ကမ္ဘာ​ဦး 6:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ ကြည့်ရှု​လော့​။ သက်ရှိ​သတ္တဝါ​အပေါင်း​တို့​ကို ကောင်းကင်​အောက်​မှ ဖျက်ဆီး​ရန် ငါ​ကိုယ်တိုင် မြေကြီး​ပေါ်တွင် ရေ​လွှမ်းမိုးမှု​ဖြစ်​စေ​မည်​။ မြေကြီး​ပေါ်မှာ​ရှိသမျှ​တို့​သည် သေ​ကြ​ရ​မည်​။

Common Language Bible

¹⁷ သက်​ရှိ​သတ္တ​ဝါ​ရှိ​သ​မျှ​တို့​ကို​သေ​ကြေ​ပျက် စီး​စေ​ရန် ကမ္ဘာ​မြေ​ကြီး​ပေါ်​မှာ​ရေ​လွှမ်း​မိုး​စေ မည်။ ကမ္ဘာ​မြေ​ကြီး​ပေါ်​တွင်​ရှိ​ရှိ​သ​မျှ​တို့​သေ ကြေ​ပျက်​စီး​ရ​မည်။-

Garrad Bible

¹⁷ ကောင်း ကင် အောက် မှ သ ဇီ၀ သက် ရှိ သ တ္တ ဝါ တ ကာ တို့ ကို ဖျက် ဆီး ခြင်း ငှါ မြေ ကြီး ပေါ် မှာ ရေ လွှမ်း မိုး သည့် ဘေး ကို ငါ မု ချ သင့် စေ သ ဖြင့် မြေ ကြီး ပေါ် ရှိ သ မျှ သည် သေ ရ ကြ မည်။

Judson Bible

¹⁷ အ​သက်​ရှင်​သော သ​တ္တ​ဝါ​အ​ပေါင်း​တို့​ကို၊ ကောင်း​ကင်​အောက်​မှ ငါ့​ကိုယ်​တိုင်​ပယ်​ရှင်း​ခြင်း​ငှာ၊ မြေ​ကြီး​ကို ရေ​လွှမ်း​မိုး​စေ​သ​ဖြင့်၊ မြေ​ပေါ်​မှာ​ရှိ​သ​မျှ​တို့​သည် သေ​ရကြ​မည်။

ကမ္ဘာ​ဦး 6:17 ပူးပေါင်းရင်းမြစ်များ

ကမ္ဘာ​ဦး 2:7

ထို့နောက် ထာဝရအရှင်​ဘုရားသခင်​သည် မြေမှုန့်​ဖြင့် လူ​ကို​ပုံဖော်ဖန်ဆင်း​၍ သူ​၏​နှာခေါင်း​ထဲသို့ ဇီဝ​အသက်​ကို မှုတ်သွင်း​တော်မူ​ရာ လူ​သည် သက်ရှိသတ္တဝါ​ဖြစ်လာ​၏​။

ကမ္ဘာ​ဦး 6:13

ဘုရားသခင်​က နောဧ​အား “​လူ​အပေါင်း​တို့​၏​အဆုံး​သည် ငါ့​ရှေ့မှောက်​သို့​ရောက်လာ​ပြီ​။ အကြောင်းမူကား မြေကြီး​သည် သူ​တို့​ကြောင့် ရက်စက်ကြမ်းကြုတ်မှု​နှင့် ပြည့်နှက်​လျက်​ရှိ​၏​။ ကြည့်ရှု​လော့​။ ငါ​သည် သူ​တို့​ကို မြေကြီး​နှင့်အတူ​ဖျက်ဆီး​မည်​။

ကမ္ဘာ​ဦး 6:16

သင်္ဘော​အတွက် အမိုး​လုပ်​၍ ၎င်း​ကို ကိုယ်ထည်​အထက် တစ်တောင်​အမြင့်​တွင်​ရှိ​စေ​ရ​မည်​။ သင်္ဘော​၏​နံဘေး​တွင် တံခါးပေါက်​ကို လုပ်​ရ​မည်​။ သင်္ဘော​ကို ပထမ​ထပ်​၊ ဒုတိယ​ထပ်​နှင့်​တတိယ​ထပ်​ဟူ၍ သုံး​ထပ်​တည်ဆောက်​ရ​မည်​။

ကမ္ဘာ​ဦး 6:7

ထို့ကြောင့် ထာဝရဘုရား​က “​ငါ​ဖန်ဆင်း​သော​လူ​ကို​လည်းကောင်း​၊ လူ​မှစ၍ တိရစ္ဆာန်​များ​၊ တွားသွားသောတိရစ္ဆာန်​များ​နှင့် မိုးကောင်းကင်​ငှက်​များ​ကို​လည်းကောင်း မြေပြင်​ပေါ်​မှ ငါ​သုတ်သင်ပယ်ရှင်း​မည်​။ အကြောင်းမူကား သူ​တို့​ကို ဖန်ဆင်း​ခဲ့​သည်​ကို ငါ​ဝမ်းနည်း​၏​”​ဟု မိန့်​တော်မူ​၏​။

