ကမ္ဘာ​ဦး 35:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ထို့ကြောင့် ယာကုပ်​သည် မိမိ​၏​အိမ်သူအိမ်သား​တို့​မှစ၍ မိမိ​နှင့်အတူ​ရှိ​သော​သူ​အပေါင်း​တို့​အား “​သင်​တို့​၌​ရှိ​သော​တိုင်းတစ်ပါးသား​၏​ဘုရား​များ​ကို ဖယ်ရှား​ကြ​လော့​။ သင်တို့ကိုယ်သင်တို့ စင်ကြယ်​စေ​၍ သင်​တို့​၏​အဝတ်အစား​များ​ကို လဲ​ကြ​လော့​။

Common Language Bible

² ယာ​ကုပ်​သည်​မိ​မိ​၏​မိ​သား​စု​နှင့်​မိ​မိ​ထံ​တွင် နေ​ထိုင်​သူ​အ​ပေါင်း​တို့​အား``သင်​တို့​၌​ရှိ​သော အ​ခြား​ဘု​ရား​များ​ကို​ပစ်​ပယ်​ကြ​လော့။ ကိုယ် ကို​သန့်​စင်​စေ​၍​အ​ဝတ်​ကို​လဲ​လှယ်​ဝတ်​ဆင် ကြ​လော့။-

Garrad Bible

² ယာ ကုပ် သည် အိမ် သူ အိမ် သား တို့ နှင့် လိုက် ပါ သူ အ ပေါင်း တို့ အား သင် တို့ တွင် ပါ ရှိ သော လူ မျိုး ခြား တို့ ၏ ဘု ရား များ ကို ပယ် ပစ် ကြ လော့။ ကိုယ် ကို သန့် စေ ၍ အ၀တ် ကို လည်း လဲ ကြ လော့။

Judson Bible

² ထို​အ​ခါ​ယာ​ကုပ်​သည်​အိမ်​သူ​အိမ်​သား​များ​နှင့်၊ မိ​မိ၌​ရှိ​သော​သူ​အ​ပေါင်း​တို့​ကို​ခေါ်၍၊ သင်​တို့​တွင်​ပါ​သော၊ တစ်​ပါး​အ​မျိုး​သား​တို့၏​ဘု​ရား​တို့​ကို ပယ်​ပစ်​ကြ​လော့။ အ​ဝတ်​ကို​လဲ၍ သန့်​ရှင်း​ခြင်း​ရှိ​စေ​ကြ​လော့။

ကမ္ဘာ​ဦး 35:2 ပူးပေါင်းရင်းမြစ်များ

ကမ္ဘာ​ဦး 18:19

အကြောင်းမူကား အာဗြဟံ​သည် သူ​၏​သားသမီး​တို့​နှင့် နောင်လာမည့်​သူ​၏​အမျိုးအနွယ်​တို့​အား ဖြောင့်မတ်​သော​အမှု​၊ တရားမျှတ​သော​အမှု​ကို​ပြုကျင့်​၍ ထာဝရဘုရား​၏​လမ်း​တော်​ကို​စောင့်ထိန်း​ကြ​စေရန် မှာကြား​ခြင်း​အားဖြင့် သူ့​အား​ထာဝရဘုရား​မိန့်​တော်မူ​ခဲ့​သော​အရာ​ကို သူ​၌​ပြည့်စုံ​စေ​မည့်​အကြောင်း သူ့​ကို ငါ​ရွေးကောက်​ထား​ပြီ​”​ဟု မိန့်​တော်မူ​၏​။

ကမ္ဘာ​ဦး 31:19

လာဗန်​သည် မိမိ​သိုး​တို့​ကို​အမွေးညှပ်​ရန်​သွား​နေ​ချိန်​တွင် ရာခေလ​သည် ဖခင်​ပိုင်ဆိုင်​သည့် တေရပ်ရုပ်တု​တို့​ကို​ခိုးယူ​လေ​၏​။

