ဂ​လာ​တိ 6:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ မိမိ​သွေးသား​ဇာတိ​၌​စိုက်ပျိုး​သော​သူ​သည် သွေးသား​ဇာတိ​ထံမှ ပျက်စီး​ခြင်း​ကို ရိတ်သိမ်း​ရ​လိမ့်မည်။ ဝိညာဉ်​တော်​၌​စိုက်ပျိုး​သော​သူ​မူကား ဝိညာဉ်​တော်​ထံမှ ထာဝရ​အသက်​ကို ရိတ်သိမ်း​ရ​လိမ့်မည်။

Common Language Bible

⁸ လူ့​ဇာ​တိ​မြေ​၌​မျိုး​ကြဲ​သော​သူ​သည်​သေ​ခြင်း​ကို ရိတ်​သိမ်း​ရ​လိမ့်​မည်။ ဝိ​ညာဉ်​တော်​မြေ​၌​မျိုး​ကြဲ​သူ သည်​ဝိ​ညာဉ်​တော်​မှ ထာ​ဝ​ရ​အ​သက်​ကို​ရိတ်​သိမ်း ရ​လိမ့်​မည်။-

Garrad Bible

⁸ ရုပ် ခ န္ဓာ အ လို့ ငှာ စိုက် ပျိုး သူ သည် ရုပ် ခ န္ဓာ ဆိုင် ရာ ပုပ် ပျက် ခြင်း ကို၄င်း၊ ဝိ ညာဉ် တော် အ လို့ ငှာ စိုက် ပျိုး သူ သည် ဝိ ညာဉ် တော် မှ ထာ ဝ ရ အ သက် ရှင် ခြင်း ကို၄င်း၊ ရိတ် သိမ်း ရ လိမ့် မည်။

Judson Bible

⁸ မိ​မိ​ဇာ​တိ​ပ​က​တိ၌ မျိုး​စေ့​ကြဲ​သော​သူ​သည် ဇာ​တိ​ပ​က​တိ​အား​ဖြင့် ပုပ်​ပျက်​ခြင်း​အ​သီး​အ​နှံ​ကို ရိတ်​ရ​လိမ့်​မည်။ ဝိ​ညာဉ်​ပ​က​တိ၌ မျိုး​စေ့​ကြဲ​သော​သူ​သည် ဝိ​ညာဉ်​ပ​က​တိ​အား​ဖြင့် ထာ​ဝ​ရ​အ​သက်​ရှင်​ခြင်း အ​သီး​အ​နှံ​ကို ရိတ်​ရ​လိမ့်​မည်။-

ခေတ်သစ်​မြန်မာ သမ္မာကျမ်း

⁸ လူ့​ဗီဇစိတ်​ကို အလို​လိုက်​၍ စိုက်ပျိုးသောသူ​သည် ဗီဇစိတ်​မှ ပျက်စီးခြင်း​ကို ရိတ်သိမ်းရ​လိမ့်မည်။ ဝိညာဉ်တော်​၏ အလိုတော်​အတိုင်း စိုက်ပျိုးသောသူ​သည် ဝိညာဉ်တော်​ထံမှ ထာဝရ​အသက်​ကို ရိတ်သိမ်းရ​လိမ့်မည်။

ဂ​လာ​တိ 6:8 ပူးပေါင်းရင်းမြစ်များ

ယောဘဝတ္တု။ 4:8

ငါ​သတိပြု​မိ​သည်​မှာ အပြစ်ဒုစရိုက်​ကို​ထွန်ယက်​၍ အခက်အခဲ​ပြဿနာ​ကို​ကြဲ​သော​သူ​သည် ထို​အရာ​တို့​ကို ပြန်​ရိတ်သိမ်း​ရ​တတ်​၏​။

သုတ္တံကျမ်း။ 11:18

ဆိုးယုတ်​သော​သူ​သည် လှည့်ဖြား​သော​အဖိုးအခ​ကို​ရ​တတ်​၏​။ ဖြောင့်မတ်​ခြင်း​မျိုးစေ့​ကို​ကြဲ​သော​သူ​မူကား မှန်ကန်​သော​အကျိုး​ကို​ရ​တတ်​၏​။

