ဂ​လာ​တိ 1:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ မိမိ​၏​သား​တော်​အကြောင်း​ကို လူမျိုးခြား​တို့​တွင်​ဟောပြော​စေရန်​အတွက် ထို​သား​တော်​ကို ငါ့​အား​ဖော်ပြ​ရန် အလိုရှိ​တော်မူ​သောအခါ ငါ​သည် အသွေး​အသား​နှင့်​တိုင်ပင်​ခြင်း​ကို​မ​ပြု။

Judson Bible

¹⁶ သား​တော်၏ ဧ​ဝံ​ဂေ​လိ​တ​ရား​ကို တစ်​ပါး​အ​မျိုး​သား​တို့၌ ဟော​ပြော​စေ​မည်​အ​ကြောင်း၊ မိ​မိ​အ​လို​တော် နှင့်​အ​ညီ သား​တော်​ကို ငါ့​အား ပြ​တော်​မူ​သော​အ​ခါ၊ ငါ​သည်​အ​သွေး​အ​သား​နှင့် တိုင်​ပင်​ခြင်း​ကို​မ​ပြု။-

ခေတ်သစ်​မြန်မာ သမ္မာကျမ်း

¹⁶ ထို့နောက် သားတော်​၏ သတင်းကောင်း​ကို လူမျိုးခြားတို့​ထံ ဟောပြော​နိုင်ရန် အလိုတော်​နှင့်​အညီ ကျွန်ုပ်​ကို သားတော်​နှင့် သိကျွမ်းစေတော်မူ၏။ ထိုအခါ ကျွန်ုပ်​သည် မည်သူ့​ထံက​မျှ အကြံဉာဏ်​မတောင်းခဲ့။

ဂ​လာ​တိ 1:16 ပူးပေါင်းရင်းမြစ်များ

မဿဲ 16:17

ထိုအခါ ယေရှု​က“ဗာယောန​ရှိမုန်၊ သင်​သည် မင်္ဂလာရှိ​၏။ အကြောင်းမူကား ဤ​အရာ​ကို အသွေး​အသား​က သင့်​အား ဖွင့်ပြ​သည်​မ​ဟုတ်​ဘဲ ကောင်းကင်​ဘုံ​၌​ရှိ​တော်မူ​သော​ငါ့​ခမည်းတော်​က ဖွင့်ပြ​တော်မူ​၏။

မဿဲ 26:41

ဖြားယောင်း​သွေးဆောင်​ရာ​ထဲသို့ မ​ကျရောက်​စေရန် သတိ​နှင့်​စောင့်​နေ​လျက် ဆုတောင်း​ကြ​လော့။ စိတ်​ဝိညာဉ်​သည် ထက်သန်​သော်လည်း ကိုယ်ကာယ​မူကား အားနည်း​၏”​ဟု မိန့်​တော်မူ​၏။

တမန်တော်ဝတ္ထု 22:21

ထိုအခါ ကိုယ်တော်​က‘သွား​လော့။ ငါ​သည် သင့်​ကို လူမျိုးခြား​တို့​ရှိ​ရာ ဝေး​သော​အရပ်​သို့ စေလွှတ်​မည်’​ဟု အကျွန်ုပ်​အား မိန့်​တော်မူ​သည်”​ဟု ဆို​လေ​၏။

တမန်တော်ဝတ္ထု 5:42

ထို့နောက် သူ​တို့​သည် နေ့စဉ်​နေ့တိုင်း ဗိမာန်​တော်​၌​လည်းကောင်း၊ အိမ်​များ​၌​လည်းကောင်း အစဉ်မပြတ်​သွန်သင်​လျက် ယေရှု​သည် ခရစ်တော်​ဖြစ်​သည်​ဟူသော​ကောင်းမြတ်​သော​သတင်း​ကို ဟောပြော​ကြ​၏။

