ကော​လော​သဲ 4:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ အာခိပ္ပု​အား “သခင်​ဘုရား​၌​ရရှိ​ထား​သော​အမှု​တော်​လုပ်ငန်း​ကို အလေး​ဂရုပြု​လျက် ပြီးမြောက်​အောင်​ဆောင်ရွက်​ပါ”​ဟု ပြောကြား​ကြ​လော့။

Common Language Bible

¹⁷ သ​ခင်​ဘု​ရား​ပေး​အပ်​ခြင်း​ခံ​ရ​သည့်​အ​မှု​တော် ကို​အ​ပြီး​တိုင်​ဆောင်​ရွက်​ရန်​အာ​ခိပ္ပု​အား​ပြော ကြား​ကြ​လော့။

Garrad Bible

¹⁷ အ ရှင် ဘု ရား ရှေ့ ခံ ရ သော အ မှု တော် ကို ဂ ရု ပြု ဆောင် ရွက် ရန် အာ ခိ ပ္ပု အား ကြား ပြော ကြ လော့။

Judson Bible

¹⁷ အာ​ခိ​ပ္ပု​ကို​လည်း၊ သင်​သည် သ​ခင်​ဘု​ရား၏ လက်​တော်​မှ ခံ​ရ​ပြီး​သော ဓ​မ္မ​ဆ​ရာ၏​အ​မှု​အ​ရာ​ကို ပြည့်​စုံ​ခြင်း​ငှာ သ​တိ​ပြု​ပါ​ဟု ပြော​ကြ​လော့။

ခေတ်သစ်​မြန်မာ သမ္မာကျမ်း

¹⁷ “သခင်ဘုရား ပေးအပ်တော်မူသော အမှုတော်​ကို ပြီးစီးအောင် ဆောင်ရွက်ပါ” ဟု အာခိပ္ပု​ကို ပြောကြလော့။

ကော​လော​သဲ 4:17 ပူးပေါင်းရင်းမြစ်များ

၂ ရာ​ချုပ် 29:11

ငါ့​သား​တို့​၊ ယခု မ​ပေါ့ဆ​ကြ​နှင့်​။ ထာဝရဘုရား​ရှေ့​တော်​တွင် ရပ်​၍​အမှု​တော်​ထမ်းဆောင်​ရန်​နှင့် ရှေ့​တော်​တွင် အမှု​တော်​ဆောင်​အဖြစ် နံ့သာပေါင်း​မီးရှို့ပူဇော်​ရန်​အတွက် သင်​တို့​ကို ထာဝရဘုရား ရွေးချယ်​တော်မူ​ပြီ​”​ဟု မိန့်ဆို​၏​။

ဝတ်​ပြု 10:3

ထိုအခါ မောရှေ​က အာရုန်​အား “​ထာဝရဘုရား​က ‘​ငါ့​ထံသို့​ချဉ်းကပ်​သော​သူ​တို့​အား ငါ​သန့်ရှင်း​ကြောင်း ငါ​ထင်ရှား​ပြ​မည်​။ လူ​အပေါင်း​တို့​ရှေ့​၌ ငါ​သည် ဘုန်းအသရေ​ရှိ​မည်​’​ဟူ၍ မိန့်ဆို​ခဲ့​သည်​မှာ ဤ​အမှု​ကို​ဆိုလို​၏​”​ဟု ဆို​သော် အာရုန်​သည် တိတ်ဆိတ်​နေ​လေ​၏​။

တော​လည် 18:5

သင်​တို့​သာ​လျှင် သန့်ရှင်းရာဌာန​၏​အမှုကိစ္စ​၊ ယဇ်ပလ္လင်​၏​အမှုကိစ္စ​တို့​ကို ဆောင်ရွက်​ရ​မည်​။ သို့မှ နောက်တစ်ဖန် အစ္စရေး​အမျိုးသား​တို့​အပေါ်​သို့ အမျက်​တော်​မ​သက်ရောက်​ဘဲ​နေ​လိမ့်မည်​။

မဿဲ 25:17

ထိုနည်းတူ နှစ်​တာလန်​ရ​သော​သူ​သည်​လည်း နောက်ထပ် နှစ်​တာလန်​အမြတ်​ရ​လေ​၏။

တမန်တော်ဝတ္ထု 1:17

အကြောင်းမူကား ယုဒ​သည် ငါ​တို့​ထဲ၌​ထည့်သွင်း​ရေတွက်​ခြင်း​ခံရ​ပြီး ဤ​အမှု​တော်​လုပ်ငန်း​တွင် ပါဝင်​ခွင့်​ကို​ရရှိ​ခဲ့​၏။

တမန်တော်ဝတ္ထု 14:23

အသင်းတော်​တိုင်း​တွင်​လည်း သူ​တို့​အတွက် အသင်းတော်​အကြီးအကဲ​များ​ကို​ခန့်ထား​၍ အစာရှောင်​လျက် ဆုတောင်း​ကြ​ကာ သူ​တို့​ယုံကြည်​သော​သခင်​ဘုရား​ထံသို့ သူ​တို့​ကို​အပ်နှံ​ကြ​၏။