သုတ္တံကျမ်း။ 22:8

မတရားမှု​မျိုးစေ့​ကို​ကြဲ​သော​သူ​သည် ဆင်းရဲဒုက္ခ​ကို​ရိတ်သိမ်း​ရ​၍ သူ​၏​ဒေါသ​ကြိမ်လုံး​သည် ပျက်စီး​သွား​လိမ့်မည်​။

ဒေသနာကျမ်း။ 11:6

နံနက်အချိန်​၌ သင်​၏​မျိုးစေ့​ကို​ကြဲ​လော့​။ ညနေခင်း​၌​လည်း သင်​၏​လက်​ကို​အနား​မ​ပေး​နှင့်​။ အကြောင်းမူကား မည်သည်​က​အောင်မြင်​မည်နည်း​။ ဤသည်လော​၊ ထိုသည်လော​၊ သို့မဟုတ် နှစ်ခုစလုံး​အညီအမျှ ကောင်း​မည်လော​ဟူ၍ သင်​မ​သိ​နိုင်​။

ဟေ​ရှာ​ယ 32:20

ရေ​ရှိ​ရာ​အရပ်ရပ်​တို့​၌ မျိုးစေ့ကြဲ​၍ နွား​၊ မြည်း​တို့​၏​ခြေ​ကို လွှတ်ပေး​သော​သင်​တို့​သည် မင်္ဂလာ​ရှိ​ကြ​၏​။

ယေ​ရ​မိ 12:13

သူ​တို့​သည် ဂျုံစေ့​ကို​ကြဲ​သော်လည်း ဆူးပင်​များ​ကို​သာ ရိတ်သိမ်း​ရ​၏​။ ပင်ပန်း​စွာ​ကြိုးစား​ကြ​သော်လည်း အကျိုး​မ​ခံစား​ရ​ကြ​။ ထာဝရဘုရား​၏​ပြင်းထန်​သော​အမျက်​တော်​ကြောင့် သူ​တို့​သည် အရှက်ကွဲ​ခြင်း​သီးနှံ​ကို ရိတ်သိမ်း​ရ​လိမ့်မည်​။

ဟော​ရှေ 10:13

သင်​တို့​သည် ဆိုးယုတ်မှု​ကို စိုက်ပျိုး​သောကြောင့် မတရားမှု​ကို​ရိတ်သိမ်း​ရ​၏​။ မုသား​အသီး​ကို စား​ရ​၏​။ အကြောင်းမှာ ကိုယ့်​နည်းလမ်း​၊ ကိုယ့်​စစ်သူရဲ​အလုံးအရင်း​ကို​သာ ယုံကြည်အားကိုး​ကြ​၏​။

ဟော​ရှေ 8:7

သူ​တို့​သည် လေ​ကို​ကြဲ​သဖြင့် လေပွေ​ကို​သာ ရိတ်​ရ​လိမ့်မည်​။ ကောက်ပဲသီးနှံ​တို့​လည်း အညှောက်​မ​ထွက်​။ ထွက်​ပြန်​လျှင်​လည်း အသီး​မ​သီး​။ သီး​ပြန်​လျှင်​လည်း သူစိမ်း​လူ​တို့ စား​သွား​လိမ့်မည်​။

မဿဲ 19:29

ငါ​၏​နာမ​ကြောင့် အိမ်​ကို​ဖြစ်စေ၊ ညီအစ်ကို​မောင်နှမ​များ​ကို​ဖြစ်စေ၊ အဖ​ကို​ဖြစ်စေ၊ အမိ​ကို​ဖြစ်စေ၊ သားသမီး​များ​ကို​ဖြစ်စေ၊ မြေယာ​များ​ကို​ဖြစ်စေ စွန့်​သော​သူ​တိုင်း​သည် အဆ​တစ်ရာ​သော​အကျိုး​ကို​ခံစားရ​လျက် ထာဝရ​အသက်​ကို​အမွေ​ဆက်ခံ​ရ​လိမ့်မည်။

