ဆာ​လံ 105:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ မိမိ​လူမျိုး​တော်​ကို​မုန်း​စေရန်​နှင့် မိမိ​အစေအပါး​တို့​အပေါ် ပရိယာယ်သုံး​ကြ​စေရန် ထို​ရန်သူ​တို့​၏​စိတ်နှလုံး​ကို ပြောင်းလဲ​စေ​တော်မူ​၏​။

Common Language Bible

²⁵ ကိုယ်​တော်​သည်​အီ​ဂျစ်​အ​မျိုး​သား​တို့​၏​စိတ်​ကို ပြောင်း​လဲ​စေ​သ​ဖြင့် သူ​တို့​သည်​ကိုယ်​တော်​၏​လူ​စု​တော်​အား​မုန်း​၍ လိမ်​လည်​လှည့်​ဖျား​ကြ​၏။

Garrad Bible

²⁵ လူ မျိုး တော် ကို မုန်း ထား၍၊ ကိုယ် တော်၏ ကျေး ကျွန် တို့ အား ကောက် ကျစ် စဉ်း လဲ ပြု ကြ စေ ရန်၊ ထို သူ တို့ စိတ် ပြောင်း ပြီး လျှင်၊

Judson Bible

²⁵ မိ​မိ​လူ​တို့​ကို ရန်​သူ​တို့​သည်​မုန်း၍၊ မိ​မိ​ကျွန်​တို့​ကို​ပ​ရိ​ယာယ်​ပြု​မည်​အ​ကြောင်း၊ ထို​သူ​တို့ စိတ်​နှ​လုံး​ကို ပြောင်း​လဲ​စေ​တော်​မူ၏။

ဆာ​လံ 105:25 ပူးပေါင်းရင်းမြစ်များ

ကမ္ဘာ​ဦး 15:13

ထိုအခါ ထာဝရဘုရား​က အာဗြံ​အား “​သင်​၏​သားမြေးစဉ်ဆက်​တို့​သည် မိမိ​တို့​မ​ပိုင်​သော​ပြည်​၌ ဧည့်သည်​ဖြစ်​ရ​၍ ထို​ပြည်​၌ ကျွန်ခံ​ရ​ကြ​မည်​ဖြစ်ကြောင်း​နှင့် ထို​ပြည်သား​တို့​သည် သူ​တို့​ကို အနှစ်​လေး​ရာ​ပတ်လုံး နှိပ်စက်​ကြ​မည်​ဖြစ်ကြောင်း အမှန်​သိမှတ်​လော့​။

ထွက်​မြောက် 1:16

“​သင်​တို့​သည် ဟေဗြဲ​အမျိုးသမီး​တို့​အား သားဖွား​ပေး​သောအခါ ကြည့်​၍ သားဖွားခုံ​ပေါ်၌ ယောက်ျားလေး​ဖြစ်လျှင်​သတ်​စေ​။ မိန်းကလေး​ဖြစ်လျှင်​အသက်ရှင်​စေ​”​ဟု အမိန့်ပေး​လေ​၏​။

ထွက်​မြောက် 10:1

တစ်ဖန် ထာဝရဘုရား​က မောရှေ​အား “​ဖာရော​မင်းကြီး​ထံသို့​ဝင်​လော့​။ ငါ​သည် ဖာရော​မင်းကြီး​နှင့် သူ​၏​အမှုထမ်း​တို့​ရှေ့​၌ ဤ​နိမိတ်လက္ခဏာ​များ​ကို​ပြ​ရန်​နှင့်

ထွက်​မြောက် 2:23

ကာလ​အတန်ကြာ​ပြီးနောက် အီဂျစ်​ဘုရင်​သည်​လည်း အနိစ္စရောက်​လေ​၏​။ အစ္စရေး​အမျိုးသား​တို့​သည်​လည်း ကျွန်ပြု​ခံရ​သောကြောင့် ညည်းတွား​၍ အော်ဟစ်​ကြ​၏​။ ထိုသို့ ကျွန်ပြု​ခံရ​သောကြောင့် အော်ဟစ်​သော​သူ​တို့​၏​အသံ​သည် ဘုရားသခင်​အထံ​တော်​သို့ ရောက်​လေ​၏​။

ထွက်​မြောက် 4:21

ထာဝရဘုရား​က မောရှေ​အား “​သင်​သည် အီဂျစ်​ပြည်​သို့​ပြန်​ရောက်​သောအခါ သင်​၌ ငါ​အပ်ပေး​သော အံ့ဩဖွယ်အမှု​အလုံးစုံ​တို့​ကို ဖာရော​မင်းကြီး​ရှေ့​၌​ပြု​လော့​။ သို့ရာတွင် ငါ​သည် သူ​၏​စိတ်နှလုံး​ကို မာကျော​စေ​မည်​ဖြစ်၍ သူ​သည် အစ္စရေး​လူမျိုး​တို့​ကို မ​လွှတ်​ဘဲ​နေ​လိမ့်မည်​။

ထွက်​မြောက် 9:16

အကယ်စင်စစ် သင့်​အား ငါ​၏​တန်ခိုး​ကို​ပြသ​ရန်​နှင့် မြေ​တစ်ပြင်လုံး​၌ ငါ​၏​နာမ​ကို ကြေညာ​ရန် ငါ​သည် သင့်​ကို တည်​နေ​စေ​ခြင်း​ဖြစ်​၏​။

ဒေသနာကျမ်း။ 3:8

ချစ်​ရ​သော​အချိန်​နှင့် မုန်း​ရ​သော​အချိန်​ရှိ​၏​။ စစ်တိုက်​ရ​သော​အချိန်​နှင့် စစ်ပြေငြိမ်း​ရ​သော​အချိန်​ရှိ​၏​။

တမန်တော်ဝတ္ထု 7:19

ထို​ဘုရင်​သည် ငါ​တို့​လူမျိုး​အပေါ်​ဉာဏ်ဆင်​လျက် ငါ​တို့​၏​ဘိုးဘေး​များ​ကို မတရား​နှိပ်စက်​ကာ သူ​တို့​၏​ကလေးငယ်​များ​ကို အသက်​မ​ရှင်​စေ​ရန် ပစ်​ထား​စေ​၏။

တ​ရား​ဟော 2:30

သင်​တို့​၏​ဘုရားသခင်​ထာဝရဘုရား​သည် ဟေရှဘုန်​ဘုရင်​ရှိဟုန်​မင်းကြီး​၏​စိတ်​ကို မာကျော​စေ​တော်မူ​သောကြောင့် ငါ​တို့​ကို သူ့​ပြည်​ထဲမှ ဖြတ်သွား​ခွင့်​မ​ပြု​။ ထိုသို့ သူ​၏​စိတ်နှလုံး​ကို မာကျော​စေ​ခြင်း​သည် ယနေ့​မြင်​ရ​သည့်​အတိုင်း သူ့​ကို သင်​တို့​၏​လက်​သို့​အပ်​တော်မူ​ရန်​အတွက်​ဖြစ်​၏​။