ဆာ​လံ 106:39 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁹ သူ​တို့​သည် မိမိ​တို့​ပြု​သော​အမှု​များ​ဖြင့် မိမိ​တို့​ကိုယ်​ကို​ညစ်ညူး​စေ​၍ မိမိ​တို့​၏​အပြုအမူ​များ​ဖြင့် ဖောက်ပြန်မှားယွင်း​ကြ​၏​။

Common Language Bible

³⁹ ယင်း​သို့​သတ်​ဖြတ်​မှု​များ​ဖြင့်​မိ​မိ​တို့​ကိုယ်​ကို ညစ်​ညမ်း​စေ​ကြ​၏။ ယင်း​သို့​ပြု​မူ​ကြ​ခြင်း​အား​ဖြင့်​ဘု​ရား​သ​ခင် ကို​လည်း သစ္စာ​ဖောက်​ကြ​၏။

Garrad Bible

³⁹ ကိုယ် တိုင် တို့ လည်း၊ ကိုယ့် အ ကျင့် များ ကြောင့် မ သန့် ရာ ရောက် ၍၊ ကိုယ့် အ မှု များ ဖြင့် မှား ယွင်း ကြ ၏။

Judson Bible

³⁹ သူ​တို့​သည် ကိုယ်​အ​ကျင့်​အား​ဖြင့် ကိုယ်​ကို​ညစ်​ညူး​စေ၍၊ ကိုယ်​အ​မှု​တို့​တွင် မှား​ယွင်း​ကြ၏။

ဆာ​လံ 106:39 ပူးပေါင်းရင်းမြစ်များ

ထွက်​မြောက် 34:16

သင်​သည် သူ​တို့​၏​သမီး​များ​ကို သင့်​သား​တို့​နှင့်​စုံဖက်​စေ​သဖြင့် သူ​တို့​၏​သမီး​များ​သည် မိမိ​တို့​၏​ဘုရား​များ​နောက်​သို့​လိုက်​၍ ဖောက်ပြန်မှားယွင်း​သောအခါ သင့်​သား​တို့​ကို​လည်း ထို​ဘုရား​များ​နောက်​သို့​လိုက်​၍ ဖောက်ပြန်မှားယွင်း​စေ​ကြ​လိမ့်မည်​။

ဟေ​ရှာ​ယ 59:3

သင်​တို့​လက်​သည် သွေး​နှင့်​လည်းကောင်း​၊ သင်​တို့​လက်ချောင်း​သည် ဒုစရိုက်​နှင့်​လည်းကောင်း ညစ်ညူး​၏​။ သင်​တို့​၏​နှုတ်​သည် မုသား​ကို​ပြောဆို​၍ သင်​တို့​၏​လျှာ​မှ ကောက်ကျစ်​သော​စကား​ထွက်​၏​။

ယေ​ဇ​ကျေ​လ 20:18

တောကန္တာရ​၌ သူ​တို့​၏​သားသမီး​တို့​အား ‘​သင်​တို့​ဘိုးဘေး​တို့​၏​ကျင့်ထုံး​တို့​ကို မ​လိုက်နာ​ကြ​နှင့်​။ သူ​တို့​၏​ဓလေ့ထုံးတမ်း​တို့​ကို မ​စောင့်ထိန်း​ကြ​နှင့်​။ သူ​တို့​ကိုးကွယ်​သော​ရုပ်တု​များ​ဖြင့်​လည်း ကိုယ့်ကိုယ်ကိုယ်​မ​ညစ်ညူး​စေ​ကြ​နှင့်​။

ယေ​ဇ​ကျေ​လ 20:43

ကိုယ့်ကိုယ်ကိုယ် ညစ်ညူး​စေ​ခဲ့​သော သင်​တို့​၏​အပြုအမူ​အကျင့်အကြံ​တို့​ကို ထို​ပြည်​တွင် ပြန်လည်​သတိရ​၍ သင်​တို့​ပြု​ခဲ့​သော​မကောင်းမှု​များ​ကြောင့် သင်​တို့​ကိုယ်​သင်​တို့ စက်ဆုပ်​ကြ​လိမ့်မည်​။

ယေ​ဇ​ကျေ​လ 22:3

ဘုရားရှင်​ထာဝရဘုရား​က ‘လူ့​အသက်​ကို သတ်​သော​မြို့​၊ ရုပ်တု​များ​ကို​ပြုလုပ်​ပြီး မိမိကိုယ်ကို ညစ်ညူး​စေ​သောကြောင့် သူ​ပျက်စီး​ရ​မည့်​အချိန် ကျရောက်​လေ​ပြီ​။

ယေ​ဇ​ကျေ​လ 36:17

“​အချင်း​လူသား​၊ အစ္စရေး​အမျိုး​တို့​သည် မိမိ​တို့​ပြည်​၌​နေထိုင်​စဉ်က သူ​တို့​၏​အပြုအမူ​အကျင့်အကြံ​များ​ဖြင့် ပြည်​ကို​ညစ်ညူး​စေ​ကြ​၏​။ သူ​တို့​၏​အပြုအမူ​အကျင့်အကြံ​တို့​သည် ဓမ္မတာလာ​သော​မိန်းမ မစင်ကြယ်​သကဲ့သို့​ဖြစ်​၏​။

ဟော​ရှေ 9:1

အို အစ္စရေး​၊ လူမျိုးခြား​တို့​ကဲ့သို့ မ​ရွှင်လန်း​၊ မ​ဝမ်းမြောက်​နှင့်​။ သင်​တို့​သည် ဖောက်ပြန်မှားယွင်း​ကြ​ပြီ​။ ဘုရားသခင်​ကို စွန့်ပစ်​ကြ​ပြီ​။ ကောက်နယ်တလင်း​ရှိသမျှ​တို့​တွင် ပြည့်တန်ဆာ​လုပ်​၍​ရ​သော​အခ​ကို နှစ်သက်​လေ​ပြီ​။

ဝတ်​ပြု 17:7

ယခင်က သူ​တို့​သည် ဖောက်ပြန်မှားယွင်း​ပြီး မိမိ​တို့​၏​ယဇ်​များ​ကို ဆိတ်နတ်ဘုရား​များ​အား ပူဇော်​ခဲ့​ကြ​သကဲ့သို့ နောက်တစ်ဖန် မ​ပူဇော်​ရ​။ ဤသည်ကား သူ​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​”​ဟု မိန့်​တော်မူ​၏​။

တော​လည် 15:39

သင်​တို့​၌ ထို​ပန်းဖွား​ရှိ​ရ​ခြင်း​မှာ ထို​ပန်းဖွား​ကို သင်​တို့​မြင်​သောအခါ သင်​တို့​ကို​ဖောက်ပြန်မှားယွင်း​စေ​သော သင်​တို့​၏​စိတ်​အလို​၊ မျက်စိ​အလို နောက်သို့​မ​လိုက်​ဘဲ ထာဝရဘုရား​၏​ပညတ်တော်​အလုံးစုံ​ကို အောက်မေ့​၍ ပညတ်တော်​တို့​ကို ကျင့်ဆောင်​ကြ​စေရန်​ဖြစ်​၏​။