ကမ္ဘာ​ဦး 25:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ဣဇက်​သည် မိမိ​မယား​မြုံ​သောကြောင့် သူ့​အတွက် ထာဝရဘုရား​ထံ​ဆုတောင်း​၏​။ ထာဝရဘုရား​သည် သူ​၏​ဆုတောင်း​သံ​ကို​နားညောင်း​တော်မူ​၍ သူ​၏​မယား​ရေဗက္ကာ​သည် ကိုယ်ဝန်ဆောင်​လေ​၏​။

Common Language Bible

²¹ ရေ​ဗက္က​တွင်​သား​သ​မီး​မ​ထွန်း​ကား​သ​ဖြင့် ဣ​ဇာက် သည်​ထာ​ဝ​ရ​ဘု​ရား​ထံ​၌​သား​သ​မီး​ဆု​ကို တောင်း​လေ​သည်။ ထာ​ဝ​ရ​ဘု​ရား​သည်​သူ​၏ ဆု​တောင်း​သံ​ကို​နား​ညောင်း​တော်​မူ​၍​ရေ​ဗက္က ၌​ပဋိ​သန္ဓေ​စွဲ​လေ​၏။-

Garrad Bible

²¹ ဣ ဇာက် သည် မ ယား မြုံ သော ကြောင့် ထာ၀ ရ ဘု ရား ထံ သား ဆု ပန် သည့် အ တိုင်း ထာ၀ ရ ဘု ရား နား ညောင်း တော် မူ၍ မ ယား ရေ ဗ က္က သ န္ဓေ ရ ရှိ လေ ၏။

Judson Bible

²¹ ဣ​ဇာက်​သည်၊ မိ​မိ​မ​ယား​ရေ​ဗ​က္က​မြုံ​သော​ကြောင့်၊ ထာ​ဝ​ရ​ဘု​ရား​ကို တောင်း​ပန်၍၊ ထာ​ဝ​ရ​ဘု​ရား​နား​ထောင်​တော်​မူ​သ​ဖြင့်၊ သူ၏​မ​ယား​သည် ပ​ဋိ​သ​န္ဓေ စွဲ​ယူ​လေ၏။

ကမ္ဘာ​ဦး 25:21 ပူးပေါင်းရင်းမြစ်များ

ကမ္ဘာ​ဦး 11:30

စာရဲ​မူကား မြုံ​သော​မိန်းမ​ဖြစ်၍ သားသမီး​မ​ရှိ​။

ကမ္ဘာ​ဦး 16:2

ထို့ကြောင့် စာရဲ​က အာဗြံ​အား “​ကြည့်ရှု​လော့​။ ထာဝရဘုရား​သည် အကျွန်ုပ်​အား သားသမီး​မွေးဖွား​ခွင့်​ပေး​တော်​မ​မူ​။ အကျွန်ုပ်​၏​ကျွန်မ​ထံသို့ ဝင်​ပါ​လော့​။ အကျွန်ုပ်​သည် သူ့​အားဖြင့် မိသားစု​တစ်ခု​တည်ဆောက်​နိုင်​ကောင်း​တည်ဆောက်​နိုင်​လိမ့်မည်​”​ဟု ဆို​လျှင် အာဗြံ​သည်​လည်း စာရဲ​၏​စကား​ကို​နားထောင်​လေ​၏​။

ကမ္ဘာ​ဦး 30:22

ထိုအခါ ဘုရားသခင်​သည် ရာခေလ​ကို​အောက်မေ့​တော်မူ​၏​။ ဘုရားသခင်​သည် ရာခေလ​၏​တောင်းလျှောက်သံ​ကို​နားညောင်း​၍ သူ့​အား​သန္ဓေတည်​ခွင့်​ကို​ပေး​တော်မူ​၏​။

၁ ရာ​ချုပ် 5:20

သူ​တို့​သည် ဘုရားသခင်​ကို ယုံကြည်ကိုးစား​သဖြင့် စစ်တိုက်​သောအခါ ဘုရားသခင်​ထံ​အော်ဟစ်​ဆုတောင်း​လေ့​ရှိ​၏​။ ဘုရားသခင်​သည်​လည်း သူ​တို့​အသံ​ကို နားညောင်း​တော်မူ​၍ ဟာဂရိ​လူမျိုး​နှင့်​အပေါင်းပါ​အားလုံး​ကို သူ​တို့​လက်​သို့​အပ်​တော်မူ​၏​။