မဿဲ 25:46

ထိုအခါ ဤ​သူ​တို့​သည် ထာဝရ​အပြစ်ဒဏ်​ခံ​ရာ​သို့ သွား​ကြ​လိမ့်မည်။ ဖြောင့်မတ်​သော​သူ​တို့​မူကား ထာဝရ​အသက်ရှင်​ရာ​သို့ သွား​ကြ​လိမ့်မည်”​ဟု မိန့်​တော်မူ​၏။

လုကာ 18:30

ယခု​ဘဝ​၌ အဆ​ပေါင်း​များစွာ​သော​အကျိုး​ကို​လည်းကောင်း၊ နောင်​ဘဝ​၌ ထာဝရ​အသက်​ကို​လည်းကောင်း မ​ရ​ဘဲ​နေ​မည့်​သူ​တစ်စုံတစ်ဦး​မျှ​မ​ရှိ”​ဟု မိန့်​တော်မူ​၏။

ရှင်ယောဟန် 4:14

ငါ​ပေး​မည့်​ရေ​ကို​သောက်​သော​သူ​မူကား ကာလ​အစဉ်အဆက် မည်သည့်​အခါ​မျှ ရေငတ်​မည်​မ​ဟုတ်။ ထိုထက်မက ငါ​ပေး​မည့်​ရေ​သည် ထို​သူ​၌ ထာဝရ​အသက်​တိုင်အောင် ရေ​ပန်းထွက်​ရာ စမ်းရေ​ပေါက်​ဖြစ်​လိမ့်မည်”​ဟု ပြန်​၍​မိန့်​တော်မူ​၏။

ရှင်ယောဟန် 4:36

မျိုးကြဲ​သော​သူ​နှင့်​ရိတ်သိမ်း​သော​သူ​သည် အတူတကွ​ဝမ်းမြောက်​ကြ​မည့်​အကြောင်း ရိတ်သိမ်း​သော​သူ​သည် ဆုလာဘ်​ကို​ရရှိ​လျက် ထာဝရ​အသက်​အတွက် အသီးအနှံ​ကို​စုသိမ်း​နှင့်​ပြီ။

ရှင်ယောဟန် 6:27

ပျက်စီး​တတ်​သော​အစားအစာ​အတွက်​မ​ဟုတ်​ဘဲ လူ့သား​သည် သင်​တို့​ကို​ပေး​မည့် ထာဝရ​အသက်​တိုင်အောင်​တည်မြဲ​သော​အစားအစာ​အတွက် လုပ်ဆောင်​ကြ​လော့။ အကြောင်းမူကား ခမည်းတော်​ဘုရား​သည် ထို​လူ့သား​ကို တံဆိပ်​ခတ်နှိပ်​တော်မူ​၏”​ဟု ပြန်​၍​မိန့်​တော်မူ​၏။

ရော​မ 13:14

သခင်​ယေရှု​ခရစ်တော်​ကို ဝတ်ဆင်​ကြ​လော့။ သွေးသား​ဇာတိ​၏​တပ်မက်​ခြင်း​ကို​ဖြည့်ဆည်း​ရန် မ​ကြံစည်​ကြ​နှင့်။

ရော​မ 6:13

သင်​တို့​၏​ကိုယ်အင်္ဂါ​များ​ကို​လည်း မတရားမှု​၏​လက်နက်​များ​အဖြစ် အပြစ်​အား မ​ဆက်သ​ကြ​နှင့်။ ထိုသို့​ပြု​မည့်​အစား သေ​သော​သူ​တို့​ထဲမှ အသက်ရှင်​လာ​သူ​ကဲ့သို့ မိမိကိုယ်ကို ဘုရားသခင်​အား ဆက်သ​၍ သင်​တို့​၏​ကိုယ်အင်္ဂါ​များ​ကို ဖြောင့်မတ်​ခြင်း​၏​လက်နက်​များ​အဖြစ် ဘုရားသခင်​အား ဆက်သ​ကြ​လော့။