တမန်တော်ဝတ္ထု 9:15

သို့သော် သခင်​ဘုရား​က“သွား​လော့။ ဤ​သူ​ကား လူမျိုးခြား​များ၊ ရှင်ဘုရင်​များ​နှင့် အစ္စရေး​အမျိုးသား​များ​ရှေ့​သို့ ငါ​၏​နာမ​ကို​ယူဆောင်​သွား​ရန် ငါ​ရွေးကောက်​ထား​သော​တန်ဆာပလာ​ဖြစ်​၏။

တမန်တော်ဝတ္ထု 9:20

ဝတ်ပြု​စည်းဝေး​ကျောင်း​များ​၌ ယေရှု​သည် ဘုရားသခင်​၏​သား​တော်​ဖြစ်​ကြောင်း ချက်ချင်း​ဟောပြော​လေ​၏။

ရော​မ 1:5

ထို​သခင်​၏​နာမ​တော်​အတွက် လူမျိုး​အပေါင်း​တို့​ထဲတွင် ယုံကြည်​ခြင်း​နှင့်ဆိုင်သော​နာခံ​မှု​ရှိ​စေရန် ကျေးဇူး​တော်​ကို​လည်းကောင်း၊ တမန်တော်​ဖြစ်​ခြင်း​အခွင့်​ကို​လည်းကောင်း ကိုယ်တော်​အားဖြင့် ငါ​တို့​ရရှိ​ကြ​၏။

ရော​မ 11:13

ထို့ကြောင့် လူမျိုးခြား​ဖြစ်​သော​သင်​တို့​အား ငါ​ပြော​လို​သည်​မှာ ငါ​သည် လူမျိုးခြား​နှင့်ဆိုင်သော တမန်တော်​ဖြစ်​သည့်​အလျောက် ငါ​၏​အမှု​တော်​လုပ်ငန်း​ကို ဂုဏ်ယူ​လျက်

၁ ကော 15:50

ညီအစ်ကို​တို့၊ ငါ​ဆို​သည်​ကား အသွေး​အသား​သည် ဘုရားသခင်​၏​နိုင်ငံ​တော်​ကို အမွေ​ဆက်ခံ​၍​မ​ရ​နိုင်။ ဖောက်ပြန်​ပျက်စီး​တတ်​သော​အရာ​သည်​လည်း ဖောက်ပြန်​ပျက်စီး​ခြင်း​နှင့်​ကင်း​သော​အရာ​ကို အမွေ​ဆက်ခံ​၍​မ​ရ​နိုင်။

၂ ကော 4:6

“အမှောင်​ထဲမှ အလင်း​ထွန်းလင်း​စေ”​ဟု မိန့်​တော်မူ​သော​ဘုရားသခင်​သည် ယေရှု​ခရစ်တော်​၏​မျက်နှာ​တော်​၌​ထွန်းလင်း​သည့် ဘုရားသခင်​၏​ဘုန်း​တော်​ကို​သိ​သော​ဉာဏ်​အလင်းရောင်​အား ငါ​တို့​စိတ်နှလုံး​ထဲ၌ ထွန်းလင်း​စေ​တော်မူ​၏။

၂ ကော 5:16

ထို့ကြောင့် ယခု​မှစ၍ ငါ​တို့​သည် မည်သူ့​ကို​မျှ သွေးသား​ဇာတိ​သဘော​ဖြင့် မ​သိမှတ်​တော့​ပေ။ ငါ​တို့​သည် ခရစ်တော်​ကို သွေးသား​ဇာတိ​သဘော​ဖြင့် သိမှတ်​ခဲ့​လျှင်​လည်း ယခု​တွင် ထိုသို့​မ​သိမှတ်​တော့​ပေ။

ဂ​လာ​တိ 2:1

ထို့နောက် တစ်ဆယ့်လေး​နှစ်​ကြာ​သောအခါ ငါ​သည် တိတု​ကို​ခေါ်​၍ ဗာနဗ​နှင့်အတူ ဂျေရုဆလင်​မြို့​သို့ တစ်ဖန်​သွား​ခဲ့​၏။

ဧ​ဖက် 3:1

ထို​အကြောင်း​ကြောင့် ငါ​ပေါလု​သည် သင်​တို့​လူမျိုးခြား​များ​အတွက် ခရစ်တော်​ယေရှု​နှင့်ဆိုင်သော​အကျဉ်းသား​ဖြစ်​၏။