၂ ရာ​ချုပ် 33:13

သူ​ဆုတောင်း​သောအခါ ကိုယ်တော်​သည် သူ့​ကို​ထူး​တော်မူ​၏​။ သူ​အသနားခံ​သည်​ကို နားညောင်း​ပြီး သူ့​ကို သူ​၏​တိုင်းနိုင်ငံ​၊ ဂျေရုဆလင်​မြို့​သို့ ပြန်လာ​စေ​တော်မူ​၏​။ ထိုအခါ ထာဝရဘုရား​သည် ဘုရားသခင်​ဖြစ်​တော်မူ​ကြောင်း​ကို မနာရှေ​မင်းကြီး​သိမြင်​လေ​၏​။

ဧ​ဇ​ရ 8:23

ထို့ကြောင့် လမ်းခရီး​အတွက် ငါ​တို့​သည် ဘုရားသခင်​ထံ အစာရှောင်​ဆုတောင်း​ကြ​၏​။ ကိုယ်တော်​သည် ငါ​တို့​ဆုတောင်းသံ​ကို နားညောင်း​တော်မူ​၏​။

ဆာ​လံ 127:3

သားသမီး​တို့​သည် ထာဝရဘုရား​ပေး​တော်မူ​သော​အမွေ​ဖြစ်​ကြ​၏​။ ဖွားမြင်​သော​ရင်သွေး​သည် ဆုလာဘ်​တော်​ဖြစ်​၏​။

ဆာ​လံ 145:19

ကိုယ်တော်​သည် မိမိ​ကို​ကြောက်ရွံ့​သော​သူ​တို့​၏ အလို​ကို ပြည့်စုံ​စေ​တော်မူ​၏​။ သူ​တို့​၏​အော်ဟစ်သံ​ကို​လည်း​ကြား​၍ သူ​တို့​ကို ကယ်တင်​တော်မူ​၏​။

ဆာ​လံ 50:15

ဆင်းရဲဒုက္ခ​ရောက်​သော​ကာလ​၌ ငါ့​ကို​ခေါ်​လော့​။ ငါ​သည် သင့်​ကို​ကယ်မ​မည်​။ သင်​သည်​လည်း ငါ့​ကို​ဂုဏ်ပြုချီးမွမ်း​လိမ့်မည်​။​”

ဆာ​လံ 65:2

ဆုတောင်းချက်​ကို​နားညောင်း​တော်မူ​သော​အရှင်​၊ လူ​အပေါင်း​တို့​သည် ကိုယ်တော့်​ထံသို့ လာ​ကြ​ပါ​လိမ့်မည်​။

ဆာ​လံ 91:15

သူ​သည် ငါ့​ကို​ခေါ်​သောအခါ သူ့​ကို​ငါ​ထူး​မည်​။ ဆင်းရဲဒုက္ခ​ရောက်​သောအခါ သူ​နှင့်အတူ​ငါ​ရှိ​မည်​။ ငါ​သည် သူ့​ကို​ကယ်မ​၍ သူ့​ကို​ဂုဏ်ပြု​မည်​။

သုတ္တံကျမ်း။ 10:24

ဆိုးယုတ်​သော​သူ​ကြောက်လန့်​သော​အမှု​သည် သူ့​အပေါ်​သို့​သက်ရောက်​လိမ့်မည်​။ ဖြောင့်မတ်​သော​သူ​တို့​၏​အလိုဆန္ဒ​ကို​ကား ကိုယ်တော်​ဖြည့်ဆည်း​ပေး​တော်မူ​လိမ့်မည်​။

ဟေ​ရှာ​ယ 45:11

အစ္စရေး​လူမျိုး​၏​သန့်ရှင်း​သော​အရှင်​၊ ထို​လူမျိုး​ကို​ပုံဖော်ဖန်ဆင်း​သော ထာဝရဘုရား​က “​ဖြစ်လာ​မည့်​အရာ​တို့​နှင့်​ပတ်သက်၍ ငါ့​ကို မေးခွန်းထုတ်​ကြ​သလော​။ ငါ့​သားသမီး​တို့​နှင့်​ပတ်သက်၍​၊ ငါ့​လက်​ပြု​သော​အမှု​နှင့်​ပတ်သက်၍ ငါ့​ကို အမိန့်ပေး​ကြ​သလော​။

