ဆာ​လံ 116:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ အကယ်စင်စစ် ကိုယ်တော်​သည် အကျွန်ုပ်​၏​စိတ်ဝိညာဉ်​ကို သေ​ခြင်း​မှ​လည်းကောင်း​၊ အကျွန်ုပ်​၏​မျက်စိ​ကို ငိုကြွေး​ခြင်း​မှ​လည်းကောင်း​၊ အကျွန်ုပ်​၏​ခြေ​ကို ခလုတ်တိုက်​ခြင်း​မှ​လည်းကောင်း လွတ်မြောက်​စေ​တော်မူ​ပြီ​။

Common Language Bible

⁸ ထာ​ဝ​ရ​ဘု​ရား​သည်​ငါ့​အ​သက်​ကို သေ​ဘေး​မှ​လည်း​ကောင်း၊ ငါ့​မျက်​စိ​ကို​မျက်​ရည်​ကျ​ခြင်း​မှ​လည်း ကောင်း၊ ငါ​၏​ခြေ​ကို​ချော်​လဲ​ခြင်း​မှ​လည်း​ကောင်း ကယ်​တော်​မူ​ပြီ။

Garrad Bible

⁸ အ ကျွန်ုပ် အ သက် ကို သေ ဘေး မှလည်း ကောင်း၊ မျက် စိ များ ကို မျက် ရည် မှလည်း ကောင်း၊ ခြေ များ ကို ခ လုတ် မှ လည်း ကောင်း၊ ကယ် လွှတ် တော် မူ ပါ ပြီ။

Judson Bible

⁸ ကိုယ်​တော်​သည် အ​ကျွန်ုပ်​အ​သက်​ကို သေ​ခြင်း​မှ​လည်း​ကောင်း၊ အ​ကျွန်ုပ်​မျက်​စိ​ကို မျက်​ရည်​ကျ​ခြင်း​မှ​လည်း​ကောင်း၊ အ​ကျွန်ုပ်​ခြေ​ကို​လည်း ထိ​မိ၍​လဲ​ခြင်း​မှ​လည်း​ကောင်း ကယ်​လွှတ်​တော်​မူ​ပြီ။

ဆာ​လံ 116:8 ပူးပေါင်းရင်းမြစ်များ

ဆာ​လံ 37:24

ထာဝရဘုရား​သည် သူ့​ကို မိမိ​လက်​တော်​ဖြင့် ထောက်မ​တော်မူ​သောကြောင့် သူ​သည်​လဲကျ​လျှင်လည်း ပြန်မထ​နိုင်​တော့​သည့်​အဖြစ်​သို့ ရောက်​လိမ့်မည်​မ​ဟုတ်​။

ဆာ​လံ 49:15

သို့သော် ဘုရားသခင်​သည် ငါ့​ကို​ခေါ်ယူ​တော်မူ​မည်​ဖြစ်​သောကြောင့် ငါ​၏​စိတ်ဝိညာဉ်​ကို မရဏာနိုင်ငံ​၏​လက်​မှ ရွေးနုတ်ကယ်တင်​တော်မူ​လိမ့်မည်​။(​စေလာ)

ဆာ​လံ 56:13

အကြောင်းမူကား ကိုယ်တော်​သည် အကျွန်ုပ်​၏​စိတ်ဝိညာဉ်​ကို သေ​ခြင်း​မှ​ကယ်နုတ်​တော်မူ​ပြီ​။ အကျွန်ုပ်​သည် ဘုရားသခင်​၏​ရှေ့​တော်​၌ အသက်​၏​အလင်း​ထဲတွင် လျှောက်လှမ်း​နိုင်​ရန် အကျွန်ုပ်​၏​ခြေ​ကို ခလုတ်တိုက်​ခြင်း​နှင့် ကင်း​စေ​တော်မူ​သည်​မ​ဟုတ်​လော​။

ဆာ​လံ 86:13

အကြောင်းမူကား အကျွန်ုပ်​အပေါ်​ထားရှိ​သော ကိုယ်တော်​၏​မေတ္တာကရုဏာ​တော်​သည် ကြီးမား​လှ​ပါ​၏​။ ကိုယ်တော်​သည် အကျွန်ုပ်​၏​စိတ်ဝိညာဉ်​ကို နက်ရှိုင်း​သော​မရဏာနိုင်ငံ​မှ ကယ်နုတ်​တော်မူ​ပြီ​။