ကမ္ဘာ​ဦး 31:30

ယခု သင်​သည် သင့်​ဖခင်​၏​အိမ်​ကို အလွန်​လွမ်းဆွတ်​သဖြင့် အကယ်ပင်​ပြန်သွား​လို​သည်​မှန်စေတော့ အဘယ်ကြောင့် ငါ​၏​ဘုရား​တို့​ကို​ခိုးယူ​ရ​သနည်း​”​ဟု ဆို​၏​။

ကမ္ဘာ​ဦး 31:34

ရာခေလ​သည် တေရပ်ရုပ်တု​တို့​ကို​ယူ​၍ ကုလားအုတ်​ကုန်းနှီး​ထဲ​ထည့်​ပြီးလျှင် ၎င်း​တို့​အပေါ်​၌​ထိုင်​နေ​၏​။ ထို့ကြောင့် လာဗန်​သည် တဲ​တစ်တဲလုံး​မွှေနှောက်​သော်လည်း မ​တွေ့​ချေ​။

ကမ္ဘာ​ဦး 34:2

ထို​ပြည်​၏​မင်း​ဖြစ်​သော​ဟိဝိ​လူမျိုး​ဟာမော်​၏​သား ရှေခင်​သည် သူ့​ကို​မြင်​လျှင် ခေါ်ဆောင်​သွား​၍ သူ​နှင့်​အိပ်​ခြင်း​ဖြင့် သူ့​အသရေ​ကို​ရှုတ်ချ​လေ​၏​။

ကမ္ဘာ​ဦး 35:22

အစ္စရေး​သည် ထို​ပြည်​၌​နေထိုင်​စဉ် ရုဗင်​သည်​သွား​၍ မိမိ​ဖခင်​၏​မယားငယ်​ဗိလဟာ​နှင့်​အိပ်​လေ​၏​။ အစ္စရေး​သည် ထို​အကြောင်း​ကို ကြား​၏​။ ယာကုပ်​၌ သား​တစ်ဆယ့်​နှစ်​ယောက်​ရှိ​၏​။

၂ ရာ 7:23

မြေကြီး​ပေါ်တွင် ဘုရားသခင်​၏​လူမျိုး​တော်​အစ္စရေး​နှင့်​တူ​သော​လူမျိုး တစ်​မျိုးမျိုး​ရှိ​ပါ​သလော​။ ဘုရားသခင်​သည် မိမိ​လူမျိုး​တော်​အဖြစ် သူ​တို့​ကို ရွေးနုတ်​တော်မူ​ခဲ့​ပါ​ပြီ​။ အီဂျစ်​ပြည်​၊ လူမျိုးခြား​တို့​နှင့် သူ​တို့​၏​ဘုရား​များ​ထံမှ ရွေးနုတ်​တော်မူ​ခဲ့​သော​လူမျိုး​တော်​၏​ရှေ့မှောက်​မှာ​ပင် ပြည်​တော်​အဖို့ ကြီးမြတ်​၍​အံ့ဖွယ်​သော​အမှု​များ​ပြု​ခြင်း​ဖြင့် နာမ​တော်​ကို ထင်ရှား​စေ​ခဲ့​ပါ​ပြီ​။

၄ ရာ 17:29

သို့သော် လူမျိုးတိုင်း မိမိ​တို့​၏​ဘုရား​များ​ကို ပြုလုပ်​ပြီး ရှမာရိ​မြို့သား​တို့​တည်​ထား​သော အထွတ်အမြတ်​ထား​ရာ​ကုန်းမြင့်​ရှိ ဝတ်ကျောင်း​တို့​တွင် ထားရှိ​ကြ​၏​။ လူမျိုးတိုင်း မိမိ​တို့​နေထိုင်​ရာ​မြို့ရွာ​တို့​တွင် ထိုသို့​ပြု​ကြ​၏​။

၄ ရာ 5:10

ဧလိရှဲ​က သူ့​ထံ​လူ​လွှတ်​၍ “​ဂျော်ဒန်​မြစ်​သို့​သွား​ပြီး ခုနစ်​ကြိမ်​ရေချိုး​ပါ​။ သို့ပြုလျှင် သင့်​အသားအရေ​သည် ပြန်ကောင်း​လာ​ပြီး စင်ကြယ်​သွား​လိမ့်မည်​”​ဟု မှာလိုက်​၏​။