ရော​မ 6:23

အကြောင်းမှာ အပြစ်​၏​အခ​သည် သေ​ခြင်း​ဖြစ်​၏။ ဘုရားသခင်​ပေး​တော်မူ​သော​ဆု​ကျေးဇူး​မူကား ငါ​တို့​၏​သခင်​ခရစ်တော်​ယေရှု​အားဖြင့် ထာဝရ​အသက်​ဖြစ်​၏။

ရော​မ 8:11

ထိုမျှမက ယေရှု​ကို သေ​သော​သူ​တို့​ထဲမှ ထမြောက်​စေ​တော်မူ​သော​ဘုရားရှင်​၏​ဝိညာဉ်​တော်​သည် သင်​တို့​အထဲ၌​ကိန်းဝပ်​တော်မူ​လျှင် ခရစ်တော်​ကို သေ​သော​သူ​တို့​ထဲမှ​ထမြောက်​စေ​တော်မူ​သော​ဘုရားရှင်​သည် သင်​တို့​အထဲ၌​တည်​နေ​သော မိမိ​၏​ဝိညာဉ်​တော်​အားဖြင့် သေ​တတ်​သော သင်​တို့​၏​ကိုယ်ခန္ဓာ​ကို​လည်း အသက်ရှင်​စေ​တော်မူ​လိမ့်မည်။

ရော​မ 8:13

အဘယ်ကြောင့်​ဆိုသော် သင်​တို့​သည် သွေးသား​ဇာတိ​အလို​အတိုင်း​အသက်ရှင်​လျှင် သေ​ကြ​ရ​မည်။ သို့သော် ဝိညာဉ်​တော်​အားဖြင့် ကိုယ်ခန္ဓာ​၏​လုပ်ဆောင်​မှု​များ​ကို​သေ​စေ​လျှင် သင်​တို့​သည် အသက်ရှင်​ကြ​လိမ့်မည်။

ရော​မ 8:6

သွေးသား​ဇာတိ​နှင့်ဆိုင်သော​စိတ်သဘော​သည် သေ​ခြင်း​ဖြစ်​၏။ ဝိညာဉ်​တော်​နှင့်ဆိုင်သော​စိတ်သဘော​မူကား အသက်ရှင်​ခြင်း​နှင့်​ငြိမ်သက်​ခြင်း​ဖြစ်​၏။

၁ ကော 15:42

သေလွန်​သော​သူ​တို့​၏​ရှင်ပြန်​ထမြောက်​ခြင်း​သည်​လည်း ထိုနည်းတူ​ဖြစ်​၏။ ဖောက်ပြန်​ပျက်စီး​တတ်​သော​အရာ​အဖြစ် စိုက်ပျိုး​ခြင်း​ခံရ​၍ ဖောက်ပြန်​ပျက်စီး​ခြင်း​နှင့်​ကင်း​သော​အရာ​အဖြစ် ထမြောက်​စေ​ခြင်း​ကို​ခံရ​၏။

ဂ​လာ​တိ 6:7

အယူ​မ​လွဲ​ကြ​နှင့်။ ဘုရားသခင်​သည် မထီလေးစား​ပြု​ခြင်း​ကို​ခံ​တော်​မ​မူ။ အကြောင်းမူကား လူ​သည် တစ်စုံတစ်ခု​ကို​စိုက်ပျိုး​လျှင် ၎င်း​ကို ပြန်လည်​ရိတ်သိမ်း​ရ​လိမ့်မည်။

