ဆာ​လံ 115:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ အကျွန်ုပ်​တို့​၌​မ​ဟုတ်​ဘဲ​၊ အို ထာဝရဘုရား​၊ အကျွန်ုပ်​တို့​၌​မ​ဟုတ်​ဘဲ ကိုယ်တော်​၏​နာမ​တော်​၌​သာ ကိုယ်တော်​၏​မေတ္တာကရုဏာ​တော်​နှင့် ကိုယ်တော်​၏​သမ္မာတရား​ကြောင့် ဘုန်းအသရေ​ရှိ​ပါစေသော​။

Common Language Bible

¹ အို ထာ​ဝ​ရ​ဘု​ရား၊ ကိုယ်​တော်​၏​ခိုင်​မြဲ​သော​မေတ္တာ​တော်​နှင့် သစ္စာ​တော်​ကြောင့်​ကိုယ်​တော်​တစ်​ပါး​တည်း ၌​သာ​လျှင် ဘုန်း​အ​သ​ရေ​ရှိ​တော်​မူ​ပါ​၏။ ကျွန်​တော်​မျိုး​တို့​၌​ဘုန်း​အ​သ​ရေ​မ​ရှိ​ပါ။

Garrad Bible

¹ အို ထာ ဝ ရ ဘု ရား၊ အ ကျွန်ုပ် တို့၌ မ ဟုတ် ဘဲ၊ ကိုယ် တော်၏ နာ မ တော် ၌ သာ၊ က ရု ဏာ တော် နှင့် သ စ္စာ တော် အ တွက်၊ ဘုန်း ရှိ စေ တော် မူ ပါ။

Judson Bible

¹ အ​ကျွန်ုပ်​တို့၌ ဘုန်း​မ​ရှိ​စေ​ဘဲ၊ အို ထာ​ဝ​ရ​ဘု​ရား၊ အ​ကျွန်ုပ်​တို့၌ ဘုန်း​မ​ရှိ​စေ​ဘဲ၊ ကိုယ်​တော်၏​နာ​မ၌ က​ရု​ဏာ​တော်​နှင့် သ​စ္စာ​တော်​ကြောင့် ဘုန်း​ရှိ​ပါ​စေ​သ​တည်း။

ဆာ​လံ 115:1 ပူးပေါင်းရင်းမြစ်များ

ဆာ​လံ 138:2

အကျွန်ုပ်​သည် ကိုယ်တော်​၏​သန့်ရှင်း​သော ဗိမာန်တော်​သို့​မျက်နှာမူ​၍ ရှိခိုးကိုးကွယ်​ပါ​မည်​။ ကိုယ်တော်​၏​မေတ္တာကရုဏာ​တော်​နှင့်​သမ္မာတရား​အတွက် နာမ​တော်​ကို​ချီးမွမ်း​ပါ​မည်​။ အကြောင်းမူကား ကိုယ်တော်​သည် နာမ​တော်​နှင့်​ကတိ​တော်​တို့​ကို အရာခပ်သိမ်း​တို့​ထက် ချီးမြှောက်​တော်မူ​ပြီ​။

ဆာ​လံ 61:7

သူ​သည် ဘုရားသခင်​၏​ရှေ့​တော်​၌ အစဉ်အမြဲ​စိုးစံ​ပါစေသော​။ မေတ္တာကရုဏာ​နှင့်​သမ္မာတရား​သည် သူ့​ကို​ကာကွယ်​စောင့်ရှောက်​မည့်​အကြောင်း စီရင်​တော်မူ​ပါ​။

ဆာ​လံ 74:22

အို ဘုရားသခင်​၊ ထ​တော်မူ​ပါ​။ ကိုယ်တော်​၏​အမှုကိစ္စ​ကို ရင်ဆိုင်ဖြေရှင်း​တော်မူ​ပါ​။ မိုက်မဲ​သော​သူ​သည် ကိုယ်တော်​ကို တစ်နေ့လုံး ကဲ့ရဲ့ပြစ်တင်​သည်​ကို အောက်မေ့​တော်မူ​ပါ​။

ဆာ​လံ 96:8

ထာဝရဘုရား​၏​နာမ​တော်​သည် ဘုန်းကြီး​တော်မူ​သည်​ဟု သိမှတ်ဝန်ခံ​ကြ​လော့​။ ပူဇော်သက္ကာ​ကို​ယူဆောင်​လာ​၍ ကိုယ်တော်​၏​တံတိုင်း​တော်​များ​အတွင်း​သို့ ဝင်​ကြ​လော့​။

ဟေ​ရှာ​ယ 48:11

ငါ့​အတွက်​၊ ငါ့​အတွက်​သာလျှင် ငါ​ပြု​၏​။ ငါ့​နာမ​သည် မည်သည့်​အတွက်ကြောင့် အရှုတ်ချ​ခံ​မည်နည်း​။ ငါ​၏​ဘုန်းအသရေ​ကို အခြား​သူ​အား ငါ​မ​ပေး​။