၁ ရာ​ချုပ် 16:26

အကယ်စင်စစ် လူမျိုး​တို့​၏​ဘုရား​ရှိသမျှ​တို့​သည် ရုပ်တု​မျှသာ ဖြစ်​၏​။ ထာဝရဘုရား​မူကား ကောင်းကင်​ကို ဖန်ဆင်း​တော်မူ​၏​။

ယောဘဝတ္တု။ 1:5

စားသောက်ပွဲ​အလှည့်ကျ​ကျင်းပ​သော​နေ့​များ​ပြီး​သောအခါ​တွင်​လည်း ယောဘ​က “​ငါ့​သားသမီး​တို့​စိတ်​ထဲတွင် ဘုရားသခင်​ကို ကျိန်ဆဲ​၍ အပြစ်​ပြု​မိ​ကောင်း​ပြု​မိ​ကြ​လိမ့်မည်​”​ဟု တွေး​၍ သူ​တို့​ကို ခေါ်​ပြီး ကိုယ်ကို​သန့်ရှင်း​စေ​လျက် နံနက်​စောစောထ​၍ သူ​တို့​အားလုံး​အရေအတွက်​အတိုင်း မီးရှို့ရာယဇ်​ကို ပူဇော်​၏​။ ယောဘ​သည် ထိုသို့ အမြဲ​ပြု​လေ့​ရှိ​၏​။

ဆာ​လံ 51:2

အကျွန်ုပ်​၏​ဒုစရိုက်​ကို အကုန်အစင်​ဆေးကြော​၍ အကျွန်ုပ်​၏​အပြစ်​မှ အကျွန်ုပ်​ကို​စင်ကြယ်​စေ​တော်မူ​ပါ​။

ဆာ​လံ 51:7

အကျွန်ုပ်​ကို ဟုဿုပ်ခက်​ဖြင့် သန့်စင်​စေ​တော်မူ​ပါ​။ ထိုအခါ အကျွန်ုပ်​သည် စင်ကြယ်​ပါ​လိမ့်မည်​။ အကျွန်ုပ်​ကို​ဆေးကြော​တော်မူ​ပါ​။ ထိုအခါ အကျွန်ုပ်​သည် နှင်းပွင့်​ထက် ပို၍​ဖြူ​ပါ​လိမ့်မည်​။

ထွက်​မြောက် 19:10

တစ်ဖန် ထာဝရဘုရား​က မောရှေ​အား “​လူ​တို့​ထံသို့​သွား​၍ ယနေ့​နှင့်​မနက်ဖြန်​တွင် သူ​တို့​ကို သန့်ရှင်း​စေ​လော့​။ သူ​တို့​၏​အဝတ်အစား​များ​ကို​လည်း လျှော်​စေ​လော့​။

ထွက်​မြောက် 19:14

ထို့နောက် မောရှေ​သည် တောင်​ပေါ်မှ လူ​တို့​ထံသို့ ဆင်းလာ​၍ လူ​တို့​ကို​သန့်ရှင်း​စေ​၏​။ သူ​တို့​သည်​လည်း မိမိ​တို့​၏​အဝတ်အစား​များ​ကို​လျှော်​ကြ​၏​။

ထွက်​မြောက် 23:13

သင်​တို့​အား ငါ​မိန့်ဆို​ထား​သော​အရာ​ရှိသမျှ​တို့​ကို အလေးထား​ရ​မည်​။ အခြား​ဘုရား​များ​၏​နာမ​ကို မ​မြွက်ဆို​ရ​။ သင့်​နှုတ်​မှ​မြွက်ဆို​သည်​ကို မ​ကြား​ရ​စေ​နှင့်​။

ဒေသနာကျမ်း။ 5:1

ဘုရားသခင်​၏​အိမ်​တော်​သို့​သွား​သောအခါ သင်​၏​ခြေလှမ်း​ကို​စောင့်ထိန်း​လော့​။ နားထောင်​ရန်​ချဉ်းကပ်​ခြင်း​သည် မိုက်မဲ​သော​သူ​တို့​နှင့်ဆိုင်သော​ယဇ်​ကို​ပူဇော်​ခြင်း​ထက် ပို၍​ကောင်း​၏​။ အကြောင်းမူကား သူ​တို့​သည် မိမိ​တို့​မကောင်းမှု​ပြု​နေ​သည်​ကို မ​သိ​ကြ​ချေ​။

