ဆာ​လံ 132:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ “​ထို​အရပ်​သည် ငါ​၏​ငြိမ်ဝပ်​ရာ​အရပ် အစဉ်​ဖြစ်​၏​။ ထို​အရပ်​ကို ငါ​နှစ်သက်​သည်​ဖြစ်၍ ထို​အရပ်​၌ ငါ​ကိန်းဝပ်​မည်​။

Common Language Bible

¹⁴ ``ဤ​မြို့​တွင်​ထာ​ဝ​စဉ်​ငါ​ကိန်း​ဝပ်​တော်​မူ​မည်။ ဤ​မြို့​တွင်​ငါ​စိုး​စံ​ရန်​အ​လို​ရှိ​တော်​မူ​သည်။

Garrad Bible

¹⁴ ဤ မြို့ ကား၊ ကာ လ အ စဉ် ငါ့ စံ ရာ တော် တည်း။ အ လို ရှိ သည် ဖြစ် ၍၊

Judson Bible

¹⁴ ဤ​မြို့​ကား ငါ​အ​စဉ်​အ​မြဲ ကျိန်း​ဝပ်​ရာ​မြို့​တည်း။ ငါ​အ​လို​ရှိ​သည်​ဖြစ်၍၊ ဤ​မြို့၌​ငါ​နေ​မည်။

ဆာ​လံ 132:14 ပူးပေါင်းရင်းမြစ်များ

၃ ရာ 8:13

ကိုယ်တော်​အဖို့ မြင့်မြတ်​သော​အိမ်​တော်​၊ ကိုယ်တော် အစဉ်အမြဲ​ကိန်းဝပ်​တော်မူ​ရာ​နေရာ​ကို အကျွန်ုပ်​တည်ဆောက်​ပါ​ပြီ​”​ဟု မြွက်ဆို​၏​။

၃ ရာ 8:27

အကယ်စင်စစ် ဘုရားသခင်​သည် ဤ​မြေကြီး​ပေါ်တွင် ကိန်းဝပ်​တော်မူ​မည်လော​။ ကြည့်ရှု​လော့​။ ကောင်းကင်​သာမက အမြင့်ဆုံးသောကောင်းကင်ကြီး​ပင် ကိုယ်တော်​နှင့်​မ​ဆံ့​နိုင်​ပါ​။ သို့ဖြစ်၍ အကျွန်ုပ်​ဆောက်ထား​သော​ဤ​အိမ်​တော်​ကား အဘယ်ဆိုဖွယ်​ရာ​ရှိ​ပါ​လိမ့်​မည်နည်း​။

၃ ရာ 9:3

ထာဝရဘုရား​က သူ့​အား “​ငါ့​ရှေ့မှောက်​တွင် သင်​ဆုတောင်း​အသနားခံ​သည်​ကို ငါ​နားညောင်း​ပြီ​။ သင်​တည်ဆောက်​သော​ဤ​အိမ်​တော်​ကို ငါ​သန့်ရှင်း​စေ​မည်​။ ငါ့​နာမ​အဖို့ အစဉ်​တည်​စေ​မည်​။ ဤ​အိမ်​တော်​ကို ငါ​အစဉ်အမြဲ​ကြည့်ရှု​နှလုံးသွင်း​မည်​။

၁ ရာ​ချုပ် 23:25

ဒါဝိဒ်​မင်းကြီး​က “​အစ္စရေး​လူမျိုး​၏​ဘုရားသခင်​ထာဝရဘုရား​သည် မိမိ​လူမျိုး​တော်​တို့​အား အေးချမ်းသာယာ​စွာ​နေ​စေ​မည်​။ ကိုယ်တော်​သည်​လည်း ဂျေရုဆလင်​မြို့​တွင် အစဉ်​စံနေ​တော်မူ​မည်​။

ဆာ​လံ 132:8

အို ထာဝရဘုရား​၊ ထ​တော်မူ​၍ ကိုယ်တော်​၏​အစွမ်းသတ္တိ​နှင့်ဆိုင်သော သေတ္တာ​တော်​နှင့်အတူ ကိုယ်တော်​၏​ငြိမ်ဝပ်​ရာ​အရပ်​သို့ ကြွ​တော်မူ​ပါ​။