ယေ​ဇ​ကျေ​လ 20:14

သို့သော် သူ​တို့​အား ထုတ်ဆောင်​လာ​ခဲ့​သည်​ကို မြင်တွေ့​သော​လူမျိုးခြား​တို့​ရှေ့​တွင် ငါ့​နာမ​ရှုတ်ချ​မ​ခံရ​ရန်​အတွက် ငါ​ပြု​ခဲ့​၏​။

ယေ​ဇ​ကျေ​လ 36:22

သို့ဖြစ်၍ အစ္စရေး​အမျိုး​အား ဘုရားရှင်​ထာဝရဘုရား​က ‘အို အစ္စရေး​အမျိုး​တို့​၊ ယခု ငါ​ပြု​သော​အမှု​သည် သင်​တို့​အတွက်​မ​ဟုတ်​။ သင်​တို့​ရောက်​လေ​ရာ လူမျိုးခြား​တို့​အလယ်​တွင် သင်​တို့​ရှုတ်ချ​သော ငါ​၏​သန့်ရှင်းမြင့်မြတ်​သော​နာမ​အတွက်​ဖြစ်​၏’​ဟု မိန့်​တော်မူ​၏​။

ယေ​ဇ​ကျေ​လ 36:32

ဤသို့ ငါ​ပြု​ခြင်း​သည် သင်​တို့​အဖို့​မ​ဟုတ်​။ အို အစ္စရေး​အမျိုး​၊ သင်​တို့​၏​အပြုအမူ​အကျင့်အကြံ​များ​ကြောင့် သင်​တို့​အရှက်ခွဲ​ခံရ​မည်​၊ အသရေဖျက်​ခံရ​မည်​ကို သင်​တို့​သိမှတ်​ကြ​လော့’​ဟု ဘုရားရှင်​ထာဝရဘုရား မိန့်​တော်မူ​၏​။

ဒံ​ယေ​လ 9:19

အို ဘုရားရှင်​၊ နားညောင်း​တော်မူ​ပါ​။ အို ဘုရားရှင်​၊ ခွင့်လွှတ်​တော်မူ​ပါ​။ အို ဘုရားရှင်​၊ အာရုံစိုက်​၍ ပြု​ပေး​တော်မူ​ပါ​။ နှောင့်နှေး​တော်​မ​မူ​ပါ​နှင့်​။ အကျွန်ုပ်​၏​ဘုရားသခင်​၊ ကိုယ်တော်​၏​နာမ​တော်​ကို​ထောက်၍ အလျင်အမြန်​ပြု​တော်မူ​ပါ​။ ဤ​မြို့​၊ ဤ​လူမျိုး​သည် ကိုယ်တော်​၏​နာမ​တော်​ဖြင့် ခေါ်ဝေါ်သမုတ်​ခြင်း​ကို ခံရ​ကြ​ပါ​၏​”​ဟု ဆုတောင်း​လေ​၏​။

မိက္ခာ 7:20

ကိုယ်တော်​သည် ရှေးယခင်​ဘိုးဘေး​တို့​အား ကျိန်ဆို​တော်မူ​သည့်​အတိုင်း ယာကုပ်​အား သစ္စာ​တော်​ကို​လည်းကောင်း​၊ အာဗြဟံ​အား မေတ္တာကရုဏာ​တော်​ကို​လည်းကောင်း ပြ​တော်မူ​မည်​။

ရှင်ယောဟန် 1:17

အကြောင်းမူကား ပညတ်​တရား​ကို မောရှေ​အားဖြင့်​ပေး​တော်မူ​၏။ ကျေးဇူး​တော်​နှင့်​သမ္မာတရား​မူကား ယေရှု​ခရစ်တော်​အားဖြင့်​ဖြစ်လာ​၏။

ဧ​ဖက် 1:6

ဤသည်ကား ချစ်​တော်မူ​သော​သား​တော်​အားဖြင့် ငါ​တို့​အား​ပေး​သနား​တော်မူ​သော မိမိ​ကျေးဇူး​တော်​၏​ဘုန်း​တော်​ကို ငါ​တို့​ချီးမွမ်း​ကြ​မည့်​အကြောင်း​တည်း။

ယော​ရှု 7:9

ခါနာန်​လူမျိုး​နှင့် ခါနာန်​ပြည်သား​အပေါင်း​တို့​ကြား​လျှင် သူ​တို့​သည် အကျွန်ုပ်​တို့​ကို​ဝိုင်းရံ​ထား​ပြီး အကျွန်ုပ်​တို့​၏​အမည်​ကို မြေကြီး​ပေါ်မှ​ပယ်ဖျက်​ကြ​ပါ​လိမ့်မည်​။ ကိုယ်တော်​၏​ကြီးမြတ်​သော​နာမ​တော်​အဖို့ မည်သို့​ပြု​တော်မူ​မည်နည်း​”​ဟု လျှောက်ဆို​လေ​၏​။