ဆာ​လံ 106:23 - မြန်​​​မာ့​​​စံ​​​မီ​​​သမ္မာ​​​ကျမ်း​​

²³ ထို့ကြောင့် ကိုယ်တော်​သည် သူ​တို့​ကို​ဖျက်ဆီး​မည်​ဟု မိန့်​တော်မူ​၏​။ သို့ရာတွင် ကိုယ်တော်​ရွေးကောက်​တော်မူ​သော မောရှေ​သည် ရှေ့​တော်​မှ ကျိုးပေါက်​မည့်​နေရာ​တွင်​ရပ်​လျက် သူ​တို့​ကို​ဖျက်ဆီး​မည့် ကိုယ်တော်​၏​အမျက်ဒေါသ​ကို တားဆီး​ခဲ့​၏​။

Common Language Bible

²³ ဘု​ရား​သ​ခင်​သည်​မိ​မိ​၏​လူ​စု​တော်​အား သုတ်​သင်​ဖျက်​ဆီး​တော်​မူ​မည်​ဟု​မိန့်​တော်​မူ သော​အ​ခါ ကိုယ်​တော်​ရွေး​ချယ်​တော်​မူ​သည့်​အ​စေ​ခံ မော​ရှေ​သည် ဆီး​တား​သ​ဖြင့် အ​မျက်​တော်​ထွက်​၍​ထို​သူ​တို့​အား​သုတ်​သင် ဖျက်​ဆီး​တော်​မ​မူ။

Garrad Bible

²³ အ မျက် တော် ကို လွှဲ ၍ ဖျက် ဆီး တော် မ မူ စေ ရန်၊ ရှေ့ တော် အပေါက် တွင်၊ ရွေး ချယ် တော် မူ သူ မော ရှေ မ ရပ် မ တန့် လျှင်၊ ပယ် ရှား မည် ကြံ ရွယ် တော် မူ ပါ ၏။

Judson Bible

²³ ထို​အ​ခါ ရွေး​ကောက်​တော်​မူ​သော​မော​ရှေ​သည် အ​မျက်​တော်​ကို​လွှဲ၍၊ ထို​သူ​တို့​ကို ဖျက်​ဆီး​တော်​မ​မူ​စေ​ခြင်း​ငှာ၊ ဖျက်​ဆီး​ရာ​အ​ရပ်၊ ရှေ့​တော်၌​မ​ရပ်​လျှင်၊ သူ​တို့​ကို ဖျက်​ဆီး​မည်​ဟု အ​ကြံ​ရှိ​တော်​မူ၏။

ဆာ​လံ 106:23 ပူးပေါင်းရင်းမြစ်များ

ယောဘဝတ္တု။ 35:8

သင်​ဆိုးယုတ်​လျှင် သင်​ကဲ့သို့သော​လူ​ကို ထိခိုက်​နိုင်​၏​။ သင်​ဖြောင့်မတ်​လျှင် လူသား​ကို အကျိုးပြု​နိုင်​၏​။

ဆာ​လံ 105:26

ကိုယ်တော်​သည် မိမိ​အစေအပါး​မောရှေ​နှင့် မိမိ​ရွေးချယ်​ထား​သော အာရုန်​တို့​ကို စေလွှတ်​တော်မူ​၏​။

ထွက်​မြောက် 32:32

သို့သော် သူ​တို့​၏​အပြစ်​ကို​ခွင့်လွှတ်​လျှင်​လည်း ခွင့်လွှတ်​တော်မူ​ပါ​။ ထိုသို့​မ​ဟုတ်​လျှင် ကိုယ်တော်​ရေးမှတ်​ထား​သော​စာရင်း​မှ အကျွန်ုပ်​ကို​ပယ်ဖျက်​တော်မူ​ပါ​”​ဟု လျှောက်​လေ​၏​။