ဆာ​လံ 135:21

ဂျေရုဆလင်​မြို့​တွင် ကိန်းဝပ်​တော်မူ​သော​ထာဝရဘုရား​သည် ဇိအုန်​၌ မင်္ဂလာရှိ​တော်မူ​၏​။ ဟာလေလုယ​။

ဆာ​လံ 68:16

တောင်ထိပ်​များစွာ​ရှိ​သော​တောင်​တို့​၊ ဘုရားသခင်​သည် မိမိ​စံပယ်​ရာ​အရပ် ဖြစ်စေ​လို​သော​တောင်​ကို သင်​တို့​သည် အဘယ်ကြောင့်​မနာလိုစိတ်​နှင့်​ကြည့်​နေ​ကြ​သနည်း​။ အမှန်စင်စစ် ထာဝရဘုရား​သည် ထို​အရပ်​၌ အစဉ်​ကိန်းဝပ်​တော်မူ​လိမ့်မည်​။

ဆာ​လံ 68:18

ကိုယ်တော်​သည် မြင့်သောအရပ်​သို့ တက်သွား​တော်မူ​သောအခါ သုံ့ပန်း​တို့​ကို ဖမ်းဆီးခေါ်ဆောင်​သွား​၍ လူ​တို့​ထံမှ​မက ငြင်းဆန်​သော​သူ​တို့​ထံမှ​ပင် လက်ဆောင်​များ​ကို​ခံယူ​တော်မူ​၏​။ ဤသည်ကား ထာဝရအရှင်​ဘုရားသခင်​သည် ထို​အရပ်​၌​ကိန်းဝပ်​တော်မူ​ရန်​ဖြစ်​၏​။

ဆာ​လံ 76:2

ကိုယ်တော်​၏​တဲ​တော်​သည် ဆလင်​မြို့​၌​ရှိ​၍ ကိုယ်တော်​ကိန်းဝပ်​တော်မူ​ရာ​အရပ်​သည် ဇိအုန်​၌​ရှိ​၏​။

ဆာ​လံ 87:2

ထာဝရဘုရား​သည် ယာကုပ်​အမျိုး​နေထိုင်​ရာ အရပ်​အားလုံး​တို့​ထက် ဇိအုန်​၏​မြို့​တံခါး​တို့​ကို ပို၍​နှစ်သက်​တော်မူ​၏​။

ဟေ​ရှာ​ယ 11:10

ထို​နေ့ရက်​၌ ယေရှဲ​၏​အမြစ်​သည် လူ​တို့​အတွက် အောင်လံ​သဖွယ်​ရပ်တည်​လိမ့်မည်​။ လူမျိုး​တို့​သည် သူ့​ကို မေးမြန်း​စူးစမ်း​ကြ​လိမ့်မည်​။ ကိန်းဝပ်​တော်မူ​ရာ​အရပ်​သည် ဘုန်းအသရေ​ရှိ​လိမ့်မည်​။

ဟေ​ရှာ​ယ 12:6

အို ဇိအုန်​မြို့သား​တို့​၊ ကြွေးကြော်​လော့​။ ရွှင်လန်း​စွာ​သီချင်းဆို​လော့​။ အကြောင်းမူကား သင်​တို့​တွင် အစ္စရေး​လူမျိုး​၏​သန့်ရှင်း​သော​အရှင်​သည် ကြီးမြတ်​တော်မူ​၏​”​ဟု ဆို​ကြ​လိမ့်မည်​။

ဟေ​ရှာ​ယ 57:15

မြင့်မြတ်​၍​ချီးမြှောက်​ခြင်း​ခံ​တော်မူ​သော​၊ ထာဝရ​အသက်ရှင်​တော်မူ​သော​၊ သန့်ရှင်း​ခြင်း​ဟု နာမ​ရှိ​တော်မူ​သော​အရှင်​က “​ငါ​သည် စိတ်နှလုံး​ကျိုးပဲ့ကြေမွ​သော​သူ​၊ စိတ်နှိမ့်ချ​သော​သူ​တို့​နှင့်အတူ အထွတ်အမြတ်​ထား​ရာ​အရပ်​၊ သန့်ရှင်း​သော​အရပ်​၌ ကိန်းဝပ်​၏​။ စိတ်အားငယ်​သော​သူ​၊ စိတ်နှလုံး​ကျိုးပဲ့ကြေမွ​သော​သူ​တို့​ကို အားဖြည့်ပေး​ရန် သူ​တို့​တွင် ငါ​ကိန်းဝပ်​၏​။

