ဆာ​လံ 128:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² သင်​သည် မိမိ​လက်​ဖြင့် လုပ်ဆောင်​ရရှိ​သော အသီးအပွင့်​ကို အမှန်ပင် စား​ရ​လိမ့်မည်​။ သင်​သည် မင်္ဂလာ​ရှိ​၍ ကောင်းကျိုးချမ်းသာ​ကို ခံစား​ရ​လိမ့်မည်​။

Common Language Bible

² သင်​သည်​မိ​မိ​လက်​ဖြင့်​လုပ်​ဆောင်​၍​စား​ဝတ် နေ​ရေး ဖူ​လုံ​အောင်​ရ​ရှိ​လိမ့်​မည်။ သင်​သည်​ရွှင်​လန်း​၍​ကောင်း​စား​လိမ့်​မည်။

Garrad Bible

² စား ပွဲ ထိုင် သော အ ခါ၊ ကိုယ့် လုပ် ဆောင် ကျိုး စား ရ လျက်၊ မင်္ဂ လာ ချမ်း သာ ရှိ ပါ စေ သော။

Judson Bible

² ထို​သို့​ပြု​လျှင် သင်​သည် မိ​မိ​လက်​နှင့် လုပ်​ဆောင်၍​ရ​သော​အ​စာ​ကို စား​ရ​လိမ့်​မည်။ မင်္ဂ​လာ​ရှိ၍ ကောင်း​စား​ရ​လိမ့်​မည်။

ဆာ​လံ 128:2 ပူးပေါင်းရင်းမြစ်များ

ကမ္ဘာ​ဦး 3:19

သင့်​ကို မြေ​မှ​ဖြစ်လာ​စေ​သည်​ဖြစ်၍ သင်​သည် မြေ​သို့​မ​ပြန်​မီ​တိုင်အောင် သင်​၏​နဖူး​မှ​ချွေး​နှင့်​ရင်း​၍ အစာ​ကို​စား​ရ​မည်​။ အကြောင်းမူကား သင်​သည် မြေမှုန့်​ဖြစ်​သောကြောင့် မြေမှုန့်​သို့​ပြန်​ရ​မည်​”​ဟု မိန့်​တော်မူ​၏​။

ဆာ​လံ 1:3

ထို​သူ​ကား ရေစီး​သော​ချောင်း​နားမှာ စိုက်​ထား​၍ မိမိ​အချိန်တန်​သောအခါ​အသီး​သီး​ပြီး အရွက်​မ​ညှိုးနွမ်း​တတ်​သော​အပင်​နှင့်​တူ​၏​။ ပြု​လေသမျှ​တို့​၌​အောင်မြင်​တတ်​၏​။

ဆာ​လံ 109:11

ကြွေးရှင်​သည် သူ​ပိုင်ဆိုင်​သော​အရာ​အားလုံး​ကို သိမ်းယူ​ပြီး သူစိမ်း​တို့​သည် သူ​လုပ်ဆောင်​ရရှိ​သော​အရာ​ကို လုယူ​ကြ​ပါစေ​။

ဒေသနာကျမ်း။ 8:12

အပြစ်ပြု​သော​သူ​သည် မကောင်းမှု​ကို​အကြိမ်​တစ်ရာ​ပြု​လျက်ပင် အသက်ရှည်​သော်လည်း ဘုရားသခင်​ကို​ကြောက်ရွံ့​သော​သူ​တို့​သည် ကိုယ်တော်​၏​ရှေ့​တော်​၌ ကြောက်ရွံ့​ကြ​သောကြောင့် ကောင်းကျိုးချမ်းသာ​ကို​ခံစား​ရ​ကြောင်း ငါ​အမှန်​သိ​၏​။

ဟေ​ရှာ​ယ 3:10

ဖြောင့်မတ်​သော​သူ​တို့​သည် မိမိ​တို့​လုပ်ဆောင်မှု​၏​အသီးအပွင့်​ကို​စား​ရ​မည်​ဖြစ်​သောကြောင့် ကောင်း​ပေ​သည်​ဟု သူ​တို့​အား ပြောကြား​လော့​။

ဟေ​ရှာ​ယ 62:8

ထာဝရဘုရား​က “​သင်​၏​ကောက်ပဲသီးနှံ​ကို သင်​၏​ရန်သူ​တို့​အား စား​ခွင့်​ပေး​တော့​မည်​မ​ဟုတ်​။ သင်​ကြိုးစား​အားထုတ်​၍​ရရှိ​သော စပျစ်ဝိုင်​အသစ်​ကို​လည်း တိုင်းတစ်ပါးသား​များ သောက်​ရ​တော့​မည်​မ​ဟုတ်​။