ဆာ​လံ 94:18

“​ငါ့​ခြေ​ချော်​ပြီ​”​ဟု အကျွန်ုပ်​ဆို​သောအခါ အို ထာဝရဘုရား​၊ ကိုယ်တော်​၏​မေတ္တာကရုဏာ​တော်​သည် အကျွန်ုပ်​ကို​ဖေးမ​တော်မူ​၏​။

ဟေ​ရှာ​ယ 25:8

သေ​ခြင်း​ကို ထာဝရ​ပျက်စီး​စေ​တော်မူ​မည်​။ ဘုရားရှင်​ထာဝရဘုရား​သည် လူ​ခပ်သိမ်း​တို့​၏​မျက်နှာ​မှ မျက်ရည်​ကို သုတ်ပေး​တော်မူ​မည်​။ မိမိ​လူမျိုး​တော်​ခံရ​သော​ကဲ့ရဲ့ပြစ်တင်​ခြင်း​ကို မြေ​တစ်ပြင်လုံး​မှ​ဖယ်ရှား​တော်မူ​မည်​။ ထိုသို့ ထာဝရဘုရား​မိန့်​တော်မူ​ပြီ​။

ဟေ​ရှာ​ယ 38:5

“​သင်​သည် ဟေဇကိ​မင်းကြီး​ထံသို့​သွား​၍ သင့်​ဘိုးဘေး​ဒါဝိဒ်​မင်းကြီး​၏​ဘုရားသခင် ထာဝရဘုရား​က ‘​သင်​၏​ဆုတောင်း​သံ​ကို ငါ​ကြား​ပြီ​။ သင်​၏​မျက်ရည်​ကို​လည်း ငါ​မြင်​ပြီ​။ ကြည့်ရှု​လော့​။ ငါ​သည် သင့်​အား တစ်ဆယ့်​ငါး​နှစ် ထပ်၍​အသက်ရှင်​စေ​မည်​။

ဗျာ​ဒိတ် 21:4

ကိုယ်တော်​သည် သူ​တို့​၏​မျက်စိ​မှ​မျက်ရည်​ရှိသမျှ​တို့​ကို သုတ်​ပေး​တော်မူ​လိမ့်မည်။ သေ​ခြင်း​သည် ရှိ​တော့မည်​မ​ဟုတ်။ ဝမ်းနည်း​ကြေကွဲ​ခြင်း၊ အော်ဟစ်​ငိုကြွေး​ခြင်း​နှင့် နာကျင်​ခြင်း​ဝေဒနာ​တို့​သည်​လည်း ရှိ​တော့မည်​မ​ဟုတ်။ အကြောင်းမူကား ယခင်​ဖြစ်​ခဲ့​သော​အရာ​တို့​သည် ပျောက်ကွယ်​သွား​ကြ​ပြီ”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 7:17

အကြောင်းမူကား ပလ္လင်​တော်​အလယ်​တွင်​ရှိ​သော​သိုးသငယ်​တော်​သည် သူ​တို့​ကို​အုပ်ထိန်း​၍ အသက်​ရေ​ထွက်​ရာ​စမ်းရေ​တွင်း​သို့ သူ​တို့​ကို​လမ်းပြ​ပို့ဆောင်​တော်မူ​လိမ့်မည်။ ဘုရားသခင်​သည်​လည်း သူ​တို့​၏​မျက်စိ​မှ မျက်ရည်​ရှိသမျှ​တို့​ကို သုတ်​ပေး​တော်မူ​လိမ့်မည်”​ဟု ဆို​၏။

သူ​ကြီး 1:24

သူလျှို​တို့​သည် မြို့​ထဲမှ​လူ​တစ်​ယောက်​ထွက်လာ​သည်​ကို မြင်​လျှင် “​မြို့ဝင်လမ်း​ကို ပြ​ပေး​ပါ​။ သင့်​ကို အသက်ချမ်းသာ​ပေး​ပါ​မည်​”​ဟု သူ့​အား ပြော​သဖြင့်