ဆာ​လံ 110:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ထာဝရဘုရား​က “​သင်​သည် မေလခိဇေဒက်​နှင့်တူ​သော ထာဝရ​ယဇ်ပုရောဟိတ်​ဖြစ်​၏​”​ဟု ကျိန်ဆို​တော်မူ​သည်​ဖြစ်၍ စိတ်​တော်​ပြောင်းလဲ​မည်​မ​ဟုတ်​။

Common Language Bible

⁴ ``သင်​သည်​ယဇ်​ပု​ရော​ဟိတ်​မင်း​မေ​လ​ခိ ဇေ​ဒက်​နည်း​တူ ထာ​ဝ​ရ​ယဇ်​ပု​ရော​ဟိတ်​ဖြစ်​လိမ့်​မည်'' ဟု ထာ​ဝ​ရ​ဘု​ရား​သ​ခင်​သည်​ကျိန်​ဆို က​တိ​ပေး​တော်​မူ​သည်​ဖြစ်​ရာ ထို​က​တိ​တော်​ကို​ပြန်​လည်​ရုပ်​သိမ်း​တော်​မူ လိမ့်​မည် မ​ဟုတ်​ပါ။

Garrad Bible

⁴ သင် သည် မေ လ ခိ ဇေ ဒက် နည်း တူ၊ ထာ ဝ ရ ပ ရော ဟိတ် ဖြစ် သည် ဟု၊ ထာ ဝ ရ ဘု ရား သ စ္စာ ထား ၍၊ သ ဘော ပြောင်း လဲ တော် မူ မည် မ ဟုတ်။

Judson Bible

⁴ ထာ​ဝ​ရ​ဘု​ရား​က၊ သင်​သည် မေ​လ​ခိ​ဇေ​ဒက်​နည်း​တူ ထာ​ဝ​ရ​ယဇ်​ပု​ရော​ဟိတ်​ဖြစ်​သည်​ဟု ကျိန်​ဆို၍၊ နောက်​တစ်​ဖန် စိတ်​ပြောင်း​လဲ​ခြင်း​ရှိ​တော်​မ​မူ။။

ဆာ​လံ 110:4 ပူးပေါင်းရင်းမြစ်များ

ကမ္ဘာ​ဦး 14:18

ဆလင်​ဘုရင်​မေလခိဇေဒက်​မင်းကြီး​သည်​လည်း မုန့်​နှင့်​စပျစ်ဝိုင်​ကို​ယူဆောင်​ခဲ့​၏​။ သူ​သည် အမြင့်ဆုံး​သော​ဘုရားသခင်​၏​ယဇ်ပုရောဟိတ်​ဖြစ်​၏​။

ဆာ​လံ 132:11

ထာဝရဘုရား​သည် ဒါဝိဒ်​အား သစ္စာ​နှင့်​ကျိန်ဆို​ပြီး ပြန်လည်​ရုပ်သိမ်း​တော်မူ​မည်​မ​ဟုတ်​သော​စကား​မှာ “​ငါ​သည် သင်​မှ​ပေါက်ဖွား​သော​ရင်သွေး​တစ်ဦး​ကို သင်​၏​ရာဇပလ္လင်​ပေါ်​ထိုင်​စေ​မည်​။

ဇာ​ခ​ရိ 6:13

သူ​သည် ထာဝရဘုရား​၏​ဗိမာန်တော်​ကို​တည်ဆောက်​ပြီး ဘုန်းအသရေ​ကို​ဆောင်​လျက် ရာဇပလ္လင်​တော်​ပေါ်တွင် စံမြန်း​၍ အုပ်စိုး​လိမ့်မည်​။ ရာဇပလ္လင်​ပေါ်တွင် ယဇ်ပုရောဟိတ်​အဖြစ် စံမြန်း​လိမ့်မည်​။ ထို​အမှု​နှစ်ခုစလုံး သဟဇာတ​ဖြစ်​အောင် စီမံအုပ်ချုပ်​လိမ့်မည်”​ဟူ၍ မိန့်​တော်မူ​၏’​ဟု ပြောကြား​လော့​။

