ကမ္ဘာ​ဦး 9:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ မိုးတိမ်​၌ သက်တံ​ပေါ်လာ​သောအခါ ထို​သက်တံ​ကို​ငါ​ကြည့်​၍ ဘုရားသခင်​နှင့် မြေကြီး​ပေါ်​ရှိ သတ္တဝါ​အမျိုးမျိုး​တည်းဟူသော သက်ရှိသတ္တဝါ​အပေါင်း​တို့​ကြား​၌ ငါ​ပြု​သော ထာဝရ​ပဋိညာဉ်​ကို ငါ​အောက်မေ့​မည်​”​ဟု မိန့်​တော်မူ​၏​။

Common Language Bible

¹⁶ တိမ်​များ​ထဲ​၌​သက်တံ့​ပေါ်​လာ​သော​အ​ခါ ထို​သက်​တံ့​ကို​ငါ​မြင်​ရ​၍ ကမ္ဘာ​မြေ​ကြီး​ပေါ်​ရှိ​သက်​ရှိ​သတ္တ​ဝါ​အ​ပေါင်း​တို့​နှင့်​ငါ​ထာ​ဝ​စဉ်​ပြု​သော​ပ​ဋိ​ညာဉ်​ကို​သ​တိ​ရ​မည်' ဟူ​၍​ဖြစ်​သည်။-

Garrad Bible

¹⁶ မိုး တိမ်၌ ရှိ သော သက် တံ့ ကို ငါ ရှု မြင် သ ဖြင့် ငါ ဘု ရား နှင့် မြေ ကြီး ပေါ်၌ သက် ရှိ သ တ္တ ဝါ အ ပေါင်း တို့ စပ် ကြား မှာ ပြု ခဲ့ သော ထာ ဝ ရ ပ ဋိ ညာ ဥ် ကို ငါ အောက် မေ့ မည် ဟု မိန့် တော် မူ ၏။

Judson Bible

¹⁶ မိုး​တိမ်၌ သက်​တံ​ရှိ​သည်​ကို ငါ​ကြည့်​ရှု​သ​ဖြင့်၊ ဘု​ရား​သ​ခင်​နှင့် မြေ​ကြီး​ပေါ်​မှာ အ​သက်​ရှင်​သော​သ​တ္တ​ဝါ​တိ​ရ​စ္ဆာန်​အ​ပေါင်း​တို့ စပ်​ကြား​မှာ​ရှိ​သော ထာ​ဝ​ရ​ပ​ဋိ​ညာဉ်​ကို ငါ​အောက်​မေ့​မည်။

ကမ္ဘာ​ဦး 9:16 ပူးပေါင်းရင်းမြစ်များ

ကမ္ဘာ​ဦး 17:13

သင်​၏​အိမ်​၌​မွေးဖွား​သော​သူ​ဖြစ်စေ​၊ သင်​၏​ငွေ​ဖြင့်​ဝယ်ထား​သော​သူ​ဖြစ်စေ အရေဖျားလှီး​ခြင်း​ကို မုချ​ခံရ​မည်​။ ဤသို့အားဖြင့် ငါ​၏​ပဋိညာဉ်​သည် ထာဝရ​ပဋိညာဉ်​အဖြစ် သင်​တို့​၏​အသား​တွင်​တည်​လိမ့်မည်​။

ကမ္ဘာ​ဦး 17:19

ဘုရားသခင်​က​လည်း “​မှန်​ပေ​၏​။ သို့သော် သင်​၏​မယား​စာရာ​သည် သင့်​အတွက် သား​ကို​မွေးဖွား​လိမ့်မည်​။ သင်​သည် သူ​၏​အမည်​ကို ဣဇက်​ဟု မှည့်ခေါ်​ရ​မည်​။ ငါ​သည် ငါ​၏​ပဋိညာဉ်​ကို သူ​၌​တည်​စေ​၍ နောင်လာမည့် သူ​၏​သားစဉ်မြေးဆက်​တို့​အတွက် ထာဝရ​ပဋိညာဉ်​ဖြစ်​စေ​မည်​။

ကမ္ဘာ​ဦး 17:7

ငါ​သည် သင်​မှစ၍ နောင်လာမည့် သင့်​သားစဉ်မြေးဆက်​၏​ဘုရားသခင်​ဖြစ်​မည့်​အကြောင်း ငါ​၏​ပဋိညာဉ်​ကို ငါ​နှင့်​သင်​ကြား​၌​လည်းကောင်း​၊ နောင်လာမည့် သင့်​သားစဉ်မြေးဆက်​ကြား​၌​လည်းကောင်း တည်​စေ​၍ သူ​တို့​၏​မျိုးဆက်​အစဉ်အဆက်​တို့​၌ ထာဝရ​ပဋိညာဉ်​ဖြစ်​စေ​မည်​။