ဧ​ဖက် 6:12

အကြောင်းမူကား ငါ​တို့​သည် အသွေး​အသား​ရှိ​သော​သူ​ကို ရင်ဆိုင်​တိုက်ခိုက်​နေ​ကြ​သည်​မ​ဟုတ်။ အုပ်ချုပ်မှု​များ၊ အာဏာစက်​များ၊ ဤ​လောကီ​မှောင်မိုက်​ခြင်း​ကို အစိုးတရ​ပြု​သော​မင်း​များ၊ အထက်​ကောင်းကင်​အရပ်​၌​ရှိ​သည့် ဆိုးညစ်​သော​ဝိညာဉ်​တန်ခိုး​များ​နှင့် ရင်ဆိုင်​တိုက်ခိုက်​နေ​ကြ​ခြင်း​ဖြစ်​၏။

တ​ရား​ဟော 33:9

သူ​တို့​သည် ကိုယ်တော်​၏​စကား​တော်​ကို​လိုက်နာ​၍ ကိုယ်တော်​၏​ပဋိညာဉ်​ကို​စောင့်ထိန်း​သောကြောင့် ကိုယ့်​မိဘ​ကို​ပင်လျှင် ‘သူ​တို့​ကို ငါ​ဂရု​မ​စိုက်’​ဟု ဆို​၏​။ မိမိ​ညီအစ်ကို​ကို​လည်း အသိအမှတ်​မ​ပြု​၊ မိမိ​သားသမီး​တို့​ကို​လည်း မသိကျိုးကျွန်​ပြု​၏​။

၁ သက် 2:16

လူမျိုးခြား​တို့​ကယ်တင်​ခြင်း​ရရှိ​ရန် ငါ​တို့​ဟောပြော​သည်​ကို တားမြစ်​ကာ မိမိ​တို့​အပြစ်​များ​ကို အစဉ်အမြဲ​ဖြည့်ဆည်း​ကြ​၏။ သို့ဖြစ်၍ အမျက်​တော်​သည် သူ​တို့​အပေါ်သို့ အဆုံးစွန်​သက်ရောက်​လေ​၏။

၁ တိ 2:7

ငါ​သည် ထို​သက်သေခံ​ချက်​အတွက် သံတော်ဆင့်​နှင့်​တမန်တော်​အဖြစ်​လည်းကောင်း၊ ယုံကြည်​ခြင်း​နှင့်​သမ္မာတရား​တို့​ကို လူမျိုးခြား​တို့​အား သွန်သင်​သော​ဆရာ​အဖြစ်​လည်းကောင်း ခန့်အပ်​ထား​ခြင်း​ခံရ​၏။ ငါ​သည် မုသား​မ​ပါ ဟုတ်မှန်​ရာ​ကို​ပြော​၏။

၂ တိ 1:11

ငါ​သည် ထို​ကောင်းမြတ်​သော​သတင်း​အတွက် သံတော်ဆင့်​အဖြစ်​လည်းကောင်း၊ တမန်တော်​အဖြစ်​လည်းကောင်း၊ ဆရာ​အဖြစ်​လည်းကောင်း ခန့်အပ်​ထား​ခြင်း​ခံရ​၏။

ဟေ​ဗြဲ 2:14

ထို​သားသမီး​အားလုံး​တို့​သည် အသွေး​အသား​ရှိ​ကြ​သည်​ဖြစ်၍ ကိုယ်တော်​သည်​လည်း သူ​တို့​နည်းတူ ထို​အသွေး​အသား​ကို မျှဝေ​ခံယူ​တော်မူ​၏။ ဤသည်ကား အသေခံ​တော်မူ​ခြင်း​အားဖြင့် သေ​ခြင်း​၏​တန်ခိုး​အရှိန်အဝါ​ကို​ပိုင်​သော​သူ​ဖြစ်​သည့် မာရ်နတ်​ကို ဖျက်ဆီး​လျက်