ဟေ​ရှာ​ယ 1:16

ကိုယ့်ကိုယ်ကိုယ် သန့်ရှင်းစင်ကြယ်​အောင်​ဆေးကြော​ကြ​လော့​။ သင်​တို့​၏​ဆိုးညစ်​သော​လုပ်ရပ်​တို့​ကို ငါ့​မျက်မှောက်​မှ ဖယ်ရှား​ကြ​လော့​။ ဆိုးညစ်​သော​အမှု​ပြု​ခြင်း​ကို ရပ်တန့်​ကြ​လော့​။

ဟေ​ရှာ​ယ 52:11

ထွက်သွား​ကြ​။ ထွက်သွား​ကြ​။ ထို​အရပ်​မှ ထွက်ခွာ​သွား​ကြ​။ မစင်ကြယ်​သော​အရာ​ကို မ​ထိ​ကြ​နှင့်​။ ထို​အရပ်​မှ ထွက်ခွာ​သွား​ကြ​လော့​။ ထာဝရဘုရား​၏​တဲ​တော်​တန်ဆာပလာ​များ​ကို ထမ်း​သော​သူ​တို့​၊ သန့်ရှင်းစင်ကြယ်​ခြင်း​ရှိ​ကြ​လော့​။

ယေ​ရ​မိ 13:27

သင်​ဖောက်ပြန်​ခြင်း​၊ ဟီသံပေး​ခြင်း​၊ ညစ်ညမ်း​သော​ပြည့်တန်ဆာအလုပ်လုပ်​ခြင်း စသည့် ရွံရှာဖွယ်​ရာ​တို့​ကို ကွင်းပြင်​၊ တောင်ကုန်း​ပေါ်၌​ပြု​နေ​သည်​ကို ငါ​မြင်​၏​။ အို ဂျေရုဆလင်​၊ သင်​၌​အမင်္ဂလာ​ရှိ​၏​။ မည်မျှ​ကြာ​အောင် ညစ်ညူး​နေ​မည်နည်း​”​ဟု မိန့်​တော်မူ​၏​။

ယေ​ရ​မိ 16:20

လူ​သည် ကိုယ့်​အဖို့ ဘုရား​ကို ပြုလုပ်​နိုင်​သလော​။ ပြုလုပ်​နိုင်​လျှင်​လည်း ဘုရား​စစ်​မ​ဟုတ်​။

ယေ​ရ​မိ 5:7

“​သင့်​ကို ငါ​မည်သို့ ခွင့်လွှတ်​နိုင်​မည်နည်း​။ သင်​၏​သားသမီး​တို့​သည် ငါ့​ကို​စွန့်ပစ်​၍ ဘုရား​မ​ဟုတ်​သော​ဘုရား​တို့​ကို တိုင်တည်ကျိန်ဆို​ကြ​ပြီ​။ ငါ​သည် သူ​တို့​ကို ပြည့်စုံကြွယ်ဝ​စေ​သော်လည်း သူ​တို့​သည် အိမ်ထောင်ရေးဖောက်ပြန်​၍ ပြည့်တန်ဆာ​အိမ်​၌ စုဝေး​ကြ​ပြီ​။

ယေ​ဇ​ကျေ​လ 18:31

‘သင်​တို့​ကျူးလွန်​သော​အပြစ်​များ​ကို စွန့်​၍ စိတ်နှလုံး​အသစ်​၊ စိတ်သဘော​အသစ် ရှိ​ကြ​လော့​။ အို အစ္စရေး​အမျိုး​၊ အဘယ်ကြောင့် သင်​တို့​သေ​ရ​မည်နည်း​။

