ကမ္ဘာ​ဦး 3:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ လူ​က​လည်း “​ဥယျာဉ်​၌ ကိုယ်တော်​၏​အသံ​ကို​ကြား​၍ အကျွန်ုပ်​မှာ အဝတ်မပါ​အချည်းစည်း​ဖြစ်​သောကြောင့် ကြောက်​၍ ပုန်းကွယ်​နေ​ပါ​သည်​”​ဟု လျှောက်​လေ​၏​။

Common Language Bible

¹⁰ ထို​အ​ခါ​လူ​ယောကျာ်း​က``ကိုယ်​တော်​ဥ​ယျာဉ်​ထဲ ၌​ကြွ​လာ​တော်​မူ​သော​အ​သံ​ကို​ကြား​ရ​၍ အ​ဝတ်​အ​ချည်း​စည်း​ရှိ​သော​ကြောင့်​ကြောက် ၍​ပုန်း​နေ​ပါ​သည်'' ဟု​လျှောက်​လေ​၏။

Garrad Bible

¹⁰ လူ က၊ ဥ ယျာဉ် ၌ အ သံ တော် ကို ကျွန် တော် ကြား ရ လျှင် အ ဝတ် အ ချည်း စည်း ရှိ သော ကြောင့် ကြောက် ၍ ပုန်း ရှောင် လျက် နေ ပါ သည် ဟု လျှောက် သော်၊

Judson Bible

¹⁰ လူ​က​လည်း၊ ဥ​ယျာဉ်၌ ကိုယ်​တော်၏​အ​သံ​ကို ကျွန်​တော်​ကြား​လျှင်၊ အ​ဝတ်​အ​ချည်း​စည်း​ရှိ​သော​ကြောင့်၊ ကြောက်၍ ပုန်း​လျက်​နေ​ပါ​သည်​ဟု လျှောက်​လေ၏။

ကမ္ဘာ​ဦး 3:10 ပူးပေါင်းရင်းမြစ်များ

ကမ္ဘာ​ဦး 2:25

ထို​လူ​လင်မယား​နှစ်ဦးစလုံး​တို့​သည် အဝတ်မပါ​အချည်းစည်း​နေ​ကြ​သော်လည်း ရှက်ကြောက်​ခြင်း​မ​ရှိ​ကြ​ပေ​။

ကမ္ဘာ​ဦး 3:11

ဘုရားသခင်​က​လည်း “​သင့်​မှာ​အဝတ်မပါ​အချည်းစည်း​ဖြစ်​သည်​ဟု မည်သူ​ပြော​သနည်း​။ မ​စား​ရ​ဟု သင့်​အား ငါ​ပညတ်​ထား​သော​အပင်​မှ​အသီး​ကို သင်​စား​ပြီ​လော​”​ဟု မေး​တော်မူ​၏​။

ကမ္ဘာ​ဦး 3:7

ထိုအခါ ထို​သူ​နှစ်ဦးစလုံး​သည် မျက်စိ​ပွင့်လင်း​၍ မိမိ​တို့​၌ အဝတ်မပါ​အချည်းစည်း​ဖြစ်​သည်​ကို သိသွား​သဖြင့် သူ​တို့​သည် သဖန်း​ရွက်​များ​ကို​သီချုပ်​လျက် မိမိ​တို့​အတွက် ခါးဝတ်တန်ဆာ​ကို ပြုလုပ်​ကြ​၏​။

ယောဘဝတ္တု။ 23:15

ထို့ကြောင့် ငါ​သည် ကိုယ်တော့်​ရှေ့​တွင် တုန်လှုပ်​နေ​ရ​ပါ​၏​။ တွေးမိ​တိုင်း ကိုယ်တော်​ကို ကြောက်ရွံ့​နေ​ရ​ပါ​၏​။

ယောဘဝတ္တု။ 31:33

ငါ​သည် အခြား​သော​သူ​တို့​ပြု​တတ်​သကဲ့သို့ ကိုယ့်​အပြစ်​ကို ဖုံးကွယ်​ဖူး​သလော​။ ကိုယ့်​ဒုစရိုက်​ကို စိတ်​ထဲ၌​ဝှက်​ထား​ဖူး​သလော​။

ဆာ​လံ 119:120

ကိုယ်တော်​ကို​ကြောက်ရွံ့​၍ အကျွန်ုပ်​အသား​သည် တဆတ်ဆတ်တုန်​နေ​ပါ​၏​။ ကိုယ်တော်​၏​စီရင်ထုံးဖွဲ့ချက်​တို့​ကို​လည်း အကျွန်ုပ်​ကြောက်ရွံ့​ပါ​၏​။

ထွက်​မြောက် 20:18

လူ​အပေါင်း​တို့​သည် မိုးချုန်းသံ​များ​နှင့်​တံပိုးမှုတ်သံ​ကို​ကြား​၍ လျှပ်စီး​များ​နှင့်​မီးခိုး​ထွက်​နေ​သော​တောင်​ကို တွေ့မြင်​ကြ​သောအခါ လူ​တို့​သည် ကြောက်ရွံ့တုန်လှုပ်​၍ အဝေး​၌​ရပ်​လျက်​နေ​ကြ​၏​။