ယေ​ရ​မိ 5:1

ဂျေရုဆလင်​မြို့​ရှိ​လမ်း​များ​ပေါ်၌ ခေါက်တုံ့ခေါက်ပြန်​သွားလာ​လျက် ကြည့်ရှု​လော့​။ ဆင်ခြင်သုံးသပ်​လော့​။ ထို​မြို့​၏​လမ်းဆုံလမ်းခွ​များ​၌ ရှာဖွေ​လော့​။ တရားမျှတ​စွာ​ပြု​သော​သူ​၊ သစ္စာတရား​ကို​ရှာဖွေ​သော​သူ​တစ်ဦးတစ်ယောက်​တွေ့​လျှင်ပင် ထို​မြို့​ကို ငါ​ခွင့်လွှတ်​မည်​။

ယေ​ဇ​ကျေ​လ 13:5

သူ​တို့​သည် ပြိုပျက်​နေ​သော​မြို့ရိုး​ကို မ​ပြုပြင်​ကြ​။ ထို့ကြောင့် ထာဝရဘုရား​၏​နေ့ရက်​တွင် အစ္စရေး​အမျိုးအနွယ်​တို့​သည် တိုက်ပွဲ​ကို ခုခံ​နိုင်​မည်​မ​ဟုတ်​။

ယေ​ဇ​ကျေ​လ 20:8

သို့သော် သူ​တို့​သည် ငါ့​စကား​ကို​နား​မ​ထောင်​၊ ငါ့​ကို​ပုန်ကန်​ကြ​၏​။ သူ​တို့​ကိုးစား​သော​ရွံရှာဖွယ်​ရာ​များ​ကို သူ​တို့​မ​ဖယ်ရှား​၊ အီဂျစ်​ရုပ်တု​တို့​ကို​လည်း မ​စွန့်ပစ်​ကြ​။ ထို့ကြောင့် ‘ငါ့​ဒေါသ​ကို သူ​တို့​အပေါ်​သွန်ချ​မည်​။ အီဂျစ်​ပြည်​တွင် သူ​တို့​ကို ငါ့​အမျက်မီး လောင်ကျွမ်း​သွား​စေ​မည်​’​ဟု ငါ​မိန့်ဆို​ခဲ့​၏​။

ယေ​ဇ​ကျေ​လ 22:30

ထို​ပြည် ဖျက်ဆီး​မ​ခံရ​အောင် မြို့ရိုး​ကို​ပြုပြင်​မည့်​သူ​၊ ထို​ပြည်​ကိုယ်စား ကျိုးပေါက်​ရာ​၌ ငါ့​ရှေ့​တွင်​ရပ်​မည့်​သူ​ကို ထို​မြို့​တွင် ငါ​ရှာ​သော်လည်း တစ်ယောက်မျှ​မ​တွေ့​။

တော​လည် 16:5

ထို့နောက် မောရှေ​က ကောရ​နှင့်​သူ​၏​အပေါင်းပါ​အားလုံး​တို့​အား “​မည်သူ​သည် ထာဝရဘုရား​၏​လူ​ဖြစ်​သည်​ကို​လည်းကောင်း​၊ မည်သူ​သည် သန့်ရှင်း​သော​သူ​ဖြစ်​သည်​ကို​လည်းကောင်း​၊ မည်သူ​သည် ကိုယ်တော်​ထံသို့​ချဉ်းကပ်​ခွင့်​ရ​မည်​ကို​လည်းကောင်း မနက်ဖြန်​နံနက် ထာဝရဘုရား​ဖော်ပြ​တော်မူ​လိမ့်မည်​။ ကိုယ်တော်​သည် မိမိ​ရွေးချယ်​တော်မူ​သော​သူ​ကို မိမိ​ထံသို့ ချဉ်းကပ်​ခွင့်​ပေး​တော်မူ​လိမ့်မည်​။

မဿဲ 12:18

“ကြည့်ရှု​လော့။ ဤ​သူ​ကား ငါ​ရွေးကောက်​သော ငါ​၏​အမှုဆောင်၊ ငါ​၏​စိတ်​ဝိညာဉ်​နှစ်သက်​သည့် ငါ​ချစ်​သော​သူ​ပေ​တည်း။ ငါ​သည် သူ့​အပေါ်၌ ငါ​၏​ဝိညာဉ်​ကို​တည်​စေ​သဖြင့် သူ​သည် လူမျိုး​တကာ​တို့​အား တရားမျှတ​မှု​ကို ကြေညာ​လိမ့်မည်။

