ကမ္ဘာ​ဦး 41:46 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴⁶ ယောသပ်​သည် အီဂျစ်​ဘုရင်​ဖာရော​မင်းကြီး​ထံ၌ အမှုထမ်း​သောအခါ အသက်​သုံးဆယ်​ရှိ​ပြီ​ဖြစ်​၏​။ ယောသပ်​သည် ဖာရော​မင်းကြီး​ထံ​မှ​ထွက်လာ​၍ အီဂျစ်​ပြည်​တစ်ပြည်လုံး​ကို​လှည့်လည်​ကြည့်ရှု​၏​။

Garrad Bible

⁴⁶ ယော သပ် သည် အိ ဂျစ် ဘု ရင် ဖာ ရော မင်း ရှေ့ တော်၌ ခ စား ရ သော အ ခါ အ သက် သုံး ဆယ် ရှိ သ တည်း။ အ ထံ တော် မှ ထွက်၍ အီဂျစ် ပြည် တစ် လျှောက် လုံး သို့ လှည့် လည် လေ ၏။

Judson Bible

⁴⁶ ယော​သပ်​သည် အဲ​ဂု​တ္တု​ရှင်​ဘု​ရင်​ဖာ​ရော​မင်း​ထံ၌ အခွင့်​ရ​သော​အ​ခါ၊ အ​သက်​အ​နှစ်​သုံး​ဆယ်​ရှိ​သ​တည်း။ အ​ထံ​တော်​က​ထွက်၍ အဲ​ဂု​တ္တု​ပြည်​တစ်​လျှောက်​လုံး သို့​သွား​လေ၏။

ကမ္ဘာ​ဦး 41:46 ပူးပေါင်းရင်းမြစ်များ

ကမ္ဘာ​ဦး 37:2

ယာကုပ်​၏​အတ္ထုပ္ပတ္တိ​ကား ဤသို့​ဖြစ်​၏​။ ယောသပ်​သည် အသက်​တစ်ဆယ့်​ခုနစ်​နှစ်​ရှိ​သောအခါ မိမိ​အစ်ကို​တို့​နှင့်အတူ သိုးဆိတ်​တို့​ကို​ထိန်းကျောင်း​၏​။ ယောသပ်​သည် အသက်ငယ်​သေး​သဖြင့် ဖခင်​၏​မယား​ဖြစ်​သော ဗိလဟာ​နှင့်​ဇိလပ​တို့​၏​သား​တို့​နှင့်အတူ​နေ​၍ သူ​တို့​၏​မကောင်းသတင်း​ကို ဖခင်​အား​ပြော​လေ့​ရှိ​၏​။

ကမ္ဘာ​ဦး 41:47

ဝပြော​သော​နှစ် ခုနစ်​နှစ်​အတွင်း တိုင်းပြည်​၌ သီးနှံ​အလျှံအပယ်​ထွက်​၏​။

ကမ္ဘာ​ဦး 42:8

ယောသပ်​သည် အစ်ကို​တို့​ကို​မှတ်မိ​သော်လည်း သူ​တို့​က ယောသပ်​ကို​မ​မှတ်မိ​ကြ​။

ကမ္ဘာ​ဦး 45:6

မြေကြီး​ပေါ်၌ ငတ်မွတ်ခေါင်းပါး​ခြင်း​ဘေး နှစ်​နှစ်​ဖြစ်​ခဲ့​ပြီ​။ ထွန်ယက်​ခြင်း​၊ ရိတ်သိမ်း​ခြင်း​မ​ပြု​နိုင်​သော​နှစ် ငါး​နှစ်​ရှိ​သေး​၏​။

၂ ရာ 5:4

ဒါဝိဒ်​သည် သက်​တော်​သုံးဆယ်​တွင် နန်းတက်​၍ အနှစ်​လေးဆယ် စိုးစံ​လေ​၏​။

၃ ရာ 12:6

ထို့နောက် ရောဗောင်​မင်းကြီး​သည် ခမည်းတော်​ရှောလမုန်​မင်းကြီး​အသက်ရှင်​စဉ်က ရှေ့​တော်​၌​ခစား​သူ​များ​ဖြစ်​သည့် သက်ကြီးဝါကြီး​များ​အား “​သင်​တို့ မည်သို့​အကြံပေး​မည်နည်း​။ ဤ​လူ​တို့​အား မည်သို့​ပြန်ပြော​ရ​မည်နည်း​”​ဟု တိုင်ပင်မေးမြန်း​ရာ