ဟေ​ရှာ​ယ 58:9

သင်​ခေါ်​သောအခါ ထာဝရဘုရား ထူး​တော်မူ​မည်​။ အကူအညီ​အော်ဟစ်​တောင်းခံ​သောအခါ “​ငါ​ရှိ​၏​”​ဟု မိန့်​တော်မူ​မည်​။ သင်​သည် သူတစ်ပါး​ကို​လက်ညှိုးထိုး​ခြင်း​၊ ယုတ်ညံ့​သော​စကား​ပြောဆို​ခြင်း​ဟူသော သင့်​တွင်​ရှိ​သော​ထမ်းပိုး​ကို ဖယ်ရှား​၍

ဟေ​ရှာ​ယ 65:24

သူ​တို့​မ​ခေါ်​မီ ငါ​ထူး​မည်​။ သူ​တို့​တောင်းလျှောက်​နေစဉ် ငါ​နားထောင်​မည်​။

လုကာ 1:13

ကောင်းကင်တမန်​က “ဇာခရိ၊ ကြောက်ရွံ့​ခြင်း​မ​ရှိ​နှင့်။ သင်​၏​ဆုတောင်း​သံ​ကို ဘုရားသခင်​နားညောင်း​တော်မူ​ပြီ။ သင်​၏​ဇနီး​အဲလစ်ဇဘက်​သည် သားယောက်ျား​ကို​ဖွားမြင်​လိမ့်မည်။ ထို​သား​၏​အမည်​ကို ယောဟန်​ဟု​မှည့်ခေါ်​ရ​မည်။

လုကာ 1:7

သို့သော် အဲလစ်ဇဘက်​သည် အမြုံ​ဖြစ်​၍ သူ​တို့​၌​သားသမီး​မ​ရှိ။ သူ​တို့​နှစ်ဦးစလုံး​သည်​လည်း အသက်​ကြီးရင့်​နေ​ကြ​ပြီ​ဖြစ်​၏။

၁ ရာ 1:11

“​ကောင်းကင်​ဗိုလ်ခြေ​အရှင်​ထာဝရဘုရား​၊ ကိုယ်တော့်​ကျွန်မ ခံရ​သော​ဆင်းရဲဒုက္ခ​ကို အကယ်စင်စစ် ကြည့်​တော်မူ​ပါ​။ ကိုယ်တော့်​ကျွန်မ​ကို မ​မေ့လျော့​ဘဲ အောက်မေ့​တော်မူ​ပါ​။ ကိုယ်တော့်​ကျွန်မ​အား သား​ယောက်ျား​ကို​ပေးသနား​တော်မူ​ပါ​။ သို့ပြုလျှင် အကျွန်ုပ်​သည် သူ့​ဘဝ​တစ်ခုလုံး​ကို ထာဝရဘုရား​ထံ ဆက်ကပ်​အပ်နှံ​ပါ​မည်​။ သူ့​ဆံပင်​ကို​လည်း မ​ရိတ်​ပါ​”​ဟု ကတိသစ္စာ​ပြု​ဆုတောင်း​လေ​၏​။

၁ ရာ 1:17

ဧလိ​က “​ငြိမ်ဝပ်​စွာ​သွား​လော့​။ အစ္စရေး​လူမျိုး​၏​ဘုရားသခင်​သည် သင်​တောင်းလျှောက်​သော​ဆု​ကို ပေးသနား​တော်မူ​ပါစေသော​”​ဟု ဆို​၏​။

၁ ရာ 1:2

ထို​သူ​၌ မယား​နှစ်​ယောက်​ရှိ​၏​။ တစ်​ယောက်​၏​အမည်​မှာ ဟန္န​ဖြစ်ပြီး နောက်တစ်ယောက်​၏​အမည်​မှာ ပေနိန္န​ဖြစ်​၏​။ ပေနိန္န​၌ သားသမီး​ရှိ​၏​။ ဟန္န​၌ကား သားသမီး​မ​ရှိ​ချေ​။

၁ ရာ 1:27

ဤ​သား​ကို​ရ​ဖို့ ဆုတောင်း​ခဲ့​ရာ ထာဝရဘုရား​သည် အကျွန်ုပ်​တောင်းလျှောက်​သော​ဆု​ကို ပေးသနား​တော်မူ​ပါ​ပြီ​။