ယေ​ဇ​ကျေ​လ 20:7

ငါ​သည် သူ​တို့​အား ‘သင်​တို့​ကိုးစား​သော စက်ဆုပ်ရွံရှာဖွယ်​ရာ​များ​ကို စွန့်ပစ်​လော့​။ အီဂျစ်​ရုပ်တု​များ​ဖြင့် ကိုယ့်ကိုယ်ကိုယ်​မ​ညစ်ညူး​စေ​နှင့်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏’​ဟု မိန့်ဆို​ခဲ့​၏​။

ယေ​ဇ​ကျေ​လ 36:25

သင်​တို့​ကို သန့်ရှင်း​သော​ရေ​နှင့်​ပက်ဖျန်း​သဖြင့် သင်​တို့​သည် စင်ကြယ်​လိမ့်မည်​။ သင်​တို့​၏​အညစ်အကြေး​၊ သင်​တို့​၏​ရုပ်တုဆင်းတု​ရှိသမျှ​တို့​မှ​လည်း သင်​တို့​ကို စင်ကြယ်​စေ​မည်​။

ဒံ​ယေ​လ 5:4

ထိုသို့ စပျစ်ဝိုင်​ကို​သောက်​ရင်း ရွှေ​၊ ငွေ​၊ ကြေးနီ​၊ သံ​၊ သစ်သား​၊ ကျောက်​တို့​ဖြင့် လုပ်​ထား​သော​ဘုရား​များ​ကို ထောမနာ​ပြု​ကြ​၏​။

ဝတ်​ပြု 15:5

ထို​သူ​၏​အိပ်ရာ​ကို ထိမိ​သော​သူ​တိုင်း မိမိ​၏​အဝတ်​ကို​လျှော်​၍ ရေချိုး​ရ​မည်​။ ထိမိ​သော​သူ​သည် နေဝင်ချိန်​အထိ မစင်မကြယ်​ဖြစ်​၏​။

ဝတ်​ပြု 17:16

သူ​သည် အဝတ်​မ​လျှော်​၊ ရေ​မ​ချိုး​လျှင် ကိုယ့်​အပြစ် ကိုယ်​ခံရ​မည်​”​ဟု သူ​တို့​အား ပြောကြား​ရ​မည်​။

တော​လည် 31:24

သတ္တမ​နေ့​၌ သင်​တို့​အဝတ်​ကို လျှော်​၍ သင်​တို့​စင်ကြယ်​ပြီးမှ တပ်စခန်း​တွင်း​သို့ ဝင်​ခွင့်​ရှိ​၏​”​ဟု ဆို​၏​။

တမန်တော်ဝတ္ထု 19:26

သို့သော် သင်​တို့​မြင်​ရ၊ ကြား​ရ​သည့်​အတိုင်း ဤ​ပေါလု​ဆို​သူ​က လူ့​လက်​ဖြင့်​လုပ်​သော​အရာ​များ​သည် ဘုရား​မ​ဟုတ်​ဟု​ဆို​လျက် ဧဖက်​မြို့​သာမက​အာရှ​ပြည်​တစ်ပြည်လုံး​နီးပါး​၌ များစွာ​သော​လူ​တို့​ကို စည်းရုံး​ပြီး လမ်းလွဲ​စေ​ခဲ့​၏။

၁ ကော 10:7

“လူ​တို့​သည် ထိုင်​၍​စား​သောက်​ကြ​၏။ နောက်တစ်ဖန် ထ​၍​ကခုန်​မြူးထူး​ကြ​၏”​ဟု ရေး​ထား​သည့်​အတိုင်း သင်​တို့​သည် ထို​သူ​အချို့​တို့​ကဲ့သို့ ရုပ်တု​ကိုးကွယ်​သူ​များ မ​ဖြစ်​ကြ​လေ​နှင့်။

၂ ကော 7:1

ချစ်​ရ​သော​သူ​တို့၊ ငါ​တို့​၌ ဤသို့​သော ကတိ​တော်​များ​ရှိ​ကြ​သောကြောင့် ကိုယ်ကာယ​နှင့်​စိတ်​ဝိညာဉ်​တို့​၏​အညစ်အကြေး​ရှိသမျှ​တို့​မှ မိမိတို့ကိုယ်ကို​စင်ကြယ်​စေ​၍ ဘုရားသခင်​ကို​ကြောက်ရွံ့​ခြင်း​အားဖြင့် မြင့်မြတ်​သန့်ရှင်း​ခြင်း​နှင့်​ပြည့်စုံ​ကြ​ကုန်စို့။

