ကော​လော​သဲ 1:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ ထို​နှုတ်ကပတ်​တော်​သည် ရှေး​ကာလ​များ​မှစ၍ ခေတ်ကာလ​အစဉ်အဆက်​ဝှက်​ထား​ခြင်း​ခံရ​သော်လည်း ယခု​အခါ မိမိ​၏​သန့်ရှင်း​သူ​တို့​အား ဖွင့်ပြ​တော်မူ​သည့် လျှို့ဝှက်​နက်နဲ​သော​အရာ​ဖြစ်​၏။

Common Language Bible

²⁶ ကိုယ်​တော်​သည်​ထို​နက်​နဲ​ရာ​ကို​ကမ္ဘာ​မြေ​ပေါ် ရှိ​လူ​သား​အ​ပေါင်း​တို့​အား လွန်​ခဲ့​သော​ခေတ် ကာ​လ​များ​တွင်​သိ​ခွင့်​ပေး​တော်​မ​မူ​ခဲ့​သော် လည်း ယ​ခု​အ​ခါ​မိ​မိ​၏​လူ​စု​တော်​အား ဖော်​ပြ​တော်​မူ​လေ​ပြီ။-

Garrad Bible

^26-27 ကာ လ အ စဉ် လူ မျိုး အ ဆက် ဆက် မှ ထိမ် ချန် တော် မူ သော် လည်း ယ ခု လူ မျိုး ခြား တို့ ဘောင် တွင် ထို တ ရား တော် တည်း ဟူ သော နက် နဲ ရာ သည် မည် မျှ ဘုန်း တန် ခိုး နှင့် ကြွယ် ဝ ကြောင်း ကို ဖော် ပြ လို တော် မူ သည့် အ လျောက် သီး သန့် ထား တော် မူ သူ တို့ အား ဘု ရား သ ခင် ထင် ရှား စေ တော် မူ ပြီ။ ထို နက် နဲ ရာ ကား ဘုန်း တော့် ဆိုင် ရာ မျှော် လင့် ခြင်း အ ကြောင်း အ ဖြစ် သင် တို့ အ ဇ္စျ တ္တ တွင် စံ နေ တော် မူ သော ခ ရစ် တော် တည်း။

ခေတ်သစ်​မြန်မာ သမ္မာကျမ်း

²⁶ ထို​နှုတ်ကပတ်​တရားတော်​သည် ခေတ်​အစဉ်အဆက် ဝှက်ထားတော်မူခဲ့သည့် လျှို့ဝှက်နက်နဲသော​အရာ ဖြစ်​သော်လည်း ယခု​တွင်မူ ကိုယ်တော်​သည် ယုံကြည်သူများ​ကို ဖွင့်ပြတော်မူပြီ။

ကော​လော​သဲ 1:26 ပူးပေါင်းရင်းမြစ်များ

ဆာ​လံ 25:14

ထာဝရဘုရား​သည် မိမိ​ကို​ကြောက်ရွံ့​သော​သူ​တို့​နှင့်​ရင်းနှီးကျွမ်းဝင်​တော်မူ​၏​။ မိမိ​၏​ပဋိညာဉ်​တော်​ကို​လည်း သူ​တို့​အား သိ​စေ​တော်မူ​၏​။

မဿဲ 13:11

ကိုယ်တော်​က​လည်း“သင်​တို့​အား ကောင်းကင်​နိုင်ငံ​တော်​၏​လျှို့ဝှက်​နက်နဲ​သော​အရာ​များ​ကို သိ​ခွင့်​ပေး​ထား​သော်လည်း သူ​တို့​ကို​မူကား သိ​ခွင့်​မ​ပေး​ထား​သောကြောင့်​ဖြစ်​၏။

မဿဲ 20:7

ထို​သူ​တို့​က​လည်း ‘မည်သူမျှ အကျွန်ုပ်​တို့​ကို မ​ငှား​သောကြောင့်​ဖြစ်​ပါ​သည်’​ဟု ဖြေ​ကြ​လျှင် ခြံ​ပိုင်ရှင်​က ‘သင်​တို့​သည်​လည်း စပျစ်ခြံ​သို့​သွား​ကြ​လော့’​ဟု ဆို​လေ​၏။

