ဆာ​လံ 103:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ပဋိညာဉ်​တော်​ကို​စောင့်ထိန်း​၍ ဥပဒေသ​တို့​ကို လိုက်နာ​ရန် သတိရ​သော​သူ​တို့​အပေါ်​၌​လည်းကောင်း တည်​၏​။

Judson Bible

¹⁸ သ​စ္စာ​တော်​ကို​စောင့်၍ ပ​ညတ်​တော်​တို့​ကို​ကျင့်​ခြင်း​ငှာ၊ သ​တိ​ပြု​သော​သူ​တို့၏ သား​စဉ်​မြေး​ဆက်​တို့​သည် ကု​သ​လ​တ​ရား​တော်​နှင့် ဆိုင်​ရ​ကြ၏။

ဆာ​လံ 103:18 ပူးပေါင်းရင်းမြစ်များ

၂ ရာ​ချုပ် 34:31

ရှင်ဘုရင်​သည် မိမိ​နေရာ​တွင်​ရပ်​၍ ထာဝရဘုရား​နောက်​တော်​သို့ လိုက်​ပါ​မည်​၊ ပညတ်ချက်​များ​၊ သက်သေခံ​တော်မူ​ချက်​များ​၊ ပြဋ္ဌာန်းချက်​များ​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ စောင့်ထိန်း​ပါ​မည်​၊ ဤ​ကျမ်းစာ​တွင်​ရေးထား​သော​ပဋိညာဉ်​စကား​များ​ကို လိုက်နာ​ပါ​မည်​ဟု ထာဝရဘုရား​ရှေ့​တော်​၌ ကတိသစ္စာ​ပြု​၏​။

ဆာ​လံ 132:12

သင်​၏​သား​တို့​သည် ငါ​၏​ပဋိညာဉ်​နှင့် သူ​တို့​အား ငါ​သင်ကြား​ပေး​သော ငါ​၏​သက်သေခံချက်​တို့​ကို စောင့်ထိန်း​ကြ​လျှင် သူ​တို့​၏​သား​များ​သည်​လည်း သင်​၏​ရာဇပလ္လင်​ပေါ် အစဉ်အမြဲ​ထိုင်​ရ​ကြ​လိမ့်မည်​”​ဟူ၍​ဖြစ်​၏​။

ဆာ​လံ 25:10

ထာဝရဘုရား​၏​လမ်းစဉ်​ရှိသမျှ​တို့​သည် ကိုယ်တော်​၏​ပဋိညာဉ်​တော်​နှင့်​သက်သေခံချက်​တို့​ကို လိုက်နာကျင့်သုံး​သော​သူ​တို့​အတွက် မေတ္တာကရုဏာ​နှင့်​လည်းကောင်း​၊ သမ္မာတရား​နှင့်​လည်းကောင်း ပြည့်စုံ​တော်မူ​၏​။

ထွက်​မြောက် 19:5

ယခု သင်​တို့​သည် ငါ့​စကား​ကို​သေချာ​စွာ​နားထောင်​၍ ငါ​၏​ပဋိညာဉ်​ကို​စောင့်ထိန်း​လျှင် လူမျိုး​တကာ​တို့​တွင် သင်​တို့​သည် ငါ​ပိုင်​တော်မူ​ရာ​ဘဏ္ဍာ​တော်​ဖြစ်​ကြ​လိမ့်မည်​။ အကယ်စင်စစ် ကမ္ဘာမြေ​တစ်ခွင်လုံး​ကို ငါ​ပိုင်​၏​။

ထွက်​မြောက် 24:8

မောရှေ​သည် သွေး​ကို​ယူ​၍ လူ​တို့​အပေါ်​သို့​ဖျန်း​လျက် “​ကြည့်​လော့​။ ဤ​သွေး​ကား ဤ​စကား​တော်​အလုံးစုံ​တို့​နှင့်အညီ သင်​တို့​နှင့်​ထာဝရဘုရား​ဖွဲ့​တော်မူ​သော ပဋိညာဉ်​သွေး​ဖြစ်​၏​”​ဟု ဆို​လေ​၏​။

သုတ္တံကျမ်း။ 3:1

ငါ့​သား​၊ ငါ​၏​သွန်သင်ချက်​ကို မ​မေ့လျော့​နှင့်​။ ငါ​၏​ပညတ်ချက်​တို့​ကို​လည်း သင်​၏​စိတ်နှလုံး​သည် ထိန်းသိမ်းစောင့်ရှောက်​ပါစေ​။

ဟေ​ရှာ​ယ 64:4

ကိုယ်တော်​မှတစ်ပါး မျှော်လင့်စောင့်စား​သော​သူ​အား ကျေးဇူးပြု​ပေး​တော်မူ​သော​ဘုရား​ဟူ၍ မ​ရှိ​။ ရှိ​သည်​ဟု ရှေးကာလ​ကတည်းက မည်သူ​မျှ​မ​ကြား​ဖူး​၊ မ​သိ​ဖူး​၊ မျက်စိ​ဖြင့်​လည်း မ​မြင်​ဖူး​ပေ​။