ကမ္ဘာ​ဦး 7:15

ဤသို့ဖြင့် သက်ရှိ​သတ္တဝါ​အပေါင်း​တို့​သည် တစ်စုံစီ​၊ တစ်စုံစီ နောဧ​ရှိ​ရာ​သင်္ဘော​ထဲသို့ ဝင်​ကြ​၏​။

ကမ္ဘာ​ဦး 7:17

ရေလွှမ်းမိုးမှု​သည် မြေကြီး​ပေါ်မှာ အရက်​လေးဆယ်​ပတ်လုံး​ဖြစ်ပွား​၏​။ ရေ​သည် တိုးလာ​၍ သင်္ဘော​ကို​ပင့်မ​သဖြင့် သင်္ဘော​သည် မြေကြီး​ပေါ်​မှ​ကွာမြောက်​လေ​၏​။

ကမ္ဘာ​ဦး 7:4

အကြောင်းမူကား နောက်​ခုနစ်​ရက်​ပြည့်​လျှင် ငါ​သည် အရက်​လေးဆယ်​ပတ်လုံး မြေကြီး​ပေါ်တွင်​မိုးရွာ​စေ​၍ ငါ​ဖန်ဆင်း​သော​သတ္တဝါ​အပေါင်း​တို့​ကို မြေပြင်​ပေါ်​မှ ငါ​သုတ်သင်ပယ်ရှင်း​မည်​”​ဟု မိန့်​တော်မူ​၏​။

ကမ္ဘာ​ဦး 9:9

“​ကြည့်ရှု​လော့​။ ငါ​သည် သင်​တို့​၌​လည်းကောင်း​၊ နောင်လာမည့် သင်​တို့​၏​သားစဉ်မြေးဆက်​တို့​၌​လည်းကောင်း​၊

ယောဘဝတ္တု။ 22:16

ထို​သူ​တို့​သည် အချိန်​မတိုင်မီ ဖျက်ဆီး​ခြင်း ခံရ​နိုင်​၏​။ သူ​တို့​ရပ်တည်​ရာ​မဏ္ဍိုင်​သည်​လည်း ရေစုန်မျော​သွား​နိုင်​၏​။

ဆာ​လံ 107:34

အသီးအနှံ​ဖြစ်ထွန်း​သော​မြေ​ကို ဆားမြေ​အဖြစ်​သို့​လည်းကောင်း ပြောင်းလဲ​စေ​တော်မူ​၏​။ ထိုသို့​ပြု​တော်မူ​ခြင်း​မှာ ထို​အရပ်​၌​နေထိုင်​သော​သူ​တို့​၏​မကောင်းမှု​ကြောင့်​ဖြစ်​၏​။

ဆာ​လံ 29:10

ထာဝရဘုရား​သည် လွှမ်းမိုး​သော​ရေပြင်​အထက်​တွင် စိုးစံ​တော်မူ​၏​။ ထာဝရဘုရား​သည် ရှင်ဘုရင်​အဖြစ် အစဉ်အမြဲ​စိုးစံ​တော်မူ​၏​။

ထွက်​မြောက် 14:17

ငါ​သည် အီဂျစ်​လူမျိုး​တို့​၏​စိတ်နှလုံး​ကို မာကျော​စေ​သဖြင့် သူ​တို့​သည် အစ္စရေး​အမျိုးသား​တို့​နောက်သို့​လိုက်​ကြ​လိမ့်မည်​။ ထိုအခါ ငါ​သည် ဖာရော​မင်းကြီး​မှစ၍ သူ​၏​စစ်သည်​ရှိသမျှ​၊ သူ​၏​စစ်ရထား​များ​၊ သူ​၏​မြင်းစီးသူရဲ​များ​အားဖြင့် ဘုန်းထင်ရှား​လိမ့်မည်​။

ဟေ​ရှာ​ယ 51:12

ထာဝရဘုရား​က “​ငါ​သာလျှင် သင်​တို့​ကို​နှစ်သိမ့်​ပေး​သော​သူ​ဖြစ်​၏​။ သေမျိုး​ဖြစ်​သော​လူ​၊ မြက်ပင်​ကဲ့သို့​ဖြစ်​သည့်​လူသား​ကို သင်​အဘယ်ကြောင့်​ကြောက်ရွံ့​သနည်း​။