ဟေ​ရှာ​ယ 65:13

ထို့ကြောင့် အရှင်​ထာဝရဘုရား​က “​ကြည့်ရှု​လော့​။ ငါ့​အစေအပါး​တို့​စား​ရ​သော်လည်း သင်​တို့​ဆာလောင်မွတ်သိပ်​ကြ​လိမ့်မည်​။ ငါ့​အစေအပါး​တို့​သောက်​ရ​သော်လည်း သင်​တို့​ရေငတ်​ကြ​လိမ့်မည်​။ ငါ့​အစေအပါး​တို့​ဝမ်းမြောက်​ရ​သော်လည်း သင်​တို့​အရှက်ကွဲ​ကြ​လိမ့်မည်​။

ယေ​ရ​မိ 22:15

ထာဝရဘုရား​က “​သစ်ကတိုး​နန်းတော်​တွင်​စံမြန်း​ရ​သောကြောင့် သင်​ဘုရင်​ဖြစ်​သည်​ဟု သင်​ထင်​သလော​။ သင်​၏​ဖခင်​လည်း စား​သောက်​ခဲ့​ရ​သည်​မ​ဟုတ်​လော​။ သူ​သည် တရားမျှတ​သော​သူ​၊ ဖြောင့်မတ်​သော​သူ​ဖြစ်​သောကြောင့် ကောင်းစား​ခဲ့​သည်​မ​ဟုတ်​လော​။

၁ ကော 15:58

ထို့ကြောင့် ငါ​ချစ်​သော​ညီအစ်ကို​တို့၊ သခင်​ဘုရား​၌ သင်​တို့​၏​ကြိုးပမ်း​အားထုတ်​မှု​သည် အချည်းနှီး​မ​ဖြစ်​ကြောင်း​သိမှတ်​၍ ခိုင်မြဲ​စွာ​ရပ်တည်​လျက် ဖောက်ပြန်​ရွေ့လျော​ခြင်း​မ​ရှိ​ဘဲ သခင်​ဘုရား​၏​အမှု​တော်​ကို အစဉ်အမြဲ စွမ်းစွမ်းတမံ​ဆောင်ရွက်​ကြ​လော့။

တ​ရား​ဟော 28:11

ထာဝရဘုရား​က ထို​ပြည်​ကို သင့်​အား​ပေး​မည်​ဟု သင်​၏​ဘိုးဘေး​တို့​အား ကျိန်ဆို​တော်မူ​ခဲ့​သည်​နှင့်အညီ ထို​ပြည်​၌ သင့်​သားသမီး​၊ သင့်​တိရစ္ဆာန်​၏​သားပေါက်​၊ သင့်​မြေ​၏​အသီးအနှံ​ဖြင့် သင့်​ကို ထာဝရဘုရား ကောင်းစား​စေ​တော်မူ​မည်​။

တ​ရား​ဟော 28:39

သင်​သည် စပျစ်ခြံ​များ​ကို​စိုက်ပျိုး​၍ ပြုစု​သော်လည်း ပိုးကောင်​စား​သောကြောင့် စပျစ်သီး​ကို​ဆွတ်ခူး​ရ​လိမ့်မည်​မ​ဟုတ်​၊ စပျစ်ဝိုင်​ကို​သောက်​ရ​လိမ့်မည်​မ​ဟုတ်​။

တ​ရား​ဟော 28:4

သင့်​သားသမီး​၊ သင့်​မြေ​၏​အသီးအနှံ​၊ သင့်​တိရစ္ဆာန်​၏​သားပေါက်​များ​ဖြစ်​သည့် သင့်​နွား​သားပေါက်​များ​၊ သင့်​သိုးဆိတ်​သားပေါက်​များ​သည် ကောင်းချီးခံစား​ရ​မည်​။

တ​ရား​ဟော 28:51

သင်​ပျက်စီး​ခြင်း​သို့ မ​ရောက်​မ​ချင်း သူ​တို့​သည် သင်​၏​တိရစ္ဆာန်​သားပေါက်​များ​၊ မြေ​အသီးအနှံ​များ​ကို ဝါးမျို​လိမ့်မည်​။ သင်​ပျက်စီး​သွား​သည်​အထိ ကောက်ပဲသီးနှံ​၊ စပျစ်ဝိုင်​အသစ်​၊ ဆီ​၊ နွား​သားပေါက်​၊ သိုးဆိတ်​သားပေါက် တို့​ကို သင့်​အတွက် ချန်ထား​မည်​မ​ဟုတ်​။

တ​ရား​ဟော 28:8

ထာဝရဘုရား​သည် သင်​၏​ကျီ​၌​လည်းကောင်း​၊ သင်​လုပ်ဆောင်​လေရာရာ​၌​လည်းကောင်း ကောင်းချီးမင်္ဂလာ သက်ရောက်​စေ​တော်မူ​မည်​။ သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​ကောင်းချီးခံစား​ရ​မည်​။