ကမ္ဘာ​ဦး 36:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ အကြောင်းမူကား သူ​တို့​၏​ဥစ္စာ​များလွန်း​၍ သူ​တို့​သည် အတူ​မ​နေထိုင်​နိုင်​ပေ​။ သူ​တို့​၏​တိရစ္ဆာန်​များ​အတွက်​လည်း သူ​တို့​တည်းခိုနေထိုင်​သော​ပြည်​၌ စားကျက်မြေ​မ​လုံလောက်​ပေ​။

Common Language Bible

⁷ သူ​နှင့်​ယာ​ကုပ်​တို့​တွင်​သိုး၊ ဆိတ်​စ​သော တိ​ရစ္ဆာန်​အ​လွန်​များ​ပြား​လာ​သ​ဖြင့် စား​နပ် ရိက္ခာ​မ​လောက်​မ​င​ဖြစ်​၍​တစ်​ရပ်​တည်း​၌ အ​တူ​မ​နေ​နိုင်​ကြ​ချေ။-

Garrad Bible

⁷ ထို နှစ် ဦး သား တို့ သည် ဥ စ္စာ များ လွန်း၍ အ တူ မ နေ နိုင် ကြ။ တိ ရ စ္ဆာန် များ ပြား သည့် အ တွက် သူ တို့ တည်း ခို ရာ မြေ မ ဆံ့ နိုင် သော ကြောင့်၊

Judson Bible

⁷ အ​ကြောင်း​မူ​ကား၊ ထို​သူ​နှစ်​ပါး​တို့​သည် ဥ​စ္စာ​များ​လွန်း​သော​ကြောင့် တစ်​ရပ်​တည်း​မ​နေ​နိုင်​ကြ။ သူ​တို့​နေ​ရာ​မြေ​သည်၊ သူ​တို့​တိ​ရ​စ္ဆာန်​များ​ကြောင့် မ​ဆံ့​နိုင်​ရာ။

ကမ္ဘာ​ဦး 36:7 ပူးပေါင်းရင်းမြစ်များ

ကမ္ဘာ​ဦး 13:11

ထို့ကြောင့် လောတ​သည် ဂျော်ဒန်​မြစ်ဝှမ်း​တစ်ဝှမ်းလုံး​ကို မိမိ​အတွက် ရွေးချယ်​လေ​၏​။ ထို့နောက် လောတ​သည် အရှေ့ဘက်​သို့​ရွှေ့ပြောင်း​သဖြင့် သူ​တို့​သည် တစ်ဦး​နှင့်​တစ်ဦး ခွဲခွာ​သွား​ကြ​၏​။

ကမ္ဘာ​ဦး 13:6

ထို​သူ​နှစ်​ဦး​တို့​သည် အတူတကွ​နေထိုင်​ရန် မြေ​မ​လုံလောက်​ပေ​။ အကြောင်းမူကား သူ​တို့​၏​ဥစ္စာ​အလွန်​များပြား​သဖြင့် သူ​တို့​သည် အတူတကွ​နေထိုင်​ရန် မ​ဖြစ်နိုင်​တော့​ချေ​။

ကမ္ဘာ​ဦး 17:8

သင်​တည်းခိုနေထိုင်​သော​ပြည်​ဖြစ်​သည့် ခါနာန်​ပြည်​တစ်ပြည်လုံး​ကို သင်​နှင့်​နောင်လာမည့် သင်​၏​သားစဉ်မြေးဆက်​အား အစဉ်အမြဲ​ပိုင်ဆိုင်​ရာ​အဖြစ် ငါ​ပေး​မည်​။ ငါ​သည် သူ​တို့​၏​ဘုရား​ဖြစ်​မည်​”​ဟု မိန့်​တော်မူ​၏​။

ကမ္ဘာ​ဦး 28:4

သင်​တည်းခိုနေထိုင်​သော​ပြည်​ဖြစ်​သည့် အာဗြဟံ​အား ဘုရားသခင်​ပေး​တော်မူ​သော​ပြည်​ကို သင်​ပိုင်ဆိုင်​ရ​မည့်​အကြောင်း အာဗြဟံ​အား ပေး​တော်မူ​သော​ကောင်းချီးမင်္ဂလာ​ကို ကိုယ်တော်​သည် သင်​နှင့်တကွ သင်​နှင့်အတူ​ရှိ​သော သင်​၏​သားမြေး​တို့​အား ပေး​တော်မူ​ပါစေသော​”​ဟု ကောင်းချီးပေး​လျက် မှာကြား​လေ​၏​။

၁ ရာ​ချုပ် 29:15

အကျွန်ုပ်​တို့​သည် ကိုယ်တော့်​ရှေ့​တွင် တိုင်းတစ်ပါးသား​များ​ဖြစ်​ကြ​ပါ​၏​။ ဘိုးဘေး​တို့​ကဲ့သို့ပင် ဧည့်သည်​များ ဖြစ်​ကြ​ပါ​၏​။ မြေကြီး​ပေါ်တွင် အသက်ရှင်​နေ​ရ​သည်​မှာ အရိပ်​ကဲ့သို့​ဖြစ်၍ မျှော်လင့်စရာ မ​ရှိ​ပါ​။

ဆာ​လံ 39:12

အို ထာဝရဘုရား​၊ အကျွန်ုပ်​၏​ဆုတောင်းချက်​ကို နားညောင်း​တော်မူ​ပါ​။ အကျွန်ုပ်​၏​အော်ဟစ်သံ​ကို စူးစိုက်​နားထောင်​တော်မူ​ပါ​။ အကျွန်ုပ်​၏​မျက်ရည်​ကို​ကြည့်​၍ တိတ်ဆိတ်​စွာ​နေ​တော်​မ​မူ​ပါ​နှင့်​။ အကြောင်းမူကား အကျွန်ုပ်​သည် ကိုယ်တော့်​ထံ၌​ရှိ​သော တိုင်းတစ်ပါးသား​ဖြစ်၍ အကျွန်ုပ်​၏​ဘိုးဘေး​အပေါင်း​တို့​နည်းတူ ဧည့်သည်​မျှသာ​ဖြစ်​ပါ​၏​။

ယေ​ရ​မိ 35:7

အိမ်​မ​ဆောက်​ရ​။ မျိုးစေ့​မ​ကြဲ​ရ​။ စပျစ်ခြံ​မ​စိုက်ပျိုး​ရ​။ မ​ပိုင်ဆိုင်​ရ​။ သင်​တို့​အသက်ရှင်​သမျှ​ကာလ​ပတ်လုံး တဲ​ဖြင့်​သာ​နေ​ရ​မည်​။ သို့ပြုလျှင် ဧည့်သည်​အဖြစ် သင်​တို့​တည်းခိုနေထိုင်​ရ​သော​ထို​ပြည်​၌ အသက်တာ​ရှည်​မည်​’​ဟု မှာထား​လေ​ပြီ​။

ဟေ​ဗြဲ 11:9

သူ​သည် ယုံကြည်​ခြင်း​အားဖြင့် ကတိ​ထား​တော်မူ​သော​ပြည်​၌ တိုင်းတစ်ပါးသား​ကဲ့သို့ ဧည့်သည်​အဖြစ်​နေထိုင်​၍ တစ်ခုတည်း​သော​ကတိ​တော်​ကို အတူတကွ​အမွေ​ဆက်ခံ​သူ​များ​ဖြစ်​ကြ​သော ဣဇက်၊ ယာကုပ်​တို့​နှင့်အတူ တဲ​များ​တွင်​နေထိုင်​ကြ​၏။