ဆာ​လံ 13:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ အကျွန်ုပ်​၏​ရန်သူ​က​လည်း “​သူ့​ကို​ငါ​နိုင်​ပြီ​”​ဟု ဆို​ပါ​လိမ့်မည်​။ အကျွန်ုပ်​တုန်လှုပ်​သောအခါ အကျွန်ုပ်​ကို​ရန်ဖက်ပြု​သော​သူ​တို့​သည် ရွှင်လန်း​ကြ​ပါ​လိမ့်မည်​။

Common Language Bible

⁴ ကျွန်​တော်​မျိုး​၏​ရန်​သူ​များ​သည် ``ငါ​တို့​သူ့​ကို​အ​နိုင်​ရ​ပြီ'' ဟူ​၍ ပြော​ဆို​နိုင်​ခွင့်​ကို​ပေး​တော်​မ​မူ​ပါ​နှင့်။ သူ​တို့​အား​ကျွန်​တော်​မျိုး​၏​ပြို​လဲ​မှု​ကြောင့် ဝမ်း​မြောက်​နိုင်​ခွင့်​ကို​ပေး​တော်​မ​မူ​ပါ​နှင့်။

Garrad Bible

⁴ သို့ မ ဟုတ် လျှင်၊ ရန် သူ က၊ ငါ နိုင် လေ ပြီ ဟု ဆို ၍၊ အ ကျွန်ုပ် ရွေ့ ရ သည့် ကာ လ၊ ရန် ဘက် တို့ ရွှင် လန်း ကြ ပါ မည်။

Judson Bible

⁴ အ​ကျွန်ုပ်၏​ရန်​သူ​က၊ ငါ​နိုင်​ပြီ​ဟု​ဆို၍၊ အ​ကျွန်ုပ်​ကို​နှောင့်​ယှက်​သော သူ​တို့​သည် အ​ကျွန်ုပ်​လှုပ်​ရှား​သည်​ကို ဝမ်း​မြောက်​ကြ​ပါ​လိမ့်​မည်။

ဆာ​လံ 13:4 ပူးပေါင်းရင်းမြစ်များ

ဆာ​လံ 25:2

အကျွန်ုပ်​၏​ဘုရားသခင်​၊ ကိုယ်တော်​ကို အကျွန်ုပ်​ယုံကြည်ကိုးစား​ပါ​၏​။ အကျွန်ုပ်​သည် အရှက်​မ​ကွဲ​ရ​ပါစေ​နှင့်​။ အကျွန်ုပ်​၏​ရန်သူ​တို့​သည် အကျွန်ုပ်​အပေါ် အောင်ပွဲ​မ​ခံ​ကြ​ရ​ပါစေ​နှင့်​။

ယေ​ရ​မိ 1:19

သင့်​ကို​ကယ်နုတ်​ရန် သင်​နှင့်အတူ ငါ​ရှိ​မည်​ဖြစ်၍ သူ​တို့​သည် သင့်​ကို​တိုက်ခိုက်​သော်လည်း နိုင်​လိမ့်မည်​မ​ဟုတ်​”​ဟု ထာဝရဘုရား​မိန့်​တော်မူ​၏​။

သုတ္တံကျမ်း။ 12:3

လူ​သည် ဆိုးယုတ်မှု​အားဖြင့် မ​တည်မြဲ​နိုင်​ရာ​။ ဖြောင့်မတ်​သော​သူ​တို့​၏​အမြစ်​မူကား မ​ရွေ့​ရာ​။

ဆာ​လံ 62:6

ကိုယ်တော်​သာလျှင် ငါ​၏​ကျောက်ဆောင်​၊ ငါ့​ကို​ကယ်တင်​သော​အရှင်​၊ ငါ​၏​ခိုကိုး​ရာ​ဖြစ်​တော်မူ​၏​။ ငါ​သည် တုန်လှုပ်​လိမ့်မည်​မ​ဟုတ်​။

ဆာ​လံ 38:16

သို့ဖြစ်၍ “​အကျွန်ုပ်​ခြေ​ချော်​သောအခါ သူ​တို့​သည် အကျွန်ုပ်​အကြောင်း​ကြောင့်​ဝမ်းမြောက်​ခြင်း​၊ အကျွန်ုပ်​အပေါ်​မိမိကိုယ်ကို​ချီးမြှောက်​ခြင်း မ​ရှိ​ကြ​ပါစေ​နှင့်​”​ဟု အကျွန်ုပ်​လျှောက်​ပါ​ပြီ​။

ယော​ရှု 7:9

ခါနာန်​လူမျိုး​နှင့် ခါနာန်​ပြည်သား​အပေါင်း​တို့​ကြား​လျှင် သူ​တို့​သည် အကျွန်ုပ်​တို့​ကို​ဝိုင်းရံ​ထား​ပြီး အကျွန်ုပ်​တို့​၏​အမည်​ကို မြေကြီး​ပေါ်မှ​ပယ်ဖျက်​ကြ​ပါ​လိမ့်မည်​။ ကိုယ်တော်​၏​ကြီးမြတ်​သော​နာမ​တော်​အဖို့ မည်သို့​ပြု​တော်မူ​မည်နည်း​”​ဟု လျှောက်ဆို​လေ​၏​။