ဂ​လာ​တိ 4:8

သို့သော် ဘုရားသခင်​ကို​မ​သိ​ခဲ့​စဉ်​က သင်​တို့​သည် ပင်ကို​အားဖြင့် ဘုရား​မ​ဟုတ်​သော​အရာ​များ​ထံ ကျွန်ခံ​ခဲ့​ကြ​၏။

တ​ရား​ဟော 11:28

သင်​တို့​၏​ဘုရားသခင်​ထာဝရဘုရား​၏​ပညတ်တော်​တို့​ကို နား​မ​ထောင်​၊ ယနေ့ သင်​တို့​အား ငါ​ဆင့်ဆို​သော လမ်း​မှ​လွှဲ​၍ သင်​တို့​မ​သိ​သော​အခြား​ဘုရား​များ​နောက်သို့​လိုက်သွား​လျှင် ကျိန်​ခြင်း​ဖြစ်​မည်​။

တ​ရား​ဟော 32:16

အခြား​သော​ဘုရား​များ​ဖြင့် ကိုယ်တော်​ကို သဝန်တို​စေ​ပြီ​၊ စက်ဆုပ်ရွံရှာဖွယ်​ရာ​များ​ဖြင့် ကိုယ်တော်​ကို အမျက်ထွက်​စေ​ပြီ​။

တ​ရား​ဟော 5:7

သင်​၌ ငါ​မှတစ်ပါး အခြား​ဘုရား မ​ရှိ​စေ​ရ​။

တ​ရား​ဟော 6:14

အခြား​ဘုရား​များ​၊ သင်​တို့​ပတ်လည်​ရှိ​လူမျိုး​တို့​၏​ဘုရား​များ​ကို မ​ဆည်းကပ်​ရ​။

တ​ရား​ဟော 7:25

သင်​တို့​သည် သူ​တို့​၏​ဘုရား​များ​ဖြစ်​သည့် ရုပ်တုဆင်းတု​များ​ကို မီး​ရှို့​ပစ်​ရ​မည်​။ ရုပ်တုဆင်းတု​ရှိ ရွှေ​၊ ငွေ​တို့​ကို မ​တပ်မက်​ရ​၊ မ​ယူ​ရ​။ ထို​အရာ​တို့​ကို သင်​၏​ဘုရားသခင်​ထာဝရဘုရား စက်ဆုပ်ရွံရှာ​တော်မူ​သည်​ဖြစ်၍ ယူမိ​လျှင် သင်​သည် ထို​အရာ​အားဖြင့် ကျော့မိ​လိမ့်မည်​။

ဟေ​ဗြဲ 10:22

ငါ​တို့​၏​စိတ်နှလုံး​ကို ဆိုးညစ်​သော​အသိစိတ်​နှင့်​ကင်းစင်​စေရန် ပက်ဖျန်း​ခြင်း​ခံယူ​လျက် ကိုယ်ခန္ဓာ​ကို​လည်း စင်ကြယ်​သော​ရေ​ဖြင့်​ဆေးကြော​ကာ ယုံကြည်​ခြင်း​နှင့်ဆိုင်သော​စိတ်ချမှု​အပြည့်အဝ​နှင့် ဖြောင့်မှန်​သော​စိတ်နှလုံး​တို့​ဖြင့် အထံ​တော်​သို့ တိုးဝင်​ချဉ်းကပ်​ကြ​ကုန်စို့။

ယာ​ကုပ် 4:8

ဘုရားသခင်​ထံ​တော်​သို့ ချဉ်းကပ်​ကြ​လော့။ သို့ပြုလျှင် ကိုယ်တော်​သည် သင်​တို့​ထံ ချဉ်းကပ်​တော်မူ​လိမ့်မည်။ အပြစ်သား​တို့၊ သင်​တို့​လက်​ကို စင်ကြယ်​စေ​ကြ​လော့။ စိတ်နှစ်ခွ​ရှိ​သော​သူ​တို့၊ သင်​တို့​စိတ်နှလုံး​ကို သန့်ရှင်း​စင်ကြယ်​စေ​ကြ​လော့။