၁ တိ 1:16

သို့သော် ငါ​သည် ကရုဏာ​တော်​ကို​ခံစား​ရ​သည့်​အကြောင်းမှာ ခရစ်တော်​ယေရှု​သည် အဆိုးဆုံး​ဖြစ်​သော​ငါ​၌ ခပ်သိမ်း​သော​စိတ်ရှည်​သည်းခံ​ခြင်း​ကို​ပြသ​တော်မူ​ခြင်း​အားဖြင့် ကိုယ်တော်​ကို​ယုံကြည်​၍ ထာဝရ​အသက်​ရရှိ​မည့်​သူ​များ​အတွက် ငါ့​ကို​စံနမူနာ​ဖြစ်​စေရန်​ဖြစ်​၏။

တိ​တု 3:7

ဤသည်ကား ငါ​တို့​သည် ကိုယ်တော်​၏​ကျေးဇူး​တော်​အားဖြင့် ဖြောင့်မတ်​သည်​ဟု​အသိအမှတ်ပြု​ခြင်း​ခံရ​လျက် ထာဝရ​အသက်​ကို​မျှော်လင့်​ခြင်း​အားဖြင့် အမွေခံ​ဖြစ်လာ​ကြ​မည့်​အကြောင်း​တည်း။

ယာ​ကုပ် 3:18

ငြိမ်းချမ်း​မှု​ကို​ဖြစ်​စေ​သော​သူ​တို့​သည် ဖြောင့်မတ်​ခြင်း​အသီး​၏​မျိုးစေ့​ကို ငြိမ်းချမ်း​စွာ​ကြဲ​တတ်​ကြ​၏။

၂ ပေ 2:12

သို့သော် သူ​တို့​သည် ဖမ်းဆီး​ခြင်း​နှင့်​ဖျက်ဆီး​ခြင်း​ခံရ​ရန်​အတွက် ပေါက်ဖွား​လာ​သည့် ဘာသာဘာဝ​ဆင်ခြင်​ဉာဏ်​မ​ရှိ​သော တိရစ္ဆာန်​များ​ကဲ့သို့​ဖြစ်​ကြ​ပြီး မိမိ​တို့​နား​မ​လည်​သည့်​အရာ​များ​ကို စော်ကား​ပြောဆို​တတ်​ကြ​၏။ သူ​တို့​သည် ထို​တိရစ္ဆာန်​များ​ပျက်စီး​သကဲ့သို့ ပျက်စီး​သွား​၍

၂ ပေ 2:19

သူ​တို့​သည် ထို​သူ​တို့​အား လွတ်လပ်​မှု​ကို​ပေး​မည်​ဟု ကတိ​ပေး​လျက်​နှင့် သူ​တို့​ကိုယ်တိုင်​သည် ပျက်စီး​ခြင်း​၏​ကျေးကျွန်​များ​ဖြစ်​ကြ​၏။ အကြောင်းမူကား လူ​သည် တစ်စုံတစ်ခု​၏​အနိုင်ယူ​စိုးမိုး​ခြင်း​ကို​ခံရ​လျှင် ထို​အရာ​၏​ကျေးကျွန်​ဖြစ်​၏။

ယု​ဒ 1:21

ဘုရားသခင်​၏​မေတ္တာ​တော်​၌ မိမိကိုယ်ကို​စောင့်ထိန်း​၍ ထာဝရ​အသက်​သို့​ပို့ဆောင်​သည့် ငါ​တို့​သခင်​ယေရှု​ခရစ်တော်​၏​ကရုဏာ​တော်​ကို စောင့်မျှော်​ကြ​လော့။

ဗျာ​ဒိတ် 22:11

မတရား​သဖြင့်​ပြု​သော​သူ​သည် ဆက်၍​မတရား​သဖြင့်​ပြု​ပါစေ။ ညစ်ညူး​သော​သူ​သည် ဆက်၍​ညစ်ညူး​လျက်​နေ​ပါစေ။ ဖြောင့်မတ်​သော​သူ​သည် ဆက်၍​ဖြောင့်မတ်​သော​အမှု​ကို​ပြု​ပါစေ။ သန့်ရှင်း​သော​သူ​သည် ဆက်၍​သန့်ရှင်း​ခြင်း​ရှိ​ပါစေ”​ဟု ငါ့​အား​ဆို​၏။