တော​လည် 15:40

ငါ​၏​ပညတ်တော်​အလုံးစုံ​ကို အောက်မေ့​၍ ကျင့်ဆောင်​ခြင်း​ဖြင့် သင်​တို့​သည် သင်​တို့​၏​ဘုရားသခင်​အတွက် သန့်ရှင်း​သော​သူ​များ​ဖြစ်​ကြ​လိမ့်မည်​။

မဿဲ 28:20

သင်​တို့​အား ငါ​ပညတ်​ထား​သမျှ​သော​အရာ​အားလုံး​တို့​ကို​စောင့်ထိန်း​ရန် သူ​တို့​ကို သွန်သင်​ကြ​လော့။ ငါ​သည်​လည်း ကပ်ကမ္ဘာ​ကုန်ဆုံး​သည့်​တိုင်အောင် သင်​တို့​နှင့်အတူ အစဉ်မပြတ်​ရှိ​၏”​ဟု မိန့်​တော်မူ​၏။

လုကာ 1:6

သူ​တို့​နှစ်ဦးစလုံး​သည် ထာဝရ​ဘုရား​၏​ပညတ်​တော်​နှင့်​ပြဋ္ဌာန်း​ချက်​ရှိသမျှ​တို့​ကို တစ်သဝေမတိမ်း​လိုက်လျှောက်​လျက် ဘုရားသခင်​ရှေ့​တော်​၌ ဖြောင့်မတ်​သော​သူ​များ​ဖြစ်​ကြ​၏။

တမန်တော်ဝတ္ထု 24:16

ထို့ကြောင့် အကျွန်ုပ်​သည် ဘုရားသခင်​ရှေ့၊ လူ​တို့​ရှေ့တွင် အပြစ်တင်​စရာ​ကင်း​သော အသိစိတ်​အမြဲ​ထားရှိ​ရန် ကြိုးစား​အားထုတ်​ပါ​သည်။

တ​ရား​ဟော 4:23

သင်​တို့​နှင့် သင်​တို့​၏​ဘုရားသခင်​ထာဝရဘုရား ဖွဲ့​တော်မူ​သော​ပဋိညာဉ်​ကို မ​မေ့လျော့​ရန်​၊ သင်​တို့​၏​ဘုရားသခင်​ထာဝရဘုရား​တားမြစ်​ထား​သော မည်သည့်​ပုံသဏ္ဌာန်​ကို​မျှ သင်​တို့​အဖို့ ရုပ်တုဆင်းတု​အဖြစ်​မ​လုပ်​ရန် သတိပြု​ကြ​လော့​။

တ​ရား​ဟော 7:12

သင်​သည် ဤ​စီရင်ထုံးဖွဲ့ချက်​တို့​ကို ကြားနာ​၍ လိုက်နာ​စောင့်ထိန်း​လျှင် သင်​၏​ဘုရားသခင်​ထာဝရဘုရား​သည် သင့်​ဘိုးဘေး​တို့​အား​ကျိန်ဆို​တော်မူ​ခဲ့​သည့်​ပဋိညာဉ်​နှင့် မေတ္တာကရုဏာ​ကို သင့်​အပေါ်​တွင် တည်​စေ​တော်မူ​မည်​။

တ​ရား​ဟော 7:9

သို့ဖြစ်၍ သင်​၏​ဘုရားသခင်​ထာဝရဘုရား​သာလျှင် ဘုရား​ဖြစ်​တော်မူ​ပြီး ကိုယ်တော်​ကို​ချစ်​သော​သူ​တို့​နှင့် ပညတ်တော်​တို့​ကို​စောင့်ထိန်း​သော​သူ​တို့​အပေါ် မျိုးဆက်​တစ်ထောင်​တိုင်အောင် ပဋိညာဉ်​တည်​၍ မေတ္တာကရုဏာ​ကို ပြ​တော်မူ​သည့် သစ္စာရှိ​သော​ဘုရား​ဖြစ်​တော်မူ​ကြောင်း​၊

၁ သက် 4:1

နောက်ဆုံး​အနေဖြင့်​ဆိုရလျှင် ညီအစ်ကို​တို့၊ သင်​တို့​သည် ဘုရားသခင်​ကို​နှစ်သက်​စေ​ရန် မည်ကဲ့သို့​အသက်ရှင်​လျှောက်လှမ်း​ရ​မည်​ကို ငါ​တို့​ထံမှ​နည်းခံ​ကြ​ပြီး ထို​အတိုင်း​အသက်ရှင်​လျှောက်လှမ်း​ကြ​သည့်​နည်းတူ ပို၍​ပြည့်စုံ​စွာ ကြိုးစား​အားထုတ်​ကြ​ရန် သင်​တို့​အား သခင်​ယေရှု​၏​နာမ​တော်​၌ ငါ​တို့​တိုက်တွန်း​နှိုးဆော်​လျက် တောင်းပန်​ကြ​၏။