ယော​ရှု 23:7

သင်​တို့​တွင် ကျန်နေ​သေး​သော​လူမျိုး​တို့​နှင့်​ပေါင်းဖော်​ခြင်း​မ​ပြု​နှင့်​၊ သူ​တို့​ဘုရား​များ​၏​နာမ​ကို​မ​တ​နှင့်​၊ မ​တိုင်တည်​နှင့်​။ ထို​ဘုရား​တို့​ကို​ဝတ်​မ​ပြု​နှင့်​၊ ရှိခိုးကိုးကွယ်​ခြင်း​မ​ပြု​နှင့်​။

ယော​ရှု 24:14

သို့ဖြစ်၍ ယခု ထာဝရဘုရား​ကို​ကြောက်ရွံ့ရိုသေ​လျက် ရိုးသားဖြူစင်​စွာ​၊ သစ္စာရှိ​စွာ ဝတ်ပြု​ကြ​လော့​။ ယူဖရေးတီး​မြစ်​တစ်ဖက်​၌​လည်းကောင်း​၊ အီဂျစ်​ပြည်​၌​လည်းကောင်း သင်​တို့​ဘိုးဘေး​တို့​ဝတ်ပြု​ခဲ့​သော​ဘုရား​များ​ကို​ဖယ်ရှား​၍ ထာဝရဘုရား​ကို​သာ ဝတ်ပြု​ကြ​လော့​။

ယော​ရှု 24:15

ထာဝရဘုရား​ကို ဝတ်​မ​ပြု​သင့်​ဟု သင်​တို့​ထင်မှတ်​လျှင် ယနေ့ သင်​တို့​ဝတ်ပြု​လို​သည့်​ဘုရား​ကို သင်​တို့​ရွေးချယ်​လော့​။ ယူဖရေးတီး​မြစ်​တစ်ဖက်ကမ်း​၌ သင်​တို့​ဘိုးဘေး​ဝတ်ပြု​ခဲ့​သော​အခြား​ဘုရား​များ​ကို ဝတ်ပြု​မည်လော​၊ သင်​တို့​နေထိုင်​ရာ​ပြည်​ရှိ အာမောရိ​လူမျိုး​တို့​၏​ဘုရား​ကို ဝတ်ပြု​မည်လော​။ ငါ​နှင့်​ငါ့​အိမ်သူအိမ်သား​တို့​မူကား ထာဝရဘုရား​ကို​သာ ဝတ်ပြု​မည်​”​ဟု ဆို​၏​။

ယော​ရှု 24:2

ထိုအခါ ယောရှု​က လူ​အပေါင်း​တို့​အား “​အစ္စရေး​၏​ဘုရားသခင်​ထာဝရဘုရား​က ‘​အာဗြဟံ​နှင့် နာခေါ်​တို့​၏​ဖခင် တေရ မှစ၍ သင်​တို့​၏​ဘိုးဘေး​တို့​သည် ရှေးယခင်​က ယူဖရေးတီး​မြစ်​တစ်ဖက်ကမ်း​၌​နေထိုင်​၍ အခြား​ဘုရား​များ​ကို​ဝတ်ပြု​ခဲ့​ကြ​၏​။

ယော​ရှု 24:20

သင်​တို့​သည် ထာဝရဘုရား​ကို စွန့်​၍ တိုင်းတစ်ပါးသား​တို့​၏​ဘုရား​ကို​ဝတ်ပြု​မည်​ဆိုလျှင် သင်​တို့​ကို ကောင်းစား​စေ​ခဲ့​ရာ​မှ သင်​တို့​ကို ဒုက္ခရောက်​စေ​မည်​၊ သုတ်သင်ပယ်ရှင်း​တော်မူ​မည်​ကို သင်​တို့​သိ​သလော​”​ဟု ဆို​၏​။