မြည်​တမ်း​စ​ကား 1:16

ထို့ကြောင့် ငါ​ငိုကြွေး​နေ​ရ​ပြီ​။ ငါ့​မျက်စိ​မှ မျက်ရည်​များ​စီးကျ​ရ​လေ​ပြီ​။ နှစ်သိမ့်ပေး​မည့်​သူ​၊ ငါ့​စိတ်ဝိညာဉ်​ကို ပြန်လည်​အားဖြည့်​ပေး​မည့်​သူ​သည် ငါ​နှင့်​အလှမ်းဝေး​လေ​ပြီ​။ ရန်သူ​က အနိုင်ရ​သောကြောင့် ငါ့​သားသမီး​တို့ ညှိုးငယ်​ရ​လေ​ပြီ​။

ဆာ​လံ 112:6

အကယ်စင်စစ် ထိုသို့သော​သူ​သည် မည်သည့်​အခါ​မျှ​တုန်လှုပ်​ရ​လိမ့်မည်​မ​ဟုတ်​။ ဖြောင့်မတ်​သော​သူ​သည် အစဉ်အမြဲ အောက်မေ့စရာ​ဖြစ်​လိမ့်မည်​။

ဆာ​လံ 62:2

ကိုယ်တော်​သာလျှင် ငါ​၏​ကျောက်ဆောင်​၊ ငါ့​ကို​ကယ်တင်​သော​အရှင်​၊ ငါ​၏​ခိုကိုး​ရာ​ဖြစ်​တော်မူ​၏​။ ငါ​သည် လွန်စွာ​တုန်လှုပ်​လိမ့်မည်​မ​ဟုတ်​။

ဆာ​လံ 55:22

သင်​၏​ဝန်ထုပ်ဝန်ပိုး​ကို ထာဝရဘုရား​ထံ၌ ချထား​လော့​။ သို့ပြုလျှင် ကိုယ်တော်​သည် သင့်​ကို​ထောက်မ​တော်မူ​လိမ့်မည်​။ ကိုယ်တော်​သည် ဖြောင့်မတ်​သော​သူ​ကို မည်သည့်​အခါ​မျှ တုန်လှုပ်​စေ​တော်မူ​မည်​မ​ဟုတ်​။

ဆာ​လံ 35:25

သူ​တို့​သည် မိမိ​တို့​စိတ်နှလုံး​ထဲ၌ “​ဟား​ဟား​၊ ငါ​တို့​အလို​ပြည့်စုံ​ပြီ​”​ဟု အောက်မေ့​ခွင့်​မ​ရ​ကြ​ပါစေ​နှင့်​။ “​သူ့​ကို ငါ​တို့​ဝါးမျို​ပြီ​”​ဟု ပြောဆို​ခွင့်​မ​ရ​ကြ​ပါစေ​နှင့်​။

ဆာ​လံ 35:19

လှည့်ဖြား​တတ်​သော​အကျွန်ုပ်​၏​ရန်သူ​တို့​သည် အကျွန်ုပ်​အကြောင်း​ကြောင့် ဝမ်းမြောက်​ရ​သော​အခွင့်​မ​ရ​ကြ​ပါစေ​နှင့်​။ အကျွန်ုပ်​ကို အကြောင်းမဲ့​မုန်း​သော​သူ​တို့​သည်​လည်း မျက်စိ​မှိတ်ပြ​ရ​သော​အခွင့်​မ​ရ​ကြ​ပါစေ​နှင့်​။

ဆာ​လံ 10:11

သူ​က “​ဘုရားသခင် မေ့လျော့​တော်မူ​ပြီ​။ မျက်နှာ​တော်​လွှဲ​၍ မည်သည့်​အခါ​မျှ မြင်​တော်​မ​မူ​”​ဟု စိတ်နှလုံး​ထဲ၌​ပြောဆို​တတ်​၏​။

ဆာ​လံ 9:19

အို ထာဝရဘုရား​၊ ထ​တော်မူ​ပါ​။ လူ​သည် အနိုင်​မ​ရ​ပါစေ​နှင့်​။ လူမျိုးတကာ​တို့​သည် ရှေ့​တော်​၌​တရားစီရင်​ခြင်း​ခံ​ကြ​ရ​ပါစေသော​။

ဧ​ဇ​ရ 9:8

သို့သော် တစ်ခဏချင်း​တွင် အကျွန်ုပ်​တို့​၏​ဘုရားသခင်​ထာဝရဘုရား​ထံ​တော်​မှ ကျေးဇူး​တော်​ကို ခံစား​ရ​၍ ကိုယ်တော်​သည် အကျွန်ုပ်​တို့​ထဲမှ​ကြွင်းကျန်​သူ​တို့​ကို လွတ်မြောက်​စေ​ပြီး ကိုယ်တော်​၏​သန့်ရှင်းရာဌာန​တော်​တွင် လုံခြုံ​ရာ​ကို ပေး​တော်မူ​ပြီ​။ အကျွန်ုပ်​တို့​ကို မျက်စိ​အလင်း​ပေး​တော်မူ​ပြီ​။ ကျွန်ခံ​ရ​ရာ​တွင် အနည်းငယ်​သက်သာ​ခွင့်​ကို ပေး​တော်မူ​ပါ​ပြီ​။