ဟေ​ရှာ​ယ 54:9

သင့်​ကို​သနားစုံမက်​တော်မူ​သော​ထာဝရဘုရား​က “​ဤ​အမှု​သည် နောဧ​လက်ထက် ရေလွှမ်းမိုး​သကဲ့သို့​ဖြစ်​၏​။ နောဧ​လက်ထက်​၌ ရေလွှမ်းမိုး​သကဲ့သို့ ကမ္ဘာမြေကြီး​ကို နောက်တစ်ဖန်​ရေ​မ​လွှမ်းမိုး​ရ​ဟု ငါ​ကျိန်ဆို​ခဲ့​သည့်​နည်းတူ သင့်​ကို​အမျက်​မ​ထွက်​၊ အပြစ်တင်ဆုံးမ​ခြင်း​လည်း​မ​ပြု​ဟု ငါ​ကျိန်ဆို​၏​။

ယေ​ဇ​ကျေ​လ 34:11

ထို့ကြောင့် ဘုရားရှင်​ထာဝရဘုရား​က ‘ငါ​ကိုယ်တိုင် ငါ့​သိုး​တို့​ကို လိုက်လံ​ရှာဖွေ​မည်​။

ယေ​ဇ​ကျေ​လ 34:20

သို့ဖြစ်၍ ဘုရားရှင်​ထာဝရဘုရား​က သူ​တို့​အား ‘ကြည့်ရှု​လော့​။ ဆူဖြိုး​သော​သိုး​နှင့် ပိန်လှီ​သော​သိုး​တို့​အမှု​ကို ငါ​ကိုယ်တိုင်​စီရင်​မည်​။

ယေ​ဇ​ကျေ​လ 5:8

ထို့ကြောင့် ဘုရားရှင်​ထာဝရဘုရား​က ‘ငါ​ကိုယ်တိုင် သင့်​ကို​စီရင်​မည်​။ လူမျိုးတကာ​တို့​ရှေ့​တွင် သင့်​ကို​စီရင်​မည်​။

ယေ​ဇ​ကျေ​လ 6:3

‘​အို အစ္စရေး​တောင်တန်း​တို့​၊ ဘုရားရှင်​ထာဝရဘုရား​မိန့်​တော်မူ​သော​စကား​ကို နားထောင်​လော့​။ တောင်ကြီး​တောင်ငယ်​များ​နှင့် မြစ်ချောင်း​ချိုင့်ဝှမ်း​များ​အား ထာဝရဘုရား​က ငါ​ကိုယ်တော်တိုင် သင်​တို့​ထံ ဓားဘေး​ရောက်​စေ​ပြီး အထွတ်အမြတ်​ထား​ရာ​နေရာ​တို့​ကို ဖျက်ဆီး​ပစ်​မည်​။

ဟော​ရှေ 5:14

ငါ​သည် ဧဖရိမ်​အဖို့ ခြင်္သေ့​ကြီး​ကဲ့သို့​လည်းကောင်း​၊ ယုဒ​အမျိုးအနွယ်​အဖို့ ခြင်္သေ့ပျို​ကဲ့သို့​လည်းကောင်း ဖြစ်​၏​။ ငါ​ကိုယ်တော်တိုင် သူ​တို့​ကို ကိုက်ဖြဲ​ပြီး ချီယူ​သွား​မည်​။ သူ​တို့​ကို မည်သူ​မျှ ကယ်တင်​နိုင်​မည်​မ​ဟုတ်​။

ဝတ်​ပြု 26:28

ငါ​သည်​လည်း သင်​တို့​ကို အမျက်ဒေါသ​ဖြင့် သင်​တို့​ကို ဆက်လက်​ဆန့်ကျင်​မည်​။ ထိုမျှမက ငါ​သည် သင်​တို့​၏​အပြစ်​အတွက် သင်​တို့​ကို ခုနစ်ဆ​အပြစ်ဒဏ်​ပေး​မည်​။

အာ​မုတ် 9:6

မိုးကောင်းကင်​တွင် အထက်ခန်း​များ​ကို တည်ဆောက်​တော်မူ​သော​အရှင်​၊ မြေကြီး​ပေါ်တွင် အုတ်မြစ်ချ​တော်မူ​သော​အရှင်​၊ ပင်လယ်​ရေ​ကို ဆင့်ခေါ်​ပြီး မြေ​မျက်နှာပြင်​ပေါ် လွှတ်ပေး​လိုက်​သော​အရှင်​၏​နာမ​တော်​ကား ထာဝရဘုရား ဖြစ်​၏​။

မဿဲ 24:39

ရေ​လွှမ်းမိုး​ခြင်း​ရောက်လာ​ပြီး သူတို့​အားလုံး​ကို ဖယ်ရှား​သုတ်သင်​သည့်​တိုင်အောင် သတိ​ကင်းမဲ့​လျက်​နေ​ကြ​၏။ လူ့သား​ကြွလာ​သောအခါ​၌​လည်း ထိုနည်းတူ​ဖြစ်​လိမ့်မည်။