တမန်တော်ဝတ္ထု 20:28

သင်​တို့​သည် မိမိတို့ကိုယ်ကို​လည်းကောင်း၊ သိုးစု​အားလုံး​ကို​လည်းကောင်း ဂရုစိုက်​ကြ​လော့။ ကိုယ်တော်​၏​သွေး​တော်​နှင့်​ဝယ်ယူ​ထား​သော ဘုရားသခင်​၏​အသင်းတော်​ကို သင်​တို့​အုပ်ထိန်း​စေရန် ထို​သိုးစု​ကို​ကြီးကြပ်​သူ​အဖြစ် သန့်ရှင်း​သော​ဝိညာဉ်​တော်​သည် သင်​တို့​ကို​ခန့်အပ်​ထား​တော်မူ​၏။

ဧ​ဖက် 4:11

ထို့နောက် ကိုယ်တော်​သည် အချို့​တို့​ကို တမန်တော်​အရာ​၌​လည်းကောင်း၊ အချို့​တို့​ကို ပရောဖက်​အရာ​၌​လည်းကောင်း၊ အချို့​တို့​ကို ကောင်းမြတ်​သော​သတင်း​ဟောပြော​သူ​အရာ​၌​လည်းကောင်း၊ အချို့​တို့​ကို သင်းအုပ်​အရာ​နှင့်​ဆရာ​အရာ​၌​လည်းကောင်း ခန့်ထား​တော်မူ​၏။

၁ တိ 4:14

အသင်းတော်​အကြီးအကဲ​များ​၏​လက်​တင်​ခြင်း​နှင့်တကွ ပရောဖက်ပြု​ဟောပြော​ခြင်း​အားဖြင့် သင့်​အပေါ်​ပေးအပ်​ထား​၍ သင်​၌​ရှိ​သည့်​ဆု​ကျေးဇူး​ကို လျစ်လျူ​မ​ရှု​နှင့်။

၁ တိ 4:16

သင့်ကိုယ်သင်​သော်လည်းကောင်း၊ သင်​၏​သွန်သင်​ချက်​ကို​သော်လည်းကောင်း ဂရုစိုက်​၍ ထို​သွန်သင်ချက်​တို့​၌ အမြဲ​တည်​နေ​လော့။ အကြောင်းမူကား သင်​သည် ထိုသို့​ပြု​ခြင်း​ဖြင့် သင့်ကိုယ်သင်​နှင့် သင့်​ကို​နားထောင်​သော​သူ​တို့​ကို ကယ်တင်​လိမ့်မည်။

၁ တိ 4:6

ဤ​အကြောင်းအရာ​များ​ကို ညီအစ်ကို​တို့​အား​ညွှန်ပြ​လျှင် သင်​သည် ယုံကြည်​ခြင်း​နှင့်ဆိုင်သော​တရား​စကား​နှင့် သင်​လိုက်လျှောက်​သည့် ကောင်း​သော​သွန်သင်​ချက်​၏​တရား​စကား​တို့​ဖြင့် ပြုစု​ပျိုးထောင်​ခြင်း​ကို​ခံရ​လျက် ခရစ်တော်​ယေရှု​၏​ကောင်း​သော​အစေခံ​ဖြစ်​လိမ့်မည်။

၁ တိ 6:20

အို တိမောသေ၊ သင်​၌​အပ်​ထား​သည့်​အရာ​ကို စောင့်ရှောက်​လော့။ ဘုရား​တရား​နှင့်​မ​ဆိုင်​သည့် အကျိုးမဲ့​သော​စကား​များ​နှင့် အသိပညာ​ဟု လွဲမှား​စွာ​ခေါ်ဝေါ်​ကြ​သည့် ကွဲလွဲ​ဆန့်ကျင်​သော​အရာ​များ​ကို ရှောင်ရှား​လော့။

၂ တိ 1:6

ထို့ကြောင့် ငါ​လက်​တင်​သော​အားဖြင့် သင်​ရရှိ​သော​ဘုရားသခင်​၏​ဆု​ကျေးဇူး​ကို ပြန်လည်​လှုံ့ဆော်​ရန် သင့်​ကို ငါ​သတိပေး​၏။

၂ တိ 2:2

များစွာ​သော​သက်သေ​တို့​ရှေ့၌ ငါ့​ထံမှ ကြားနာ​ရ​သော​အရာ​တို့​ကို အခြား​သူ​တို့​အား​လည်း သင်ကြား​ပေး​နိုင်စွမ်း​ရှိ​သည့် သစ္စာရှိ​သော​သူ​တို့​၌ ပေး​အပ်​လော့။

ဖိ​လေ​မုန် 1:2

ငါ​တို့​နှမ​အပ္ပိ၊ ငါ​တို့​၏​ရဲဘော်ရဲဘက်​အာခိပ္ပု​နှင့် သင်​၏​အိမ်​၌​စုဝေး​သော​အသင်းတော်​ထံသို့ စာ​ရေး​လိုက်​ပါ​၏။