၃ ရာ 12:8

သို့သော် ရောဗောင်​မင်းကြီး​သည် သက်ကြီးဝါကြီး​တို့​ပေး​သော​အကြံ​ကို လက်မခံ​ဘဲ သူ့​ထံ၌​ခစား​နေ​သော ငယ်ပေါင်းကြီးဖော်​လူငယ်​များ​နှင့် တိုင်ပင်​လေ​၏​။

သုတ္တံကျမ်း။ 22:29

မိမိ​အလုပ်​တွင် ကျွမ်းကျင်​သော​သူ​ကို သင်​မြင်​သလော​။ ထို​သူ​သည် ရှင်ဘုရင်​တို့​ရှေ့မှောက်​၌ ခစား​ရ​လိမ့်မည်​။ သာမန်​လူ​တို့​ရှေ့​၌ ခစား​ရ​လိမ့်မည်​မ​ဟုတ်​။

ဒံ​ယေ​လ 1:19

ရှင်ဘုရင်​သည် သူ​တို့​နှင့်​အပြန်အလှန်​ပြောဆို​ကြည့်​သောအခါ ဒံယေလ​၊ ဟာနနိယ​၊ မိရှေလ​၊ အာဇရိ​တို့​ကဲ့သို့သော​သူ တစ်ယောက်​မျှ​မ​တွေ့​။ ထို့ကြောင့် သူ​တို့​သည် ဘုရင့်​ထံပါး​၌ ခစား​ခွင့်​ရ​လေ​၏​။

ဒံ​ယေ​လ 1:4

ကိုယ်အင်္ဂါ​မ​ချို့ယွင်း​သူ​၊ ကိုယ်ခန္ဓာ​သန်မာ​ထွားကျိုင်း​သူ​၊ ဘက်စုံထူးချွန်​သူ​၊ အသိပညာ​ကြွယ်ဝ​သူ​၊ နန်းတွင်း​၌​အမှုထမ်း​နိုင်စွမ်း​သူ လူငယ်​တို့​ကို ခါလဒဲ​စာပေ​နှင့် ဘာသာစကား​ကို သင်ကြား​ပေး​ရန် အမိန့်ပေး​လေ​၏​။

တော​လည် 4:3

အသက်​သုံးဆယ်​အရွယ်​မှ အသက်​ငါးဆယ်​အရွယ်​အထိ တွေ့ဆုံစည်းဝေးရာ​တဲ​တော်​၌ အမှု​တော်​ထမ်းဆောင်​ရန်​လာ​သော​သူ​အပေါင်း​တို့​ကို သူ​တို့​၏​မျိုးနွယ်စု​အလိုက်​၊ ဘိုးဘေး​တို့​၏​အိမ်ထောင်စု​အလိုက် လူဦးရေ​စာရင်း​ကောက်ယူ​လော့​။

လုကာ 21:36

ထို့ကြောင့် သင်​တို့​သည် ဖြစ်ပျက်​တော့မည့် ဤ​အမှု​ခပ်သိမ်း​တို့​မှ လွတ်မြောက်​၍ လူ့သား​၏​ရှေ့​တော်​၌ မတ်တတ်ရပ်​နိုင်​ရန် အချိန်​ရှိသရွေ့ နိုးနိုးကြားကြား​ရှိ​လျက် ဆုတောင်း​ကြ​လော့”​ဟု မိန့်​တော်မူ​၏။

လုကာ 3:23

ယေရှု​သည် အမှု​တော်​စတင်​ဆောင်ရွက်​သောအခါ သက်​တော်​သုံးဆယ်​ခန့်​ရှိ​တော်မူ​၏။ လူ​တို့​၏​ထင်မြင်​ချက်​အရ ကိုယ်တော်​သည် ယောသပ်​၏​သား​ဖြစ်​၏။ ယောသပ်​သည် ဧလိ​၏​သား၊

ယု​ဒ 1:24

သင်​တို့​အား မှားယွင်း​ခြင်း​နှင့်​ကင်း​စေရန် စောင့်ရှောက်​နိုင်စွမ်း​ရှိ​တော်မူ​၍ သင်​တို့​ကို အပြစ်​အနာအဆာ​ကင်း​လျက် ရွှင်မြူး​သော​စိတ်​ဖြင့် ဘုန်း​အသရေ​တော်​ရှေ့​၌​ရပ်​စေ​နိုင်​သော

၁ ရာ 16:21

ဒါဝိဒ်​သည် ရှောလု​မင်းကြီး​ထံသို့​ရောက်​၍ ရှေ့​တော်​၌​အခစား​ဝင်​သောအခါ ရှောလု​မင်းကြီး​သည် သူ့​ကို အလွန်​သဘောကျ​သဖြင့် မိမိ​၏​လက်နက်ကိုင်​အဖြစ် ခန့်အပ်​လေ​၏​။