လုကာ 17:27

နောဧ​သည် သင်္ဘော​ထဲသို့​ဝင်​သည့်​နေ့​တိုင်အောင် လူ​တို့​သည် စား​သောက်​လျက်၊ ထိမ်းမြား​စုံဖက်​လျက်၊ ပေးစား​ဆောင်နှင်း​လျက်​နေ​၍ ရေ​လွှမ်းမိုး​ခြင်း​ရောက်လာ​ကာ သူတို့​အားလုံး​ကို​ဖျက်ဆီး​လေ​၏။

ရော​မ 5:21

ဤသည်ကား အပြစ်​သည် သေ​ခြင်း​အားဖြင့် စိုးမိုး​ခဲ့​သည့်​နည်းတူ ကျေးဇူး​တော်​သည်​လည်း ဖြောင့်မတ်​ခြင်း​အားဖြင့် စိုးမိုး​လျက် ငါ​တို့​၏​သခင်​ယေရှု​ခရစ်တော်​အားဖြင့် ထာဝရ​အသက်​ကို​ရရှိ​စေရန်​ဖြစ်​၏။

ရော​မ 6:23

အကြောင်းမှာ အပြစ်​၏​အခ​သည် သေ​ခြင်း​ဖြစ်​၏။ ဘုရားသခင်​ပေး​တော်မူ​သော​ဆု​ကျေးဇူး​မူကား ငါ​တို့​၏​သခင်​ခရစ်တော်​ယေရှု​အားဖြင့် ထာဝရ​အသက်​ဖြစ်​၏။

တ​ရား​ဟော 32:39

ငါ​သာလျှင် ဘုရား​ဖြစ်​၏​။ ငါ​မှတစ်ပါး အခြား​ဘုရား​မ​ရှိ​။ ငါ​သည် အသက်​ကို​သေ​စေ​နိုင်​၏​၊ ရှင်​စေ​နိုင်​၏​။ ငါ​သည် ဒဏ်ရာရ​စေ​နိုင်​၏​၊ ပျောက်ကင်း​စေ​နိုင်​၏​။ မည်သူ​မျှ ငါ့​လက်​မှ မ​လွတ်မြောက်​နိုင်​။

ဟေ​ဗြဲ 11:7

နောဧ​သည် မ​မြင်​ရ​သေး​သော​အရာ​များ​နှင့်​ပတ်သက်၍ ဗျာဒိတ်​တော်​ရ​သောအခါ ကြောက်ရွံ့​ရိုသေ​သော​စိတ်​ရှိ​၍ မိမိ​အိမ်သူအိမ်သား​တို့​ကယ်တင်​ခြင်း​ခံရ​ရန်​အတွက် ယုံကြည်​ခြင်း​အားဖြင့် သင်္ဘော​ကို​တည်ဆောက်​လေ​၏။ ထို​ယုံကြည်​ခြင်း​အားဖြင့် သူ​သည် လောက​၏​အပြစ်​ကို​ထင်ရှား​စေ​၍ ယုံကြည်​ခြင်း​အားဖြင့်​ရရှိ​သော​ဖြောင့်မတ်​ခြင်း​ကို အမွေ​ဆက်ခံ​သူ​ဖြစ်လာ​၏။

၁ ပေ 3:20

ထို​ဝိညာဉ်​များ​မှာ တစ်ချိန်က နောဧ​လက်ထက်​၌ သင်္ဘော​တည်ဆောက်​စဉ်​တွင် ဘုရားသခင်​သည် စိတ်ရှည်​စွာ​ဖြင့် စောင့်ဆိုင်း​တော်မူ​သော်လည်း နာခံ​ခြင်း​မ​ရှိ​ခဲ့​သော​ဝိညာဉ်​များ​ဖြစ်​ကြ​၏။ ထို​သင်္ဘော​ထဲ၌ ရှစ်​ယောက်​မျှ​ဖြစ်​သော လူ​အနည်းငယ်​တို့​သာ ရေ​မှတစ်ဆင့် ကယ်တင်​ခြင်း​ခံရ​ကြ​၏။

၂ ပေ 2:5

ရှေးဟောင်း​ကမ္ဘာ​ကို​လည်း ညှာတာ​တော်​မ​မူ​ဘဲ ထို​ဘုရား​တရား​မဲ့​သော​ကမ္ဘာ​ကို ရေ​လွှမ်းမိုး​စေ​တော်မူ​၍ ဖြောင့်မတ်​ခြင်း​တရား​၏​သံတော်ဆင့်​ဖြစ်​သော​နောဧ​အပါအဝင် လူ​ရှစ်​ဦး​ကို စောင့်ရှောက်​တော်မူ​၏။