ရှင်ယောဟန် 15:16

သင်​တို့​သည် ငါ့​ကို​ရွေးကောက်​ကြ​သည်​မ​ဟုတ်။ ငါ​သာလျှင် သင်​တို့​ကို​ရွေးကောက်​သဖြင့် သင်​တို့​သည်​သွား​လျက် အသီး​ကို​သီး​၍ သင်​တို့​၏​အသီး​တည်မြဲ​မည့်​အကြောင်း​နှင့် ငါ့​နာမ​၌ ခမည်းတော်​အား တောင်းလျှောက်​သမျှ​တို့​ကို သင်​တို့​အား ခမည်းတော်​ပေး​တော်မူ​မည့်​အကြောင်း သင်​တို့​ကို ငါ​ခန့်ထား​၏။

ရှင်ယောဟန် 15:19

သင်​တို့​သည် ဤ​လောက​နှင့်​ဆိုင်​ခဲ့​လျှင် လောကီသား​တို့​သည် မိမိ​တို့​နှင့်ဆိုင်သော​သင်​တို့​ကို ချစ်​ခဲ့​ကြ​ပေ​လိမ့်မည်။ သို့သော် သင်​တို့​သည် ဤ​လောက​နှင့်​မ​ဆိုင်။ ငါ​သည် သင်​တို့​ကို ဤ​လောက​မှ ရွေးကောက်​ခဲ့​ပြီ​ဖြစ်​သောကြောင့် လောကီသား​တို့​သည် သင်​တို့​ကို​မုန်း​ကြ​၏။

တ​ရား​ဟော 10:10

ငါ​သည် ယခင်​ကဲ့သို့ အရက်​လေးဆယ်​ပတ်လုံး တောင်​ပေါ်၌ နေ​ခဲ့​၏​။ ထို​အချိန်​၌​လည်း ထာဝရဘုရား​သည် ငါ့​စကား​ကို နားညောင်း​တော်မူ​၍ သင်​တို့​ကို မ​ဖျက်ဆီး​လို​တော့​ပေ​။

တ​ရား​ဟော 9:19

ထာဝရဘုရား​သည် သင်​တို့​ကို​ဖျက်ဆီး​ချင်​လောက်အောင် သင်​တို့​ကို အမျက်ထွက်​တော်မူ​သောကြောင့် ထို​ပြင်းစွာ​သော​အမျက်​တော်​ကို ငါ​ကြောက်ရွံ့​၏​။ ထို​အချိန်​၌​လည်း ထာဝရဘုရား​သည် ငါ​၏​စကား​ကို​နားညောင်း​တော်မူ​၏​။

တ​ရား​ဟော 9:25

ထာဝရဘုရား​သည် သင်​တို့​ကို​ဖျက်ဆီး​မည်​ဟု မိန့်​တော်မူ​သောကြောင့် ငါ​သည် ထာဝရဘုရား​ရှေ့​တော်​၌ အရက်​လေးဆယ်​ပတ်လုံး ပျပ်ဝပ်​လျက်​နေ​၏​။

ယာ​ကုပ် 5:16

သို့ဖြစ်၍ သင်​တို့​သည် ကျန်းမာ​စေ​ခြင်း​ကို​ခံရ​မည့်​အကြောင်း တစ်ဦး​နှင့်​တစ်ဦး မိမိ​၏​အပြစ်​များ​ကို​ဖော်ပြ​ဝန်ခံ​လျက် အချင်းချင်း​အတွက် ဆုတောင်း​ကြ​လော့။ ဖြောင့်မတ်​သော​သူ​၏​စိတ်အား​ထက်သန်​သည့်​ဆုတောင်း​ချက်​သည် အလွန်​တန်ခိုး​ပါ​၍ ထိရောက်​မှု​ရှိ​၏။