တော​လည် 23:19

လိမ်လည်​ပြောဆို​ရ​အောင် ဘုရားသခင်​သည် လူ​ဖြစ်​သည်​မ​ဟုတ်​။ စိတ်ပြောင်းလဲ​ရ​အောင် လူသား​ဖြစ်​သည်​မ​ဟုတ်​။ ကိုယ်တော်​သည် မိန့်​တော်မူ​ပြီးမှ မ​ပြု​ဘဲ​နေ​တော်မူ​မည်လော​။ ကတိထား​တော်မူ​ပြီးမှ မ​တည်​ဘဲ​နေ​တော်မူ​မည်လော​။

ဟေ​ဗြဲ 5:6

အခြား​ကျမ်းချက်​တွင်​လည်း “သင်​သည် မေလခိဇေဒက်​နှင့်​အလားတူ​သော ထာဝရ​ယဇ်ပုရောဟိတ်​ဖြစ်​၏”​ဟု မိန့်​တော်မူ​သည့်​အတိုင်း​ဖြစ်​၏။

ဟေ​ဗြဲ 6:20

ယေရှု​သည် မေလခိဇေဒက်​နှင့်​အလားတူ​သော ထာဝရ​ယဇ်ပုရောဟိတ်​မင်း​ဖြစ်လာ​ပြီး ထို​ကန့်လန့်ကာ​အတွင်း​သို့ ရှေ့ဆောင်​လမ်းခင်း​ပေး​သူ​အဖြစ် ငါ​တို့​ကိုယ်စား​ဝင်​တော်မူ​၏။

ဟေ​ဗြဲ 7:11

လူ​တို့​သည် လေဝိ​အနွယ်​နှင့်ဆိုင်သည့် ယဇ်ပုရောဟိတ်​အရိုက်အရာ​အပေါ်တွင် အခြေခံ​ပြီး ပညတ်​တရား​ကို​ရရှိ​ကြ​သည်​ဖြစ်၍ ၎င်း​အားဖြင့် စုံလင်​ခြင်း​သို့​ရောက်​ခဲ့​လျှင် အာရုန်​နှင့်​အလားတူ​မ​ဟုတ်​ဘဲ မေလခိဇေဒက်​နှင့်​အလားတူ​သည့် အခြား​သော​ယဇ်ပုရောဟိတ်​ပေါ်ထွန်း​ရန် အဘယ်ကြောင့်​လိုအပ်​သေး​သနည်း။

ဟေ​ဗြဲ 7:17

အကြောင်းမူကား “သင်​သည် မေလခိဇေဒက်​နှင့်​အလားတူ​သော ထာဝရ​ယဇ်ပုရောဟိတ်​ဖြစ်​၏”​ဟု သက်သေခံ​ထား​၏။

ဟေ​ဗြဲ 7:21

ကိုယ်တော်​မူကား “ ‘သင်​သည် ထာဝရ​ယဇ်ပုရောဟိတ်​ဖြစ်​၏’​ဟု ထာဝရ​ဘုရား​တိုင်တည်​၍​မိန့်​တော်မူ​သည်​ဖြစ်​သောကြောင့် စိတ်​တော်​ပြောင်းလဲ​မည်​မ​ဟုတ်”​ဟူ၍ ကတိ​သစ္စာ​ပြု​လျက် ကိုယ်တော်​အား​မိန့်​တော်မူ​သော​အရှင်​အားဖြင့် ယဇ်ပုရောဟိတ်​ဖြစ်လာ​၏။

ဟေ​ဗြဲ 7:28

ပညတ်​တရား​သည် အားနည်း​သော​လူသား​တို့​ကို ယဇ်ပုရောဟိတ်​မင်း​အရာ​၌​ခန့်ထား​၏။ သို့သော် ပညတ်​တရား​နောက်၌​လာ​သော ကတိ​သစ္စာ​စကား​သည် ကာလ​အစဉ်အဆက်​ပြည့်စုံ​တော်မူ​သော​သား​တော်​ကို ခန့်ထား​၏။

ဗျာ​ဒိတ် 1:6

ငါ​တို့​အား နိုင်ငံ​တော်​ဖြစ်​စေ​လျက် မိမိ​ခမည်းတော်​ဘုရားသခင်​ရှေ့​တော်​၌ ယဇ်ပုရောဟိတ်​များ​ဖြစ်​စေ​တော်မူ​သော​အရှင်​၌ ကမ္ဘာ​အဆက်ဆက် ဘုန်း​အသရေ​နှင့်​တန်ခိုး​အရှိန်အဝါ​ရှိ​ပါစေသော။ အာမင်။