​။

ယေ​ရ​မိ 2:13

“အကယ်စင်စစ် ငါ့​လူမျိုး​တော်​သည် မကောင်းမှု​နှစ်​မျိုး​ကို ပြု​ကြ​ပြီ​။ သက်​စမ်းရေတွင်း​ဖြစ်​သည့် ငါ့​ကို​စွန့်ပယ်​ကြ​ပြီ​။ ရေကန်​များ​ကို​တူး​ကြ​ပြီ​။ ထို​ရေကန်​တို့​သည် ကွဲအက်​သဖြင့် ရေ​လှောင်​၍​မ​ရ​။

ယေ​ဇ​ကျေ​လ 36:25

သင်​တို့​ကို သန့်ရှင်း​သော​ရေ​နှင့်​ပက်ဖျန်း​သဖြင့် သင်​တို့​သည် စင်ကြယ်​လိမ့်မည်​။ သင်​တို့​၏​အညစ်အကြေး​၊ သင်​တို့​၏​ရုပ်တုဆင်းတု​ရှိသမျှ​တို့​မှ​လည်း သင်​တို့​ကို စင်ကြယ်​စေ​မည်​။

ရော​မ 3:23

အကြောင်းမူကား လူ​အပေါင်း​တို့​သည် အပြစ်​ပြု​၍ ဘုရားသခင်​၏​ဘုန်း​အသရေ​တော်​နှင့် အလှမ်းဝေး​ကြ​ပြီ။

၁ ကော 6:5

သင်​တို့​ကို​အရှက်​ရ​စေရန် ဤသို့ ငါ​ဆို​၏။ သင်​တို့​အထဲတွင် မိမိ​၏​ညီအစ်ကို​အချင်းချင်း​ကြား စီရင်​ဆုံးဖြတ်​ပေး​နိုင်​မည့် ပညာရှိ​တစ်စုံတစ်ဦး​မျှ​မ​ရှိ​သလော။

၂ ကော 7:1

ချစ်​ရ​သော​သူ​တို့၊ ငါ​တို့​၌ ဤသို့​သော ကတိ​တော်​များ​ရှိ​ကြ​သောကြောင့် ကိုယ်ကာယ​နှင့်​စိတ်​ဝိညာဉ်​တို့​၏​အညစ်အကြေး​ရှိသမျှ​တို့​မှ မိမိတို့ကိုယ်ကို​စင်ကြယ်​စေ​၍ ဘုရားသခင်​ကို​ကြောက်ရွံ့​ခြင်း​အားဖြင့် မြင့်မြတ်​သန့်ရှင်း​ခြင်း​နှင့်​ပြည့်စုံ​ကြ​ကုန်စို့။

ဧ​ဖက် 2:3

ငါ​တို့​အားလုံး​သည်​လည်း တစ်ချိန်က ထို​သူ​တို့​ထဲတွင်​ပါ​လျက် မိမိ​တို့​သွေးသား​ဇာတိ​၏​တပ်မက်​ခြင်း​များ​ထဲ၌ အသက်ရှင်​နေထိုင်​ခဲ့​ပြီး ကိုယ်ကာယ​နှင့်​စိတ်နှလုံး​တို့​၏​အလို​အတိုင်း​ပြု​၍ အခြား​သော​သူ​တို့​ကဲ့သို့​ပင် သဘာဝ​အလျောက် အမျက်​တော်​ခံ​ထိုက်​သော​သူ​များ​ဖြစ်​ကြ​၏။

တ​ရား​ဟော 1:35

‘​ထို​ပြည်​ကို သင်​တို့​ဘိုးဘေး​တို့​အား​ပေး​မည်​ဟု ငါ​ကျိန်ဆို​ခဲ့​သော်လည်း ထို​သာယာဝပြော​သော​ပြည်​ကို ဆိုးညစ်​သော​မျိုးဆက်​ဖြစ်​သည့် ဤ​လူ​တို့​တစ်ယောက်မျှ​မြင်​ရ​လိမ့်မည်​မ​ဟုတ်​။