ကမ္ဘာ​ဦး 9:17

ထို့နောက် ဘုရားသခင်​က “​ဤသည်ကား ငါ​နှင့် မြေကြီး​ပေါ်​ရှိ​သတ္တဝါ​အပေါင်း​တို့​ကြား​၌ ငါ​တည်​စေ​သော​ပဋိညာဉ်​၏​အမှတ်လက္ခဏာ​ဖြစ်​၏​”​ဟု နောဧ​အား မိန့်​တော်မူ​၏​။

၂ ရာ 23:5

အကယ်စင်စစ် ငါ​၏​အမျိုးအနွယ်​သည် ဘုရားသခင်​ရှေ့​တော်​၌ ထိုသို့​ဖြစ်​သည်​မ​ဟုတ်​လော​။ ကိုယ်တော်​သည် ထာဝရ​ပဋိညာဉ်​ကို ငါ​နှင့် ဖွဲ့​တော်မူ​သည်​မ​ဟုတ်​လော​။ အလုံးစုံ​ကို စီရင်​တော်မူ​ပြီ​ဖြစ်၍ စိတ်ချလုံခြုံ​ရ​ပါ​၏​။ ငါ့​ကို အကြွင်းမဲ့​ကယ်တင်​တော်မူ​ပြီ​။ အလုံးစုံ​သော​ဆန္ဒ​တို့​ကို ဖြည့်ဆည်း​ပေး​တော်မူ​ပြီ​။

ဟေ​ရှာ​ယ 55:3

ငါ့​စကား​ကို နားထောင်​ကြ​လော့​။ ငါ့​ထံသို့​လာ​ကြ​လော့​။ သင်​တို့​၏​စိတ်ဝိညာဉ် အသက်ရှင်​မည့်​အကြောင်း နားထောင်​ကြ​လော့​။ ဒါဝိဒ်​အပေါ်​ထားရှိ​သော မြဲမြံ​သည့်​မေတ္တာကရုဏာ​နှင့်အညီ ထာဝရ​ပဋိညာဉ်​ကို သင်​တို့​နှင့်​ငါ​ပြု​မည်​။

ယေ​ရ​မိ 32:40

သူ​တို့​ကို မ​စွန့်ပစ်​ဘဲ အစဉ်​ကောင်းစား​စေ​မည့်​အကြောင်း ငါ​သည် သူ​တို့​နှင့် ထာဝရ​ပဋိညာဉ်​ဖွဲ့​မည်​။ သူ​တို့​သည် ငါ့​ထံမှ မ​ထွက်သွား​မည့်​အကြောင်း ငါ့​ကို​ကြောက်ရွံ့ရိုသေ​ခြင်း​သဘော​ကို သူ​တို့​စိတ်နှလုံး​ထဲသို့ သွင်းပေး​မည်​။

ယေ​ဇ​ကျေ​လ 34:26

သူ​တို့​နှင့်တကွ သူ​တို့​ကျက်စား​ရာ​ငါ့​တောင်​ပတ်ပတ်လည်​ကို ကောင်းချီးမင်္ဂလာ​ချပေး​မည်​။ ရာသီ​အလိုက် မိုး​ရွာသွန်း​စေ​မည်​။ ကောင်းချီးမိုး​ကို ရွာသွန်း​စေ​မည်​။

ယေ​ဇ​ကျေ​လ 37:26

ငါ​သည် သူ​တို့​နှင့် ငြိမ်သက်​ခြင်း​ပဋိညာဉ်​ကို​ဖွဲ့​၍ ထို​ပဋိညာဉ်​သည် ထာဝရ​ပဋိညာဉ်​ဖြစ်​မည်​။ သူ​တို့​ကို နေရာချ​ထား​မည်​။ သူ​တို့​ကို တိုးပွား​စေ​မည်​။ ငါ​၏​သန့်ရှင်းရာဌာန​ကို သူ​တို့​အလယ်​တွင် အစဉ်​တည်​စေ​မည်​။

ဟေ​ဗြဲ 13:20

ထာဝရ​ပဋိညာဉ်​နှင့်ဆိုင်သော​သွေး​တော်​အားဖြင့် သိုး​တို့​၏​သိုးထိန်း​ကြီး​ဖြစ်​တော်မူ​သော ငါ​တို့​သခင်​ယေရှု​ကို သေ​သော​သူ​တို့​ထဲမှ ခေါ်ထုတ်​တော်မူ​သည့် ငြိမ်သက်​ခြင်း​အရှင်​ဘုရားသခင်​သည်