ထွက်​မြောက် 20:19

ထို့နောက် သူ​တို့​က မောရှေ​အား “​သင်​သာလျှင် အကျွန်ုပ်​တို့​ကို​ဆင့်ဆို​ပါ​လော့​။ အကျွန်ုပ်​တို့​နားထောင်​ပါ​မည်​။ အကျွန်ုပ်​တို့​အား ဘုရားသခင် မိန့်ဆို​တော်​မ​မူ​ပါစေ​နှင့်​။ မိန့်ဆို​တော်မူ​လျှင် အကျွန်ုပ်​တို့​သေ​ကြ​ရ​ပါ​လိမ့်မည်​”​ဟု ဆို​ကြ​၏​။

ထွက်​မြောက် 3:6

တစ်ဖန် ဘုရားသခင်​က “​ငါ​သည် သင့်​ဖခင်​၏​ဘုရား​၊ အာဗြဟံ​၏​ဘုရား​၊ ဣဇက်​၏​ဘုရား​၊ ယာကုပ်​၏​ဘုရား​ဖြစ်​၏​”​ဟု မိန့်​တော်မူ​၏​။ မောရှေ​သည် ဘုရားသခင်​ကို​မကြည့်ဝံ့​သဖြင့် မိမိ​မျက်နှာ​ကို ဖုံးကွယ်​ထား​လေ​၏​။

ထွက်​မြောက် 32:25

အာရုန်​ကြောင့် ထို​သူ​တို့​သည် ရန်သူ​တို့​ကဲ့ရဲ့စရာ​ဖြစ်​အောင် အထိန်းအကွပ်​မ​ရှိ​ပြုမူ​ကြ​၏​။ ထိုသို့​အထိန်းအကွပ်​မ​ရှိ​ပြုမူ​နေ​ကြ​သော​လူ​တို့​ကို မောရှေ​တွေ့မြင်​သောအခါ

ဟေ​ရှာ​ယ 33:14

ဇိအုန်​မြို့​ရှိ​အပြစ်သား​တို့​သည် ကြောက်ရွံ့​ကြ​လေ​ပြီ​။ ထိတ်လန့်တုန်လှုပ်​ခြင်း​သည် ဘုရားတရားမဲ့​သူ​တို့​ကို လွှမ်းမိုး​လေ​ပြီ​။ သူ​တို့​က “​ငါ​တို့​တွင် မည်သူ​သည် တောက်လောင်​သော​မီး​ထဲ၌ နေ​နိုင်​သနည်း​။ ငါ​တို့​တွင် မည်သူ​သည် ထာဝရ​မီးတောက်​ထဲ၌ နေ​နိုင်​သနည်း​”​ဟု ဆို​ကြ​၏​။

ဟေ​ရှာ​ယ 47:3

သင်​၏​အရှက် ပေါ်​လိမ့်မည်​။ မမြင်အပ်သောအရာ​ကို မြင်​ကြ​လိမ့်မည်​။ ငါ​သည် လက်စားချေ​မည်​။ မည်သူ့​ကို​မျှ ချမ်းသာ​ပေး​မည်​မ​ဟုတ်​။

ဟေ​ရှာ​ယ 57:11

မည်သူ့​ကို ထိတ်လန့်​ကြောက်ရွံ့​၍ သင်​လိမ်လည်​သနည်း​၊ ငါ့​ကို သင်​မ​အောက်မေ့​၊ ငါ့​ကို သင့်​စိတ်​ထဲ၌ မ​ထား​။ ငါ ကြာမြင့်​စွာ​တိတ်ဆိတ်​နေ​သောကြောင့် သင်​ငါ့​ကို​မ​ကြောက်​သည် မ​ဟုတ်​လော​။

တ​ရား​ဟော 5:25

ယခု အကျွန်ုပ်​တို့​သည် အဘယ်ကြောင့် သေ​ရ​ပါ​မည်နည်း​။ အကျွန်ုပ်​တို့​သည် အကျွန်ုပ်​တို့​၏​ဘုရားသခင်​ထာဝရဘုရား​၏​အသံ​တော်​ကို ထပ်၍​ကြား​ရ​လျှင် သေ​ရ​ပါ​လိမ့်မည်​။ အကြောင်းမူကား ဤ​မီးတောက်​ကြီး​သည် အကျွန်ုပ်​တို့​ကို လောင်ကျွမ်း​လိမ့်မည်​။

၁ ယော 3:20

ငါ​တို့​၏​စိတ်နှလုံး​သည် ငါ​တို့​ကို​အပြစ်တင်​ခဲ့​လျှင်​လည်း ဘုရားသခင်​သည် ငါ​တို့​၏​စိတ်နှလုံး​ထက် ကြီးမြတ်​တော်မူ​သည်​ဖြစ်၍ အလုံးစုံ​တို့​ကို​သိ​တော်မူ​၏။

ဗျာ​ဒိတ် 16:15

(ကြည့်ရှု​လော့။ ငါ​သည် သူခိုး​ကဲ့သို့​လာ​မည်။ အဝတ်မပါ​အချည်းစည်း​ဖြင့်​သွားလာ​၍ မိမိ​အရှက်​ကို လူ​တို့​မြင်​ရ​သည့်​အဖြစ်​မျိုး​မ​ရှိ​စေရန် မိမိ​အဝတ်​များ​ကို​ထိန်းသိမ်း​လျက် သတိ​နှင့်​စောင့်​နေ​သော​သူ​သည် မင်္ဂလာရှိ​၏။)