ယော​ရှု 24:23

ယောရှု​က​လည်း “​သို့ဖြစ်လျှင် သင်​တို့​တွင်​ရှိ​သော တိုင်းတစ်ပါးသား​တို့​၏​ဘုရား​များ​ကို ဖယ်ရှား​ပြီး သင်​တို့​၏​စိတ်နှလုံး​ကို အစ္စရေး​လူမျိုး​တို့​၏​ဘုရားသခင် ထာဝရဘုရား​ထံ တိမ်းညွတ်​ကြ​လော့​”​ဟု ဆို​၏​။

ယု​ဒ 1:23

အချို့​သော​သူ​တို့​ကို မီး​ထဲမှ​ဆွဲထုတ်​ကယ်တင်​ကြ​လော့။ အချို့​တို့​ကို​မူ သူ​တို့​၏​သွေးသား​ဇာတိ​ဖြင့်​ညစ်ညူး​စွန်းထင်း​နေ​သော​အင်္ကျီ​ကို​ပင် ရွံမုန်း​လျက် ကြောက်ရွံ့​သော​စိတ်​နှင့်တကွ သူ​တို့​ကို​ကရုဏာ​ထား​ကြ​လော့။

သူ​ကြီး 10:16

ထို့နောက် သူ​တို့​သည် တိုင်းတစ်ပါးသား​ဘုရား​များ​ကို သူ​တို့​ထံမှ ဖယ်ရှား​ပြီး ထာဝရဘုရား​ကို​သာ ဝတ်ပြု​ကြ​၏​။ အစ္စရေး​လူမျိုး​တို့ ကြုံတွေ့​ရ​သော အခက်အခဲ​ပြဿနာ​များ​ကြောင့် ကိုယ်တော်​သည် သူ​တို့​ကို သနား​တော်မူ​၏​။

ရု​သ 1:15

ထို့ကြောင့် နောမိ​က ရုသ​အား “​ကြည့်​ပါ​။ သင့်​အစ်မ​သည် သူ့​လူမျိုး​၊ သူ့​ဘုရား​ရှိ​ရာ​သို့ ပြန်သွား​ပြီ​။ သင်​လည်း သူ့​နောက်သို့​လိုက်သွား​လော့​”​ဟု ဆို​လျှင်

၁ ရာ 16:5

ရှမွေလ​က​လည်း “​ထာဝရဘုရား​ထံ ယဇ်ပူဇော်​ဖို့ ငြိမ်းချမ်းရေး​အတွက် လာ​ပါ​၏​။ ကိုယ်​ကို စင်ကြယ်​စေ​ကြ​ပြီး ငါ​နှင့်အတူ ယဇ်ပူဇော်ပွဲ​သို့ လာ​ကြ​လော့​”​ဟု သူ​တို့​အား ဆို​၏​။ ယေရှဲ​နှင့် သူ့​သား​များ​ကို​လည်း စင်ကြယ်​အောင်​ပြု​ပြီးမှ ယဇ်ပူဇော်ပွဲ​သို့​လာ​ရန် ဖိတ်ခေါ်​၏​။

၁ ရာ 7:3

ထိုအခါ ရှမွေလ​က အစ္စရေး​အမျိုးသား​အပေါင်း​တို့​အား “​သင်​တို့​သည် စိတ်နှလုံး​အကြွင်းမဲ့ ထာဝရဘုရား​ထံ​တော်​သို့​ပြန်လာ​လို​လျှင် သင်​တို့​တွင်​ရှိ​သော​တိုင်းတစ်ပါးသား​တို့​၏​ဘုရား​များ​၊ အာရှတရက်​ဘုရား​များ​ကို ဖယ်ရှား​ရ​မည်​။ ထာဝရဘုရား​ထံ၌​သာ စိတ်အာရုံပြု​၍ ကိုယ်တော်​တစ်ပါးတည်း​ကို​သာ ဝတ်ပြု​ရ​မည်​။ သို့ပြုလျှင် သင်​တို့​ကို ဖိလိတ္တိ​လူမျိုး​တို့​လက်​မှ ကယ်နုတ်​တော်မူ​လိမ့်မည်​”​ဟု ဆို​၏​။