ရှင်မာကု 4:11

ကိုယ်တော်​က​လည်း“သင်​တို့​အား ဘုရားသခင်​၏​နိုင်ငံ​တော်​နှင့်​ဆိုင်​သည့် လျှို့ဝှက်​နက်နဲ​သော​အရာ​ကို သိ​ခွင့်​ပေး​ထား​၏။ အပြင်​လူ​တို့​အတွက်​မူကား အရာရာ​ကို ပုံ​ဥပမာ​များ​ဖြင့်​ဖော်ပြ​ရ​၏။

လုကာ 8:10

ကိုယ်တော်​က​လည်း“သင်​တို့​အား ဘုရားသခင်​၏​နိုင်ငံ​တော်​နှင့်ဆိုင်သည့် လျှို့ဝှက်​နက်နဲ​သော​အရာ​များ​ကို သိ​ခွင့်​ပေး​ထား​၏။ အခြား​သော​သူ​တို့​မူကား မြင်​လျက်​ပင် မ​မြင်​စေရန်​နှင့် ကြား​လျက်​ပင် နား​မ​လည်​စေရန် သူ​တို့​အား ပုံ​ဥပမာ​များ​ဖြင့်​ဟောပြော​ရ​၏။

၁ ကော 2:7

ငါ​တို့​ပြောဆို​သော​အရာ​မှာ ဝှက်​ထား​ခြင်း​ခံရ​သည့် လျှို့ဝှက်​နက်နဲ​သော​အရာ​တည်းဟူသော ဘုရားသခင်​၏​ဉာဏ်ပညာ​ပင်​ဖြစ်​၏။ ဘုရားသခင်​သည် ကမ္ဘာ​မ​တည်​မ​ရှိ​မီ​က​ပင် ထို​ဉာဏ်ပညာ​ကို ငါ​တို့​၏​ဘုန်း​အသရေ​အတွက် ကြိုတင်​သတ်မှတ်​ထား​တော်မူ​၏။

ကော​လော​သဲ 2:2

ဤသည်ကား သူ​တို့​သည် စိတ်နှလုံး​နှစ်သိမ့်​မှု​ကို​ခံစား​ရ​၍ ချစ်​ခြင်း​မေတ္တာ​၌ ပေါင်းစည်း​ခြင်း​ခံရ​ကာ ဉာဏ်စွမ်း​နှင့်ဆိုင်သော​စိတ်ချမှု​နှင့်​ကြွယ်ဝ​ပြည့်စုံ​သဖြင့် ဘုရားသခင်​၏​လျှို့ဝှက်​နက်နဲ​သော​အရာ​တည်းဟူသော ခရစ်တော်​ကို​သိ​ကြ​မည့်​အကြောင်း​တည်း။

ကော​လော​သဲ 4:3

ဘုရားသခင်​သည် နှုတ်ကပတ်​တရား​အတွက် တံခါး​ကို​ဖွင့်​ပေး​တော်မူ​သဖြင့် ခရစ်တော်​၏​လျှို့ဝှက်​နက်နဲ​သော​အရာ​ကို ငါ​တို့​ဟောပြော​နိုင်​ရန် ငါ​တို့​အတွက်​လည်း ဆုတောင်း​ပေး​ကြ​လော့။ ငါ​သည် ထို​နက်နဲ​သော​အရာ​ကြောင့် ချည်နှောင်​ခြင်း​ခံရ​၏။

၂ တိ 1:10

ထို​ကျေးဇူး​တော်​သည် ငါ​တို့​၏​ကယ်တင်ရှင်​ခရစ်တော်​ယေရှု ပေါ်ထွန်း​တော်မူ​ခြင်း​အားဖြင့် ယခု​ထင်ရှား​လေ​ပြီ။ ခရစ်တော်​သည် သေ​ခြင်း​ကို​ပယ်ဖျက်​၍ အသက်​နှင့်တကွ ဖောက်ပြန်​ပျက်စီး​ခြင်း​နှင့်​ကင်း​သော​အရာ​တို့​ကို ကောင်းမြတ်​သော​သတင်း​အားဖြင့် အလင်း​သို့​ယူဆောင်​လာ​၏။