ဟေ​ရှာ​ယ 66:1

ထာဝရဘုရား​က “​ကောင်းကင်ဘုံ​သည် ငါ​၏​ပလ္လင်​ဖြစ်​၏​။ မြေကြီး​သည် ငါ​၏​ခြေတင်ခုံ​ဖြစ်​၏​။ ငါ့​အတွက် အိမ်​ကို အဘယ်မှာ​ဆောက်​မည်နည်း​။ ငါ​ကိန်းဝပ်​ရာ​အရပ်​ကား အဘယ်မှာ​နည်း​”​ဟု မိန့်​တော်မူ​၏​။

ဟေ​ရှာ​ယ 8:18

ဇိအုန်​တောင်​၌​ကိန်းဝပ်​တော်မူ​သော ကောင်းကင်​ဗိုလ်ခြေ​အရှင်​ထာဝရဘုရား​က အစ္စရေး​လူမျိုး​တို့​အား ပေး​တော်မူ​သော အမှတ်လက္ခဏာ​၊ အံ့ဩဖွယ်အမှု​တို့​မှာ ငါ​နှင့် ထာဝရဘုရား​ငါ့​အား​ပေး​တော်မူ​သော သားသမီး​တို့​ပင်​ဖြစ်​၏​။

ယော​လ 3:21

အပြစ်ဒဏ်​မ​ခံရ​သေး​သော​လူသတ်သမား​တို့​ကို ငါ​အပြစ်ဒဏ်​ပေး​မည်​။ စင်စစ် ထာဝရဘုရား​သည် ဇိအုန်​တောင်​ပေါ်တွင် ကိန်းဝပ်​တော်မူ​၏​။”

ဇေဖနိ 3:17

သင်​၏​ဘုရားသခင် ထာဝရဘုရား​သည် သင့်​အလယ်​တွင်​ရှိ​၍ အားကြီး​သော​အရှင်​သည် သင့်​ကို ကယ်တင်​လိမ့်မည်​။ ကိုယ်တော်​သည် သင်​နှင့်အတူ ဝမ်းမြောက်​ရွှင်လန်း​လိမ့်မည်​။ ချစ်​သော​စိတ်​ဖြင့် ငြိမ်ဝပ်​စွာ​နေ​လိမ့်မည်​။ သင်​နှင့်အတူ ရွှင်လန်း​စွာ​သီချင်းဆို​လိမ့်မည်”​ဟု ဆို​လိမ့်မည်​။

မဿဲ 23:21

ထို့အတူ ဗိမာန်​တော်​ကို တိုင်တည်​ပြောဆို​သော​သူ​သည် ဗိမာန်​တော်​နှင့်တကွ ၎င်း​တွင်​ကိန်းဝပ်​တော်မူ​သော​အရှင်​ကို တိုင်တည်​ပြောဆို​၏။

ဧ​ဖက် 2:22

သင်​တို့​သည်​လည်း ဝိညာဉ်​တော်​အားဖြင့် ဘုရားသခင်​ကိန်းဝပ်​တော်မူ​ရာ​အဖြစ်​သို့ ထို​သခင်​၌ အတူတကွ​တည်ဆောက်​ခြင်း​ခံရ​ကြ​၏။

ဟေ​ဗြဲ 12:22

သို့သော် သင်​တို့​သည် ဇိအုန်​တောင်​သို့​လည်းကောင်း၊ အသက်ရှင်​တော်မူ​သော​ဘုရားသခင်​၏​မြို့​တော်​တည်းဟူသော အထက်​ကောင်းကင်​အရပ်​ရှိ ဂျေရုဆလင်​မြို့​သို့​လည်းကောင်း၊ အတိုင်းမသိ​များစွာ​သော ကောင်းကင်​တမန်​တို့​စုဝေး​ရာ​အခမ်းအနား​သို့​လည်းကောင်း၊

ဗျာ​ဒိတ် 21:23

ဘုရားသခင်​၏​ဘုန်း​အသရေ​တော်​သည် ထို​မြို့​ကို​ထွန်းလင်း​စေ​၍ သိုးသငယ်​တော်​သည် ထို​မြို့​၏​ဆီမီး​ဖြစ်​သောကြောင့် ထို​မြို့​ကို​ထွန်းလင်း​စေရန် နေ​နှင့်​လ​တို့​ကို မ​လိုအပ်​ပေ။